ഒ​ടു​വി​ൽ മാ​ത്യു വ​ർ​ഗീ​സ് മ​ട​ങ്ങു​ന്നു, ജീ​വ​ന​റ്റ്...

കു​വൈ​ത്ത് സി​റ്റി: പ്ര​വാ​സ​ത്തി​നൊ​പ്പം ജീ​വി​ത​ത്തി​ന്റെ ഗ​തി​വി​ക​തി​ക​ളി​ൽ ഉ​യ​ർ​ച്ച​യു​ടെ​യും താ​ഴ്ച​യു​ടെ​യും പ​ട​വു​ക​ൾ ക​യ​റി​യി​റ​ങ്ങി​യ മാ​​ത്യു വ​​ർ​​ഗീ​​സ് ഒ​ടു​വി​ൽ കു​വൈ​ത്തി​ൽ നി​ന്ന് മ​ട​ങ്ങു​ന്നു. ആ​ഗ്ര​ഹി​ച്ച​തു​പോ​ലെ എ​ല്ലാ കു​രു​ക്കു​ക​ളി​ൽ നി​ന്നും മോ​ചി​ത​നാ​യി സ്വ​ത​ന്ത്ര​മാ​യൊ​രു മ​ട​ക്ക​മ​ല്ല, ജീ​വ​ന​റ്റ് നി​ശ്ച​ല​നാ​യു​ള്ള മ​ട​ക്കം. കൊ​​ല്ലം പ​​ത്ത​​നാ​​പു​​രം സ്വ​​ദേ​​ശി മാ​​ത്യു വ​​ർ​​ഗീ​​സ് (73) തി​ങ്ക​ളാ​ഴ്ച​യാ​ണ് കു​വൈ​ത്തി​ൽ നി​ര്യാ​ത​നാ​യ​ത്. അ​ദാ​ൻ ഹോ​സ്പി​റ്റ​ലി​ൽ ചി​കി​ത്സ​യി​ൽ ഇ​രി​ക്കെ​യാ​ണ് മ​ര​ണം.

2005ൽ ​​അ​​ൽ​​ഗാ​​നിം ക​​മ്പ​​നി​​യി​​ൽ പ്രൊ​​ജ​​ക്ട് മാ​​നേ​​ജ​​രാ​​യാ​ണ് മാ​​ത്യു വ​​ർ​​ഗീ​​സ് കു​​വൈ​​ത്തി​​ലെ​​ത്തി​യ​ത്. പി​ന്നീ​ട് പ്ര​​തി​​സ​​ന്ധി​​ക​​ളു​​ടെ ആ​​ഴ​​ത്തി​​ൽ വീ​​ണു​​ഴ​​റി ജീ​വി​തം ദു​രി​ത​പൂ​ർ​ണ​മാ​യി മാ​റി. ജോ​​ലി​​യും വ​​രു​​മാ​​ന​​വും നി​​ല​​ച്ച് ക​​ടം പെ​​രു​​കി​​യ നാ​​ലു​​പേ​​ര​​ട​​ങ്ങു​​ന്ന കു​​ടും​​ബം സു​​ഹൃ​​ത്തു​​ക്ക​​ൾ ന​ൽ​കു​​ന്ന ഭ​​ക്ഷ​​ണം​ കൊ​​ണ്ടാ​​ണ് ജീ​​വ​​ൻ നി​​ല​​നി​​ർ​​ത്തി​യി​രു​ന്ന​ത്. വ​​ർ​​ഷ​​ങ്ങ​​ളാ​​യി വാ​​ട​​ക മു​​ട​​ങ്ങി​​യ​​തി​​നാ​​ൽ വാ​​തി​​ലി​​നു പു​​റ​​ത്ത് നോ​​ട്ടീ​​സ് പ​​തി​​ച്ചി​​രു​ന്നു. ഏ​​തു നി​​മി​​ഷ​​വും വീ​​ട്ടി​​ൽ​​നി​​ന്ന് പു​​റ​​ത്താ​​ക്ക​​പ്പെ​​ടു​ന്ന നി​ല​യി​ലാ​യി​രു​ന്നു മാ​​ത്യു വ​​ർ​​ഗീ​​സും രോ​​ഗി​​യാ​​യ ഭാ​​ര്യ​​യും ര​​ണ്ടു മ​​ക്ക​​ളും ക​​ഴി​​ച്ചു​​കൂ​​ട്ടി​യി​രു​ന്ന​​ത്. ‘ഗ​ൾ​ഫ് മാ​ധ്യ​മം’ ഇ​ത് റി​പ്പോ​ർ​ട്ടു ചെ​യ്തി​രു​ന്നു.

മാ​ത്യു വ​ർ​ഗീ​സി​ന്റെ ക​ഥ

ഇ​​ല​​ക്ട്രി​​ക്ക​​ൽ എ​​ൻ​​ജി​​നീ​​യ​​റി​​ങി​​ൽ ബി​​രു​​ദം ക​​ഴി​​ഞ്ഞ് സൗ​​ദി അ​​റേ​​ബ്യ​​യി​​ലെ​​ത്തി​​യ 1978ലാ​​ണ് മാ​​ത്യു വ​​ർ​​ഗീ​​സി​​ന്റെ പ്ര​​വാ​​സ​​ജീ​​വി​​തം ആ​​രം​​ഭി​​ക്കു​​ന്ന​​ത്. ഡോ​​ക്ട​​റാ​​യ ഭാ​​ര്യ​​ക്കും സൗ​​ദി​​യി​​ൽ ജോ​​ലി ല​​ഭി​​ച്ച​​തോ​​ടെ സ​​ന്തോ​​ഷ​​ക​​ര​​മാ​​യി ജീ​​വി​​തം മു​​ന്നോ​​ട്ടു​​പോ​​യി.

ഇ​​തി​​നി​​ടെ സൗ​​ദി​​യി​​ൽ ടെ​​ക്സ്റ്റൈ​​ൽ​​സ്-​​ടൈ​​ല​​റി​​ങ് ക​​മ്പ​​നി തു​​ട​​ങ്ങി​യ​ത് വ​​ലി​​യ ന​​ഷ്ട​​ത്തി​​ൽ ക​​ലാ​​ശി​​ച്ചു. ഭാ​​ര്യ​​യു​​ടെ ജോ​​ലി​​യും ന​​ഷ്ട​​പ്പെ​​ട്ടു. ക​​ടം കു​​ന്നു​​കൂ​​ടി.

2005ൽ ​​മാ​​ത്യു വ​​ർ​​ഗീ​​സ് കു​​വൈ​​ത്തി​​ലെ​​ത്തി. മ​​ക്ക​​ളെ 12, 6 ക്ലാ​​സു​​ക​​ളി​​ലാ​​യി അ​​മേ​​രി​​ക്ക​​ൽ ഇ​​ന്റ​​ർ​​നാ​​ഷ​​ന​​ൽ സ്കൂ​​ളി​​ൽ ചേ​​ർ​​ത്തു. ജീ​​വി​​തം പി​​ന്നെ​​യും ശ​​രി​​യാ​​യ വ​​ഴി​​യി​​ൽ ഓ​​ടി​​ത്തു​​ട​​ങ്ങ​​വെ, ഭാ​​ര്യ കാ​​ൻ​​സ​​റി​​ന്റെ പി​​ടി​​യി​​ൽ വീ​​ണു. വീ​​ട്ടു​​വാ​​ട​​ക​​യും സ്കൂ​​ൾ ഫീ​​സും ഭാ​​ര്യ​​യു​​ടെ ചി​​കി​​ത്സ​​യു​​മൊ​​ക്കെ​​യാ​​യി സാ​​മ്പ​​ത്തി​​ക പ്ര​​യാ​​സ​​ങ്ങ​​ൾ കു​ടും​ബ​ത്തെ ഞെ​​രു​​ക്കി​​ത്തു​​ട​​ങ്ങി. ലോ​​ണെ​​ടു​​ത്ത് മ​​റി​​ക​​ട​​ക്കാ​​ൻ ശ്ര​​മി​​ച്ചെ​​ങ്കി​​ലും ന​​ട​​ന്നി​​ല്ല. ഭാ​​രി​​ച്ച ഫീ​​സ് താ​​ങ്ങാ​​നാ​​കാ​​തെ മ​​ക്ക​​ൾ പ​​ഠ​​നം നി​​ർ​​ത്തി. മൂ​​ന്നു​​വ​​ർ​​ഷം മാ​​ത്ര​​മേ മാ​​ത്യു വ​​ർ​​ഗീ​​സി​​ന് ആ​​ദ്യ ക​​മ്പ​​നി​​യി​​ൽ ജോ​​ലി ഉ​​ണ്ടാ​​യു​​ള്ളൂ. പി​​ന്നീ​​ട്, മ​​റ്റൊ​​രു ക​​മ്പ​​നി​​യി​​ൽ ചേ​​ർ​​​ന്ന് ഏ​​താ​​നും വ​​ർ​​ഷ​​ങ്ങ​​ൾ ജോ​​ലി​​നോ​​ക്കി​​യെ​​ങ്കി​​ലും 60 വ​​യ​​സ്സി​​ലെ​​ത്തി​​യ​​തോ​​ടെ ഒ​​ഴി​​യേ​​ണ്ടി​​വ​​ന്നു. ജീ​​വി​​തം വ​​ലി​​യൊ​​രു ശൂ​​ന്യ​​ത​​യി​​ലേ​​ക്ക് പ്ര​​വേ​​ശി​​ച്ചു. നാ​ലു​പേ​ർ​ക്കും ജോ​ലി ഇ​ല്ല. മ​ക്ക​ളു​ടെ വി​​സ കാ​​ലാ​​വ​​ധി ക​​ഴി​​ഞ്ഞു. അ​​ത് പു​​തു​​ക്കാ​​ൻ പ​​ണം വേ​​ണം. ഭാ​​ര്യ​​യു​​ടെ ചി​​കി​​ത്സ​​ക്കും പ​​ണം വേ​​ണം. നി​​ത്യ​​ചെ​ല​​വു​​ക​​ൾ ക​​ഴി​​ഞ്ഞു​​പോ​​ക​ണം. ഈ ​ഘ​ട്ട​ത്തി​ലാ​ണ് മാ​ത്യു വ​ർ​ഗീ​സി​ന്റെ ക​ഥ ‘ഗ​ൾ​ഫ് മാ​ധ്യ​മം’ പ്ര​സി​ദ്ധീ​ക​രി​ച്ച​ത്.

മ​ല​യാ​ളി സം​ഘ​ട​ക​ളു​ടെ ഇ​ട​പെ​ട​ൽ

വാ​ർ​ത്ത ക​ണ്ട വി​വി​ധ മ​ല​യാ​ളി സം​ഘ​ട​ന​ക​ൾ വി​ഷ​യ​ത്തി​ൽ ഇ​ട​പെ​ട്ടു. കു​വൈ​ത്ത് എ​ൻ​ജി​നി​യേ​ഴ്‌​സ് ഫോ​റം (കെ.​ഇ.​എ​ഫ്), കോ​ള​ജ് ഓ​ഫ് എ​ൻ​ജി​നീ​യ​റി​ങ് അ​ലും​നി അ​സോ​സി​യേ​ഷ​ൻ കു​വൈ​ത്ത് ചാ​പ്റ്റ​ർ (സീ​റ്റ), കു​വൈ​ത്ത് സെ​ന്റ് ജോ​ർ​ജ് യൂ​നി​വേ​ഴ്സ​ൽ സി​റി​യ​ൻ ഓ​ർ​ത്ത​ഡോ​ക്സ് ച​ർ​ച്ച്, സാ​ന്ത്വ​നം കു​വൈ​ത്ത്, ഗ്ലോ​ബ​ൽ ഇ​ന്റ​ർ​നാ​ഷ​ന​ൽ, സെ​ന്റ് ബേ​സി​ൽ യാ​ക്കോ​ബാ​യ സി​റി​യ​ൻ ഓ​ർ​ത്ത​ഡോ​ക്സ് ച​ർ​ച്ച് യെ​ല​ഹ​ങ്ക ബം​ഗ​ളൂ​രു എ​ന്നി​വ ഒ​രു കൂ​ട്ടാ​യ്മ രൂ​പ​പ്പെ​ടു​ത്തു​ക​യും പ്ര​ശ്ന പ​രി​ഹാ​ര​ത്തി​നാ​യു​ള്ള ന​ട​പ​ടി​ക​ൾ ആ​രം​ഭി​ക്കു​ക​യും ചെ​യ്തു.

മാ​​ത്യു വ​​ർ​​ഗീ​​സി​ന്റെ ഭാ​ര്യ​യെ​യും മ​ക്ക​ളെ​യും നാ​ട്ടി​ലെ​ത്തി​ക്കാ​നാ​ണ് ആ​ദ്യ ശ്ര​മം ന​ട​ത്തി​യ​ത്. മ​ക്ക​ളു​ടെ ര​ണ്ടു പേ​രു​ടെ​യും പാ​സ്പോ​ർ​ട്ട് കാ​ല​ഹ​ര​ണ​പ്പെ​ട്ടി​രു​ന്നു. ഇ​വ​യും ഭാ​ര്യ​യു​ടെ റ​സി​ഡ​ൻ​സി പ്ര​ശ്ന​വും പ​രി​ഹ​രി​ച്ചു. വാ​ട​ക കു​ടി​ശ്ശി​ക മൂ​ലം വീ​ട്ടി​ൽ നി​ന്ന് ഇ​റ​ങ്ങ​ണ​മെ​ന്ന ഉ​ത്ത​ര​വും കോ​ട​തി​യെ സ​മീ​പി​ച്ചു നീ​ട്ടി​യെ​ടു​ത്തു. ഇ​തി​നൊ​ടു​വി​ൽ എ​ല്ലാ ത​ട​സ്സ​ങ്ങ​ളും മ​റി​ക​ട​ന്ന് ക​ഴി​ഞ്ഞ ആ​ഗ​സ്റ്റി​ൽ കു​ടും​ബ​ത്തെ നാ​ട്ടി​ൽ അ​യ​ച്ചു. കു​ടും​ബം താ​ൽ​പ​ര്യം അ​റി​യി​ച്ച​ത് പ്ര​കാ​രം ബം​ഗ​ളു​രു​വി​ൽ താ​മ​സി​ക്കാ​നു​ള്ള ഇ​ട​വും മ​റ്റു​ചെ​ല​വു​ക​ളും കൂ​ട്ടാ​യ്മ ഒ​രു​ക്കി.

ആ​ഗ്ര​ഹം ബാ​ക്കി​യാ​ക്കി അ​ന്ത്യ​യാ​ത്ര

ഭാ​ര്യ​യും മ​ക്ക​ളും പോ​യ​തോ​ടെ പ​ഴ​യ ഫ്ലാ​റ്റി​ൽ നി​ന്ന് മാ​​ത്യു വ​​ർ​​ഗീ​​സ് ഫ​ർ​വാ​നി​യ​യി​ലേ​ക്ക് മാ​റി. വാ​ട​ക കു​ടി​ശ്ശി​ക ബാ​ക്കി ഉ​ള്ള​തി​നാ​ൽ കേ​സും യാ​ത്രാ​വി​ല​ക്കു​മു​ണ്ടാ​യി​രു​ന്നു. പ്രാ​യ​ത്തി​ന്റെ അ​വ​ശ​ത​ക​ൾ​ക്കൊ​പ്പ​മു​ള്ള ക​​ടു​​ത്ത പ്ര​​മേ​​ഹം കാ​ഴ്ച​ക​ളെ മ​ങ്ങി​പ്പി​ച്ചു. ഇ​തി​നി​ട​യി​ലും നി​യ​മ പ്ര​ശ്ന​ങ്ങ​ളും യാ​ത്രാ​ക്കു​രു​ക്കു​ക​ളും അ​വ​സാ​നി​പ്പി​ച്ച് മാ​​ത്യു വ​​ർ​​ഗീ​​സി​നെ നാ​ട്ടി​ൽ അ​യ​ക്കാ​നു​ള്ള ശ്ര​മ​ത്തി​ലാ​യി​രു​ന്നു കൂ​ട്ടാ​യ്മ. ഇ​തി​നി​ട​യി​ലാ​ണ് ഒ​രു​മാ​സം മു​മ്പ് സ്ട്രോ​ക്ക് വ​ന്ന് മാ​​ത്യു വ​​ർ​​ഗീ​​സി​നെ അ​ദാ​ൻ ഹോ​സ്പി​റ്റ​ലി​ൽ പ്ര​വേ​ശി​പ്പി​ച്ച​ത്. തി​ങ്ക​ളാ​ഴ്ച രാ​വി​ലെ​യാ​ണ് മ​ര​ണം. മൃ​ത​ദേ​ഹം ന​ട​പ​ടി​ക​ൾ പൂ​ർ​ത്തി​യാ​ക്കി ബം​ഗ​ളൂ​രു​വി​ലേ​ക്ക് കൊ​ണ്ടു​പോ​കും.