കോട്ടക്കല്‍ സ്വദേശി ഷാര്‍ജയില്‍ മരണപ്പെട്ടു

ഫുജൈറ: കോട്ടക്കല്‍ കുഴിപ്പുറം സ്വദേശി പരേതനായ തൊട്ടിയൻ അബൂബക്കർ   മകൻ തൊട്ടിയൻ അലി (42  വയസ്സ്) വ്യാഴാഴ്​ച വൈകുന്നേരം ഷാർജയിലുണ്ടായ വാഹന അപകടത്തിൽ മരണപ്പെട്ടു. ദൈദ് ഷാര്‍ജ റോഡിലാണ് അപകടം ഉണ്ടായത്. ഇരുപത് വര്‍ഷമായി ദൈദിലെ   ബേക്കറിയില്‍ സെയിൽസ്മാന്‍ ആയി ജോലി ചെയ്തു വരികയായിരുന്നു. ഷാര്‍ജ കുവൈത്ത് ആശുപത്രിയില്‍ സൂക്ഷിച്ചിരിക്കുന്ന മൃതദേഹം ഞായറാഴ്ച നാട്ടില്‍ കൊണ്ടുപോകുമെന്ന് ബന്ധുക്കള്‍ അറിയിച്ചു.