അ​നു​ഭ​വ​ങ്ങ​ളു​ടെ നാ​ല​ര പ​തി​റ്റാ​ണ്ട്; എം.​പി ത​ങ്ങ​ൾ നാ​ട്ടി​ലേ​ക്ക്...

കു​വൈ​ത്ത് സി​റ്റി: ദീ​ർ​ഘി​ച്ച നാ​ല​ര പ​തി​റ്റാ​ണ്ടി​ന്റെ പ്ര​വാ​സ​ജീ​വി​ത​ത്തി​നു​ശേ​ഷം പൊ​ന്നാ​നി സ്വ​ദേ​ശി​യാ​യ എം.​പി ത​ങ്ങ​ൾ നാ​ട്ടി​ലേ​ക്കു മ​ട​ങ്ങു​ന്നു. 1977 ജൂ​ലൈ ര​ണ്ടി​ന് മും​ബൈ വ​ഴി കു​വൈ​ത്തി​ന്റെ മ​ണ്ണി​ൽ കാ​ലു​കു​ത്തി​യ എം.​പി ത​ങ്ങ​ളെ​ന്ന ഹു​സൈ​ൻ സ​ഖാ​ഫി​ന്റെ പ്ര​വാ​സ അ​നു​ഭ​വ​ങ്ങ​ൾ​ക്ക് കു​വൈ​ത്തി​ന്റെ ച​രി​ത്ര​ത്തോ​ളം പ​ഴ​ക്ക​മു​ണ്ട്. 26ാം വ​യ​സ്സി​ൽ കു​വൈ​ത്തി​ലെ​ത്തി​യ എം.​പി ത​ങ്ങ​ളു​ടെ 46 വ​ർ​ഷ​ങ്ങ​ൾ കു​വൈ​ത്തി​ന്റെ സ്ഥ​ല​രാ​ശി​ക​ളു​മാ​യും അ​നേ​ക​മ​നേ​കം പ്ര​വാ​സ ജീ​വി​ത​ങ്ങ​ളു​മാ​യും ബ​ന്ധ​പ്പെ​ട്ടു​കി​ട​ക്കു​ന്നു.

77ലെ ​കു​വൈ​ത്ത്, എ​ഴു​ത്തു​ജീ​വി​തം

ഒ​റ്റ​പ്പെ​ട്ട ചു​രു​ക്കം വീ​ടു​ക​ൾ, നീ​ണ്ടു​കി​ട​ക്കു​ന്ന മ​ണ​ൽ​പ്പ​ര​പ്പു​ക​ൾ, ഏ​താ​നും റോ​ഡു​ക​ൾ -അ​താ​യി​രു​ന്നു എം.​പി ത​ങ്ങ​ൾ വ​ന്നി​റ​ങ്ങു​മ്പോ​ൾ കു​വൈ​ത്ത്. ഇ​ന്ന​ത്തെ​പ്പോ​ലെ ക​ന​ത്ത ചൂ​ട് അ​ന്നി​ല്ല, എ​ന്നാ​ൽ പ​ണ്ട് ത​ണു​പ്പി​ന് കു​റ​വു​ണ്ടാ​യി​രു​ന്നി​ല്ല. ബ​ഹു​നി​ല കെ​ട്ടി​ട​ങ്ങ​ളും ആ​ധു​നി​ക സൗ​ക​ര്യ​ങ്ങ​ളും കു​റ​വ്. വ​ള​രെ കു​റ​ഞ്ഞ ജ​ന​ങ്ങ​ളും പ്ര​വാ​സി​ക​ളും മാ​ത്ര​മാ​യി​രു​ന്നു അ​ന്ന് കു​വൈ​ത്തി​ൽ. ക​ത്തു​ക​ളി​ലൂ​ടെ ക​ഥ പ​റ​ഞ്ഞി​രു​ന്ന കാ​ലം.

എ​ഴു​ത്തും വ​ര​യു​മാ​യി​രു​ന്നു എം.​പി ത​ങ്ങ​ളു​ടെ മു​ത​ൽ​ക്കൂ​ട്ട്. ക​ള​ർ​പ്രി​ന്റി​ങ് രീ​തി പ്ര​ചാ​ര​ത്തി​ലി​ല്ലാ​ത്ത കാ​ല​ത്ത് മ​നോ​ഹ​ര​മാ​യ കൈ​യ​ക്ഷ​ര​ങ്ങ​ളാ​ൽ ത​ങ്ങ​ൾ നോ​ട്ടീ​സു​ക​ൾ ത​യാ​റാ​ക്കി ന​ൽ​കി. അ​ത് ഫോ​ട്ടോ​സ്റ്റാ​റ്റ് എ​ടു​ത്ത് സം​ഘ​ട​ന​ക​ൾ ഉ​പ​യോ​ഗി​ച്ചു. ഇ​തി​നി​ടെ സ്വ​ന്ത​മാ​യി ഒ​രു സ്ഥാ​പ​ന​വും തു​ട​ങ്ങി. അ​തോ​ടെ ജോ​ലി​ക​ൾ കൂ​ടു​ത​ൽ കി​ട്ടി​ത്തു​ട​ങ്ങി.

എം.​പി ത​ങ്ങ​ളു​ടെ കൈ​വി​ര​ലു​ക​ളാ​ൽ സ്കൂ​ൾ വാ​ഹ​ന​ങ്ങ​ളി​ൽ ​പേ​രു​ക​ളും ചി​ത്ര​ങ്ങ​ളും തെ​ളി​ഞ്ഞു. 80ക​ളു​ടെ തു​ട​ക്ക​ത്തി​ൽ മ​ല​യാ​ളി സം​ഘ​ട​ന​ക​ൾ സ​ജീ​വ​മാ​യ​തോ​ടെ ക​ലാ​സാം​സ്‌​കാ​രി​ക പ​രി​പാ​ടി​ക​ളു​ടെ രം​ഗ സ​ജ്ജീ​ക​ര​ണ​ങ്ങ​ൾ​ക്കും ബാ​ന​റു​ക​ൾ​ക്കും ആ​ശ്ര​യി​ച്ചി​രു​ന്ന​തും ത​ങ്ങ​ളെ​യാ​ണ്.

കു​വൈ​ത്തി​ലെ മ​ല​യാ​ള പ​ത്ര​പ്ര​വ​ർ​ത്ത​ന ച​രി​ത്ര​ത്തി​ലും എം.​പി ത​ങ്ങ​ളു​ടെ പേ​ര് അ​ട​യാ​ള​പ്പെ​ടു​ത്ത​പ്പെ​ട്ടു. കു​വൈ​ത്ത് ടൈം​സ് മ​ല​യാ​ള​ത്തി​ൽ പേ​ജ് പു​റ​ത്തി​റ​ക്കാ​ൻ തീ​രു​മാ​നി​ച്ച​പ്പോ​ൾ ആ​ശ്ര​യി​ച്ച​ത് ഇ​ദ്ദേ​ഹ​ത്തെ​യാ​ണ്. മ​ല​യാ​ളം വാ​ർ​ത്ത​ക​ൾ സ്വ​ന്തം കൈ​പ്പ​ട​യി​ൽ എം.​പി ത​ങ്ങ​ൾ എ​ഴു​തി ന​ൽ​കി. ഇ​ത് ഫോ​ട്ടോ​കോ​പ്പി എ​ടു​ത്താ​ണ് കു​വൈ​ത്ത് ടൈം​സി​നൊ​പ്പം വി​ത​ര​ണം ചെ​യ്തി​രു​ന്ന​ത്. മ​ല​യാ​ളി സം​ഘ​ട​ന​ക​ൾ അ​ണി​യി​ച്ചൊ​രു​ക്കി​യ നി​ര​വ​ധി നാ​ട​ക​ങ്ങ​ളി​ലും സം​ഗീ​ത ശി​ൽ​പ​ങ്ങ​ളി​ലും വേ​ഷ​മ​ണി​ഞ്ഞ എം.​പി ത​ങ്ങ​ൾ അ​ഭി​ന​യ സം​വി​ധാ​യ​ക രം​ഗ​ത്തും ക​ഴി​വ് തെ​ളി​യി​ച്ചു.

സ​ദ്ദാ​മി​ന്റെ വ​ര​വ്, നാ​ട്ടി​ലേ​ക്കു​ള്ള യാ​ത്ര

കു​വൈ​ത്തി​ലേ​ക്ക് ഇ​റാ​ഖ് സൈ​ന്യം ക​ട​ന്നു​ക​യ​റി​യ 1990 ആ​ഗ​സ്റ്റ് ര​ണ്ടി​ന് രാ​വി​ലെ എം.​പി ത​ങ്ങ​ൾ ഒ​ന്നു​മ​റി​യാ​തെ ഷോ​പ്പി​ലേ​ക്കു പോ​കു​ക​യാ​യി​രു​ന്നു. അ​ന്ന് എം.​പി ത​ങ്ങ​ളു​ടെ ജ​ന്മ​ദി​ന​വു​മാ​യി​രു​ന്നു. കേ​ക്കു​മാ​യി വ​ര​ണം എ​ന്ന് മോ​ൾ ച​ട്ടം കെ​ട്ടി​യ​തു​മാ​ണ്. എ​ന്നാ​ൽ, പ​ക​ൽ പെ​ട്ടെ​ന്ന് ഷോ​പ്പ് അ​ട​ച്ചു തി​രി​കെ പോ​രേ​ണ്ടി​വ​ന്നു. യു​ദ്ധ​വാ​ർ​ത്ത പേ​ടി​പ​ര​ത്തി എ​ങ്ങും നി​റ​ഞ്ഞു.

യു​ദ്ധ​സ​മ​യ​ത്ത് മ​ല​യാ​ളി​ക​ളി​ൽ മി​ക്ക​വ​രും നാ​ട്ടി​ലേ​ക്കു തി​രി​ച്ചു. എ​ന്നാ​ൽ, ഭാ​ര്യ ഗ​ർ​ഭി​ണി​യാ​യ​തി​നാ​ൽ എം.​പി ത​ങ്ങ​ൾ​ക്ക് ഒ​രി​ട​ത്തും പോ​കാ​നാ​യി​ല്ല. ഭ​ക്ഷ​ണ​മ​ട​ക്കം കാ​ര്യ​ങ്ങ​ളെ​ല്ലാം അ​വ​താ​ള​ത്തി​ലാ​യി. അ​തി​നി​ട​യി​ൽ അ​വ​ർ ഒ​രാ​ൺ​കു​ഞ്ഞി​ന് ജ​ന്മം ന​ൽ​കി. പി​ന്നെ താ​മ​സി​ച്ചി​ല്ല, 25 ദി​വ​സം മാ​ത്രം പ്രാ​യ​മാ​യ കു​ഞ്ഞു​മാ​യി നാ​ട്ടി​ലേ​ക്കു തി​രി​ക്കാ​ൻ തീ​രു​മാ​നി​ച്ചു.

ഭാ​ര്യ​യും ര​ണ്ടു മ​ക്ക​ൾ​ക്കു​മൊ​പ്പം കു​വൈ​ത്തി​ൽ​നി​ന്ന് ഇ​റാ​ഖി​ലേ​ക്ക് ബ​സ് പി​ടി​ച്ചു. അ​വി​ടെ​നി​ന്ന് ജോ​ർ​ഡ​നി​ലെ അ​മ്മാ​നി​​ലെ​ത്തി ക്യാ​മ്പി​ൽ ര​ണ്ടാ​ഴ്ച​യോ​ളം താ​മ​സി​ച്ചു. പി​ന്നീ​ട് ​വി​മാ​നം വ​ഴി മും​ബൈ​യി​ലേ​ക്കും ട്രെ​യി​നി​ൽ നാ​ട്ടി​ലു​മെ​ത്തി.

10 മാ​സം നാ​ട്ടി​ൽ​നി​ന്നു. 1991ൽ ​എം.​പി ത​ങ്ങ​ൾ വീ​ണ്ടും കു​വൈ​ത്തി​ലെ​ത്തി പ്ര​വാ​സ​ത്തി​ന്റെ ര​ണ്ടാം ഘ​ട്ടം ആ​രം​ഭി​ച്ചു. ഭാ​ര്യ ഫാ​ത്തി​മ റം​ല, മ​ക്ക​ളാ​യ ജി​ഷാ​ർ, ജി​ഹാ​ൻ, ജി​ഹാ​ദ് എ​ന്നി​വ​രും അ​വ​രു​ടെ കു​ടും​ബ​വു​മാ​യി കു​വൈ​ത്തി​ൽ പി​ന്നീ​ട് ദീ​ർ​ഘ​നാ​ള​ത്തെ പ്ര​വാ​സം. 2023 മേ​യ് 13ന് ​അ​തി​ന് തി​ര​ശ്ശീ​ല​യി​ട്ട് എം.​പി ത​ങ്ങ​ളും ഭാ​ര്യ​യും നാ​ട്ടി​ലേ​ക്കു തി​രി​ക്കും. 46 വ​ർ​ഷ​ത്തെ കു​വൈ​ത്ത് ജീ​വി​ത​ത്തി​ന് താ​ൽ​ക്കാ​ലി​ക വി​ട.