ഏഴ്​ റോഹിങ്ക്യൻ അഭയാർഥികളെ മ്യാൻമറി​ലേക്ക്​ തിരിച്ചയച്ചു

ന്യൂഡൽഹി: ഇന്ത്യയ​ിലേക്ക്​ ഏഴ്​ റോഹിങ്ക്യൻ മുസ്​ലിം അഭയാർഥികളെ മ്യാൻമറിലേക്ക്​ തിരിച്ചയച്ചു. റോഹിങ്ക്യൻ അഭയാർഥികളെ തിരിച്ചയക്കരുതെന്ന്​ ആവശ്യപ്പെട്ട്​ സമർപ്പിച്ച ഹരജി സുപ്രീംകോടതി തള്ളിയതോടെയാണ്​ നടപടികൾ പൂർത്തിയാക്കി ഇവരെ അധികൃതർ മടക്കി അയച്ചത്​.

ഇതാദ്യമായാണ്​ റോഹിങ്ക്യൻ അഭയാർഥികളെ ഇന്ത്യയിൽ നിന്ന്​ ഒൗദ്യോഗികമായി മടക്കി അയക്കുന്നത്​. റോഹിങ്ക്യകൾ അനധികൃത കുടിയേറ്റക്കാരാണെന്ന വാദം അംഗീകരിച്ചാണ്​ സുപ്രീംകോടതി ഇതുസംബന്ധിച്ച ഹരജി തള്ളിയത്​​.

അതേ സമയം, കേന്ദ്രസർക്കാറി​​​​െൻറ നടപടി ​അന്താരാഷ്​ട്ര നിയമങ്ങളുടെ ലംഘനമാണെന്ന്​ ​െഎക്യരാഷ്​ട്രസഭ പ്രതികരിച്ചിരുന്നു. കുടിയേറ്റക്കാരുടെ അവകാശങ്ങളുടെ ലംഘനമാണിതെന്ന്​ യു.എന്നിലെ പ്രത്യേക വംശീയ വിഭാഗം വക്​താവ്​ തെന്ദായി അച്യും പറഞ്ഞിരുന്നു.