ഗ​സ്സ​യി​ലെ നോ​മ്പു​കാ​ർ​ക്ക് ആ​ശ്വാ​സ​വു​മാ​യി ഖ​ത്ത​ർ ചാ​രി​റ്റി

ദോ​ഹ: ഇ​സ്രാ​യേ​ൽ ആ​​​ക്ര​മ​ണ​ത്തി​ൽ ദു​രി​ത​ത്തി​ലാ​യ ഗ​സ്സ​ക്കാ​ർ​ക്ക് ഭ​ക്ഷ​ണ​മെ​ത്തി​ച്ച് ഖ​ത്ത​ർ ചാ​രി​റ്റി. റ​മ​ദാ​നി​ൽ നോ​മ്പ​നു​ഷ്ഠി​ക്കാ​ൻ പ്ര​യാ​സ​പ്പെ​ടു​ന്ന ജ​ന​ങ്ങ​ൾ​ക്ക് ഇ​ഫ്താ​റി​നും അ​ത്താ​ഴ​ത്തി​നു​മു​ള്ള ഭ​ക്ഷ്യ​വ​സ്തു​ക്ക​ളാ​ണ് വി​വി​ധ മാ​ർ​ഗ​ങ്ങ​ളി​ലൂ​ടെ വി​ത​ര​ണം ചെ​യ്യു​ന്ന​ത്. ‘അ​തി​രു​ക​ളി​ല്ലാ​ത്ത ഉ​ദാ​ര​ത’ എ​ന്ന ത​ല​ക്കെ​ട്ടി​ൽ ഖ​ത്ത​ർ ചാ​രി​റ്റി ന​ട​ത്തു​ന്ന റ​മ​ദാ​ൻ കാ​മ്പ​യി​ന്റെ ഭാ​ഗ​മാ​യി ഫീ​ഡ് ദി ​ഫാ​സ്റ്റി​ങ് പ​ദ്ധ​തി​ക്ക് കീ​ഴി​ലാ​ണ് ഗ​സ്സ​യി​ലെ സ​ഹാ​യ വി​ത​ര​ണം. ഇ​തു​വ​രെ മൂ​ന്ന് ല​ക്ഷ​ത്തോ​ളം പേ​ർ ഗു​ണ​ഭോ​ക്താ​ക്ക​ളാ​യെ​ന്നും പ്ര​തി​സ​ന്ധി​യി​ല​ക​പ്പെ​ട്ട​വ​ർ​ക്ക് റ​മ​ദാ​നി​ൽ കൂ​ടു​ത​ൽ സ​ഹാ​യ​വി​ത​ര​ണം ന​ട​ത്താ​നാ​കു​മെ​ന്ന് പ്ര​തീ​ക്ഷി​ക്കു​ന്ന​താ​യും ഖ​ത്ത​ർ ചാ​രി​റ്റി അ​റി​യി​ച്ചു.

ഇ​തു​വ​രെ 12000 ഭ​ക്ഷ്യ കി​റ്റു​ക​ളും 13200 ചാ​ക്ക് ധാ​ന്യ​പ്പൊ​ടി​യു​മാ​ണ് ന​ൽ​കി​യ​ത്. കൂ​ടാ​തെ 150,000 പേ​ർ​ക്ക് റെ​ഡി ടു ​ഈ​റ്റ് ഭ​ക്ഷ​ണ​പ്പൊ​തി​ക​ളും ഖ​ത്ത​ർ ചാ​രി​റ്റി വി​ത​ര​ണം ചെ​യ്തു. ഇ​സ്രാ​യേ​ൽ ആ​ക്ര​മ​ണ​ങ്ങ​ളു​ടെ പ​ശ്ചാ​ത്ത​ല​ത്തി​ൽ ക​ടു​ത്ത ഭ​ക്ഷ്യ​ക്ഷാ​മ​വും വി​ശു​ദ്ധ മാ​സ​ത്തി​ൽ നോ​മ്പ് തു​റ​ക്കാ​നു​ള്ള പ്ര​യാ​സ​ങ്ങ​ളും കാ​ര​ണം ദു​രി​ത​ത്തി​ലാ​യ​വ​ർ​ക്ക് വ​ലി​യ ആ​ശ്വാ​സ​മാ​ണ് സ​ഹാ​യ​മെ​ത്തി​ക്കു​ന്ന​ത്. ഒ​ക്ടോ​ബ​ർ മു​ത​ൽ ഖ​ത്ത​ർ ചാ​രി​റ്റി​ക്ക് കീ​ഴി​ൽ ഗ​സ്സ​യി​ൽ ന​ട​ത്തു​ന്ന മാ​നു​ഷി​ക പ്ര​വ​ർ​ത്ത​ന​ങ്ങ​ളു​ടെ തു​ട​ർ​ച്ച​യാ​ണ് ഫീ​ഡ് ദി ​ഫാ​സ്റ്റി​ങ് സം​രം​ഭം.

പ്രാ​ദേ​ശി​ക പ​ങ്കാ​ളി​ക​ളു​ടെ​യും ഫീ​ൽ​ഡ് ഓ​ഫി​സു​ക​ളു​ടെ​യും സ​ഹ​ക​ര​ണ​ത്തോ​ടെ ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ലാ​യി 40 രാ​ജ്യ​ങ്ങ​ളി​ൽ ഖ​ത്ത​ർ ചാ​രി​റ്റി റ​മ​ദാ​ൻ പ​ദ്ധ​തി​ക​ൾ തു​ട​രു​ക​യാ​ണ്.ഫ​ല​സ്തീ​ൻ, സി​റി​യ, സോ​മാ​ലി​യ, യ​മ​ൻ, ബം​ഗ്ലാ​ദേ​ശ് എ​ന്നി​വി​ട​ങ്ങ​ളി​ൽ ഖ​ത്ത​ർ ചാ​രി​റ്റി പ്ര​ത്യേ​കം പ​ദ്ധ​തി​ക​ൾ ന​ട​പ്പാ​ക്കു​ന്നു​ണ്ട്. ഫി​ത്ർ സ​കാ​ത്ത്, പെ​രു​ന്നാ​ൾ വ​സ്ത്ര​ങ്ങ​ൾ എ​ന്നി​വ​യെ​ല്ലാം ഉ​ൾ​പ്പെ​ടു​ന്ന​താ​ണ് പ​ദ്ധ​തി.