ഉംറ സീസണ്​ തുടക്കം: തീർഥാടകർ വന്നുതുടങ്ങി

ജിദ്ദ: ഉംറ തീർഥാടകരുടെ വരവ്​ ആരംഭിച്ചതായി ഹജ്ജ്​ ഉംറ മന്ത്രാലയം വ്യക്​തമാക്കി. പതിവിലും നേരത്തെയാണ്​ ഇത്തവണ തീർഥാടനം തുടങ്ങിയത്​. വിഷൻ 2030^​െൻറ ഭാഗമായി കൂടുതൽ തീർഥാടകർക്ക്​ അവസര​മൊരുക്കുക ലക്ഷ്യമിട്ടാണ്​ തീർഥാടകരുടെ വരവ്​  നേരത്തെ ആരംഭിച്ചിരിക്കുന്നത്​. 
ഹജ്ജ്​ തീർഥാടകരുടെ മടക്കയാത്ര പൂർണമായ ശേഷമാണ്​ സാധാരണ ഉംറ സീസൺ​ തുടങ്ങാറുള്ളത്​​. കഴിഞ്ഞ വർഷവും  ഉംറ സീസൺ  നേരത്തെ തുടങ്ങിയിരുന്നു​. കഴിഞ്ഞ ശവ്വാലിലാണ്​ സീസൺ അവസാനിച്ചത്​. അന്നു മുതൽ പുതിയ ഉംറ സീസണുള്ള ഒരുക്കങ്ങൾ ഹജ്ജ്​ ഉംറ കാര്യാലയത്തിനു കീഴിൽ ആരംഭിച്ചിട്ടുണ്ട്​. കഴിഞ്ഞ സീസണിൽ 6.7 ദശലക്ഷം പേരാണ്​​ ഉംറക്കെത്തിയത്​. ഇത്തവണ തീർഥാടകരുടെ എണ്ണം കൂടാനാണ്​ സാധ്യത. 

വരും ദിവസങ്ങളിൽ നൂറോളം രാജ്യങ്ങളിൽ നിന്ന്​ തീർഥാടകരെത്തും. ഇത്രയും രാജ്യങ്ങളിലായി ഏകദേശം 4000 ത്തോളം ഏജൻസികളുണ്ടെന്നാണ്​ കണക്ക്​. മുഹറം മുതൽ വിവിധ രാജ്യങ്ങളിൽ നിന്നുള്ള  തീർഥാടകരുടെ വരവ്​ ആരംഭിക്കുമെന്ന്​ ഹജ്ജ്​ മന്ത്രാലയം നേരത്തെ വ്യക്​തമാക്കിയിരുന്നു. രാജ്യത്തിനകത്തും പുറത്തുമുള്ള ഉംറ സേവന സ്ഥാപനങ്ങളോടും ഏജൻസികളോടും  സേവനങ്ങൾക്കായുള്ള ഒരുക്കങ്ങൾ പൂർത്തിയാക്കാൻ ഹജ്ജ്​, ഉംറ മന്ത്രി നേരത്തെ ആവശ്യപ്പെട്ടിരുന്നു. മക്കയിൽ ഹജ്ജ്​ മന്ത്രാലയ ആസ്​ഥാനത്ത്​ അടുത്തിടെ ചേർന്ന ഹജ്ജ്​ മന്ത്രാലയ അണ്ടർസെക്രട്ടറിമാരുടെയും ഉപദേഷ്​ടാക്കളുടെയും യോഗത്തിൽ ഉംറ സീസണുള്ള ഒരുക്കങ്ങൾ പൂർത്തിയായതായി ഹജ്ജ്​ മന്ത്രി വ്യക്​തമാക്കിയിരുന്നു. വിസ നടപടികൾ വേഗത്തിൽ പൂർത്തിയാക്കാൻ ഇ ട്രാക്ക്​ സംവിധാനത്തി​​െൻറ പ്രവർത്തനം കുറ്റമറ്റതാണെന്ന്​ ഉറപ്പുവരുത്താനും മന്ത്രി നിർദേശിച്ചിരുന്നു. ഒരോ തീർഥാടകനും രാജ്യത്ത്​ നിന്ന്​ തിരിച്ചു​പോകു​േമ്പാൾ ഉംറ ന​െല്ലാരു ഒാർമയായി മാറണമെന്നും അതിനനുസൃതമായി സേവന രംഗത്ത്​ അതീവ ശ്രദ്ധയൂന്നണമെന്നും ഉംറ മേഖലയിൽ പ്രവർത്തിക്കുന്നവരോട്​ മന്ത്രി നിർദേശിച്ചു.