ഫോ​ണി​ൽ തൊ​ട്ടാ​ലും പ​ണി​യാ​വും: പുതിയ ട്രാഫിക് പരിഷ്കരണവുമായി ദോഹ

ദോ​ഹ: സീ​റ്റ്​ ബെ​ൽ​റ്റും ​മൊ​ബൈ​ൽ ഫോ​ൺ ഉ​പ​യോ​ഗ​വും സം​ബ​ന്ധി​ച്ച സു​പ്ര​ധാ​ന ന​ട​പ​ടി​ക​ൾ​ക്ക്​ ഞാ​യ​റാ​ഴ്​​ച തു​ട​ക്കം കു​റി​ക്കാ​നി​രി​ക്കെ കൂ​ടു​ത​ൽ വി​ശ​ദീ​ക​ര​ണ​ങ്ങ​ളു​മാ​യി അ​ധി​കൃ​ത​ർ. ​​ഡ്രൈ​വി​ങ്ങി​നി​ട​യി​ലെ മൊ​ബൈ​ൽ ഫോ​ൺ ഉ​പ​യോ​ഗ​വും സീ​റ്റ്​ ബെ​ൽ​റ്റ്​ ധ​രി​ക്കാ​തി​രി​ക്കു​ന്ന​തും ത​ട​യാ​നു​ള്ള ഓ​​ട്ടോ​മേ​റ്റ​ഡ്​ റ​ഡാ​ർ സം​വി​ധാ​ന​ങ്ങ​ളു​ടെ പ്ര​വ​ർ​ത്ത​ന​ങ്ങ​ളെ കു​റി​ച്ച്​ ജ​ന​റ​ൽ ട്രാ​ഫി​ക്​ വി​ഭാ​ഗം റ​ഡാ​ർ ഓ​പ​റേ​ഷ​ൻ​സ്​ മേ​ധാ​വി മേ​ജ​ർ ഹ​മ​ദ്​ അ​ലി അ​ൽ മു​ഹ​ന്ന​ദി വി​ശ​ദീ​ക​ര​ണം ന​ൽ​കി.ഡ്രൈ​വി​ങ്ങി​നി​ട​യി​ൽ മൊ​ബൈ​ൽ ഫോ​ൺ കൈ​യി​ലെ​ടു​ത്തു​ള്ള ഉ​പ​യോ​ഗം മാ​ത്ര​മ​ല്ല, ഡാ​ഷ്​​ബോ​ഡി​ൽ സ്ഥാ​പി​ച്ച ഫോ​ണി​ൽ തൊ​ട്ടാ​ലും പ​ണി​യാ​വും.

ഫോ​ണോ ഡാ​ഷ്ബോ​ഡ്​ മോ​ണി​റ്റ​റു​ക​ളോ ഉ​ൾ​പ്പെ​ടെ ഡ്രൈ​വി​ങ്ങി​നി​ടെ ഏ​തു​ത​രം ദൃ​ശ്യ​മാ​ധ്യ​മ​ങ്ങ​ൾ ഉ​പ​യോ​ഗി​ക്കു​ന്ന​തും നി​യ​മ​ലം​ഘ​ന​മാ​യി മാ​റും. റ​ഡാ​ർ സെ​ൻ​സ​റു​ക​ൾ തി​രി​ച്ച​റി​യു​ക​യും പി​ഴ​ക്ക്​ ഇ​ട​യാ​വു​ക​യും ചെ​യ്യു​മെ​ന്ന്​ അ​ദ്ദേ​ഹം അ​ൽ റ​യാ​ൻ ടി.​വി​ക്കു ന​ൽ​കി​യ അ​ഭി​മു​ഖ​ത്തി​ൽ വി​ശ​ദീ​ക​രി​ച്ചു.മു​ന്നി​ലോ മ​റ്റോ ആ​യി സ്​​ഥാ​പി​ച്ച ഫോ​ണി​ൽ സ്പ​ർ​ശി​ക്കു​ന്ന​ത് പു​തി​യ റ​ഡാ​ർ സം​വി​ധാ​നം വ​ഴി ട്രാ​ഫി​ക് ലം​ഘ​ന​മാ​കും. വാ​ഹ​ന​മോ​ടി​ക്കു​മ്പോ​ൾ സ​മാ​ന​മാ​യ രീ​തി​യി​ൽ ഡാ​ഷ്‌​ബോ​ർ​ഡ് മോ​ണി​റ്റ​റു​മാ​യി ഇ​ട​പ​ഴ​കു​ന്ന​തും ട്രാ​ഫി​ക് ലം​ഘ​ന​മാ​യി ക​ണ​ക്കാ​ക്കു​ന്നു. മാ​ത്ര​മ​ല്ല ഇ​ത് റ​ഡാ​ർ വ​ഴി ക​ണ്ടെ​ത്തു​ക​യും ചെ​യ്യും

.

വാ​ഹ​ന​ത്തി​ന്റെ ഡി​സ്​​​പ്ലേ സ്‌​ക്രീ​നി​ൽ എ​ന്തെ​ങ്കി​ലും ദൃ​ശ്യ​ങ്ങ​ൾ ക​ണ്ടു​കൊ​ണ്ട് വാ​ഹ​ന​മോ​ടി​ക്കു​ന്ന​തും നി​യ​മ​ലം​ഘ​ന​മാ​യി പ​രി​ഗ​ണി​ക്കും. അ​തേ​സ​മ​യം, കാ​റി​ന്‍റെ ഡാ​ഷ് ബോ​ഡി​ലോ മ​റ്റോ സ്ഥാ​പി​ച്ചി​രി​ക്കു​ന്ന മൊ​ബൈ​ൽ ഫോ​ൺ ഹെ​ഡ് ഫോ​ൺ, ലൗ​ഡ് സ്പീ​ക്ക​ർ എ​ന്നി​വ വ​ഴി ഉ​പ​യോ​ഗി​ക്കു​ന്ന​ത് നി​യ​മ​ലം​ഘ​ന​മാ​യി ക​ണ​ക്കാ​ക്കി​ല്ല.എ​ന്നാ​ൽ, മൊ​ബൈ​ൽ സ്ക്രീ​നി​ൽ സ്പ​ർ​ശി​ച്ചു​കൊ​ണ്ടി​രി​ക്കു​ന്ന​തും വാ​ട്സ്ആ​പ് ചാ​റ്റു​ക​ൾ ചെ​യ്യു​ന്ന​തും വാ​യി​ക്കു​ന്ന​തും ദൃ​ശ്യ​ങ്ങ​ൾ കാ​ണു​ന്ന​തും സെ​ർ​ച്ച്​ ചെ​യ്യു​ന്ന​തു​മെ​ല്ലാം ന​ട​പ​ടി​ക​ൾ​ക്ക്​ വ​ഴി​വെ​ക്കും.

ര​ണ്ടാ​ഴ്​​ച മു​മ്പ്​ പ്ര​ഖ്യാ​പി​ച്ച റ​ഡാ​ർ സം​വി​ധാ​ന​ങ്ങ​ൾ, ആ​ഗ​സ്​​റ്റ്​ 27 മു​ത​ൽ പ​രീ​ക്ഷ​ണാ​ടി​സ്ഥാ​ന​ത്തി​ൽ പ്ര​വ​ർ​ത്ത​നം ആ​രം​ഭി​ച്ചി​രു​ന്നു. നി​യ​മ​ലം​ഘ​നം ന​ട​ത്തി ​ഡ്രൈ​വ്​ ചെ​യ്യു​ന്ന​വ​രെ തി​രി​ച്ച​റി​യു​ക​യും എ​സ്.​എം.​എ​സ്​ വ​ഴി അ​വ​ർ​ക്ക്​ മു​ന്ന​റി​യി​പ്പ്​ ന​ൽ​കു​ക​യു​മാ​ണ്​ ചെ​യ്യു​ന്ന​ത്. നി​യ​മ ലം​ഘ​ന​ത്തി​ന്‍റെ ദൃ​ശ്യ​ങ്ങ​ൾ മെ​ട്രാ​ഷ്​ ര​ണ്ട്​ ആ​പ്ലി​ക്കേ​ഷ​ൻ വ​ഴി​യും ല​ഭ്യ​മാ​കും. സെ​പ്​​റ്റം​ബ​ർ മൂ​ന്ന്​ ഞാ​യ​റാ​ഴ്​​ച മു​ത​ൽ നി​യ​മ​ലം​ഘ​ക​ർ​ക്ക്​ പി​ഴ ഈ​ടാ​ക്കി​ത്തു​ട​ങ്ങും. 500 റി​യാ​ലാ​ണ്​ പി​ഴ.

നാ​വി​ഗേ​ഷ​ൻ ഉ​പ​യോ​ഗി​ക്കു​​മ്പോ​ൾ...

വ​ഴി അ​റി​യാ​നു​ള്ള നാ​വി​ഗേ​ഷ​ൻ ആ​പ്പു​ക​ൾ ഉ​പ​യോ​ഗി​ക്കു​ന്ന​തി​ൽ തെ​റ്റി​ല്ല. ഡാ​ഷ്​​ബോ​ഡി​ൽ സ്ഥാ​പി​ച്ച മൊ​ബൈ​ൽ ഫോ​ണി​ലേ​ക്കോ സ്​​ക്രീ​നി​ലേ​ക്കോ നോ​ക്കി നാ​വി​ഗേ​ഷ​ൻ പി​ന്തു​ട​ർ​ന്ന്​ യാ​ത്ര​ചെ​യ്യാ​വു​ന്ന​താ​ണ്. എ​ന്നാ​ൽ, ഡ്രൈ​വി​ങ്ങി​നി​ടെ ഫോ​ണോ മ​റ്റ്​ സ്​​ക്രീ​നു​ക​ളോ ​തൊ​ടാ​നോ നാ​വി​ഗേ​ഷ​ൻ സെ​ർ​ച്ച്​ ചെ​യ്യാ​നോ ടൈ​പ്പ്​ ചെ​യ്യാ​നോ പാ​ടി​ല്ല. യാ​ത്ര ആ​രം​ഭി​ക്കും മു​​മ്പേ നാ​വി​ഗേ​ഷ​ൻ സെ​റ്റ്​ ചെ​യ്​​ത്, എ​ല്ലാം ത​യാ​റാ​ക്കി വെ​ക്കു​ക​യാ​ണ്​ വേ​ണ്ട​തെ​ന്ന്​ മേ​ജ​ർ ഹ​മ​ദ്​ അ​ലി അ​ൽ മു​ഹ​ന്ന​ദി വി​ശ​ദീ​ക​രി​ക്കു​ന്നു. യാ​ത്ര​ക്കി​ട​യി​ൽ ഫോ​ണി​ൽ മാ​പ് പ​ര​തി, റൂ​ട്ട്​ ചെ​യ്യാ​നി​രു​ന്നാ​ൽ പ​ണി​കി​ട്ടു​മെ​ന്നു​റ​പ്പ്.