ഫംഗസ് ബാധയിൽ നിന്ന് നഖങ്ങളെ സംരക്ഷിക്കാം
text_fieldsനഖങ്ങളിെല ഫംഗസ് ബാധ പലരും അഭിമുഖീകരിക്കേണ്ടി വരുന്ന പ്രശ്നമാണ്. സ്ത്രീകളേക്കാൾ കൂടുതൽ പുരുഷൻമാരിലും കുട്ടികളേക്കാൾ കൂടുതൽ പ്രായമുള്ളവരിലുമാണ് നഖങ്ങളിൽ അണുബാധ കാണുന്നത്. എന്നാൽ, കുടുംബാംഗങ്ങളിൽ ആർക്കെങ്കിലും അണുബാധയുണ്ടെങ്കിൽ നിങ്ങൾക്കും വരാനുള്ള സാധ്യത കൂടുതലാണ്. പക്ഷേ, ഫംഗസ് ബാധ എങ്ങനെ ഉണ്ടാകുന്നുവെന്നോ എങ്ങനെ കൈകാര്യം ചെയ്യണമെന്നോ പലർക്കുമറിയില്ല.
സാധാരണ മറ്റു സൂക്ഷ്മ ജീവികളെ പോലെ ഫംഗസും നമ്മുടെ ശരീരത്തിലുണ്ട്. എന്നാൽ, അവ അമിതമായി വളരാൻ തുടങ്ങുേമ്പാഴാണ് ഫംഗസ് ബാധിച്ചുവെന്ന് പറയുന്നത്. നഖങ്ങൾക്ക് മുകളിലോ അടിയിലോ നഖങ്ങൾക്കുള്ളിലോ ആയി ഫംഗസ് അമിതമായി വളരുേമ്പാൾ നഖങ്ങളെ ഫംഗസ് ബാധിച്ചുവെന്ന് പറയും.
ചൂടുള്ളതും ഇൗർപ്പമുള്ളതുമായ കാലാവസ്ഥയാണ് ഫംഗസ് ബാധക്കിടയാക്കുന്നത്. തുടകൾക്കിടയിലുണ്ടാകുന്ന ചൊറി, കാലിലെ വിണ്ടുകീറൽ, വളംകടി തുടങ്ങിയ ഫംഗസ് രോഗങ്ങൾ ഉള്ളവർക്ക് നഖങ്ങളിൽ ഫംഗസ് ബാധക്ക് സാധ്യത കൂടുതലാണ്. കൈവിരലുകളിലെ നഖങ്ങളേക്കാൾ കാൽവിരലുകളിലെ നഖങ്ങൾക്കാണ് ഫംഗസ് ബാധ കൂടുതൽ.
കാൽ വിരലുകൾ ഇറുക്കെ മൂടിക്കിടക്കുന്ന തരത്തിലുള്ള ചെരിപ്പുകൾ, ഷൂസുകൾ എന്നിവയുടെ ഉപയോഗമാണ് ഇതിന് ഒരു കാരണമെന്ന് അമേരിക്കൻ അക്കാദമി ഒാഫ് ഡെർമറ്റോളജി പറയുന്നു. മൂടിക്കിടക്കുന്ന ചെരുപ്പിനുള്ളിൽ ചൂടും ഇൗർപ്പവുമുണ്ടാകും. ഇത് ഫംഗസ് വളർച്ചക്ക് ഇടയാക്കുന്നുവെന്നാണ് അമേരിക്കൻ അക്കാദമി ചൂണ്ടിക്കാട്ടുന്നത്.
നിങ്ങൾ പെഡിക്യൂറോ മാനിക്യൂറോ ചെയ്യുേമ്പാൾ അതിന് ഉപയോഗിക്കുന്ന ഉപകരണങ്ങൾ അണുവിമുക്തമാക്കിയിട്ടുണ്ടെന്ന് ഉറപ്പുവരുത്തണം.
നഖങ്ങളിലെ അണുബാധ പലതരത്തിൽ ഉണ്ടാകാം. എന്നാൽ, അവയിൽ പലതും തടയാവുന്നതുമാണ്. നഖങ്ങളിൽ ഫംഗസ് ബാധയുണ്ടാകാൻ സാധ്യത കൂടുതൽ ഉള്ളവർ:
- പ്രമേഹ രോഗികൾക്ക് നഖങ്ങളിൽ ഫംഗസ് ബാധയുണ്ടാകാം
- രക്തചംക്രമണം കുറയുന്ന രോഗമുള്ളവർക്ക്
- പൊതു കുളങ്ങളിൽ കുളിക്കുന്നവർക്ക്
- കൃത്രിമ നഖങ്ങൾ ഉപയോഗിക്കുന്നവർക്ക്
- നഖങ്ങൾക്ക് ക്ഷതമേറ്റവർക്ക്
- നഖങ്ങൾക്ക് സമീപമുള്ള തൊലിക്ക് പരിക്കേറ്റവർക്ക്
- വിരലുകളും നഖങ്ങളും കൂടുതൽ സമയം നനക്കുന്നവർക്ക്
- പ്രതിരോധശേഷി കുറഞ്ഞവരിൽ
- വിരലുകൾ മൂടുന്ന തരത്തിലുള്ള ചെരുപ്പ് ധരിക്കുന്നവർക്ക്
നഖത്തിെൻറ ഒരു ഭാഗം മാത്രമായോ മുഴുവനായോ ഒന്നിൽ കൂടുതൽ നഖങ്ങൾക്കോ അണുബാധയേൽക്കാം.
അണുബാധയേറ്റതിെൻറ ലക്ഷണങ്ങൾ:
- നഖങ്ങൾക്കടിയിൽ ശൽക്കങ്ങൾ
- നഖങ്ങളിൽ വെളുത്ത അല്ലെങ്കിൽ മഞ്ഞ നിറത്തിലുള്ള വരകൾ
- അരികുകൾ പൊടിഞ്ഞ നഖങ്ങൾ
- നഖങ്ങളിൽ വെള്ള പാളികൾ രൂപപ്പെടുന്നു
- നഖത്തിെൻറ താഴ്ഭാഗത്ത് മഞ്ഞ നിറം
- നഖങ്ങൾ നഷ്ടപ്പെടുന്നത്
- നഖം ഉയർന്നു നിൽക്കുക
- നഖത്തിൽ നിന്നും മണംവരുക
- കട്ടികൂടിയ നഖം
എന്നാൽ, ഡോക്ടറുടെ അഭിപ്രായമറിഞ്ഞു മാത്രമേ ഇത് ഫംഗസ് ബാധയാെണന്ന് ഉറപ്പിക്കാവൂ.
ഫംഗസ് ബാധക്ക് പൂർണമായി ഫലം തരുന്ന ചികിത്സയില്ല. പല ചികിത്സകളും തത്കാലം ഫലം തരുേമ്പാഴും രോഗം പിന്നീട് തിരിച്ചു വരുന്നതായി കാണാം. പലതും നഖത്തിൽ നെയിൽ പോളിഷ് ചെയ്യുന്ന ഫലം മാത്രമേ തരുന്നുള്ളൂ.
രോഗം വരുന്നതിനു മുമ്പ് തന്നെ തടയാൻ ശ്രമിക്കാം:
- നന്നായി വെട്ടിയൊതുക്കി നഖങ്ങളെ സൂക്ഷിക്കുക.
- നഖങ്ങൾക്ക് സമീപത്തെ ത്വക്കുകളെ പരിക്കുകളിൽ നിന്ന് സംരക്ഷിക്കുക.
- കൂടുതൽ സമയം നനവിൽ ചെലവഴിക്കേണ്ടി വന്നാൽ റബ്ബർ ഗ്ലൗസുകൾ ഉപയോഗിക്കുക.
- ആൻറിഫംഗൽ സ്പ്രേകളും പൗഡറുകളും ഉപയോഗിക്കാം.
- അണുബാധയേറ്റ നഖങ്ങൾ തൊട്ടാൽ കൈകൾ നന്നായി കഴുകുക
- കുളിച്ചു കഴിഞ്ഞാൽ കാലും വിരലുകളുമെല്ലാം നന്നായി ഉണക്കുക.
- പെഡിക്യൂർ, മാനിക്യൂർ എന്നിവ വിശ്വസനീയമായ ഇടങ്ങളിൽ നിന്നു മാത്രം ചെയ്യുക
- ഷൂസിനൊപ്പം സോക്സ് ധരിക്കുക
- പൊതു സ്ഥലങ്ങളിൽ നഗ്നപാദവുമായി നടക്കരുത്.
- കൃത്രിമ നഖങ്ങളും നെയിൽ പോളിഷുകളും ഒഴിവാക്കുക
ചിലരിൽ നഖങ്ങൾക്ക് ഏൽക്കുന്ന അണുബാധ ഒരിക്കലും മാറില്ല. പുതിയ നഖം ഉണ്ടാകുേമ്പാൾ അണുബാധ ഏൽക്കാത്തവ ഉണ്ടാകുന്നതു വരെയും ഇതു നിലനിൽക്കും. എന്നാൽ, ഇവക്ക് പിന്നീട് അണുബാധ ഏൽക്കാനുള്ള സാധ്യതയുമുണ്ട്. ചിലപ്പോൾ നഖം സ്ഥിരമായി നശിച്ചു പോകുന്നതിനും ഇതിടയാക്കും. ഗുരുതര പ്രശ്നങ്ങളുള്ളവർക്ക് ചിലപ്പോൾ ശരീരത്തിെൻറ മറ്റു ഭഗങ്ങളിലേക്ക് അണുബാധ ബാധിച്ചേക്കാം. പ്രമേഹ രോഗികൾക്ക് നഖങ്ങളിൽ അണുബാധ കൂടിയുണ്ടെങ്കിൽ നിർബന്ധമായും ഡോക്ടറെ കാണണം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.