ഗ​താ​ഗ​ത നി​യ​മ​ലം​ഘ​ന​ങ്ങ​ള്‍: പി​ഴ അ​ട​ക്കാ​തെ രാ​ജ്യം വി​ടാ​നാ​കി​ല്ല; നി​യ​മം പ്രാ​ബ​ല്യ​ത്തി​ൽ

കു​വൈ​ത്ത് സി​റ്റി: ഗ​താ​ഗ​ത നി​യ​മ​ലം​ഘ​ന​ങ്ങ​ള്‍ വ​രു​ത്തി​യാ​ൽ ഇ​നി പി​ഴ അ​ട​ക്കാ​തെ രാ​ജ്യം വി​ടാ​നാ​കി​ല്ല. പ്ര​വാ​സി​ക​ള്‍ യാ​ത്ര​തി​രി​ക്കു​ന്ന​തി​ന് മു​മ്പ് ട്രാ​ഫി​ക് പി​ഴ​ക​ള്‍ അ​ട​ക്ക​ണ​മെ​ന്നും അ​ല്ലാ​ത്ത​വ​രെ യാ​ത്ര ചെ​യ്യാ​ൻ അ​നു​വ​ദി​ക്കി​ല്ലെ​ന്നും അ​ഭ്യ​ന്ത​ര മ​ന്ത്രാ​ല​യം അ​റി​യി​ച്ചു.

നി​യ​മം ശ​നി​യാ​ഴ്ച മു​ത​ൽ നി​ല​വി​ൽ വ​ന്നു. പ്ര​വാ​സി​ക​ൾ ന​ൽ​കാ​നു​ള്ള പി​ഴ രാ​ജ്യം വി​ടും മു​മ്പ് ഈ​ടാ​ക്കു​ന്ന​തി​നു​ള്ള തീ​രു​മാ​ന​ത്തി​ന്റെ ഭാ​ഗ​മാ​യാ​ണ് ന​ട​പ​ടി​യെ​ന്ന് അ​ഭ്യ​ന്ത​ര മ​ന്ത്രാ​ല​യം ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് സെ​ക്യൂ​രി​റ്റി റി​ലേ​ഷ​ൻ​സ് ആ​ൻ​ഡ് മീ​ഡി​യ അ​റി​യി​ച്ചു.

ഗ​താ​ഗ​ത നി​യ​മ​ലം​ഘ​ന​ങ്ങ​ളു​ടെ പി​ഴ ഒ​ടു​ക്കാ​തെ പ്ര​വാ​സി​ക​ൾ​ക്ക് ക​ര-​വ്യോ​മ അ​തി​ര്‍ത്തി​ക​ള്‍ വ​ഴി ഇ​നി യാ​ത്ര ചെ​യ്യാ​നാ​കി​ല്ല. ഇ​തോ​ടെ നി​രീ​ക്ഷ​ണ കാ​മ​റ​ക​ളി​ലും മ​റ്റു സം​വി​ധാ​ന​ങ്ങ​ളും വ​ഴി പ​ക​ര്‍ത്തു​ന്ന ഗ​താ​ഗ​ത നി​യ​മ​ലം​ഘ​ന​ങ്ങ​ളു​ടെ ചെ​റി​യ പി​ഴ​ക​ൾ പോ​ലും യാ​ത്ര ത​ട​സ്സ​ത്തി​ന് ഇ​ട​യാ​ക്കും. ഗ​താ​ഗ​ത നി​യ​മ ലം​ഘ​ന​ങ്ങ​ളു​ടെ പി​ഴ ആ​ഭ്യ​ന്ത​ര മ​ന്ത്രാ​ല​യ​ത്തി​ന്‍റെ ഓ​ൺ​ലൈ​ൻ പോ​ര്‍ട്ട​ല്‍ വ​ഴി​യോ ഗ​താ​ഗ​ത വ​കു​പ്പി​ന്റെ ഓ​ഫി​സു​ക​ള്‍ വ​ഴി​യോ അ​ട​ക്കാം.

വി​മാ​ന​ത്താ​വ​ള​ങ്ങ​ളി​ലും അ​തി​ർ​ത്തി ചെ​ക്പോ​സ്റ്റു​ക​ളി​ലും സ​ജ്ജീ​ക​രി​ച്ചി​രി​ക്കു​ന്ന പേ​മെ​ന്റ് ഓ​ഫി​സു​ക​ൾ വ​ഴി​യും പി​ഴ അ​ട​ക്കാം. റോ​ഡ് സു​ര​ക്ഷ, അ​പ​ക​ട​ങ്ങ​ൾ കു​റ​ക്ക​ൽ എ​ന്നി​വ ല​ക്ഷ്യ​മി​ട്ടാ​ണ് പു​തി​യ ന​ട​പ​ടി. നി​യ​മം ക​ർ​ശ​ന​മാ​ക്കു​ന്ന​തോ​ടെ നി​യ​മ​ലം​ഘ​ന​ങ്ങ​ൾ കു​റ​യു​മെ​ന്നാ​ണ് പ്ര​തീ​ക്ഷ. റോ​ഡ്‌ നി​യ​മം പാ​ലി​ക്കാ​ന്‍ എ​ല്ലാ​വ​രും ബാ​ധ്യ​സ്ഥ​രാ​ണെ​ന്നും പു​തി​യ നി​ർ​ദേ​ശം ന​ട​പ്പി​ലാ​ക്കു​ന്ന​തോ​ടെ ട്രാ​ഫി​ക് നി​യ​മ ലം​ഘ​ന​ങ്ങ​ള്‍ക്ക് കു​റ​വു​ണ്ടാ​കു​മെ​ന്നാ​ണ് പ്ര​തീ​ക്ഷ​യെ​ന്നും അ​ധി​കൃ​ത​ര്‍ അ​റി​യി​ച്ചു.

ഗ​താ​ഗ​ത നി​യ​മ​ലം​ഘ​ന​ങ്ങ​ൾ വ​രു​ത്തി​യ വാ​ഹ​ന​ങ്ങ​ളു​മാ​യി പി​ഴ ഒ​ടു​ക്കാ​തെ രാ​ജ്യ​ത്തി​ന് പു​റ​ത്തേ​ക്ക് സ​ഞ്ച​രി​ക്കു​ന്ന​തി​ന് പ്ര​വാ​സി​ക​ൾ​ക്ക് നി​ല​വി​ൽ നി​യ​ന്ത്ര​ണ​മു​ണ്ട്. നി​യ​മ​ലം​ഘ​ന​ങ്ങ​ളു​ടെ പി​ഴ അ​ട​ച്ചാ​ല്‍ മാ​ത്ര​മേ ഇ​ത്ത​രം വാ​ഹ​ന​ങ്ങ​ള്‍ക്ക് രാ​ജ്യാ​തി​ർ​ത്തി​യി​ൽ​നി​ന്ന് പു​റ​ത്തേ​ക്ക് പോ​കാ​ന്‍ അ​നു​മ​തി ല​ഭി​ക്കൂ.