ഹ​മ​ദ് രാ​ജാ​വി​ന് റ​ഷ്യ​ൻ പ്ര​സി​ഡ​ന്റ് പു​ടി​ന്റെ സ​മ്മാ​നം

മ​നാ​മ: ഹ​മ​ദ് രാ​ജാ​വി​ന് റ​ഷ്യ​ൻ പ്ര​സി​ഡ​ന്റ് വ്ലാ​ദി​മി​ർ പു​ടി​ന്റെ വ​ക അ​പൂ​ർ​വ സ​മ്മാ​നം. ഏ​റ്റ​വും മി​ക​ച്ച​തും അ​പൂ​ർ​വ​മാ​യ​തു​മാ​യ സൈ​ബീ​രി​യ​ൻ ഫാ​ൽ​ക്ക​ണു​ക​ളി​ൽ ഒ​ന്നി​നെ​യാ​ണ് പു​ടി​ൻ സ​മ്മാ​ന​മാ​യി ന​ൽ​കി​യ​ത്. പു​ടി​ന്റെ ര​ക്ഷാ​ക​ർ​തൃ​ത്വ​ത്തി​ൽ റ​ഷ്യ​ൻ ന​ഗ​ര​മാ​യ വ്ലാ​ദി​വോ​സ്റ്റോ​ക്കി​ൽ ന​ട​ന്ന ഈ​സ്റ്റേ​ൺ ഇ​ക്ക​ണോ​മി​ക് ഫോ​റ​ത്തി​ൽ പ​ങ്കെ​ടു​ക്കു​ന്ന​തി​നി​ടെ റ​ഷ്യ​യി​ലെ ബ​ഹ്‌​റൈ​ൻ അം​ബാ​സ​ഡ​ർ അ​ഹ​മ്മ​ദ് അ​ബ്ദു​റ​ഹ്മാ​ൻ അ​ൽ സാ​ത്തി​യെ​യാ​ണ് സ​മ്മാ​നം ഏ​ൽ​പി​ച്ച​ത്.

ഇ​ക്ക​ണോ​മി​ക് ഫോ​റ​ത്തോ​ട​നു​ബ​ന്ധി​ച്ച് അ​പൂ​ർ​വ സൈ​ബീ​രി​യ​ൻ ഫാ​ൽ​ക്ക​ണു​ക​ളു​ടെ പ്ര​ദ​ർ​ശ​നം ന​ട​ന്നി​രു​ന്നു. ഹ​മ​ദ് രാ​ജാ​വി​നെ ത​ന്റെ ആ​ശം​സ അ​റി​യി​ക്കാ​ൻ പ്ര​സി​ഡ​ന്റ് പു​ടി​ൻ അം​ബാ​സ​ഡ​റോ​ട് അ​ഭ്യ​ർ​ഥി​ക്കു​ക​യും ചെ​യ്തു. അ​​റ​​ബ്​ ജീ​​വി​​ത​​ത്തി​​ന്റെ ആ​​ഡം​​ബ​​ര​​ങ്ങ​​ളി​​ൽ ഒ​​ന്നാ​​ണ്​ ഫാ​​ൽ​​ക​​ൺ പ​​ക്ഷി.

ഫാ​ൽ​ക​ൺ പ്ര​ദ​ർ​ശ​നം അ​റ​ബ് രാ​ജ്യ​ങ്ങ​ളി​ൽ എ​ല്ലാ​ക്കാ​ല​ത്തും ന​ട​ക്കാ​റു​ണ്ട്. പ്രൗ​ഢി​യോ​ടെ അ​ണി​ഞ്ഞൊ​രു​ങ്ങി നി​ല്‍ക്കു​ന്ന ഫാ​ൽ​ക​ൺ പ​ക്ഷി​ക​ൾ ഈ ​പ്ര​ദ​ർ​ശ​ന​ങ്ങ​ളി​ൽ കാ​ണാം.

അ​പൂ​ർ​വ​മാ​യ ഫാ​ൽ​ക​ൺ ഇ​ന​ങ്ങ​ൾ​ക്ക് കോ​ടി​ക​ൾ വി​ല വ​രും. ഹ​മ​ദ് രാ​ജാ​വി​നോ​ടു​ള്ള പ്ര​ത്യേ​ക​മാ​യ സ്നേ​ഹ​ത്തി​ന്റെ അ​ട​യാ​ള​മാ​യാ​ണ് പു​ടി​ൻ സൈ​ബീ​രി​യ​ൻ ഫാ​ൽ​ക്ക​ണി​നെ സ​മ്മാ​നി​ച്ച​ത്. ഇ​ക്ക​ണോ​മി​ക് ഫോ​റ​ത്തി​ൽ ബ​ഹ്‌​റൈ​ന്റെ പ​ങ്കാ​ളി​ത്ത​ത്തെ പു​ടി​ൻ അ​ഭി​ന​ന്ദി​ക്കു​ക​യും ചെ​യ്തു.

ബ​ഹ്‌​റൈ​നോ​ടു​ള്ള ന​ന്ദി​സൂ​ച​ക​മാ​യി 2024 ജൂ​ൺ 5-8 വ​രെ തീ​യ​തി​ക​ളി​ൽ ന​ട​ക്കു​ന്ന സെ​ന്റ് പീ​റ്റേ​ഴ്‌​സ്ബ​ർ​ഗ് ഇ​ന്റ​ർ​നാ​ഷ​ന​ൽ ഇ​ക്ക​ണോ​മി​ക് ഫോ​റ​ത്തി​ൽ ‘ഗെ​സ്റ്റ് ഓ​ഫ് ഹോ​ണ​ർ’ ആ​യി ബ​ഹ്‌​റൈ​നെ പ​രി​ഗ​ണി​ക്കാ​നും റ​ഷ്യ​ൻ പ്ര​സി​ഡ​ന്റ് നി​ർ​ദേ​ശി​ച്ചു.