You are here

കൂട്ട ബലാൽസംഗം: യു.പി മന്ത്രിക്കെതിരെ കേസെടുക്കണമെന്ന്​ സുപ്രീംകോടതി

15:07 PM
17/02/2017
മുലായം സിങ്​ യാദവി​െൻറ കാൽ തൊട്ട്​ വന്ദിക്കുന്ന ഗായത്രി പ്രജാപതി

ലഖ്നോ: കൂട്ട ബലാൽസംഗ കേസിൽ ഉത്തർപ്രദേശ്​ മന്ത്രിയും അമേഠി മണ്ഡലത്തിലെ സമാജ്​വാദി പാർട്ടി സ്​ഥാനാർഥിയുമായ ഗായത്രി പ്രജാപതിക്കെതിരെ എഫ്.​​െഎ.ആർ രജിസ്​റ്റർ ചെയ്യാൻ സുപ്രീംകോടതി ഉത്തരവിട്ടു. കേസന്വേഷിച്ച്​ എട്ട്​ ആഴ്ചക്കകം മറുപടി നൽകാനാണ്​ കോടതി യു.പി പൊലീസിനോട്​ നിർദേശിച്ചത്​.

നേരത്തെ അഴിമതി വിഷയത്തിലും വോട്ടർമാർക്ക് ​കൈക്കുലി നൽകിയ സംഭവത്തിലും തെരഞ്ഞെടുപ്പ്​ കമീഷൻ പ്രജാപതിയെ താക്കീത്​ ചെയ്​തിരുന്നു. വോട്ടർമാർക്ക്​ നൽകാൻ പ്രജാപതിയുടെ പേരിൽ വിതരണം ചെയ്യാനായി കൊണ്ടുപോയ  4452 സാരിയുടെ പേരിൽ ​ഇയാൾക്കെതിരെ ​പൊലീസ്​ കേസെടുത്തിരുന്നു. ഇതിൽ തുടർനടപടി എടുക്കാത്തതിൽ പൊലീസിൽ നിന്ന്​ വിശദീകരണവും തെരഞ്ഞെടുപ്പ്​ കമീഷൻ ആരാഞ്ഞിരുന്നു.

അഖിലേഷ്​ മന്ത്രിസഭയിൽ ഖനന വകുപ്പ്​ കൈകാര്യം ചെയ്​തിരുന്ന ഗായത്രിയെ അഴിമതിയാരോപണത്തിലും ഭൂമിതട്ടിപ്പിലും ആരോപണവിധേയനായതിനെ തുടർന്ന്​ പുറത്താക്കിയെങ്കിലും പീന്നീട്​ തിരിച്ചെടുത്തിരുന്നു. ഖനന വകുപ്പിനു കീഴില്‍ നടന്ന അഴിമതിയെക്കുറിച്ച് ജൂലൈ 28ന് അലഹബാദ് ഹൈകോടതി സി.ബി.ഐ അന്വേഷണത്തിന് ഉത്തരവിടുകയും  കേസന്വേഷണത്തിന്‍െറ പുരോഗതി ആറാഴ്ചക്കകം കോടതിയില്‍  സമര്‍പ്പിക്കാനും നിര്‍ദേശിച്ചിരുന്നു. അഴിമതിയാരോപണത്തെ തുടര്‍ന്ന് ഗായത്രി പ്രജാപതി ലോകായുക്ത അന്വേഷണവും നേരിടുന്നുണ്ട്.
 

COMMENTS