കാസര്‍കോട് സ്വദേശി ഷാര്‍ജയില്‍ നിര്യാതനായി

ഷാര്‍ജ: സാമൂഹിക പ്രവര്‍ത്തകനും ഷാര്‍ജ കെ.എം.സി.സി ഉദുമ മണ്ഡലം പ്രസിഡൻറുമായ കാസര്‍കോട് പരവനടുക്കം പെരിയ ഹൗസില്‍ നാസര്‍ മുഹമ്മദ് (54) അജ്മാനിലെ പള്ളിയില്‍ കുഴഞ്ഞുവീണ് മരിച്ചു. തിങ്കളാഴ്ച അസര്‍ നമസ്കാരത്തിനെത്തിയപ്പോഴാണ്​ സംഭവം.  20 വര്‍ഷമായി യു.എ.ഇയിലുള്ള നാസര്‍ മുഹമ്മദ് സ്വന്തമായി ബിസിനസ് നടത്തിവരികയായിരുന്നു.   മുഹമ്മദ്–-ഹലീമാബി ദമ്പതികളുടെ മകനാണ്. ഭാര്യ: സുലൈഖ. മക്കള്‍: റിയാസ്, റെയ്സാന, റോഷ്നി, ഹാജിറ. അജ്മാന്‍ ഫോറന്‍സിക് ലാബിലുള്ള മൃതദേഹം നടപടികള്‍ക്ക് ശേഷം നാട്ടിലേയ്ക്ക് കൊണ്ടുപോകുമെന്ന് ബന്ധുക്കള്‍ പറഞ്ഞു.