പ്ര​വാ​സി​ക​ളോ​ട്​ മു​ഖം തി​രി​ച്ച്​ കേ​ന്ദ്ര ബ​ജ​റ്റ്​

ദു​ബൈ: ര​ണ്ടാം മോ​ദി സ​ർ​ക്കാ​റി​ന്‍റെ കാ​ലാ​വ​ധി അ​വ​സാ​നി​ക്കാ​ൻ മാ​സ​ങ്ങ​ൾ മാ​ത്രം ശേ​ഷി​ക്ക​വേ ധ​ന​മ​ന്ത്രി നി​ർ​മ​ല സീ​താ​രാ​മ​ൻ അ​വ​ത​രി​പ്പി​ച്ച ഇ​ട​ക്കാ​ല ബ​ജ​റ്റ്​ പ്ര​വാ​സി​ക​ൾ​ക്ക്​ സ​മ്മാ​നി​ച്ച​ത്​​ നി​രാ​ശ മാ​ത്രം. റെ​യി​ൽ​വേ, ടൂ​റി​സം മേ​ഖ​ല​യു​ടെ വി​ക​സ​ന​ത്തി​ന്​ വ​ൻ പ്ര​ഖ്യാ​പ​ന​ങ്ങ​ൾ ന​ട​ത്തി​യെ​ങ്കി​ലും പ്ര​വാ​സി​ക​​ളു​ടെ പ്ര​ശ്ന​ങ്ങ​ളോ​ട്​ മു​ഖം തി​രി​ക്കു​ന്ന സ​മീ​പ​നം തു​ട​രു​ക​യാ​ണ്. പ്ര​വാ​സി​ക​ൾ​ക്ക്​ കാ​ര്യ​മാ​യ പ്ര​ഖ്യാ​പ​ന​ങ്ങ​ളൊ​ന്നും ബ​ജ​റ്റി​ൽ പ്ര​ഖ്യാ​പി​ച്ചി​ട്ടി​ല്ല. അ​മി​ത വി​മാ​ന​യാ​ത്ര നി​ര​ക്ക്, നാ​ട്ടി​ലെ​ത്തു​ന്ന പ്ര​വാ​സി​ക​ൾ​ക്കു​ള്ള പു​ന​ര​ധി​വാ​സ പ​ദ്ധ​തി​ക​ൾ, പ്ര​വാ​സി​ക​ളു​ടെ മ​ക്ക​ൾ​ക്കു​ള്ള വി​ദ്യാ​ഭ്യാ​സ സ്​​കോ​ള​ർ​ഷി​പ്​ എ​ന്നി​വ​യി​ലൊ​ന്നും കാ​ര്യ​മാ​യ ഫ​ണ്ട്​ നീ​ക്കി​വെ​ക്കാ​തെ​യാ​ണ്​ ബ​ജ​റ്റ്​ പ്ര​ഖ്യാ​പ​നം ന​ട​ന്ന​ത്.

അ​തേ​സ​മ​യം, ഇ​ന്ത്യ​ൻ സ​മ്പ​ദ്​​വ്യ​വ​സ്ഥ​യി​ൽ ക​ഴി​ഞ്ഞ വ​ർ​ഷം മാ​ത്രം 12,500 കോ​ടി ഡോ​ള​റാ​ണ്​ പ്ര​വാ​സി​ക​ൾ സം​ഭാ​വ​ന ചെ​യ്ത​ത്. അ​മേ​രി​ക്ക, ബ്രി​ട്ട​ൻ, സിം​ഗ​പ്പൂ​ർ എ​ന്നീ രാ​ജ്യ​ങ്ങ​ളി​ൽ നി​ന്നാ​ണ്​ ഇ​ന്ത്യ​യി​ലേ​ക്ക്​ കൂ​ടു​ത​ൽ പ്ര​വാ​സി പ​ണം എ​ത്തി​യ​ത്. ഇ​ന്ത്യ​യി​ലേ​ക്ക്​ വ​ന്ന പ​ണ​ത്തി​ന്‍റെ 36 ശ​ത​മാ​ന​വും ഈ ​മൂ​ന്ന്​ രാ​ജ്യ​ങ്ങ​ളി​ൽ നി​ന്നാ​ണ്. യു.​എ.​ഇ, സൗ​ദി അ​റേ​ബ്യ, ഖ​ത്ത​ർ ഉ​ൾ​പ്പെ​ടെ​യു​ള്ള ജി.​സി.​സി രാ​ജ്യ​ങ്ങ​ളി​ൽ നി​ന്നാ​ണ്​ പി​ന്നീ​ട്​ കൂ​ടു​ത​ൽ പ്ര​വാ​സി പ​ണം വ​രു​ന്ന​ത്. 18 ശ​ത​മാ​നം വ​രും ആ​റ്​ ജി.​സി.​സി രാ​ജ്യ​ങ്ങ​ളി​ൽ​നി​ന്ന്​ വ​രു​ന്ന പ്ര​വാ​സി പ​ണ​മെ​ന്നാ​ണ്​ ലോ​ക ബാ​ങ്ക്​ റി​പ്പോ​ർ​ട്ട്. എ​ന്നാ​ൽ, രാ​ജ്യ​ത്തി​ന്​ പു​റ​ത്ത്​ ജോ​ലി ചെ​യ്ത്​ ഇ​ന്ത്യ​യി​ലേ​ക്ക്​ പ​ണ​മ​യ​ക്കു​ന്ന പ്ര​വാ​സി തൊ​ഴി​ലാ​ളി​ക​ൾ​ക്ക്​ ഏ​തെ​ങ്കി​ലും ത​ര​ത്തി​ലു​ള്ള ക്ഷേ​മ​പ​ദ്ധ​തി​ക​ൾ കു​ടി​യേ​റ്റ നി​യ​മം പോ​ലും വി​ഭാ​വ​നം ചെ​യ്യു​ന്നി​ല്ല.

പ്ര​വാ​സി ക്ഷേ​മ​ത്തി​ന്​ കേ​ന്ദ്രം നേ​രി​ട്ട്​ സ​മാ​ഹ​രി​ച്ച പ​ണ​ത്തെ കു​റി​ച്ച്​ കൃ​ത്യ​മാ​യ വി​ശ​ദീ​ക​ര​ണ​വും ന​ൽ​കി​യി​ട്ടി​ല്ല. വി​ദേ​ശ​രാ​ജ്യ​ങ്ങ​ളി​ൽ തൊ​ഴി​ലെ​ടു​ത്ത്​ ജീ​വി​ക്കു​ന്ന ര​ണ്ട​ര​ക്കോ​ടി ഇ​ന്ത്യ​ക്കാ​രു​ണ്ടെ​ന്നാ​ണ്​ പ്ര​വാ​സി​കാ​ര്യ വ​കു​പ്പി​ന്‍റെ ക​ണ​ക്ക്. അ​വി​ദ​ഗ്​​ധ തൊ​ഴി​ൽ മേ​ഖ​ല​ക​ളി​ൽ പ​ണി​യെ​ടു​ക്കു​ന്ന​വ​രാ​ണ്​ ഇ​തി​ൽ ഭൂ​രി​ഭാ​ഗ​വും. ഇ​വ​ർ​ക്ക്​ മി​ക​ച്ച ജോ​ലി​സാ​ധ്യ​ത തേ​ടു​ന്ന​തി​ന് പ​രി​ശീ​ല​ന സൗ​ക​ര്യ​ങ്ങ​ൾ ഒ​രു​ക്കു​ന്ന​തി​നു​ള്ള ന​ട​പ​ടി ബ​ജ​റ്റി​ൽ ഉ​ണ്ടാ​യി​ട്ടി​ല്ല. പ്ര​ത്യ​ക്ഷ-​പ​രോ​ക്ഷ നി​കു​തി​ക​ളി​ൽ കാ​ര്യ​മാ​യ മാ​റ്റം വ​രു​ത്താ​ത്ത​ത്​ സ്വ​ർ​ണം ഇ​റ​ക്കു​മ​തി​യി​ലും പ്ര​തി​ഫ​ലി​ക്കു​മെ​ന്നാ​ണ്​ വ്യ​വ​സാ​യ പ്ര​മു​ഖ​രു​ടെ വി​ല​യി​രു​ത്ത​ൽ.

"ഇ​തൊ​രു ഇ​ട​ക്കാ​ല ബ​ജ​റ്റാ​യ​തി​നാ​ൽ വ​ലി​യ പ്ര​ഖ്യാ​പ​ന​ങ്ങ​ളോ സം​രം​ഭ​ങ്ങ​ളോ ആ​രും പ്ര​തീ​ക്ഷി​ച്ചി​രു​ന്നി​ല്ല. എ​ങ്കി​ലും ഗ​താ​ഗ​ത​ത്തി​നും ക​ണ​ക്റ്റി​വി​റ്റി​ക്കും പ്ര​ത്യേ​കി​ച്ച് റെ​യി​ൽ​വേ, വ്യോ​മ​യാ​ന മേ​ഖ​ല​ക​ളി​ൽ വ​ലി​യ ഊ​ന്ന​ൽ ന​ൽ​കു​ന്ന​താ​ണ് ബ​ജ​റ്റെ​ന്ന​ത്​ ശ്ര​ദ്ധേ​യ​മാ​ണ്. റീ​ട്ടെ​യി​ൽ മേ​ഖ​ല​യി​ൽ സ​ജീ​വ​മാ​യി ഇ​ട​പെ​ടു​ന്ന​യാ​ളെ​ന്ന നി​ല​യി​ൽ ലോ​ജി​സ്റ്റി​ക്‌​സ്, സോ​ഴ്‌​സി​ങ്, ഷോ​പ്പി​ങ്​ എ​ന്നി​വ പോ​ലു​ള്ള വി​വി​ധ അ​നു​ബ​ന്ധ​മേ​ഖ​ല​ക​ളി​ൽ ഇ​ത് ചെ​ലു​ത്തു​ന്ന ന​ല്ല സ്വാ​ധീ​ന​ത്തെ​ക്കു​റി​ച്ച് എ​നി​ക്ക് വ​ള​രെ ശു​ഭാ​പ്തി​വി​ശ്വാ​സ​മു​ണ്ട്. രാ​ജ്യ​ത്ത് അ​ഞ്ച് സം​യോ​ജി​ത അ​ക്വാ​പാ​ർ​ക്കു​ക​ൾ സ്ഥാ​പി​ക്കാ​നു​ള്ള ബ​ജ​റ്റ് നി​ർ​ദേ​ശം രാ​ജ്യ​ത്തു​ട​നീ​ളം മ​ത്സ്യ​ത്തൊ​ഴി​ലാ​ളി സ​മൂ​ഹ​ത്തി​ന് തീ​ർ​ച്ച​യാ​യും പ്ര​യോ​ജ​നം ചെ​യ്യും. ഇ​തു​കൂ​ടാ​തെ, ദാ​രി​ദ്ര്യ​നി​ർ​മാ​ർ​ജ​നം, കാ​ർ​ഷി​ക​രം​ഗം, സ്ത്രീ​ശാ​ക്തീ​ക​ര​ണം എ​ന്നി​വ​ക്ക്​ ബ​ജ​റ്റ് കൂ​ടു​ത​ൽ ഊ​ന്ന​ൽ ന​ൽ​കു​ന്നു. ഇ​ത് വ​രും വ​ർ​ഷ​ങ്ങ​ളി​ൽ ഇ​ന്ത്യ​യെ ആ​ഗോ​ള സാ​മ്പ​ത്തി​ക സൂ​പ്പ​ർ പ​വ​ർ ആ​കാ​ൻ സ​ഹാ​യി​ക്കും" -എം.​എ. യൂ​സു​ഫ​ലി (ലുലു ഗ്രൂപ് ചെയർമാൻ)

"ഇ​ട​ക്കാ​ല കേ​ന്ദ്ര ബ​ജ​റ്റ് ദ​രി​ദ്ര​ര്‍, ക​ര്‍ഷ​ക​ര്‍, യു​വാ​ക്ക​ള്‍, സ്ത്രീ​ക​ള്‍ എ​ന്നി​വ​ര്‍ക്ക് പ്ര​ത്യേ​ക ശ്ര​ദ്ധ ന​ല്‍കി ബ​ഹു​ജ​ന ഉ​ന്ന​മ​ന​ത്തി​ന് ഊ​ന്ന​ല്‍ ന​ല്‍കു​ന്ന​താ​ണ്. 50 വ​ര്‍ഷ​ത്തെ പ​ലി​ശ​ര​ഹി​ത വാ​യ്പ​ക​ള്‍ക്കാ​യി ഒ​രു ല​ക്ഷം കോ​ടി രൂ​പ അ​നു​വ​ദി​ച്ച​തി​ലൂ​ടെ ഇ​ന്ത്യ​യി​ല്‍ അ​ഭി​വൃ​ദ്ധി പ്രാ​പി​ക്കു​ന്ന സ്റ്റാ​ര്‍ട്ട​പ്പ് സം​സ്‌​കാ​ര​ത്തെ അ​ത് പ്രോ​ത്സാ​ഹി​പ്പി​ക്കും. ഹെ​ല്‍ത്ത് കെ​യ​റി​ല്‍, ജി.​ഡി.​പി വി​ഹി​തം കു​റ​ഞ്ഞ​ത് അ​ഞ്ചു ശ​ത​മാ​ന​മാ​യി ഉ​യ​രു​മെ​ന്ന് പ്ര​തീ​ക്ഷി​ച്ചി​രു​ന്നു. പു​തി​യ സ​ര്‍ക്കാ​റി​ന് കീ​ഴി​ല്‍ ഈ ​വ​ര്‍ഷം ജൂ​ലൈ​യി​ല്‍ പ്ര​ഖ്യാ​പി​ക്കു​ന്ന സ​മ്പൂ​ര്‍ണ ബ​ജ​റ്റി​ല്‍ ഇ​ത് പ​രി​ഹ​രി​ക്ക​പ്പെ​ടു​മെ​ന്നാ​ണ്​ പ്ര​തീ​ക്ഷ. വ​ർ​ധി​ച്ചു​വ​രു​ന്ന ആ​വ​ശ്യം നി​റ​വേ​റ്റു​ന്ന​തി​ന് രാ​ജ്യ​ത്തെ എ​ല്ലാ ജി​ല്ല​ക​ളി​ലും കൂ​ടു​ത​ല്‍ ആ​ശു​പ​ത്രി​ക​ള്‍ ആ​രം​ഭി​ക്കേ​ണ്ട​തി​ന്‍റെ ആ​വ​ശ്യ​ക​ത സ​ര്‍ക്കാ​ര്‍ തി​രി​ച്ച​റി​ഞ്ഞ​തി​ല്‍ സ​ന്തോ​ഷ​മു​ണ്ട്. ഇ​തി​നാ​യി പൊ​തു-​സ്വ​കാ​ര്യ പ​ങ്കാ​ളി​ത്ത​ത്തി​ല്‍ ശ്ര​ദ്ധ കേ​ന്ദ്രീ​ക​രി​ക്ക​ണം"-ഡോ. ​ആ​സാ​ദ്​ മൂ​പ്പ​ൻ (ആ​സ്റ്റ​ര്‍ ഡി.​എം ഹെ​ല്‍ത്ത് കെ​യ​ര്‍ സ്ഥാ​പ​ക​ൻ, ചെ​യ​ര്‍മാ​ൻ​)

"അ​ടു​ത്ത സാ​മ്പ​ത്തി​ക വ​ർ​ഷ​ത്തേ​ക്കു​ള്ള ഇ​ട​ക്കാ​ല കേ​ന്ദ്ര ബ​ജ​റ്റി​ൽ സ്വ​ർ​ണ ഇ​റ​ക്കു​മ​തി നി​കു​തി​യി​ൽ ഇ​ള​വ്​ വ​രു​​ത്തു​​മെ​ന്നാ​ണ്​ പ്ര​തീ​ക്ഷ​. ബ​ജ​റ്റി​ൽ സു​പ്ര​ധാ​ന​മാ​യ നി​ബ​ന്ധ​ന​ക​ൾ ഒ​ന്നും പ്ര​ഖ്യാ​പി​ച്ചി​​ട്ടി​ല്ലെ​ങ്കി​ലും അ​ടി​സ്ഥാ​ന സൗ​ക​ര്യ വി​ക​സ​ന​രം​ഗ​ത്ത്​ സ്വാ​ഗ​താ​ർ​ഹ​മാ​യ ചി​ല പ്ര​ഖ്യാ​പ​ന​ങ്ങ​ളു​ണ്ട്. വ്യോ​മ, റെ​യി​ൽ ഗ​താ​ഗ​ത മേ​ഖ​ല​യു​ടെ വി​ക​സ​ന​ത്തി​ന്​ വ​ലി​യ തോ​തി​ലു​ള്ള ഫ​ണ്ടാ​ണ്​ സ​ർ​ക്കാ​ർ മാ​റ്റി​വെ​ച്ചി​രി​ക്കു​ന്ന​ത്​. ഇ​ത്​ ന​ട​പ്പാ​ക്കു​ന്ന​ത്​ വ​ഴി വ്യാ​പാ​ര, ടൂ​റി​സം രം​ഗ​ത്തെ ബ​ന്ധ​ങ്ങ​ൾ​ക്ക്​ കൂ​ടു​ത​ൽ ക​രു​ത്തു​പ​ക​രും. ദ​രി​ദ്ര ജ​ന​വി​ഭാ​ഗ​ങ്ങ​ൾ​ക്കാ​യു​ള്ള നി​ർ​ദി​ഷ്ട ഭ​വ​ന​പ​ദ്ധ​തി മ​ല​ബാ​ർ ഗ്രൂ​പ്പി​ന്‍റെ ഇ.​എ​സ്.​ജി സം​രം​ഭ​വു​മാ​യി ചേ​ർ​ന്നു നി​ൽ​ക്കു​ന്ന ഏ​റ്റ​വും മി​ക​ച്ച സം​രം​ഭ​മാ​ണ് " -ഷം​ലാ​ൽ അ​ഹ​മ്മ​ദ് (മ​ല​ബാ​ൾ ഗോ​ൾ​ഡ്​ ആ​ൻ​ഡ്​ ഡ​യ​മ​ണ്ട്​​സ് എം.​ഡി​)