ഒ​സാ​ക എ​ക്‌​സ്‌​പോ 2025; പ​വ​ലി​യ​ന് ത​റ​ക്ക​ല്ലി​ട്ട് ഖ​ത്ത​ർ

ദോ​ഹ: ര​ണ്ടു വ​ർ​ഷം മു​മ്പ് ദു​ബൈ വേ​ദി​യാ​യ വേ​ൾ​ഡ് എ​ക്സ്​​പോ​യു​ടെ അ​ടു​ത്ത പ​തി​പ്പാ​യ ജ​പ്പാ​നി​ലെ ഒ​സാ​ക​യി​ൽ ന​ട​ക്കു​ന്ന എ​ക്സ്​​പോ​യി​ൽ ത​ങ്ങ​ളു​ടെ പ​വ​ലി​യ​ൻ നി​ർ​മാ​ണ​ത്തി​ന് തു​ട​ക്കം കു​റി​ച്ച് ഖ​ത്ത​ർ. 2025 ഏ​പ്രി​ൽ 13 മു​ത​ൽ ഒ​ക്ടോ​ബ​ർ 13 വ​രെ​യാ​ണ് ആ​റു​മാ​സം നീ​ളു​ന്ന ലോ​ക​മേ​ള​ക്ക് ഒ​സാ​ക വേ​ദി​യാ​കു​ന്ന​ത്. അ​ത്യാ​ധു​നി​ക സൗ​ക​ര്യ​ങ്ങ​ളും, ഖ​ത്ത​റി​ന്റെ പൈ​തൃ​ക​വും പാ​ര​മ്പ​ര്യ​വും പ​ക​ർ​ത്തു​ന്ന​തു​മാ​യ മാ​തൃ​ക​യി​ലാ​ണ് എ​ക്സ്​​പോ വേ​ദി​യി​ലെ പ​വ​ലി​യ​ൻ സ​ജ്ജ​മാ​ക്കു​ന്ന​ത്. ആ​ഗോ​ള വെ​ല്ലു​വി​ളി​ക​ൾ നേ​രി​ടാ​നും പു​തി​യ സു​സ്ഥി​ര മാ​തൃ​ക​ക​ളും നൂ​ത​ന ക​ണ്ടെ​ത്ത​ലു​ക​ളും ലോ​ക​ത്തി​ന് മു​ന്നി​ൽ അ​വ​ത​രി​പ്പി​ക്കു​ന്ന വേ​ദി​യാ​യി​രി​ക്കും ഒ​സാ​ക്ക വേ​ദി​യാ​കു​ന്ന എ​ക്‌​സ്‌​പോ.

ജ​പ്പാ​നു​മാ​യു​ള്ള ഖ​ത്ത​റി​ന്റെ സ​ഹ​ക​ര​ണ, സൗ​ഹൃ​ദ ബ​ന്ധ​ങ്ങ​ൾ പ്ര​തി​ഫ​ലി​ക്കു​ന്ന​താ​വും എ​ക്‌​സ്‌​പോ​യി​ലെ പ​ങ്കാ​ളി​ത്ത​മെ​ന്ന് ജ​പ്പാ​നി​ലെ ഖ​ത്ത​ർ സ്ഥാ​ന​പ​തി​യും എ​ക്‌​സ്‌​പോ ക​മീ​ഷ​ണ​ർ ജ​ന​റ​ലു​മാ​യ ജാ​ബ​ർ ബി​ൻ ജാ​റ​ല്ല അ​ൽ മ​ർ​റി പ​റ​ഞ്ഞു. ഇ​രു​രാ​ജ്യ​ങ്ങ​ളും ത​മ്മി​ലെ ബ​ന്ധ​ത്തി​ന് അ​ര നൂ​റ്റാ​ണ്ടി​ലേ​റെ പ​ഴ​ക്ക​മു​ണ്ടെ​ന്നും എ​ക്‌​സ്‌​പോ​യി​ലെ രാ​ജ്യ​ത്തി​ന്റെ പ​ങ്കാ​ളി​ത്തം വി​വി​ധ മേ​ഖ​ല​ക​ളി​ലെ നേ​ട്ട​ങ്ങ​ളെ അ​വ​ലോ​ക​നം ചെ​യ്യാ​നു​ള്ള അ​വ​സ​ര​മാ​ക്കി മാ​റ്റു​ക​യാ​ണ് ല​ക്ഷ്യ​മെ​ന്നും ജാ​ബ​ർ അ​ൽ മ​ർ​റി കൂ​ട്ടി​ച്ചേ​ർ​ത്തു. 2005ൽ ​ന​ഗോ​യ ന​ഗ​ര​ത്തി​ൽ ന​ട​ന്ന എ​ക്‌​സ്‌​പോ​യി​ൽ ഖ​ത്ത​ർ സ​വി​ശേ​ഷ പ​വ​ലി​യ​നു​മാ​യി പ​ങ്കെ​ടു​ത്തി​രു​ന്നു. പി​താ​വ് അ​മീ​ർ ശൈ​ഖ് ഹ​മ​ദ് ബി​ൻ ഖ​ലീ​ഫ ആ​ൽ​ഥാ​നി​യു​ടെ ര​ക്ഷാ​ക​ർ​തൃ​ത്വ​ത്തി​ൽ സ്ഥാ​പി​ച്ച പ​വ​ലി​യ​ൻ അ​ദ്ദേ​ഹം സ​ന്ദ​ർ​ശി​ച്ച​താ​യും അ​ൽ മ​ർ​റി ചൂ​ണ്ടി​ക്കാ​ട്ടി.

എ​ക്‌​സ്‌​പോ​യി​ലെ ഖ​ത്ത​റി​ന്റെ പ​ങ്കാ​ളി​ത്തം ജ​പ്പാ​നു​മാ​യും ലോ​ക​വു​മാ​യു​ള്ള ഖ​ത്ത​റി​ന്റെ സാ​മ്പ​ത്തി​ക, സാ​മൂ​ഹി​ക ബ​ന്ധ​ങ്ങ​ൾ വി​ക​സി​പ്പി​ക്കു​ന്ന​തി​നും ശ​ക്തി​പ്പെ​ടു​ത്തു​ന്ന​തി​നു​മു​ള്ള അ​വ​സ​ര​മാ​ണെ​ന്നും അ​ദ്ദേ​ഹം വ്യ​ക്ത​മാ​ക്കി. ഒ​സാ​ക്ക എ​ക്‌​സ്‌​പോ​യി​ൽ ഖ​ത്ത​റി​ന്റെ പ​വ​ലി​യ​ൻ വേ​റി​ട്ട് നി​ൽ​ക്കു​മെ​ന്നും സ​വി​ശേ​ഷ​വും ഉ​ന്ന​ത​വു​മാ​യ പ​വ​ലി​യ​ൻ സ്ഥാ​പി​ക്കു​ക​യാ​ണ് ല​ക്ഷ്യ​മെ​ന്നും എ​ക്‌​സ്‌​പോ​യി​ലെ ഖ​ത്ത​ർ പ​ങ്കാ​ളി​ത്ത​ത്തി​നാ​യു​ള്ള ത​യാ​റെ​ടു​പ്പ് സ​മി​തി അ​ധ്യ​ക്ഷ​ൻ ജ​ന​റ​ൽ ശൈ​ഖ് അ​ലി ബി​ൻ അ​ൽ വ​ലീ​ദ് ആ​ൽ​ഥാ​നി പ​റ​ഞ്ഞു. ജ​പ്പാ​ന് പു​റ​ത്ത് നി​ന്നു​മാ​ത്ര​മാ​യി ഏ​ക​ദേ​ശം 35 ല​ക്ഷം സ​ന്ദ​ർ​ശ​ക​രെ​യാ​ണ് പ്ര​തീ​ക്ഷി​ക്കു​ന്ന​ത്. 150 രാ​ജ്യ​ങ്ങ​ളി​ൽ​നി​ന്നും 25 അ​ന്താ​രാ​ഷ്ട്ര സം​ഘ​ട​ന​ക​ളി​ൽ​നി​ന്നു​മു​ള്ള പ്ര​തി​നി​ധി​ക​ൾ പ​ങ്കെ​ടു​ക്കും.