നി​രോ​ധ​നം അ​റി​ഞ്ഞി​ല്ല; നാ​ട്ടി​ൽ​നി​ന്ന്​ മ​രു​ന്നു​മാ​യി എ​ത്തി​യ മ​ല​യാ​ളി യു.എ.ഇയിൽ കു​ടു​ങ്ങി

അ​ജ്മാ​ന്‍: ബ​ന്ധു​വി​നാ​യി നാ​ട്ടി​ൽ​നി​ന്ന്​ കൊ​ണ്ടു​വ​ന്ന മ​രു​ന്നു​ക​ൾ മ​ല​യാ​ളി​ക്ക്​ വി​ന​യാ​യി. അ​ജ്മാ​നി​ലെ താ​മ​സ​ക്കാ​ര​നാ​യ മ​ല​പ്പു​റം സ്വ​ദേ​ശി​യാ​ണ്​ വി​മാ​ന​ത്താ​വ​ള​ത്തി​ൽ കു​ടു​ങ്ങി​യ​ത്. ഇ​ദ്ദേ​ഹം കൊ​ണ്ടു​വ​ന്ന മ​രു​ന്നു​ക​ളി​ല്‍ ചി​ല​ത്​ യു.​എ.​ഇ​യി​ൽ നി​രോ​ധി​ച്ച​താ​യി​രു​ന്നു. ഇ​ത​റി​യാ​തെ​യാ​ണ്​ ഇ​ദ്ദേ​ഹം ല​ഗേ​ജി​ൽ മ​രു​ന്നു​ക​ളു​മാ​യി എ​ത്തി​യ​ത്.

വി​മാ​ന​ത്താ​വ​ള​ത്തി​ലെ പ​രി​ശോ​ധ​ന​യി​ല്‍ മ​രു​ന്നു​ക​ൾ ക​ണ്ടെ​ത്തു​ക​യും ഇ​ദ്ദേ​ഹ​ത്തെ ത​ട​ഞ്ഞു​വെ​ക്കു​ക​യു​മാ​യി​രു​ന്നു. വി​മാ​ന​ത്താ​വ​ള​ത്തി​ലെ ഡ്ര​ഗ് ക​ൺ​ട്രോ​ള്‍ വി​ഭാ​ഗം ന​ട​ത്തി​യ പ​രി​ശോ​ധ​യി​ലാ​ണ്​ യു.​എ.​ഇ​യി​ല്‍ നി​രോ​ധ​നം ഏ​ര്‍പ്പെ​ടു​ത്തി​യ മ​രു​ന്നു​ക​ളു​ടെ ര​ണ്ട് സ്ട്രി​പ്പു​ക​ള്‍ ഇ​ദ്ദേ​ഹ​ത്തി​ന്‍റെ ബാ​ഗി​ല്‍ ക​ണ്ടെ​ത്തി​യ​ത്. നാ​ട്ടി​ല്‍നി​ന്നും ഉ​റ്റ​വ​ര്‍ ന​ല്‍കി​യ മ​രു​ന്ന് പ​രി​ശോ​ധി​ക്കാ​തെ ല​ഗേ​ജി​ല്‍ കൊ​ണ്ടു​വ​ന്ന​താ​ണ് വി​ന​യാ​യ​ത്. വീ​ട്ടി​ല്‍നി​ന്ന് രാ​ത്രി 12 മ​ണി​ക്ക് വി​മാ​ന​ത്താ​വ​ള​ത്തി​ലേ​ക്ക് ഇ​റ​ങ്ങാ​ന്‍നി​ന്ന ഇ​ദ്ദേ​ഹ​ത്തി​ന് തൊ​ട്ടു​മു​മ്പ്​ മാ​ത്ര​മാ​ണ് മ​രു​ന്ന് അ​ടു​ത്ത ബ​ന്ധു ഏ​ല്‍പ്പി​ച്ച​ത്. ഡോ​ക്ട​റു​ടെ കു​റി​പ്പ​ടി അ​ട​ക്ക​മാ​ണ് ഇ​ദ്ദേ​ഹം മ​രു​ന്ന് കൊ​ണ്ടു​വ​ന്നി​രു​ന്ന​ത്. എ​ന്നാ​ല്‍ ഇ​ത്​ യു.​എ.​ഇ​യി​ല്‍ നി​രോ​ധി​ച്ച മ​രു​ന്നു​ക​ളു​ടെ ഗ​ണ​ത്തി​ല്‍പ്പെ​ട്ട​താ​യി​രു​ന്നു. മ​രു​ന്ന് പി​ടി​കൂ​ടി​യ അ​ധി​കൃ​ത​ര്‍ ഇ​ദ്ദേ​ഹ​ത്തി​ന്‍റെ കൈ​വ​ശ​മു​ണ്ടാ​യി​രു​ന്ന എ​ല്ലാ മ​രു​ന്നു​ക​ളും പി​ടി​ച്ചെ​ടു​ക്കു​ക​യും പി​ഴ​യ​ട​ക്കാ​ന്‍ വി​ധി​ക്കു​ക​യും ചെ​യ്തു.

ഇ​ത്ത​രം മ​രു​ന്നു​ക​ള്‍ കൊ​ണ്ടു​വ​രു​ന്ന​ത് ശ​ക്ത​മാ​യ ന​ട​പ​ടി​ക​ള്‍ക്ക് ഇ​ട​യാ​ക്കു​മെ​ന്ന് അ​ധി​കൃ​ത​ര്‍ നി​ര​വ​ധി ത​വ​ണ ഓ​ർ​മി​പ്പി​ച്ചി​ട്ടും ഇ​ത് ശ്ര​ദ്ധി​ക്കാ​ത്ത​താ​ണ്​ കെ​ണി​യാ​യ​ത്. ഡോ​ക്ട​റു​ടെ കു​റി​പ്പ​ടി ഉ​ണ്ടെ​ങ്കി​ലും മ​റ്റൊ​രാ​ള്‍ക്കു​വേ​ണ്ടി നാ​ട്ടി​ല്‍നി​ന്ന് മ​രു​ന്ന് കൊ​ണ്ടു​വ​രു​ന്ന​വ​ര്‍ ഇ​ത്​ യു.​എ.​ഇ​യി​ല്‍ വി​ല​ക്കു​ണ്ടോ എ​ന്ന് പ​രി​ശോ​ധി​ക്ക​ണ​മെ​ന്ന് ഈ ​മേ​ഖ​ല​യി​ലെ വി​ദ​ഗ്ധ​ര്‍ നി​ര്‍ദേ​ശി​ക്കു​ന്നു​ണ്ട്. അ​ല്ലാ​ത്ത​പ​ക്ഷം പി​ടി​ക്ക​പ്പെ​ട്ടാ​ല്‍ ത​ട​വു​ശി​ക്ഷ​യോ നാ​ടു​ക​ട​ത്ത​ലോ പി​ഴ​യോ അ​ട​ക്ക​മു​ള്ള ശ​ക്ത​മാ​യ ശി​ക്ഷ ന​ട​പ​ടി​ക​ള്‍ക്ക് വി​ധേ​യ​മാ​കേ​ണ്ടി​വ​രു​മെ​ന്നും നി​യ​മ​വി​ദ​ഗ്ധ​ര്‍ ഓ​ർ​മി​പ്പി​ക്കു​ന്നു.