ആ കത്തുകൾ പിറന്നത് ഇങ്ങനെ ...

പ്ര​വാ​സി​യു​ടെ ച​രി​ത്ര​ത്തി​ന്‍റെ കാ​ത​ലാ​ണ് ക​ത്ത് എ​ന്നു പ​റ​ഞ്ഞാ​ൽ അ​തി​ശ​യോ​ക്തി​യാ​വി​ല്ല. സ​മാ​ഹ​രി​ക്കാ​തെ പോ​യ പ്ര​ണ​യ കാ​വ്യ​മെ​ന്നോ വി​ര​ഹ കാ​വ്യ​മെ​ന്നോ ക​ത്തി​നെ വി​ളി​ച്ചാ​ൽ കൂ​ടി​പോ​കു​ക​യു​മി​ല്ല. നെ​ഞ്ചി​ലെ സ​ങ്ക​ട​ങ്ങ​ളും സ്വ​പ്ന​ങ്ങ​ളും നാ​ട്ടു ചി​ന്ത​ക​ളും ന​ഷ്ട​പ്പെ​ട​ലു​ക​ളും ക​ഷ്ട​പ്പാ​ടു​ക​ളും നി​റ​ഞ്ഞ വി​ശേ​ഷ​ങ്ങ​ളു​മാ​യി വ​രു​ന്ന ക​ത്തു​ക​ൾ​ക്കാ​യി ക​ണ്ണ് ന​ട്ട് കാ​ത്തി​രു​ന്ന ഒ​രു​കാ​ല​മു​ണ്ടാ​യി​രു​ന്നു മ​ല​യാ​ളി​ക്ക്. മ​നു​ഷ്യ​ന്‍റെ 79ാം അ​വ​യ​വ​മാ​യി സെ​ൽ​ഫോ​ൺ വ​ന്നി​ട്ടും കാ​ര്യ​ങ്ങ​ളെ​ല്ലാം ലൈ​വാ​യി​ട്ടും ആ ​ക​ത്ത് കാ​ല​ത്തി​ന്‍റെ ചാ​രു​ത ഇ​ന്നും ന​ഷ്ട​പ്പെ​ട്ടി​ട്ടി​ല്ല. ആ ​ക​ത്തു കാ​ലം വ​ള്ളി​പു​ള്ളി തെ​റ്റാ​തെ പ​റ​ഞ്ഞു​ത​രും ഷാ​ർ​ജ ത​പാ​ലാ​പ്പീ​സ്.

ച​രി​ത്ര പ്ര​സി​ദ്ധ​മാ​യ റോ​ള​യി​ൽ 1963 ജു​ലൈ 10നാ​ണ് ഷാ​ർ​ജ പോ​സ്റ്റോ​ഫീ​സ് സ്ഥാ​പി​ത​മാ​കു​ന്ന​ത്. ഏ​താ​ണ്ട് ഇ​തേ കാ​ല​ഘ​ട്ട​ത്തി​ൽ ത​ന്നെ പ്ര​വാ​സ​ത്തി​ലേ​ക്കു​ള്ള തി​ര​ക്കും ആ​രം​ഭി​ച്ചി​രു​ന്നു. പ​ത്തേ​മാ​രി​യി​ൽ യാ​ത്ര തി​രി​ച്ച് ഷാ​ർ​ജ​യു​ടെ ഭാ​ഗ​മാ​യ ഖോ​ർ​ഫ​ക്കാ​നി​ൽ വ​ന്നി​റ​ങ്ങി​യ​വ​ർ​ക്ക്, ജീ​വ​നോ​ടെ ഞ​ങ്ങ​ളി​വി​ടെ എ​ത്തി​യി​ട്ടു​ണ്ടെ​ന്നും ജീ​വ​ൻ പോ​യ ചി​ല​ർ ക​ട​ലി​ൽ അ​ഭ​യം പ്രാ​പി​ച്ചി​ട്ടു​ണ്ടെ​ന്നും അ​റി​യി​ക്കാ​നു​ള്ള മാ​ർ​ഗ​മാ​യി​രു​ന്നു ത​പാ​ൽ. യു.​എ.​ഇ​യു​ടെ പി​റ​വി​ക്ക് മു​ൻ​പ്​ ആ​രം​ഭി​ച്ച ഈ ​ത​പാ​ൽ സം​വി​ധാ​ന​ത്തി​ൽ ഷാ​ർ​ജ​യു​ടെ ഉ​പ​ന​ഗ​ര​ങ്ങ​ൾ​ക്കും ഏ​റെ പ്രാ​ധാ​ന്യം ന​ൽ​കി​യി​രു​ന്നു. ഗ്രാ​മീ​ണ കാ​ഴ്ച്ച​ക​ൾ​ക്ക് പു​റ​മെ, പ്ര​ശ​സ്ത​രാ​യ ക​ളി​ക്കാ​രും എ​ഴു​ത്തു​കാ​രും ഭ​ര​ണാ​ധി​കാ​രി​ക​ളും സ്റ്റാ​മ്പു​ക​ൾ​ക്ക് അ​ഴ​ക് വി​രി​ച്ചി​രു​ന്നു.

ഷാ​ർ​ജ​യും ഉ​പ​ന​ഗ​ര​ങ്ങ​ളും 1971 ഡി​സം​ബ​ർ ര​ണ്ടി​ന് യു​നൈ​റ്റ​ഡ് അ​റ​ബ് എ​മി​റേ​റ്റി​ൽ ചേ​ർ​ന്നെ​ങ്കി​ലും സ്വ​ന്തം സ്റ്റാ​മ്പു​ക​ൾ പു​റ​ത്തി​റ​ക്കു​ന്ന​ത് തു​ട​ർ​ന്നു. 1972 ജൂ​ലൈ 31ന് ​യു.​എ.​ഇ മു​ഴു​വ​ൻ ത​പാ​ൽ ചു​മ​ത​ല​ക​ളും ഏ​റ്റെ​ടു​ത്തെ​ങ്കി​ലും 1973 ജ​നു​വ​രി ഒ​ന്നി​ന് ആ​ദ്യ​ത്തെ യു.​എ.​ഇ ഡെ​ഫി​നി​റ്റീ​വ് സീ​രീ​സ് പു​റ​പ്പെ​ടു​വി​ക്കു​ന്ന​തു​വ​രെ ഷാ​ർ​ജ സ്വ​ന്തം സ്റ്റാ​മ്പു​ക​ൾ ഉ​പ​യോ​ഗി​ക്കു​ന്ന​ത് തു​ട​ർ​ന്നു. ഷാ​ർ​ജ​യു​ടെ സ്വ​ന്തം സ്റ്റാ​മ്പ് ഉ​പ​യോ​ഗി​ച്ച് നാ​ട്ടി​ലേ​ക്ക് ക​ത്ത​യ​ച്ച പൊ​ന്നാ​നി സ്വ​ദേ​ശി കൊ​ട്ടാ​ര​ത്തി​ൽ കു​ഞ്ഞി​മോ​ൻ​ക്ക പോ​യ​മാ​സ​മാ​ണ് മ​ര​ണ​പ്പെ​ട്ട​ത്. സ്റ്റാ​മ്പു​ക​ളു​ടെ വ​ലി​യൊ​രു ശേ​ഖ​രം ഇ​ദ്ദേ​ഹ​ത്തി​ന്‍റെ പ​ക്ക​ലു​ണ്ടാ​യി​രു​ന്നു.

ഒ​രു റി​യാ​ലി​ന്‍റെ സ്റ്റാ​മ്പാ​യി​രു​ന്നു ഷാ​ർ​ജ ആ​ദ്യ​മാ​യി അ​വ​ത​രി​പ്പി​ച്ച​ത്. അ​ർ​ജ​ൻ​റി​ന ഫു​ട്ബാ​ൾ മാ​ന്ത്രി​ക​ൻ ആ​ൽ​ഫ്രെ​ഡോ സ്റ്റെ​ഫാ​നോ ഡി ​സ്റ്റെ​ഫാ​നോ ഉ​ൾ​പ്പെ​ടെ​യു​ള്ള ക​ളി​ക്കാ​രു​ടെ ചി​ത്ര​ങ്ങ​ൾ മു​ദ്ര​ണം ചെ​യ്ത സ്റ്റാ​മ്പു​ക​ളും ഷാ​ർ​ജ ഈ ​കാ​ല​യ​ള​വി​ൽ ഇ​റ​ക്കി​യി​രു​ന്നു. 1970ക​ളി​ൽ പോ​സ്റ്റോ​ഫീ​സ് കൂ​ടു​ത​ൽ ജ​ന​കീ​യ​മാ​യി. പ്രാ​വാ​സി​ക​ളു​ടെ ഒ​ഴു​ക്കും ഗ​ൾ​ഫ് മേ​ഖ​ല​യു​ടെ അ​ഭി​വൃ​ദ്ധി​യു​മാ​യി​രു​ന്നു ഇ​തി​നു​കാ​ര​ണം. ഷാ​ർ​ജ​യി​ലെ പ​ഴ​യ പോ​സ്റ്റോ​ഫീ​സ് പു​തി​യ​തി​ന് വ​ഴി മാ​റി​യ​തും ഇ​തേ വ​ർ​ഷ​മാ​യി​രു​ന്നു. ഷാ​ർ​ജ​യു​ടെ പു​രാ​ത​ന ബ​ദു​വി​യ​ൻ ഗ്രാ​മ​മാ​യ ഉ​മ്മു​ത​റ​ഫ​യി​ലാ​ണ് ആ​ധു​നി​ക സൗ​ക​ര്യ​ങ്ങ​ളും സാ​ങ്കേ​തി​ക മേ​ൻ​മ​ക​ളും നി​റ​ഞ്ഞ ഇ​ന്ന​ത്തെ ആ​ധു​നി​ക പോ​സ്റ്റോ​ഫീ​സ് പ്ര​വ​ർ​ത്തി​ക്കു​ന്ന​ത്. ക​ത്തി​നാ​യി മ​ല​യാ​ളി​ക​ൾ കാ​ത്തി​രു​ന്ന കാ​ലം ഇ​ന്നും ഈ ​ഭാ​ഗ​ത്ത് സ്തം​ഭി​ച്ച് നി​ൽ​ക്കു​ന്ന​താ​യി തോ​ന്നും.