You are here

ജോലി ആയയുടെ, രേഖകളിൽ ബിസിനസുകാരി; ഞെട്ടൽ മാറാതെ ഇന്ത്യാക്കാരി

09:38 AM
12/10/2017

ദുബൈ: സ്വന്തം പേരിൽ ഒരു ബിസിനസ്​ സ്​ഥാപനം പ്രവർത്തിക്കുന്നുണ്ടെന്നറിഞ്ഞ ഞെട്ടലിലാണ്​ പ്രതിഭ എന്ന മുംബൈ സ്വദേശിനി. ജീവിത പ്രാരാബ്​ധങ്ങൾക്കിടെ പ്രതിഭാ പ്രകാശ്​ റാവു എന്ന 55കാരി ആയയുടെ ജോലിക്കായാണ്​ ദുബൈയിൽ എത്തിയത്​. എന്നാൽ ഒരു വർഷം തികയും മു​േമ്പ അവർ നർഗീസ്​ ഭാനു ടെക്​നിക്കൽ സർവീസ്​ എന്ന സ്​ഥാപനത്തി​​െൻറ സഹഉടമയായി. ഇവരുടെ പാസ്​പോർട്ടും വിസയുമൊക്കെ ഇക്കാര്യം ശരിവക്കുന്നു. ഇവർ കഠിനാധ്വാനത്തിലൂടെ നേട്ടങ്ങൾ എത്തിപ്പിടിച്ചതല്ല. മറിച്ച്​ രേഖകൾ വെച്ച്​ ആരൊക്കെയോ തട്ടിപ്പ്​ നടത്തിയതാണ്​. ഇത്​ എങ്ങനെ സംഭവിച്ചു എന്നതിൽ ഇപ്പോഴും വ്യക്​തതയില്ല. 2015 ൽ അൽ ഫഹിദി തെരുവിലെ വീട്ടിൽ കുഞ്ഞിനെ നോക്കാൻ നിയോഗിക്കപ്പെടു​േമ്പാൾ മൂന്ന്​ മാസം കാലാവധിയുള്ള സന്ദർശക വിസയാണ്​ ഇവർക്കുണ്ടായിരുന്നത്​. നിലവിൽ അവരുടെ പേരിലുള്ള ഇൻവെസ്​റ്റർ വിസയിൽ 20016 ജനുവരി 26 മുതൽ 2019 ജനുവരി വരെ കാലാവധിയാണ്​ രേഖപ്പെടുത്തിയിരിക്കുന്നത്​. 

1025 ദിർഹം ശമ്പളത്തിനായിരുന്നു ഇവ​െര വീട്ടുജോലിക്ക്​ നിയമിച്ചത്​. മൂന്ന്​ മാസത്തിന്​ പകരം 10 മാസം അവർ ആ വീട്ടിൽ ജോലി ചെയ്​തു. പക്ഷേ അവർക്ക്​ ത​​െൻറ വിസയെക്കുറിച്ച്​ ധാരണയൊന്നുമില്ലായിരുന്നു. അഭിപ്രായ വിത്യാസത്തെതുടർന്ന്​ ഇൗ കുടുംബം ശിഥിലമായപ്പോൾ പ്രതിഭയുടെ സേവനവും അവസാനിച്ചു. വിസ ക്യാൻസൽ ചെയ്യാൻ വീട്ടുകാരോട്​ പാസ്​പോർട്ട്​ തിരിച്ചുചോദിച്ചപ്പോൾ വി.കെ. എന്ന്​ ചുരുക്കപ്പേരുള്ള സുഹൃത്തി​​െൻറ പക്കലാണ്​ അതെന്ന മറുപടിയാണ്​ കിട്ടിയത്​. അറ്റകുറ്റപ്പണികളും മറ്റും ഏറ്റെടുത്ത്​ നടത്തുന്ന ഇയാളാണ്​ വിസ സംഘടിപ്പിച്ചതെന്നായിരുന്നു വിശദീകരണം. കഷ്​ടിച്ച്​ പേര്​ മാത്രം എഴുതാൻ അറിയാവുന്ന അവർക്ക്​ ത​​െൻറ രേഖകളും പേരും ദുരുപയോഗം ചെയ്​ത്​ വേറാരോ വിസ സംഘടിപ്പിച്ചുവെന്ന്​ മാത്രമെ മനസിലായിട്ടുള്ളൂ. അതിന്​ പിന്നിൽ എന്താണ്​ നടന്നിരിക്കുന്നതെന്ന്​ അറിയില്ലെന്നാണ്​ അവരുടെ നിലപാട്​. നർഗീസ്​ ബാനു എന്ന്​ പേരുള്ള സ്​ത്രീയും ആയയായി ജോലി നോക്കുന്നതാണ്​. ഇവരും വി.കെയും കൂടി ത​​െൻറ പാസ്​പോർട്ടും എമിറേറ്റ്​ ​െഎഡിയും രേഖകൾ കൈവശപ്പെടുത്തിയിരിക്കുകയാണെന്ന്​ പ്രതിഭ ആരോപിക്കുന്നു. നാട്ടിലേക്ക്​ തിരിച്ചുപോകണമെന്നും അതിന്​ രേഖകൾ വേണമെന്നും ആവശ്യപ്പെ​െട്ടങ്കിലും മടക്കിത്തരാൻ തയാറായില്ല. എന്നാൽ എതിർ കക്ഷികൾ ആരോപണങ്ങൾ നിഷേധിക്കുകയാണ്​. പത്ത്​ മാസമായി പ്രതിഭയെ തിരയുകയായിരുന്നുവെന്നും എന്നാൽ കണ്ടുകിട്ടിയി​െല്ലന്നും അവർ പറയുന്നു. ആയയുടെ ജോലി ചെയ്യുന്ന ആളെ എങ്ങനെ ബിസിനസ്​ സ്​ഥാപനത്തി​​െൻറ ഉടമയാക്കിയെന്നതിനും ഇൗ സ്​ഥാപനം ഏത്​ മേഖലയിൽ പ്രവർത്തിക്കുന്നു എന്നതിനും മറുപടി പറയാൻ അവർ തയാറായില്ല. വീട്ടുജോലിക്കാർ ചൂഷണം ചെയ്യപ്പെടുന്നത്​ തടയാൻ കർശന ജാഗ്രത പുലർത്തി വരികയാണ്​ യു.എ.ഇ. ഏതാണ്ട്​ 7.5 ലക്ഷം ഗാർഹിക തൊഴിലാളികളാണ്​ യു.എ.ഇയിൽ ഉള്ളത്​. ഇതിൽ 65ശതമാനവും അബൂദബി, ദുബൈ, ഷാർജ എന്നിവിടങ്ങളിലാണ്​ ജോലി ​േനാക്കുന്നത്​. 

COMMENTS