വാഹനാപകടത്തിൽ അധ്യാപകനും ഭാര്യയും കുട്ടിയും മരിച്ചു

തുറൈഫ്​: വാഹനാപകടത്തിൽ അധ്യാപകനും ഭാര്യയും കുട്ടിയും മരിച്ചു. തുറൈഫ അൽഖറയാത്ത്​ റോഡിലാണ്​ സംഭവം. ഇവർ സഞ്ചരിച്ച കാർ രണ്ട്​ ട്രക്കുമായി കൂടിയിടിച്ചാണ്​ അപകടം. ട്രക്കിന്​ പിന്നിലാണ്​ മൂന്നംഗ സ്വദേശി കുടുംബം സഞ്ചരിച്ച വാഹനമിടിച്ചതെന്ന്​ വടക്കൻ അതിർത്തി​ മേഖല റെഡ്​ ക്രസൻറ്​ വക്​താവ്​ മുസാഇദ്​ അൽഅൻസി പറഞ്ഞു.
തുറൈഫിന്​ പടിഞ്ഞാറ് 40 കിലോ മീറ്റർ അകലെയാണ്​ അപകടമുണ്ടായത്​. മുഴുവനാളുകളും സംഭവ സ്​ഥലത്ത്​ തന്നെ​ മരിച്ചതായും അദ്ദേഹം പറഞ്ഞു. മൃതദേഹങ്ങൾ തുറൈഫ്​ ജനറൽ ആശുപത്രിയിലേക്ക്​ മാറ്റി. മേഖലയിൽ കാലാവസ്​ഥ വ്യതിയാനമുണ്ട്​. വാഹനമോടിക്കുന്നവർ സ്​പീഡ്​ കുറക്കുകയും അതീവ ശ്രദ്ധ കൊടുക്കുകയും വേണമെന്നും റെഡ്​ക്രസൻറ്​ വക്​താവ്​ പറഞ്ഞു.