മണിപ്പൂർ, ഹരിയാന ഇരകൾക്ക് ഐക്യദാർഢ്യവുമായി ഫ്രന്റ്സ് വനിതാ വിഭാഗം

മനാമ: മ​ണി​പ്പൂ​ർ, ഹ​രി​യാ​ന എ​ന്നി​വി​ട​ങ്ങ​ളി​ൽ ന​ട​ന്ന വം​ശീ​യ അ​ക്ര​മ​ങ്ങ​ൾ​ക്കി​ര​യാ​യ​വ​ർ​ക്ക് ഫ്ര​ൻ​ഡ്സ് സോ​ഷ്യ​ൽ അ​സോ​സി​യേ​ഷ​ൻ വ​നി​ത വി​ഭാ​ഗം ഐ​ക്യ​ദാ​ർ​ഢ്യ സം​ഗ​മം സം​ഘ​ടി​പ്പി​ച്ചു. രാ​ജ്യം നേ​രി​ടു​ന്ന ഏ​റ്റ​വും വ​ലി​യ അ​നീ​തി​ക്കും ആ​ക്ര​മ​ണ​ങ്ങ​ൾ​ക്കു​മെ​തി​രെ സ്ത്രീ​ക​ളും പോ​രാ​ട്ട​വീ​ഥി​യി​ൽ ഉ​ണ്ടാ​കു​മെ​ന്ന് തെ​ളി​യി​ക്കു​ന്ന​താ​യി​രു​ന്നു സം​ഗ​മം.നാ​ട്ടി​ൽ ന​ട​ക്കു​ന്ന സം​ഭ​വ​ങ്ങ​ൾ ന​ടു​ക്ക​മു​ള​വാ​ക്കു​ന്ന​താ​ണെ​ന്നും എ​ല്ലാം രം​ഗ​ത്തും ഫാ​ഷി​സം പി​ടി​മു​റു​ക്കു​ന്ന ഈ ​കാ​ല​ത്ത് അ​നീ​തി​ക​ൾ​ക്കെ​തി​രെ പ്ര​തി​ക​രി​ക്കാ​ൻ നീ​തി​യി​ലും സ​ത്യ​ത്തി​ലും വി​ശ്വ​സി​ക്കു​ന്ന ഏ​തൊ​രു ജ​നാ​ധി​പ​ത്യ വി​ശ്വാ​സി​യും രം​ഗ​ത്തു​വ​രേ​ണ്ട​തു​ണ്ടെ​ന്നും പ​രി​പാ​ടി​യി​ൽ പ​ങ്കെ​ടു​ത്ത് സം​സാ​രി​ച്ച​വ​ർ അ​ഭി​പ്രാ​യ​പ്പെ​ട്ടു.

വ​നി​ത വി​ഭാ​ഗം പ്ര​സി​ഡ​ന്റ് സാ​ജി​ദ സ​ലീം അ​ധ്യ​ക്ഷ​ത വ​ഹി​ച്ചു. മ​നാ​മ ഏ​രി​യ വൈ​സ് പ്ര​സി​ഡ​ന്റ് നൂ​റ ഷൗ​ക്ക​ത്ത​ലി, എ​ഴു​ത്തു​കാ​രി ഉ​മ്മു അ​മ്മാ​ർ, പ്ര​വാ​സി വെ​ൽ​ഫെ​യ​ർ എ​ക്സി​ക്യൂ​ട്ടി​വ് അം​ഗം ഷി​ജി​ന ആ​ഷി​ഖ്, മു​ഹ​റ​ഖ് ഏ​രി​യ സെ​ക്ര​ട്ട​റി ഹേ​ബ ഷ​ക്കീ​ബ്, മ​സീ​റ ന​ജാ​ഹ് എ​ന്നി​വ​ർ സം​സാ​രി​ച്ചു. തെ​രു​വി​ൽ മാ​ന​ഭം​ഗ​ത്തി​ന് ഇ​ര​യാ​കു​ന്ന സ്ത്രീ​ക​ൾ, ബു​ൾ​ഡോ​സ​ർ രാ​ജി​ന് വി​ധേ​യ​മാ​കു​ന്ന വീ​ടു​ക​ളും സ്ഥാ​പ​ന​ങ്ങ​ളും, അ​തി​നു മു​ന്നി​ൽ നി​സ്സ​ഹാ​യ​രാ​യി നി​ൽ​ക്കേ​ണ്ടി​വ​രു​ന്ന​വ​ർ, എ​ല്ലാം ക​ണ്ടും കേ​ട്ടും മൗ​നം പാ​ലി​ക്കു​ന്ന നി​യ​മ​പാ​ല​ക​രും ഭ​ര​ണ​കൂ​ട​വും എ​ന്നി​ങ്ങ​നെ വി​ഷ​യ​ങ്ങ​ൾ പ്ര​മേ​യ​മാ​ക്കി ടാബ്ലോയും അ​വ​ത​രി​പ്പി​ച്ചു.

സു​ബൈ​ദ മു​ഹ​മ്മ​ദ​ലി ക​വി​ത അ​വ​ത​രി​പ്പി​ച്ചു. ബു​ഷ്‌​റ ഹ​മീ​ദി​ന്റെ പ്രാ​ർ​ഥ​ന​യോ​ടെ ആ​രം​ഭി​ച്ച സം​ഗ​മ​ത്തി​ൽ വ​നി​ത വി​ഭാ​ഗം സെ​ക്ര​ട്ട​റി ശൈ​മി​ല നൗ​ഫ​ൽ സ്വാ​ഗ​ത​വും സ​ർ​ഗ​വേ​ദി ക​ൺ​വീ​ന​ർ മെ​ഹ്‌​റ മൊ​യ്തീ​ൻ ന​ന്ദി​യും പ​റ​ഞ്ഞു. സ​ലീ​ന ജ​മാ​ൽ, സ​മീ​റ നൗ​ഷാ​ദ്, ഫാ​ത്തി​മ സ്വാ​ലി​ഹ്, സൗ​ദ പേ​രാ​മ്പ്ര എ​ന്നി​വ​ർ നേ​തൃ​ത്വം ന​ൽ​കി. ഷ​ബീ​ഹ ഫൈ​സ​ൽ പ​രി​പാ​ടി നി​യ​ന്ത്രി​ച്ചു.