കൈ​യി​ൽ മ​ഷി പു​ര​ട്ടി പ്ര​വാ​സികളും....

മ​സ്ക​ത്ത്​: കേ​ര​ള​ത്തി​ൽ ന​ട​ന്ന ലോ​ക്സഭ​ തെ​ര​ഞ്ഞെ​ടു​പ്പി​ന്‍റെ വോ​ട്ടെ​ടു​പ്പി​ൽ പ​ങ്കാ​ളി​ക​ളാ​യി ഒ​മാ​നി​ൽ​നി​ന്നു​ള്ള ​പ്ര​വാ​സി​ക​ളും. വേ​ട്ടെ​ടു​പ്പി​ന്​ ദി​വ​സ​ങ്ങ​ൾ​ക്കു​മു​മ്പേ നി​ര​വ​ധി​പേ​ർ നാ​ട​ണ​ഞ്ഞി​രു​ന്നു. ഇ​വ​രി​ൽ ഭൂ​രി​ഭാ​ഗം​പേ​രും രാ​വി​ലെ​ത​ന്നെ ത​ങ്ങ​ളു​ടെ സ​മ്മ​തി​ദാ​നം വി​നി​യോ​ഗി​ച്ച്​ നാ​ട്ടി​ൻ പു​റ​ങ്ങ​ളി​​ലെ തെ​ര​ഞ്ഞെ​ടു​പ്പ്​ ആ​ര​വ​ങ്ങ​ളി​ൽ മു​ഴു​കി. മ​റ്റ്​ ചി​ല​രാ​ക​ട്ടെ വെ​ള്ളി​യാ​ഴ്ച​യാ​യ​തു​കൊ​ണ്ട് ഉ​ച്ച​ക്ക്​ ശേ​ഷ​മാ​യി​രു​ന്നു പോ​ളി​ങ്​ ബൂ​ത്തി​ലെ​ത്തി​യ​ത്.

പ്ര​വാ​സി​ക​ളി​ൽ പ​ല​ർ​ക്കും ഇ​ത്​ ക​ന്നി വോ​ട്ടാ​യി​രു​ന്നു. തെ​രെ​ഞ്ഞെ​ടു​പ്പ്​ സ​മ​യ​ത്ത്​ അ​ധി​കം ആ​ളു​ക​ൾ​ക്കും ലീ​വ്​ കി​ട്ടാ​​നും പ്ര​യാ​സ​മാ​യി​രു​ന്നു. അ​തു​കൊ​ണ്ടു​ത​ന്നെ സ​മ്മ​തി​ദാ​ന അ​വ​കാ​ശം വി​നി​യോ​ഗി​ക്കാ​ൻ ഇ​വ​ർ​ക്ക്​ നാ​ട്ടി​ലെ​ത്താ​ൻ സാ​ധി​ച്ചി​രു​ന്നി​ല്ല. നി​ല​വി​ൽ ഇ​ന്ത്യ​യു​ടെ നി​ല​നി​ൽ​പ്പു​ത​ന്നെ ചോ​ദ്യം ചെ​യ്യ​പ്പെ​ടു​ന്ന സ്ഥി​തി​യാ​ണു​ള്ള​ത്. അ​തു​കൊ​ണ്ടു​ത​ന്നെ ഈ ​തെ​ര​ഞ്ഞെ​ടു​പ്പി​ന്​ വ​ള​രെ അ​ധി​കം പ്ര​ധാ​ന്യ​മു​​​​ണ്ടെ​ന്നും അ​തി​നാ​ലാ​ണ്​ നാ​ട്ടി​ലെ​ത്തി വോ​ട്ടു​രേ​ഖ​പ്പെ​ടു​ത്തി​യ​തെ​ന്നും പ​ല​രും ഗ​ൾ​ഫ്​ മാ​ധ്യ​മ​ത്തോ​ട്​ പ്ര​തി​ക​രി​ച്ചു. എ​ന്നാ​ൽ, നാ​ട്ടി​ൽ പേ​കാ​ൻ ക​ഴി​യാ​ത്ത​വ​ർ വീ​ട്ടി​ലു​ള്ള​വ​രെ​യും ബ​ന്ധു​ക്ക​ളെ​യും വി​ളി​ച്ചു വോ​ട്ട്​ ചെ​യ്​​തെ​ന്ന്​ ഉ​റ​പ്പു​വ​രു​ത്തി ത​ങ്ങ​ളാ​ൽ ക​ഴി​യു​ന്ന പി​ന്തു​ണ അ​റ​യി​ക്കു​ക​യും ചെ​യ്തു.

ക​ഴി​ഞ്ഞ ലോ​ക​സ​ഭ തെ​ര​ഞ്ഞെ​ടു​പ്പി​ലെ തി​ള​ക്ക​മാ​ർ​ന്ന നേ​ട്ടം യു.​ഡി.​എ​ഫ് ഈ ​തെ​ര​ഞ്ഞെ​ടു​പ്പി​ലും ആ​വ​ർ​ത്തി​ക്കു​മെ​ന്ന്​ ഐ​ക്യ​ജ​നാ​ധി​പ​ത്യ​മു​ന്ന​ണി അ​നു​ഭാ​വി​ക​ൾ പ​റ​ഞ്ഞു. എ​ന്നാ​ൽ, ​2004ന് ​സ​മാ​ന​മാ​യ വി​ജ​യം ഉ​ണ്ടാ​കു​മെ​ന്നാ​ണ്​ ഇ​ട​തു കേ​ന്ദ്ര​ങ്ങ​ൾ ഉ​റ​പ്പു പ​റ​യു​ന്ന​ത്.

ക​ഴി​ഞ്ഞ പ​ത്തു​വ​ർ​ഷ​കാ​ലം മോ​ദി സ​ർ​ക്കാ​ർ കൈ​കൊ​ണ്ട ജ​ന​വി​രു​ദ്ധ സ​മീ​പ​ന​ങ്ങ​ൾ, പൗ​ര​ത്വ വി​ഷ​യം, കാ​ശ്മീ​രി​ന്റെ പ്ര​ത്യേ​ക പ​ദ​വി റ​ദ്ദാ​ക്ക​ൽ, രാ​മ​ക്ഷേ​ത്രം എ​ന്നീ വി​ഷ​യ​ങ്ങ​ളി​ൽ കോ​ൺ​ഗ്ര​സ് കൈ​ക്കൊ​ണ്ട ബി.​ജെ.​പി അ​നു​കൂ​ല നി​ല​പാ​ടു​ക​ളും ന്യൂ​ന​പ​ക്ഷ​ങ്ങ​ൾ​ക്കി​ട​യി​ൽ ഇ​ട​തു​പ​ക്ഷ​ത്തി​ന് അ​നു​കൂ​ല വി​കാ​രം ഉ​ണ്ടാ​ക്കി​യെ​ന്നും അ​ത് മാ​റു​മെ​ന്നും സി.​പി. അ​നു​ഭാ​വി സി​യാ​ദ് ഉ​ണി​ച്ചി​റ പ​റ​ഞ്ഞു. പ​ന്ത്ര​ണ്ടു മു​ത​ൽ പ​തി​ന​ഞ്ചു വ​രെ സീ​റ്റു​ക​ളി​ൽ ഇ​ട​തു​മു​ന്ന​ണി സ്ഥാ​നാ​ർ​ഥി​ക​ൾ വി​ജ​യി​ക്കു​മെ​ന്ന് കൈ​ര​ളി ഒ​മാ​ൻ ഭാ​ര​വാ​ഹി സ​ന്തോ​ഷ്കു​മാ​ർ പ​റ​ഞ്ഞു.

വോ​ട്ട​വ​കാ​ശം വി​നി​യോ​ഗി​ച്ച സം​ഘ​ട​നാ ഭാ​ര​വാ​ഹി​ക​ൾ മൂ​ന്നു പ​തി​റ്റാ​ണ്ട് കാ​ല​ത്തെ പ്ര​വാ​സ ജീ​വി​ത​ത്തി​ൽ ഒ​രി​ക്ക​ൽ​പോ​ലും വോ​ട്ട് മു​ട​ക്കി​യി​ട്ടി​ല്ലാ​ത്ത കോ​ൺ​ഗ്ര​സ് നേ​താ​വ് സി​ദ്ദി​ഖ് ഹ​സ്സ​ൻ ചാ​ല​ക്കു​ടി മ​ണ്ഡ​ല​ത്തി​ലെ കു​ന്ന​ത്തു​നാ​ട് അ​സം​ബ്ലി മ​ണ്ഡ​ല​ത്തി​ൽ രാ​വി​ലെ ത​ന്നെ കു​ടും​ബ​സ​മേ​തം വോ​ട്ടു രേ​ഖ​പ്പെ​ടു​ത്തി. ഇ​വി​ടെ​ത്തെ 102ാം ബൂ​ത്തി​ലെ ബൂ​ത്ത് ഏ​ജ​ന്റ് കൂ​ടി​യാ​യി​രു​ന്നു ഇ​ദ്ദേ​ഹം. തെ​ര​ഞ്ഞെ​ടു​പ്പ് പ്ര​ചാ​ര​ണ​വു​മാ​യി കേ​ര​ള​ത്തി​ൽ പ​ല​യി​ട​ത്തും സ​ഞ്ച​രി​ച്ച​പ്പോ​ൾ യു.​ഡി.​എ​ഫ് ത​രം​ഗ​മാ​ണെ​ന്ന് മ​ന​സ്സി​ലാ​ക്കാ​ൻ സാ​ധി​ച്ചു​വെ​ന്നും ചാ​ല​ക്കു​ടി മ​ണ്ഡ​ല​ത്തി​ലും അ​തി​ന്റെ പ്ര​തി​ഫ​ല​നം കാ​ണാ​മെ​ന്നും അ​ദ്ദേ​ഹം പ​റ​ഞ്ഞു.

പ്ര​വാ​സി ക്ഷേ​മ​നി​ധി ബോ​ർ​ഡ് അം​ഗം വി​ൽ​സ​ൺ ജോ​ർ​ജ് വ​യ​നാ​ട് ലോ​ക​്സ​ഭാ മ​ണ്ഡ​ല​ത്തി​ലെ നി​ല​മ്പൂ​രി​ൽ വോ​ട്ട് രേ​ഖ​പ്പെ​ടു​ത്തി. ക​ഴി​ഞ്ഞ ത​വ​ണ കോ​ൺ​ഗ്ര​സ്സ് നേ​താ​വ് രാ​ഹു​ൽ ഗാ​ന്ധി വ​ൻ ഭൂ​രി​പ​ക്ഷ​ത്തി​ൽ വി​ജ​യി​ച്ച വ​യ​നാ​ട്ടി​ൽ ഇ​ത്ത​വ​ണ ആ​നി രാ​ജ ഉ​ണ്ടാ​ക്കി​യ മു​ന്നേ​റ്റം വ​ള​രെ വ​ലു​താ​ണ് എ​ന്നും അ​തു​കൊ​ണ്ടു​ത​ന്നെ വ​ലി​യൊ​രു അ​ട്ടി​മ​റി പ്ര​തീ​ക്ഷി​ക്കാ​മെ​ന്നും വി​ൽ​സ​ൺ ജോ​ർ​ജ് പ​റ​ഞ്ഞു. കെ.​എം.​സി.​സി കേ​ന്ദ്ര​ക​മ്മി​റ്റി ട്ര​ഷ​റ​ർ പി.​ടി.​കെ ഷെ​മീ​ർ കു​ടും​ബ​സ​മേ​തം വ​ട​ക​ര ലോ​ക​സ​ഭ മ​ണ്ഡ​ല​ത്തി​ലെ വ​ട​ക​ര മു​നി​സി​പ്പാ​ലി​റ്റി 146ാം ന​മ്പ​ർ ബൂ​ത്തി​ൽ വോ​ട്ട് രേ​ഖ​പ്പെ​ടു​ത്തി. മ​ക്ക​ളാ​യ നി​ദ​യു​ടെ​യും നൂ​റ​യു​ടെ​യും ക​ന്നി​വോ​ട്ട് കൂ​ടി​യാ​യി​രു​ന്നു ഇ​ത്ത​വ​ണ.

ഒ.​ഐ.​സി.​സി മി​ഡി​ൽ ഈ​സ്റ്റ് ക​ൺ​വീ​ന​ർ സ​ജി ഔ​സേ​പ്പ് കോ​ട്ട​യം മ​ണ്ഡ​ല​ത്തി​ലും ഇ​ൻ​കാ​സ് വൈ​സ് പ്ര​സി​ഡ​ന്‍റ്​ എ​സ്.​പി.​നാ​യ​ർ തി​രു​വ​ന​ന്ത​പു​ര​ത്തും ഒ.​ഐ.​സി.​സി -ഇ​ൻ​കാ​സ് ഗ്ലോ​ബ​ൽ ചെ​യ​ർ​മാ​ൻ ശ​ങ്ക​ര​പി​ള്ള​ൻ കു​മ്പ​ള​ത്ത്, എ​ൻ.​ഒ.​ഉ​മ്മ​ൻ എ​ന്നി​വ​ർ കൊ​ല്ലം മ​ണ്ഡ​ല​ത്തി​ലെ വി​വി​ധ ബൂ​ത്തു​ക​ളി​ലും വോ​ട്ട് രേ​ഖ​പ്പെ​ടു​ത്തി. ഇ​ൻ​കാ​സ് നാ​ഷ​ന​ൽ സെ​ക്ര​ട്ട​റി സ​ന്തോ​ഷ് പ​ള്ളി​ക്ക​ൽ പ​ത്ത​നം​തി​ട്ട​യി​ലും അ​ജോ ക​ട്ട​പ്പ​ന ഇ​ടു​ക്കി​യി​ലും ഇ​ൻ​കാ​സ് നി​സ്​​വ പ്ര​സി​ഡ​ന്റ് ഇ.​വി.​പ്ര​ദീ​പ് തൃ​ശൂ​രി​ലും, ഇ​ൻ​കാ​സ് ഒ​മാ​ൻ പ്ര​സി​ഡ​ന്റ് അ​നീ​ഷ് ക​ട​വി​ൽ ചാ​ല​ക്കു​ടി മ​ണ്ഡ​ല​ത്തി​ലെ പെ​രു​മ്പാ​വൂ​രി​ലും വോ​ട്ട് ചെ​യ്തു.

കൈ​ര​ളി ഒ​മാ​ൻ ഭാ​ര​വാ​ഹി​ക​ളാ​യ ബാ​ല​കൃ​ഷ്‌​ണ​ൻ ക​ണ്ണൂ​ർ മ​ണ്ഡ​ല​ത്തി​ലെ ത​ളി​പ്പ​റ​മ്പി​ലും സ​ന്തോ​ഷ് എ​രി​ഞ്ഞേ​ലി ധ​ർ​മ്മ​ട​ത്തും ഷി​ബു ആ​റ​ങ്ങാ​ലി ചാ​ല​ക്കു​ടി​യി​ലും രാ​ജീ​വ​ൻ കാ​സ​ർ​കോ​ടും വോ​ട്ടു​ചെ​യ്തു. വി​വി​ധ രാ​ഷ്ട്രീ​യ പാ​ർ​ട്ടി​ക​ളു​ടെ പോ​ഷ​ക സം​ഘ​ട​ന​ക​ളു​ടെ ആ​ഭി​മു​ഖ്യ​ത്തി​ൽ വ​ലി​യ രീ​തി​യി​ലു​ള്ള പ്ര​ച​ാര​ണ പ്ര​വ​ർ​ത്ത​ന​ങ്ങ​ളാ​ണ്​ ഒ​മാ​നി​ലു​ട​നീ​ളം ന​ട​ത്തി​യ​ത്. കെ.​എം.​സി.​സി​യു​ടെ നേ​തൃ​ത്വ​ത്തി​ൽ വോ​ട്ട് വി​മാ​നം അ​ട​ക്കം നാ​ട്ടി​ലേ​ക്ക് പു​റ​പ്പെ​ട്ടി​രു​ന്നു. അ​തേ​സ​മ​യം എ​ൻ.​ഡി.​എ അ​നു​ഭാ​വി​ക​ളു​ടെ പ​ര​സ്യ​പ്ര​ച​ര​ണം ഉ​ണ്ടാ​യി​ല്ലെ​ങ്കി​ലും സാ​മൂ​ഹി​ക മാ​ധ്യ​മ​ങ്ങ​ളി​ൽ സ​ജീ​വ​മാ​യി​രു​ന്നു.