പി.എച്ച്.സി.സി ഫാർമസി ബില്ലിങ്​ സംവിധാനത്തെ സ്വാഗതം ചെയ്ത് രോഗികൾ

ദോഹ: ൈപ്രമറി ഹെൽത്ത് കെയർ കോർപറേഷന് കീഴിലുള്ള  ഹെൽത്ത് സ​െൻററുകളിലെ പുതിയ ബില്ലിങ്​ സംവിധാനത്തെ  രോഗികൾ സ്വാഗതം ചെയ്യുന്നു. മൈ കെയർ ബില്ലിങ്​  എന്നറിയപ്പെടുന്ന സംവിധാനത്തിൽ അധിക രോഗികളും  തൃപ്തരാണെന്നാണ് റിപ്പോർട്ടുകൾ സൂചിപ്പിക്കുന്നത്. ഇത്  പ്രകാരം രോഗികൾക്ക് നേരിട്ട് തന്നെ ഫാർമസികളിൽ പോയി  തങ്ങളുടെ മരുന്നി​െൻറ ബില്ല് അടക്കാൻ സാധിക്കും. 
നേരത്തെ ഡോക്ടറെ കണ്ട ശേഷം കുറിപ്പുമായി  ഫാർമസിയിലേക്ക് പോകുകയും മരുന്നി​െൻറ വിലവിവരങ്ങൾ  നൽകുകയും ചെയ്​ത്​ പണമടക്കേണ്ട സ്​ഥലത്ത് പോയി അടച്ച  രസീതിയുമായി വീണ്ടും ഫാർമസിയിലെത്തിയാണ് മരുന്ന്  കൈപ്പറ്റേണ്ടിയിരുന്നത്. 
മൈ കെയർ ബില്ലിങ്​  സംവിധാനത്തോടെ ഈ രീതിക്ക് മാറ്റം വന്നു. ആദ്യമുണ്ടായിരുന്ന സംവിധാനം മൂലം രോഗികളുടെ  നീക്കത്തിൽ മെല്ലെപ്പോക്കായിരുന്നു  അനുഭവപ്പെട്ടിരിക്കുന്നതെങ്കിൽ ഇപ്പോൾ എല്ലാം പെട്ടെന്ന്  കഴിയുകയും രോഗികളുടെ നീക്കങ്ങൾ എളുപ്പമാകുകയും  ചെയ്യുന്നു. അവരുടെ സുരക്ഷ ഉറപ്പുവരുത്തുന്നതോടൊപ്പം രോഗികൾക്ക്  ആശയക്കുഴപ്പം ഇല്ലാതാക്കാനും ഇത് മൂലം സാധിച്ചുവെന്ന്  മിസൈമീർ ഹെൽത്ത് സ​െൻറർ മേധാവി ഡോ. ലീന അബ്​ദുല്ല  പറഞ്ഞു.