ഹിറോയുടെ ഇലക്ട്രിക് സ്കൂട്ടർ 'ഫ്ലാഷ്' വിപണിയിൽ
text_fieldsഹീറോ ഗ്രൂപ്പിെൻറ ഇലക്ട്രിക് ഡിവിഷൻ 'ഫ്ലാഷ്' ഇലക്ട്രിക് സ്കൂട്ടർ പുറത്തിറക്കി. 19,990 രൂപയാണ് സ്കൂട്ടറിെൻറ ഡൽഹി ഷോറും വില. ആദ്യമായി ഇലക്ട്രിക് സ്കൂട്ടർ ഉപയോഗിക്കുന്നവരെയാണ് കമ്പനി ലക്ഷ്യം വെക്കുന്നത്. നഗരങ്ങളിലെ ചെറു യാത്രകൾക്ക് ഉപയോഗിക്കാൻ കഴിയും വിധമാണ് സ്കൂട്ടറിെൻറ ഡിസൈൻ നിർവഹിച്ചിരിക്കുന്നത്.
250 വാട്ട് ഇലക്ട്രിക് മോേട്ടാറാണ് സ്കൂട്ടറിെൻറ ഹൃദയം. 48 വോൾട്ട് 20Ah ബാറ്ററിയാണ് സ്കൂട്ടറിെൻറ ഇലക്ട്രിക് മോേട്ടാറിന് പവർ നൽകുന്നത്. ഒരൊറ്റ ചാർജിങ്ങിൽ 65 കിലോ മീറ്റർ വരെ സഞ്ചരിക്കാൻ സ്കൂട്ടറിന് സാധിക്കും. 87 കിലോ ഗ്രാമാണ് സ്കൂട്ടറിെൻറ ഭാരം. പുതിയ സ്കൂട്ടർ ഒാടിക്കുന്നതിനായി ഡ്രൈവിങ് ലൈസൻസും ആവശ്യമില്ല.
സ്കൂട്ടറിെൻറ ഡിസൈനിൽ പുതു പരീക്ഷണങ്ങൾക്കൊന്നും ഹീറോ മുതിർന്നിട്ടില്ല. വലിയ ഹെഡ് ലാമ്പും ഇൻസ്ട്രുമെേൻറഷൻ ക്ലസ്റ്ററും സ്കൂട്ടറിന് ഫ്രെഷ് ലുക്ക് സമ്മാനിക്കുന്നുണ്ട്. മഗ്നീഷ്യം അലോയ് വീൽ, ടെലിസ്കോപ്പിക് ഫ്രെണ്ട് ഫോർക്സ്, ഫുൾബോഡി ക്രാഷ്ഗാർഡ്സ് എന്നിവയാണ് മറ്റ് പ്രത്യേകതകൾ. സീറ്റിനടിയിൽ സ്റ്റോറേജ് സംവിധാനവും ഹീറോ നൽകിയിരിക്കുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.