മ​നു​ഷ്യ​ക്ക​ട​ത്ത്​; അ​ഞ്ചു​പേ​ർ​ക്ക്​ ഏ​ഴു വ​ർ​ഷം ത​ട​വും 10,000 റി​യാ​ൽ പി​ഴ​യും

​മ​സ്ക​ത്ത്​: മ​നു​ഷ്യ​ക്ക​ട​ത്തു​മാ​യി ബ​ന്ധ​പ്പെട്ട് നാ​ല്​ പ്ര​വാ​സി​ക​ളും ഒ​രു ഒ​മാ​നി​യും ഉ​ൾ​പ്പെ​ടെ അ​ഞ്ചു​പേ​രെ ഏ​ഴ്​ വ​ർ​ഷം ത​ട​വി​നും 10,000 റി​യാ​ൽ പി​ഴ അ​ട​ക്കാ​നും കോ​ട​തി ഉ​ത്ത​ര​വി​ട്ടു. ഇ​ബ്രി കോ​ട​തി ഓ​ഫ് അ​പ്പീ​ൽ (ഫെ​ലോ​ണീ​സ് സ​ർ​ക്യൂ​ട്ട്) ആ​ണ്​ ശി​ക്ഷാ​വി​ധി​ച്ച​ത്. ഒ​മാ​നി പൗ​ര​ൻ മു​ഹ​മ്മ​ദ് ബി​ൻ സ​ഈ​ദ്​ ബി​ൻ യൂ​സ​ഫ്, പാ​കി​സ്​​താ​ൻ സ്വ​ദേ​ശി ഷാ ​സെ​ബ് മു​ഹ​മ്മ​ദ് സാ​ദി​ഖ്, ബം​ഗ്ലാ​ദേ​ശു​കാ​രാ​യ ഡെ​ലോ​വ​ർ ബാ​പ്പ​രി, എം.​ഡി. അ​സി​ക്കൂ​ർ, ജ​ഹാം​ഗീ​ർ അ​ബ്ദു​ൾ ഖാ​ലി​ക് എ​ന്നി​വ​രെ​യാ​ണ്​ ശി​ക്ഷി​ച്ച​തെ​ന്ന്​ ഒ​മാ​ൻ പ​ബ്ലി​ക് പ്രോ​സി​ക്യൂ​ഷ​ൻ അ​റി​യി​ച്ചു.

അ​നി​ശ്ചി​ത​കാ​ല പ്ര​വേ​ശ​ന വി​ല​ക്കി​നൊ​പ്പം ശി​ക്ഷ കാ​ലാ​വ​ധി പൂ​ർ​ത്തി​യാ​കു​ന്ന​തോ​ടെ നാ​ല് പ്ര​വാ​സി പ്ര​തി​ക​ളെ​യും രാ​ജ്യ​ത്ത് നി​ന്ന് നാ​ടു​ക​ട​ത്താ​നും കോ​ട​തി ഉ​ത്ത​ര​വി​ട്ടി​ട്ടു​ണ്ട്. ഏ​ഷ്യ​ൻ വം​ശ​ജ​യാ​ണ്​ ചൂ​ഷ​ണ​ത്തി​ന്​ ഇ​ര​യാ​യ​ത്. മ​സ്‌​ക​ത്ത്​ ഗ​വ​ർ​ണ​റേ​റ്റി​ൽ​നി​ന്ന് ഇ​വ​രെ ഇ​ബ്രി വി​ലാ​യ​ത്തി​ൽ എ​ത്തി​ച്ച്​ ​വേ​ശ്യാ​വൃ​ത്തി​ക്കു​പ​യോ​ഗി​ക്കു​ക​യാ​യി​രു​ന്നു​വെ​ന്ന്​ പ​ബ്ലി​ക് പ്രോ​സി​ക്യൂ​ഷ​ൻ ന​ട​ത്തി​യ അ​ന്വേ​ഷ​ണ​ത്തി​ൽ ക​ണ്ടെ​ത്തി. സ​മൂ​ഹ​മാ​ധ്യ​മ​ങ്ങ​ള​ട​ക്കം ഉ​പ​യോ​ഗി​ച്ചാ​യി​രു​ന്നു ഇ​ത്ത​രം പ്ര​വ​ർ​ത്ത​ന​ങ്ങ​ൾ ന​ട​ത്തി​യ​ത്. സ​മ​ഗ്ര​മാ​യ അ​ന്വേ​ഷ​ണ​ങ്ങ​ൾ​ക്കും തെ​ളി​വു​ക​ളു​ടെ ശേ​ഖ​ര​ണ​ത്തി​നും ശേ​ഷം പ​ബ്ലി​ക് പ്രോ​സി​ക്യൂ​ഷ​ൻ പ്ര​തി​ക​ളെ വി​ചാ​ര​ണ​ക്കാ​യി കോ​ട​തി​യി​ലേ​ക്ക് കൈ​മാ​റു​ക​യാ​യി​രു​ന്നു.