ഗ​സ്സ വെ​ടി​നി​ർ​ത്ത​ൽ പ്ര​മേ​യം; യു.​എ​സ് ന​ട​പ​ടി ​ കു​വൈ​ത്ത് അ​പ​ല​പി​ച്ചു

കു​വൈ​ത്ത് സി​റ്റി: ഗ​സ്സ​യി​ൽ അ​ടി​യ​ന്ത​ര വെ​ടി​നി​ർ​ത്ത​ലി​ന് ആ​ഹ്വാ​നം ചെ​യ്ത യു.​എ​ൻ സു​ര​ക്ഷാ കൗ​ൺ​സി​ൽ പ്ര​മേ​യം യു.​എ​സ് വീ​റ്റോ ചെ​യ്ത​തി​ൽ കു​വൈ​ത്ത് ശ​ക്ത​മാ​യി അ​പ​ല​പി​ച്ചു. യു.​എ​ൻ സെ​ക്ര​ട്ട​റി ജ​ന​റ​ൽ അ​ന്റോ​ണി​യോ ഗു​ട്ടെ​റ​സി​ന്റെ തീ​രു​മാ​ന​ത്തോ​ട് സു​ര​ക്ഷാ കൗ​ൺ​സി​ൽ പ്ര​തി​ക​രി​ക്കാ​ത്ത​തി​ൽ വി​ദേ​ശ​കാ​ര്യ മ​ന്ത്രി ശൈ​ഖ് സ​ലിം അ​ബ്ദു​ല്ല അ​ൽ ജാ​ബി​ർ അ​സ്സ​ബാ​ഹ് ആ​ശ​ങ്ക രേ​ഖ​പ്പെ​ടു​ത്തി. ആ​ഗോ​ള മാ​നു​ഷി​ക ക്ര​മ​ത്തി​ന് ഭീ​ഷ​ണി​യാ​യ ഗ​സ്സ​യി​ലെ സാ​ഹ​ച​ര്യം അ​ന്താ​രാ​ഷ്ട്ര സു​ര​ക്ഷ​യു​ടെ​യും സ​മാ​ധാ​ന​ത്തി​ന്റെ​യും ത​ക​ർ​ച്ച​യെ സൂ​ചി​പ്പി​ക്കു​ന്ന​താ​യും ചൂ​ണ്ടി​ക്കാ​ട്ടി.

വെ​ടി​നി​ർ​ത്ത​ലും ഗ​സ്സ​യി​ലെ ജ​ന​ങ്ങ​ളെ സം​ര​ക്ഷി​ക്ക​ലും മാ​നു​ഷി​ക ആ​വ​ശ്യ​മാ​ണ്. അ​ത് എ​ത്ര​യും വേ​ഗം ന​ട​പ്പാ​ക്ക​ണം. പ്ര​മേ​യ​ങ്ങ​ൾ പാ​സാ​ക്കു​ന്ന​തി​ൽ പ​രാ​ജ​യ​പ്പെ​ടു​ന്ന​ത് ഫ​ല​സ്തീ​ൻ ജ​ന​ത​യെ കൊ​ല്ലു​ന്ന​തി​നും ഉ​ന്മൂ​ല​നം ചെ​യ്യു​ന്ന​തി​നും നാ​ടു​ക​ട​ത്തു​ന്ന​തി​നു​മു​ള്ള പ്ര​വ​ർ​ത്ത​ന​ങ്ങ​ൾ തു​ട​രു​ന്ന​തി​ന് അ​ധി​നി​വേ​ശ സേ​ന​യ്ക്ക് പു​തി​യ അ​നു​മ​തി ന​ൽ​കു​ന്ന​തി​ന് ഇ​ട​യാ​ക്കു​മെ​ന്നും ശൈ​ഖ് സ​ലിം ആ​ശ​ങ്ക പ്ര​ക​ടി​പ്പി​ച്ചു.

ഫ​ല​സ്തീ​ൻ ജ​ന​ത​യു​ടെ മാ​നു​ഷി​ക ആ​വ​ശ്യ​ങ്ങ​ൾ നി​റ​വേ​റ്റു​ന്ന​തി​നാ​യി എ​ല്ലാ രാ​ഷ്ട്രീ​യ, ന​യ​ത​ന്ത്ര ശ്ര​മ​ങ്ങ​ളും തു​ട​രേ​ണ്ട​തി​ന്റെ ആ​വ​ശ്യ​ക​ത​യി​ൽ കു​വൈ​ത്തി​ന്റെ ഉ​റ​ച്ച നി​ല​പാ​ട് വി​ദേ​ശ​കാ​ര്യ മ​ന്ത്രി ആ​വ​ർ​ത്തി​ച്ചു.

ഇ​സ്രാ​യേ​ൽ ആ​ക്ര​മ​ണം നേ​രി​ടു​ന്ന നി​രാ​യു​ധ​രാ​യ ഫ​ല​സ്തീ​ൻ പൗ​ര​ന്മാ​ർ​ക്ക് മാ​നു​ഷി​ക ആ​വ​ശ്യ​ങ്ങ​ൾ നി​റ​വേ​റ്റാ​ൻ രാ​ഷ്ട്രീ​യ ന​യ​ത​ന്ത്ര ശ്ര​മ​ങ്ങ​ളും തു​ട​ര​ണം. ലോ​ക സു​ര​ക്ഷ​യും സ​മാ​ധാ​ന​വും നി​ല​നി​ർ​ത്തു​ന്ന​തി​ൽ കു​വൈ​ത്തി​ന്റെ അ​ച​ഞ്ച​ല​മാ​യ നി​ല​പാ​ടും അ​ദ്ദേ​ഹം ആ​വ​ർ​ത്തി​ച്ചു.

55 രാ​ജ്യ​ങ്ങ​ളു​ടെ പി​ന്തു​ണ​യോ​ടെ യു.​എ.​ഇ​യാ​ണ് വെ​ടി​നി​ർ​ത്ത​ലി​നാ​യി ക​ര​ട് പ്ര​മേ​യം കൊ​ണ്ടു​വ​ന്ന​ത്. 15 അം​ഗ ര​ക്ഷാ​സ​മി​തി​യി​ൽ 13 രാ​ജ്യ​ങ്ങ​ൾ പ്ര​മേ​യ​ത്തി​നു അ​നു​കൂ​ല​മാ​യി വോ​ട്ടു ചെ​യ്തു. ബ്രി​ട്ട​ൻ വി​ട്ടു​നി​ന്നു.

ഗ​സ്സ​യി​ൽ ഇ​സ്രാ​യേ​ലി​ന്‍റെ മ​നു​ഷ്യ​ക്കു​രു​തി ര​ണ്ടു​മാ​സം പി​ന്നി​ട്ട​തോ​ടെ​യാ​ണ് വെ​ടി​നി​ർ​ത്ത​ൽ ആ​വ​ശ്യ​പ്പെ​ടാ​ൻ യു.​എ​ൻ ചാ​ർ​ട്ട​റി​ലെ 99ാം അ​നു​ച്ഛേ​ദ പ്ര​കാ​രം സെ​ക്ര​ട്ട​റി ജ​ന​റ​ൽ അ​ന്റോ​ണി​യോ ഗു​ട്ടെ​റ​സി​ന്‍റെ പ്ര​ത്യേ​കാ​ധി​കാ​രം പ്ര​യോ​ഗി​ച്ച് അ​ടി​യ​ന്ത​ര ര​ക്ഷാ​സ​മി​തി വി​ളി​ച്ചു​ചേ​ർ​ത്ത​ത്.

ഗ​സ്സ​യി​ലെ ജ​ന​ങ്ങ​ളു​ടെ ന​ര​ക​യാ​ത​ന അ​വ​സാ​നി​പ്പി​ക്കാ​ൻ അ​ന്താ​രാ​ഷ്ട്ര സ​മൂ​ഹം എ​ന്തെ​ങ്കി​ലും ചെ​യ്തേ പ​റ്റൂ എ​ന്നും ലോ​ക​വും ച​രി​ത്ര​വും എ​ല്ലാം കാ​ണു​ന്നു​ണ്ടെ​ന്നും ഇ​ത് പ്ര​വ​ർ​ത്തി​ക്കാ​നു​ള്ള സ​മ​യ​മാ​ണെ​ന്നും ഗു​ട്ടെ​റ​സ് പ​റ​ഞ്ഞി​രു​ന്നു. എ​ന്നാ​ൽ, വെ​ടി​നി​ർ​ത്ത​ൽ ഉ​ണ്ടാ​യാ​ൽ ഹ​മാ​സി​ന് ഗു​ണം ചെ​യ്യു​മെ​ന്ന് പ​റ​ഞ്ഞാ​ണ് അ​മേ​രി​ക്ക പ്ര​മേ​യ​ത്തെ വീ​റ്റോ ചെ​യ്ത​ത്.