ലോകത്തിലെ വേഗമേറിയ ആഡംബര സെഡാൻ ഇന്ത്യയിലെത്തുന്നു
text_fieldsലോകത്തിലെ ഏറ്റവും വേഗമേറിയ ആഡംബര സെഡാൻ എന്ന ഖ്യാതിയുള്ള മസരട്ടി ക്വാട്രോപോർേട്ട ജി.ടി.എസ് ഇന്ത്യയിലെത്തുന്നു. കഴിഞ്ഞ ഡിസംബറിൽ തന്നെ കമ്പനി കാറിെൻറ ലോഞ്ചിങ് പ്രഖ്യാപിച്ചിരുന്നു. ഇറക്കുമതി ചെയ്ത കാറിെൻറ ചിത്രങ്ങൾ പങ്കുവെച്ചാണ് മോഡലിെൻറ വരവ് മസരട്ടി ആഘോഷമാക്കുന്നത്.
നാല് ഡോറുകളുള്ള കാറിനെ മുഴുവൻ ആഡംബര സൗകര്യങ്ങളും ഉൾക്കൊള്ളിച്ചാണ് മസരട്ടി രംഗത്തിറക്കുന്നത്. റോയൽ ബ്ലൂ നിറത്തിൽ െഎവറി ഇൻറീരിയറോട് കൂടിയാതാണ് മസരട്ടിയുടെ പുത്തൻ കാർ. ഗ്രാൻലുസോ, ഗ്രാൻസ്പോർട്ട് എന്നിങ്ങനെ രണ്ട് ഒാപ്ഷനുകളിൽ കാർ ഇന്ത്യയിലെത്തും. ഗ്രാൻലുസോ വേരിയൻറിൽ ക്രോം ഇൻസേർട്ടുകൾ, ബോഡി കളർ സൈഡ് സ്കേർട്ടുകൾ, ബംപർ സ്പോയിലർ, അലോയ് വീലുകൾ എന്നിവയുണ്ടാകും. ഗ്രാൻസ്പോർട്ടിനെ കുറച്ച് കൂടി സ്പോർട്ടിയായാണ് അണിയിച്ചൊരുക്കിയിരിക്കുന്നത്.
3.8 ലിറ്റർ ട്വിൻ ടർബോ വി 8 എൻജിനാണ് കാറിന് കരുത്ത് പകരുക. 522 ബി.എച്ച്.പി കരുത്ത് 6500-6800 ആർ.പി.എമ്മിലും 710- എൻ.എം ടോർക്ക് 2250-^3500 ആർ.പി.എമ്മിലും നൽകും. 0-^100ലെത്താൻ 4.7 സെക്കൻഡ് മതിയാകും. മണിക്കൂറിൽ 310 കിലോ മീറ്ററാണ് പരമാവധി വേഗത. 2.8 കോടിയായിരിക്കും കാറിെൻറ ഇന്ത്യയിലെ വില.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.