ആ യുവാവിന്​ ‘നോട്ടം’ മാറ്റാൻ കഴിഞ്ഞില്ല; വിനോദ്​ കുമാറി​െൻറ ജീവിതം മാറ്റിയെഴുതപ്പെടുന്നു

മനാമ: യാദൃശ്​ചികമായി വഴിയാത്രക്കാരനായ ഒരു യുവാവി​​​​​​െൻറ കണ്ണിൽപെട്ടതാണ്​ ആലപ്പുഴ സ്വദേശി വിനോദ്​കുമാറ ി(65)​​​​​​െൻറ അനാഥതുല്ല്യമായ ജീവിതം മാറ്റിയെഴുത​പ്പെടാൻ കാരണമായത്​. തിരുവനന്തപുരത്തുകാരനായ ഷിജുവി​​​​​​െൻറ നൻമയും മനുഷ്യത്വവും ആ മനുഷ്യ​​​​​​െൻറ ദുരിതജീവിതത്തിന്​ മോക്ഷം നൽകാൻ കാരണമായിരിക്കുകയാണ്​. കഴിഞ്ഞ 30 വർഷത്തോളമായി ബഹ്​റൈനിൽ ജോലി ചെയ്​ത്​ വരികയായിരുന്ന വിനോദ്​ക​ുമാറി​​​​​​െൻറ ജീവിതം സംഭവബഹുലമാണ്​. നാട്ടിൽ ഉന്നത കുടുംബാംഗമായ വിനോദ്​ ആദ്യം 25 വർഷത്തോളം ആലിയിലെ ഒരു കമ്പനിയിൽ ജീവനക്കാരൻ, ഡ്രൈവർ എന്നീ നിലകളിൽ ജോലി ചെയ്യുകയായിരുന്നു.

ഗണിതശാസ്​ത്ര ബിരുദധാരിയായ ഇദ്ദേഹം കമ്പനിയിൽ മികച്ച ജീവനക്കാരൻ എന്ന നിലയിൽ പേരെടുത്തിരുന്നു. തുടർന്ന്​ ചില കമ്പനികളിലും ഒരു വീട്ടിലും ഡ്രൈവറായി ജോലി ചെയ്​തു. എന്നാൽ ഒരു വർഷത്തോളം മുമ്പാണ്​ ദുരിതങ്ങൾ തുടങ്ങിയത്​. തൊഴിലുടമയിൽ നിന്ന്​ നഷ്​ടപരിഹാരത്തിന്​ കോടതിയിൽ കേസിന്​ പോകേണ്ടി വന്നു. എന്നാൽ ചില സാ​േങ്കതിക പ്രശ്​നങ്ങൾ കാരണം വിധി പ്രതികൂലമായി. പാസ്​പോർട്ട്​ കൈവശമില്ലാത്തതിനാൽ തുടർന്ന്​ വിസ പുതുക്കാൻ കഴിഞ്ഞതുമില്ല. ഇതിനിടെ ഒരു മൊബൈൽ ഫോൺ ഇൻസ്​റ്റാൾമ​​​​​െൻറ്​ സ്​കീമിൽ വാങ്ങിയതി​​​​​​െൻറ പ്രതിമാസ ഗഡുക്കൾ മുടങ്ങിയതിനാൽ, കേസാകുകയും യാത്രാനിരോധനം വരികയും ചെയ്​തു.

ഇതോടെ മാനസികമായി തളർന്ന വിനോദിന്​ വാർധക്ക്യ സഹജമായ അസുഖങ്ങളും കഴുത്തിലെ മുഴയും കടുത്ത ആരോഗ്യ പ്രശ്​നങ്ങൾ ഉണ്ടാക്കി. ജോലിയെടുക്കാനുള്ള ആരോഗ്യംപോലും ഇല്ലാതെ വന്നതിനാൽ, ഒടുവിൽ തങ്ങാൻ ഒരു സ്ഥലം തേടി ആദ്യം ജോലി ചെയ്​തിരുന്ന കമ്പനി അധികൃതരുടെ അടുത്തെത്തി. അവരുടെ ഒൗദാര്യത്തിൽ കമ്പനിയുടെ ഗോഡൗണിൽ താമസം തുടങ്ങി.

പട്ടിണിയും ​രോഗങ്ങളും അവശനാക്കിയിട്ടും അഭിമാനം കാരണം ത​​​​​​െൻറ പ്രശ്​നങ്ങൾ ആരെയും അറിയിക്കാൻ വിനോദ്​ തയ്യാറായതുമില്ല. ഇതിനിടെയാണ്​ വിനോദിനെ ഇൗസ ടൗണിലെ ബസ്​സ്​റ്റോപ്പിൽ ഷിജു കാണുന്നതും ആ ദൈന്യത കണ്ട്​ മനസലിഞ്ഞതും. തുടർന്ന്​ സഹായം എന്തെങ്കിലും ആവശ്യമുണ്ടോയെന്ന്​ അന്വേഷണം നടത്തിയെങ്കിലും പുഞ്ചിരിയോടെ നിരസിക്കുകയായിരുന്നുവത്രെ വിനോദ്​ക​ുമാർ. എങ്കിലും ഭക്ഷണ പാനീയങ്ങൾ വാങ്ങി നിർബന്​ധിച്ച്​ നൽകിയശേഷം താമസസ്ഥലത്തേക്ക്​ കൊണ്ടാക്കുകയും അടുത്ത ദിവസം അവിടെ ചെന്ന്​ കൂടുതൽ വിവരങ്ങൾ മനസിലാക്കുകയും ചെയ്​തു.

താമസിക്കുന്ന സ്ഥലത്തി​​​​​​െൻറ ശോചനീയാവസ്ഥ വ്യക്തമാക്കി ഷിജു വീഡിയോചിത്രം എടുക്കുകയും ചില സുഹൃത്തുക്കൾക്കും സാമൂഹിക പ്രവർത്തകർക്കും പോസ്​റ്റ്​ ചെയ്​തു. ​െഎ.സി.ആർ.എഫ്​ അംഗം സുധീർ ഇൗ വിവരം സാമൂഹിക പ്രവർത്തകരുടെ ഗ്ര​ൂപ്പിൽ പോസ്​റ്റ്​ ചെയ്​തു. തുടർന്ന്​ സാമൂഹിക പ്രവർത്തകരായ സിയാദ്​ ഏഴംകുളം, മനോജ്​ വടകര, കെ.എം.സി.സി സൗത്ത്​ സോൺ ഭാരവാഹികളായ ബാദുഷ, നവാസ്​ കുണ്ടറ എന്നിവർ ചേർന്ന്​ വിനോദി​​​​​​െൻറ താമസ സ്ഥലത്തെത്തി കാര്യങ്ങൾ അന്വേഷിക്കുകയും വേണ്ട സഹായ വാഗ്​ധാനങ്ങൾ നൽകുകയും ചെയ്​തു.

വിനോദി​​​​​​െൻറ നാട്ടിലുള്ള ഭാര്യയോട്​ വിവരങ്ങൾ അറിയിക്കുകയും ഇദ്ദേഹത്തി​​​​​​െൻറ അവസ്ഥയെ കുറിച്ച്​ ധരിപ്പിക്കുകയും ചെയ്​തു. എത്രയുംവേഗം നിയമനടപടികൾ പരിഹരിച്ച്​ നാട്ടിൽ എത്തിക്കാനുള്ള ശ്രമത്തിലാണ്​ തങ്ങളെന്ന്​ സാമൂഹിക പ്രവർത്തകർ പറഞ്ഞു. വിനോദ്​ കുമാർ നാട്ടിൽപോയിട്ട്​ മൂന്നുവർഷമായി.