ദു​ബൈ-​ഷാ​ർ​ജ റൂ​ട്ടി​ൽ ഫെ​റി സ​ർ​വി​സ്​ പു​ന​രാ​രം​ഭി​ക്കു​ന്നു

ദു​ബൈ: റോ​ഡ്​ ഗ​താ​ഗ​ത മേ​ഖ​ല​യി​ലെ തി​ര​ക്കൊ​ഴി​വാ​ക്കാ​ൻ ദു​ബൈ-​ഷാ​ർ​ജ റൂ​ട്ടി​ൽ ജ​ല​ഗ​താ​ഗ​ത സം​വി​ധാ​നം പു​ന​രാ​രം​ഭി​ക്കു​ന്നു. ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി, ഷാ​ർ​ജ​യി​ലെ റോ​ഡ്​​സ്​ ആ​ൻ​ഡ്​ ട്രാ​ൻ​സ്​​പോ​ർ​ട്ട്​ അ​തോ​റി​റ്റി​യു​മാ​യി സ​ഹ​ക​രി​ച്ചാ​ണ്​ സ​മു​ദ്ര​ഗ​താ​ഗ​ത പ​ദ്ധ​തി ന​ട​പ്പാ​ക്കു​ന്ന​ത്. ആ​ഗ​സ്റ്റ്​ നാ​ലു​മു​ത​ലാ​ണ്​ ദു​ബൈ ഫെ​റി സ​ർ​വി​സ്​ ആ​രം​ഭി​ക്കു​ന്ന​ത്. തി​ങ്ക​ളാ​ഴ്ച മു​ത​ൽ വ്യാ​ഴാ​ഴ്ച വ​രെ ദി​നേ​ന എ​ട്ട്​ സ​ർ​വി​സു​ക​ളും വെ​ള്ളി​യാ​ഴ്ച മു​ത​ൽ ഞാ​യ​റാ​ഴ്ച വ​രെ ദി​വ​സ​വും ആ​റു സ​ർ​വി​സു​ക​ളു​മാ​ണ്​ ആ​സൂ​ത്ര​ണം ചെ​യ്തി​രി​ക്കു​ന്ന​ത്. ത​ട​സ്സ​മി​ല്ലാ​ത്ത യാ​ത്ര​യും ദു​ബൈ, ഷാ​ർ​ജ മേ​ഖ​ല​യി​ലെ ക​ട​ൽ കാ​ഴ്ച​ക​ളും നി​ര​വ​ധി താ​മ​സ​ക്കാ​രെ​യും വി​നോ​ദ​സ​ഞ്ചാ​രി​ക​ളെ​യും സ​ർ​വി​സ്​ പ്ര​യോ​ജ​ന​പ്പെ​ടു​ത്താ​ൻ പ്രേ​രി​പ്പി​ക്കു​മെ​ന്നാ​ണ്​ അ​ധി​കൃ​ത​ർ പ്ര​തീ​ക്ഷി​ക്കു​ന്ന​ത്. ആ​ദ്യ​മാ​യാ​ണ് മ​റ്റൊ​രു എ​മി​റേ​റ്റു​മാ​യി ബ​ന്ധി​പ്പി​ക്കു​ന്ന സ​മു​ദ്ര ഗ​താ​ഗ​ത സം​വി​ധാ​നം ​ദു​ബൈ​യി​ൽ ആ​രം​ഭി​ക്കു​ന്ന​ത്.

ദു​ബൈ​യി​ലെ അ​ൽ ഗു​ബൈ​ബ മ​റൈ​ൻ സ്​​റ്റേ​ഷ​നി​ൽ നി​ന്ന്​ ഷാ​ർ​ജ​യി​ലെ അ​ക്വേ​റി​യം മ​റൈ​ൻ സ്​​റ്റേ​ഷ​നി​ലേ​ക്കാ​ണ്​ സ​ർ​വി​സ്. 35 മി​നി​റ്റാ​ണ്​ യാ​ത്രാ​സ​മ​യം. ര​ണ്ട്​ എ​മി​റേ​റ്റു​ക​ൾ​ക്കി​ട​യി​ൽ കൂ​ടു​ത​ൽ ഗ​താ​ഗ​ത സൗ​ക​ര്യ​ങ്ങ​ൾ ഒ​രു​ക്കു​ന്ന​തി​ന്‍റെ ഭാ​ഗ​മാ​യാ​ണ്​ ഇ​രു സ്ഥ​ല​ങ്ങ​ളി​ലെ​യും ഗ​താ​ഗ​ത വ​കു​പ്പു​ക​ൾ പു​തി​യ സം​വി​ധാ​നം ഒ​രു​ക്കി​യ​ത്.തി​ങ്ക​ൾ-​വ്യാ​ഴം ദി​വ​സ​ങ്ങ​ളി​ൽ ഷാ​ർ​ജ​യി​ൽ​നി​ന്ന്​ രാ​വി​ലെ ഏ​ഴി​നും 8.30നും ​വൈ​കീ​ട്ട് 4.45നും 6.15​നു​മാ​ണ്​ സ​ർ​വി​സ്. ദു​ബൈ​യി​ൽ​നി​ന്ന്​ രാ​വി​ലെ 7.45, വൈ​കീ​ട്ട് നാ​ല്, 5.30, ഏ​ഴ് എ​ന്നീ സ​മ​യ​ങ്ങ​ളി​ലും സ​ർ​വി​സു​ണ്ടാ​കും. വെ​ള്ളി-​ഞാ​യ​ർ ദി​വ​സ​ങ്ങ​ളി​ൽ ഷാ​ർ​ജ​യി​ൽ​നി​ന്ന്​ ഉ​ച്ച​ക്ക് ര​ണ്ടി​നും വൈ​കീ​ട്ട് നാ​ല്, ആ​റ് എ​ന്നീ സ​മ​യ​ങ്ങ​ളി​ലും ദു​ബൈ​യി​ൽ​നി​ന്ന്​ വൈ​കീ​ട്ട് മൂ​ന്ന്, അ​ഞ്ച്, എ​ട്ടു​മ​ണി സ​മ​യ​ങ്ങ​ളി​ലു​മാ​ണ്​ സ​ർ​വി​സ്.