ജമ്മു-കശ്മീരിന്റെ കാര്യത്തിൽ പാർലമെന്റിന് സമ്പൂർണ അധികാരമില്ല -കപിൽ സിബൽ

ന്യൂ​ഡ​ൽ​ഹി: ജ​മ്മു-​ക​ശ്മീ​രി​ന്റെ കാ​ര്യ​ത്തി​ൽ പാ​ർ​ല​മെ​ന്റി​ന് സ​മ്പൂ​ർ​ണ അ​ധി​കാ​ര​മി​​ല്ലെ​ന്നും ഭ​ര​ണ​ഘ​ട​ന​യു​ടെ 370ാം അ​നുഛേ​ദം പ​രി​മി​ത​പ്പെ​ടു​ത്തി​യ​താ​ണ് ആ ​അ​ധി​കാ​ര​മെ​ന്നും മു​തി​ർ​ന്ന അ​ഭി​ഭാ​ഷ​ക​ൻ ക​പി​ൽ സി​ബ​ൽ സു​പ്രീം​കോ​ട​തി​യി​ൽ ബോ​ധി​പ്പി​ച്ചു. ജ​മ്മു-​ക​ശ്മീ​ർ കേ​സി​ലു​ള്ള വാ​ദം കേ​ൾ​ക്ക​ലി​ന്റെ 15ാം ദി​വ​സം സ​ർ​ക്കാ​ർ വാ​ദ​ങ്ങ​ൾ​ക്ക് മ​റു​വാ​ദം ന​ട​ത്തു​ക​യാ​യി​രു​ന്നു ക​പി​ൽ സി​ബ​ൽ.

ജ​മ്മു-​ക​ശ്മീ​രി​ന്റെ കാ​ര്യ​ത്തി​ൽ പാ​ർ​ല​മെ​ന്റി​ന് സ​മ്പൂ​ർ​ണ അ​ധി​കാ​ര​മു​ണ്ടെ​ന്ന മി​ത്താ​ണ് സു​പ്രീം​കോ​ട​തി​ക്കു​മു​മ്പാ​കെ അ​വ​ത​രി​പ്പി​ക്ക​പ്പെ​ട്ട​തെ​ന്ന് സി​ബ​ൽ ബോ​ധി​പ്പി​ച്ചു. നേ​ർ​വി​പ​രീ​ത​മാ​ണ് വ​സ്‍തു​ത. നി​യ​മം നി​ർ​മി​ക്കാ​നു​ള്ള പാ​ർ​ല​മെ​ന്റി​ന്റെ അ​ധി​കാ​രം 370ാം അ​നുഛേ​ദം പ​രി​മി​ത​പ്പെ​ടു​ത്തു​ക​യാ​ണ് ചെ​യ്ത​ത്. നി​യ​മ​നി​ർ​മാ​ണ​ത്തി​ൽ പാ​ർ​ല​മെ​ന്റി​നു​ള്ള പ​രി​മി​തി​യാ​ണി​ത്. ഈ ​പ​രി​മി​തി തു​റി​ച്ചു​നോ​ക്കു​മ്പോ​ഴാ​ണ് നി​ങ്ങ​ൾ സ​മ്പൂ​ർ​ണ അ​ധി​കാ​ര​ത്തെ കു​റി​ച്ച് പ​റ​യു​ന്ന​ത്. എ​വി​ടെ​യാ​ണ് ആ ​സ​മ്പൂ​ർ​ണ അ​ധി​കാ​രം? പാ​ർ​ല​മെ​ന്റ​ല്ല, ജ​മ്മു-​ക​ശ്മീ​ർ മ​ന്ത്രി​സ​ഭ​യാ​ണ് അ​ത് തീ​രു​മാ​നി​ക്കു​ക. ജ​മ്മു-​ക​ശ്മീ​രി​ന്റെ ഇ​ന്ത്യ​യു​മാ​യു​ള്ള സാ​വ​ധാ​ന​മു​ള്ള ഉ​ദ്ഗ്ര​ഥ​നം ഉ​റ​പ്പാ​ക്കു​ന്ന​തി​നാ​യി​രു​ന്നു ഈ ​രീ​തി സ്വീ​ക​രി​ച്ച​തെ​ന്നും ക​പി​ൽ സി​ബ​ൽ പ​റ​ഞ്ഞു.

ഭ​ര​ണ​ഘ​ട​ന​ക്ക് വൈ​കാ​രി​ക ഭൂ​രി​പ​ക്ഷ വ്യാ​ഖ്യാ​നം ന​ൽ​കു​ന്ന​ത് അം​ഗീ​ക​രി​ക്കാ​നാ​വി​ല്ല. ജ​മ്മു-​ക​ശ്മീ​രി​ലെ എ​ല്ലാ​വ​രും ഇ​ന്ത്യ​ൻ പൗ​ര​ന്മാ​രാ​ണ്. ച​രി​ത്ര​പ​ര​മാ​യി അ​വ​ർ​ക്ക് ചി​ല അ​വ​കാ​ശ​ങ്ങ​ൾ ന​ൽ​കു​ന്ന അ​നുഛേ​ദ​മു​ണ്ടെ​ങ്കി​ൽ അ​തി​നെ നി​യ​മ​പ​ര​മാ​യി പ്ര​തി​രോ​ധി​ക്കാ​ൻ അ​വ​കാ​ശ​മു​ണ്ട്. ജ​മ്മു-​ക​ശ്മീ​രി​ന്റെ കാ​ര്യ​ത്തി​ൽ ഭ​ര​ണ​ഘ​ട​നാ​പ​ര​മാ​യ പ​രി​ഹാ​ര​മി​​ല്ലെ​ന്നും രാ​ഷ്ട്രീ​യ പ​രി​ഹാ​ര​മാ​ണ് വേ​ണ്ട​തെ​ന്നു​മ​ല്ലേ താ​ങ്ക​ൾ പ​റ​യു​ന്ന​തെ​ന്ന് ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡ് ക​പി​ൽ സി​ബ​ലി​നോ​ട് ചോ​ദി​ച്ചു. ഭ​ര​ണ​ഘ​ട​നാ സ​ഭ ജ​മ്മു-​ക​ശ്മീ​ർ ഭ​ര​ണ​ഘ​ട​ന​യു​ണ്ടാ​ക്കി​യ​തോ​ടെ 370ാം അ​നുഛേ​ദം ജ​മ്മു-​ക​ശ്മീ​രി​ന്റെ സ്ഥി​ര​മാ​യ സ്വ​ഭാ​വ​മാ​യി തു​ട​രു​മെ​ന്ന​ല്ലേ താ​ങ്ക​ളു​ടെ വാ​ദ​മെ​ന്നും ചീ​ഫ് ജ​സ്റ്റി​സ് ചോ​ദി​ച്ചു. ജ​മ്മു- ക​ശ്മീ​രു​കാ​രോ​ട് നി​ല​വി​ലു​ള്ള അ​വ​സ്ഥ​യി​ൽ​നി​ന്ന് പു​റ​ത്തു​ക​ട​ക്കാ​നു​ള്ള വ​ഴി​യെ​ന്ത് എ​ന്ന് പ​റ​യാ​നു​ള്ള​ത​ല്ല സു​പ്രീം​കോ​ട​തി. പു​റ​ത്തു​ക​ട​ക്കാ​നു​ള്ള വ​ഴി രാ​ഷ്ട്രീ​യ​പ്ര​ക്രി​യ​യാ​ണെ​ന്നും അ​ത​വ​ർ​ക്ക​റി​യാ​മെ​ന്നും സി​ബ​ൽ കൂ​ട്ടി​ച്ചേ​ർ​ത്തു.

സഹൂർ ഭട്ടിനെ തിരിച്ചെടുത്തു

ന്യൂ​ഡ​ൽ​ഹി: 370ാം അ​നുഛേ​ദം റ​ദ്ദാ​ക്കി​യ​തി​നെ​തി​രെ ജ​മ്മു-​ക​ശ്മീ​രി​നാ​യി സു​പ്രീം​കോ​ട​തി​യി​ൽ വാ​ദി​ച്ച​തി​ന് സ​സ്​​പെ​ൻ​ഡ് ചെ​യ്ത ല​ക്ച​റ​ർ സ​ഹൂ​ർ അ​ഹ്മ​ദ് ഭ​ട്ടി​നെ സ​ർ​വി​സി​ൽ തി​രി​ച്ചെ​ടു​ത്തു. സ​സ്പെ​ൻ​ഷ​ൻ പ്ര​തി​കാ​ര​മാ​ണോ എ​ന്ന് ചോ​ദി​ച്ച ചീ​ഫ് ജ​സ്റ്റി​സ് അ​ധ്യ​ക്ഷ​നാ​യ അ​ഞ്ചം​ഗ ഭ​ര​ണ​ഘ​ട​ന ബെ​ഞ്ച് ജ​മ്മു-​ക​ശ്മീ​ർ ല​ഫ്റ്റ​ന​ന്റ് ഗ​വ​ർ​ണ​റോ​ട് സം​സാ​രി​ച്ച് കാ​ര​ണം അ​റി​യി​ക്കാ​ൻ കേ​ന്ദ്ര സ​ർ​ക്കാ​റി​നോ​ട് ആ​വ​ശ്യ​പ്പെ​ട്ട​തി​നെ തു​ട​ർ​ന്നാ​ണ് പി​ന്മാ​റ്റം.