രക്തദാന ക്യാമ്പ് സംഘടിപ്പിച്ചു

മസ്കത്ത്: രാജ്യത്തെ രക്തദൗർലഭ്യം കണക്കിലെടുത്ത് കെ.എം.സി.സി അൽഖൂദ് വീ ഹെൽപ് ബ്ലഡ് ഡൊണേഴ്‌സ് ഒമാൻ സംയുക്തമായി മസ്കത്ത് പ്രൈവറ്റ് മെഡിക്കൽ സെന്‍റർ അൽഖൂദിൽ രക്തദാന ക്യാമ്പ് സംഘടിപ്പിച്ചു. 58 പേർ രക്തദാനം നടത്തി.

രക്തദാനം നടത്തിയവർക്ക് മസ്കത്ത് പ്രൈവറ്റ് മെഡിക്കൽ സെന്‍റർ ഒരുവർഷത്തെക്ക് വൈദ്യ പരിശോധന സൗജന്യമായും ടെസ്റ്റുകൾക്കും ക്ലിനിക്കൽ പരിശോധനകൾക്കും 20 ശതമാനം കിഴിവും നൽകുന്നതാണ്. ക്യാമ്പിൽ പങ്കെടുത്ത എല്ലാ രക്തദാതാക്കൾക്കും വീ ഹെൽപ് ബ്ലഡ് ഡോണേഴ്സ് ഒമാനും കെ.എം.സി.സി അൽഖൂദും നന്ദി അറിയിച്ചു.