ഇനിമുതൽ ഡ്യൂക്​​ 790 ഇല്ല, 890 മാത്രം; കെ.ടി.എമ്മിന്‍റെ കരുത്തനെത്തി

ബി‌എസ് 6 എമിഷൻ മാനദണ്ഡങ്ങൾ നടപ്പിലാക്കിയതിനെത്തുടർന്ന് നിർത്തലാക്കിയ കെടിഎം 790 ഡ്യൂക്കിന്‍റെ പിൻഗാമിയായ പുത്തൻ ബൈക്കെത്തി. 890 സി.സി എഞ്ചിനുള്ള കൂടുതൽ കരുത്തുള്ള വാഹനമാണ്​ കെ.ടി.എം നിരത്തിലെത്തിച്ചിരിക്കുന്നത്​. 889 സിസി പാരലൽ-ട്വിൻ, ലിക്വിഡ്-കൂൾഡ് എൽസി 8 സി എഞ്ചിൻ 115 എച്ച്പി കരുത്തും 92 എൻഎം ടോർക്കും ഉത്​പാദിപ്പിക്കും. 2021ൽ അരങ്ങേറിയ കെടിഎം 890 ആർ മോഡലിന്​ താഴെയാകും ഡ്യൂക്ക് 890 സ്ഥാനം പിടിക്കുക. 7

90 ഡ്യൂക്കിനേക്കാൾ 5 മിമി കുറവാണ് സീറ്റിന്‍റെ ഉയരം. 890 ഡ്യൂക്ക് ആർ പോലെ ക്രോമിയം-മോളിബ്ഡിനം സ്റ്റീൽ ഫ്രെയിമും അലുമിനിയം സബ്ഫ്രെയിമുമാണ്​ 890 ഡ്യൂക്ക് ഉപയോഗിക്കുന്നത്​. ആക്രമണാത്മക ബ്രേക്ക് പാഡുകൾ വഴി ബ്രേക്കിങ്​ സിസ്റ്റം മെച്ചപ്പെടുത്തിയതായും കെടിഎം അവകാശപ്പെടുന്നു. മുന്നിൽ ഇരട്ട 300 എംഎം ഡിസ്കുകളാണ്​ ബ്രേക്കിങ്​ ഡ്യൂട്ടി നിർവഹിക്കുക. 790 ഡ്യൂക്കിലെ മാക്സിസ് ടയറുകളിൽ നിന്ന് കോണ്ടിനെന്‍റൽ കോണ്ടിറോഡ് ടയറുകളിലേക്ക് മാറുന്നതാണ് മറ്റൊരു പ്രധാന മാറ്റം. 790ലെ എൽഇഡി ഹെഡ്​ലൈറ്റ്, ഫ്യൂവൽ ടാങ്ക്, പ്ലാസ്റ്റിക് ടാങ്ക് എക്സ്റ്റൻഷൻ, സീറ്റുകൾ എന്നിവ നിലനിർത്തുന്നു.

കറുപ്പ്, ഓറഞ്ച് എന്നീ രണ്ട് നിറങ്ങളിൽ വാഹനം ലഭ്യമാണ്. പുതിയ സ്റ്റിക്കറുകളും ബ്ലാക്ക് ഔട്ട് അലുമിനിയം സബ്ഫ്രെയിമും നൽകിയിട്ടുണ്ട്​. അന്താരാഷ്ട്ര വിപണിയിൽ ഈ ബൈക്ക് ഉടൻ വിൽപ്പനയ്‌ക്കെത്തുമെന്നാണ്​ പ്രതീക്ഷിക്കുന്നത്​. 2021 അവസാനത്തോടെ കെടിഎം 890 ഡ്യൂക് ഇന്ത്യയിലെത്തും. 8.5-9.5 ലക്ഷം രൂപയാണ്​ വില പ്രതീക്ഷിക്കുന്നത്​.