കൂടുതൽ എലൈറ്റായി െഎ20
text_fieldsഒാേട്ടാ എക്സ്പോയിൽ സ്വിഫ്റ്റിെൻറ മായക്കാഴ്ചകളിൽ മുങ്ങിപ്പോയൊരു താരമുണ്ട്. എന്നും അതായിരുന്നു ഇൗ കരുത്തെൻറ വിധി. മഹാഭാരതത്തിലെ ഭീമനെപ്പോലെ രണ്ടാമനാകാൻ ജനിച്ചവൻ. മഹാഭാരതത്തിൽ അർജുനനാണ്മുമ്പനെങ്കിൽ വാഹനേതിഹാസത്തിൽ സ്വിഫ്റ്റിനാണ് ആ റോൾ. എലൈറ്റ് െഎ20യാണ് എന്നും പിന്നിലാക്കപ്പെടുന്ന ആ ഹതഭാഗ്യൻ.
വിൽപന പട്ടികകളിൽ രണ്ടാമൂഴക്കാരനാണെങ്കിലും ജനമനസ്സുകളിൽ ഹ്യൂണ്ടായുടെ എലൈറ്റ് െഎ 20 എന്നും ഒന്നാമതായിരുന്നു. ഇൗടും കരുത്തും ഭംഗിയും ഒത്തിണങ്ങിയ െഎ20 ലക്ഷക്കണക്കിന് ഇന്ത്യക്കാർക്ക് സംതൃപ്തിയേകുന്നുണ്ട്. കഴിഞ്ഞ ഒാേട്ടാ എക്സ്പോയിലെ മുഖ്യ ആകർഷണങ്ങളിലൊന്ന് മുഖംമിനുക്കിയ എലൈറ്റ് െഎ20യായിരുന്നു. ചെറിയ മാറ്റങ്ങളോടെയാണെങ്കിലും കൂടുതൽ ആകർഷകമായാണ് എലൈറ്റിെന ഹ്യൂണ്ടായ് അണിയിച്ചൊരുക്കിയിരിക്കുന്നത്.
മുന്നിൽ പുതിയ ബമ്പറും ഗ്രില്ലും ഹെഡ്ലൈറ്റും വന്നു. ഡെ ടൈം റണ്ണിങ് ലാേമ്പാടുകൂടിയ ഹെഡ്ലൈറ്റ് കൂടുതൽ മനോഹരം. പിറകിൽ ടെയിൽ ലൈറ്റും ബമ്പറും മാറിയിട്ടുണ്ട്. ടെയിൽ ലൈറ്റിലെ പുതിയ എൽ.ഇ.ഡി വിന്യാസം മികച്ചത്. േനരെത്ത ബമ്പറിൽ പിടിപ്പിച്ചിരുന്ന നമ്പർ പ്ലേറ്റിെൻറ സ്ഥാനം മുകളിലേക്ക് മാറി. മുട്ടയോട് സാമ്യമുള്ള അഞ്ച് കണ്ണറകളുള്ള പുത്തൻ 15ഇഞ്ച് അലോയ്വീലുകളും ഗാംഭീര്യം നൽകും.
ഉള്ളിലെ മാറ്റങ്ങളിൽ പ്രധാനം ഏഴ് ഇഞ്ച് ഇൻഫോടൈൻമെൻറ് സിസ്റ്റത്തിെൻറ വരവാണ്. നാവിഗേഷൻ, ആപ്പിൾ കാർപ്ലേ, ആൻഡ്രോയ്ഡ് ഒാേട്ടാ തുടങ്ങിയ പ്രത്യേകതകളും ഇതിലുണ്ട്. ഒാേട്ടാമാറ്റിക് ക്ലൈമറ്റിക് കൺട്രോൾ, ടിൽറ്റ് ആൻഡ് ടെലസ്കോപിക് സ്റ്റിയറിങ്, തനിയെ മടങ്ങുന്ന സൈഡ് മിററുകൾ, സ്റ്റിയറിങ്ങിലെ നിയന്ത്രണങ്ങൾ, എട്ട് സ്പീക്കറുകൾ തുടങ്ങിയവയാണ് മറ്റ് പ്രത്യേകതകൾ.
വിവിധ വേരിയൻറുകളിലായി ഇനിയുമേറെ സവിശേഷതകളും എലൈറ്റിനുണ്ട്. എ.ബി.എസ്, ഇരട്ട എയർബാഗ്, സ്പീഡ് സെൻസ് ചെയ്ത് ലോക്കാകുന്ന ഡോറുകൾ തുടങ്ങിയവ സ്റ്റാൻഡേർഡ് ആയി നൽകാൻ ഹ്യൂണ്ടായ് ശ്രദ്ധിച്ചിട്ടുണ്ട്. 1396 സി.സി ഡീസൽ എൻജിൻ 88 ബി.എച്ച്.പി കരുത്ത് ഉൽപാദിപ്പിക്കും. 22.54 കിലോമീറ്ററാണ് ഇന്ധനക്ഷമത. 1197 സി.സി പെട്രോൾ എൻജിൻ 81 ബി.എച്ച്.പി കരുത്ത് ഉൽപാദിപ്പിക്കും. 18.6 കിേലാമീറ്ററാണ് ഇന്ധനക്ഷമത.
എന്നും എലൈറ്റിലെ താരങ്ങൾ ഡീസൽ വാഹനങ്ങളായിരുന്നു. മികച്ച കുതിപ്പും ഇന്ധനക്ഷമതയും അവയുടെ പ്രത്യേകതകളുമാണ്. കുറഞ്ഞ ഒാട്ടമുള്ളവർക്ക് പെട്രോൾ എലൈറ്റ് പരിഗണിക്കാവുന്നതാണ്. ഡീസലും പെട്രോളും തമ്മിൽ വിലയിൽ 1.20 മുതൽ 1.40 ലക്ഷം വരെ വ്യത്യാസമുണ്ട്. മുടക്കുമുതൽ കുറവുള്ളവർക്ക് പെട്രോളായിരിക്കും ലാഭകരം. ത്രസിപ്പിക്കുന്ന കുതിപ്പും ആറ് സ്പീഡ് ഗിയർബോക്സിെൻറ സമാധാനവും ആഗ്രഹിക്കുന്നവർക്ക് തീർച്ചയായും ഡീസൽ പരിഗണിക്കാം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.