കുട്ടികളെ നഗ്നരാക്കിയ സംഭവം: ബേക്കറി ഉടമയും മക്കളും അറസ്റ്റിൽ 

താനെ: ഭക്ഷണം മോഷ്​ടിച്ചുവെന്ന് ആരോപിച്ച്​ രണ്ടു കുട്ടികളെ നഗ്നരാക്കി ചെരുപ്പുമാല അണിയിച്ച്​ തെരുവിലൂടെ നടത്തിയ സംഭവത്തിൽ ബേക്കറി ഉടമയും മക്കളും അറസ്റ്റിൽ. ബേക്കറി ഉടമ മെഹമൂദ്​ പാത്താൻ, മക്കളായ ഇർഫാൻ (26), സലിം (22) എന്നിവരെയാണ് താനെ പൊലീസ് കസ്റ്റഡിയിലെടുത്തത്. 

മേയ് 21ന് താനെ ഉല്ലാസ്​ നഗർ പട്ടണത്തിലെ പ്രേംനഗറിലാണ്​ എട്ടും ഒമ്പതും വയസായ രണ്ടു കുട്ടികൾക്ക്​ ദുരനുഭവമുണ്ടായത്​. സുഹൃത്തുക്കളായ കുട്ടികൾ വീടിനു സമീപത്തെ ബേക്കറിയിൽ കയറി ഉടമയുടെ അനുവദമില്ലാതെ ഒരു പാക്കറ്റ്​​ മുറുക്ക്​ എടുത്ത്​ കഴിക്കുകയായിരുന്നു. 

ഇത്​ കണ്ട്​ ​േദഷ്യത്തിലായ ബേക്കറി ഉടമ മെഹമൂദ്​ പാത്താൻ കുട്ടികളെ പിടിച്ചു വച്ചു. തുടർന്ന് പാത്താനും മക്കളും ചേർന്ന്​ കുട്ടികളുടെ തല മുണ്ഡനം ചെയ്​ത്​ നഗ്​നരാക്കി ചെരുപ്പുമാല അണിയിക്കുകയും തെരുവിലൂടെ നടത്തുകയും ചെയ്​തു. 

വിവരമറിഞ്ഞ കുട്ടികളുടെ രക്ഷിതാക്കൾ പൊലീസിൽ പരാതി നൽകുകയായിരുന്നു. പരാതിയുടെ അടിസ്​ഥാനത്തിലാണ് പൊലീസ്​കസ്റ്റഡിയിൽ എടുത്തത്.