ദേ​ശാ​ട​ന​പ​ക്ഷി​ക​ൾ ദു​ബൈ​യി​ൽ

പ്ര​കൃ​തി​യെ സം​ര​ക്ഷി​ക്കു​ന്ന വി​ക​സ​ന കാ​ഴ്ച​പ്പാ​ടാ​ണ്​ ദു​ബൈ എ​ക്കാ​ല​വും പു​ല​ർ​ത്തി​പ്പോ​രു​ന്ന​ത്. വ​ന്യ​ജീ​വി​ക​ളു​ടെ ആ​വാ​സ വ്യ​വ​സ്ഥ​ക​ൾ​ക്കും വം​ശ​നാ​ശ​ഭീ​ഷ​ണി നേ​രി​ടു​ന്ന ജീ​വ​ജാ​ല​ങ്ങ​ൾ​ക്കും പ്രാ​ധാ​ന്യം ന​ൽ​കു​ന്ന കാ​ഴ്ച​പ്പാ​ടി​ന്‍റെ ഗു​ണ​ഫ​ല​ങ്ങ​ൾ ന​ഗ​ര​ത്തി​ലു​ട​നീ​ളം കാ​ണാ​വു​ന്ന​താ​ണ്. ശൈ​ത്യ​കാ​ല​മാ​യ​തോ​ടെ ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ നി​ന്ന്​ പ​റ​ന്നെ​ത്തു​ന്ന ദേ​ശാ​ട​ന​പ​ക്ഷി​ക​ൾ ഇ​തി​ന്‍റെ സാ​ക്ഷ്യ​മാ​ണ്.

ദു​ബൈ​യി​ലെ എ​ല്ലാ വ​ന്യ​ജീ​വി സ​ങ്കേ​ത​ങ്ങ​ളി​ലും ദൈ​നം​ദി​ന നി​രീ​ക്ഷ​ണ​വും പ​രി​ശോ​ധ​ന​ക​ളും അ​ധി​കൃ​ത​ർ ന​ട​ത്തി​വ​രു​ന്നു​ണ്ട്. എ​ല്ലാ വ​ർ​ഷ​വും പ​ഠ​ന​ങ്ങ​ളും സ​ർ​വേ​ക​ളും ന​ട​ത്തി വൈ​വി​ധ്യ​മാ​ർ​ന്ന ജീ​വ​ജാ​ല​ങ്ങ​ളു​ടെ എ​ണ്ണ​വും മാ​റ്റ​വും കൃ​ത്യ​മാ​യി വി​ല​യി​രു​ത്തു​ക​യും ചെ​യ്യു​ന്നു.

1998ലാ​ണ്​ ആ​ദ്യ​മാ​യി ന​ഗ​ര​ത്തി​ൽ പ​രി​സ്ഥി​തി സം​ര​ക്ഷി​ത മേ​ഖ​ല​ക​ൾ പ്ര​ഖ്യാ​പി​ക്കു​ന്ന​ത്. റാ​സ​ൽ ഖോ​ർ വ​ന്യ​ജീ​വി സ​ങ്കേ​ത​വും ജ​ബ​ൽ അ​ലി വ​ന്യ​ജീ​വി സ​ങ്കേ​ത​വു​മാ​ണ്​ ഇ​ത്ത​ര​ത്തി​ൽ ആ​ദ്യ​മാ​യി സം​ര​ക്ഷി​ക്ക​പ്പെ​ട്ട​ത്. 2014ൽ ​ആ​റ് സം​ര​ക്ഷി​ത പ്ര​ദേ​ശ​ങ്ങ​ൾ കൂ​ടി പ്ര​ഖ്യാ​പി​ച്ച്​ ഉ​ത്ത​ര​വി​റ​ക്കി. ദു​ബൈ ഡെ​സേ​ർ​ട്ട് ക​ൺ​സ​ർ​വേ​ഷ​ൻ റി​സ​ർ​വ്, അ​ൽ മ​ർ​മൂം ഡെ​സേ​ർ​ട്ട് ക​ൺ​സ​ർ​വേ​ഷ​ൻ റി​സ​ർ​വ്, അ​ൽ വു​ഹൂ​ഷ് ഡെ​സേ​ർ​ട്ട് ക​ൺ​സ​ർ​വ്, ജ​ബ​ൽ ന​സ്‌​വ ക​ൺ​സ​ർ​വേ​ഷ​ൻ റി​സ​ർ​വ്, ഗാ​ഫ് ന​സ്‌​വ ക​ൺ​സ​ർ​വേ​ഷ​ൻ റി​സ​ർ​വ് എ​ന്നി​വ​യാ​ണ് മ​രു​ഭൂ​മി​യി​ലെ സം​ര​ക്ഷി​ത മേ​ഖ​ല​ക​ൾ. എ​മി​റേ​റ്റി​ലെ ഏ​ക ഹൈ​ലാ​ൻ​ഡ് റി​സ​ർ​വാ​യി ഹ​ത്ത മൗ​ണ്ട​ൻ റി​സ​ർ​വും പ്ര​ഖ്യാ​പി​ക്ക​പ്പെ​ട്ടു.മൂ​ന്ന്​ അ​ന്താ​രാ​ഷ്‌​ട്ര പ്രാ​ധാ​ന്യ​മു​ള്ള ത​ണ്ണീ​ർ​ത്ത​ട​ങ്ങ​ളാ​ണ്​ ദു​ബൈ​യി​ലു​ള്ള​ത്.

റാ​സ് അ​ൽ ഖോ​ർ വ​ന്യ​ജീ​വി സ​ങ്കേ​തം, ജ​ബ​ൽ അ​ലി വ​ന്യ​ജീ​വി സ​ങ്കേ​തം, ഹ​ത്ത മൗ​ണ്ട​ൻ റി​സ​ർ​വ് എ​ന്നി​വ​യാ​ണ​ത്. ദു​ബൈ ക്രീ​ക്കി​ന്റെ ഹൃ​ദ​യ​ഭാ​ഗ​ത്ത്, അ​രു​വി​യു​ടെ​യും ക​നാ​ലി​ന്റെ​യും സ​മീ​പ​ത്താ​യാ​ണ് റാ​സ​ൽ ഖോ​ർ വ​ന്യ​ജീ​വി സ​ങ്കേ​തം സ്ഥി​തി ചെ​യ്യു​ന്ന​ത്. 10.13 ച​തു​ര​ശ്ര കി​ലോ​മീ​റ്റ​ർ വി​സ്തൃ​തി​യു​ള്ള വ​ർ​ഷം മു​ഴു​വ​ൻ ദേ​ശാ​ട​ന പ​ക്ഷി​ക​ളെ​ത്തു​ന്ന ഇ​ട​മാ​ണി​ത്. ശൈ​ത്യ​കാ​ല​ത്ത്, ഇ​വി​ടെ 201 വ്യ​ത്യ​സ്ത ഇ​ന​ങ്ങ​ളി​ൽ പെ​ട്ട25,000ലേ​റെ പ​ക്ഷി​ക​ളെ​ത്തു​ന്ന​താ​യാ​ണ്​ ക​ണ​ക്ക്.

റാ​സ് അ​ൽ ഖോ​റി​ലെ സ​ന്ദ​ർ​ശ​ക​രു​ടെ പ്ര​ധാ​ന ആ​ക​ർ​ഷ​ണ​മാ​ണ് അ​ര​യ​ന്ന​ങ്ങ​ൾ. ആ​ഗോ​ള​ത​ല​ത്തി​ൽ വം​ശ​നാ​ശ​ഭീ​ഷ​ണി നേ​രി​ടു​ന്ന ജ​ല​പ​ക്ഷി​ക​ളാ​യ സോ​കോ​ത്ര കോ​ർ​മോ​റ​ന്റ്, ഫെ​റു​ജി​ന​സ് ഡ​ക്ക്, സോ​ഷ്യ​ബി​ൾ ലാ​പ്‌​വി​ങ്​ എ​ന്നി​വ​യും ഇ​വി​ടെ കാ​ണ​പ്പെ​ടു​ന്നു. ആ​കെ 472 സ്പീ​ഷീ​സു​ക​ൾ റി​സ​ർ​വി​ൽ വ​സി​ക്കു​ന്ന​തി​ൽ 13 സ​സ്ത​നി​ക​ളും 14 ഉ​ര​ഗ​ങ്ങ​ളും 47 സ​സ്യ ഇ​ന​ങ്ങ​ളും 52 മ​ത്സ്യ ഇ​ന​ങ്ങ​ളും ഉ​ൾ​പ്പെ​ടും. ഗ്രേ​റ്റ​ർ സ്‌​പോ​ട്ട​ഡ് ഈ​ഗി​ൾ, യു​റേ​ഷ്യ​ൻ ക​ർ​ലെ​വ്, ബ്ലാ​ക്ക്-​ടെ​യി​ൽ​ഡ് ഗോ​ഡ്‌​വി​റ്റ്, ബാ​ർ-​ടെ​യി​ൽ​ഡ് ഗോ​ഡ്‌​വി​റ്റ്, ക​ർ​ലെ​വ് സാ​ൻ​ഡ്‌​പൈ​പ്പ​ർ തു​ട​ങ്ങി​യ വം​ശ​നാ​ശ​ഭീ​ഷ​ണി നേ​രി​ടു​ന്ന 20-ല​ധി​കം ജീ​വ​ജാ​ല​ങ്ങ​ളു​ടെ അ​ഭ​യ​കേ​ന്ദ്ര​വു​മാ​ണ് റി​സ​ർ​വ്.

ജ​ബ​ൽ അ​ലി വ​ന്യ​ജീ​വി സ​ങ്കേ​തം 75.2 ച​തു​ര​ശ്ര കി​ലോ​മീ​റ്റ​റി​ല​ധി​കം വ്യാ​പി​ച്ചു​കി​ട​ക്കു​ന്ന​താ​ണ്. 127 ഇ​നം പ​ക്ഷി​ക​ൾ, 11 സ​സ്ത​നി​ക​ൾ, 27 ഉ​ര​ഗ​ങ്ങ​ൾ, 157 മ​ത്സ്യ ഇ​ന​ങ്ങ​ൾ, 79 എ​ണ്ണം സ​സ്യ​ങ്ങ​ൾ എ​ന്നി​വ​യ​ട​ക്കം 619 ഇ​നം ജീ​വ​ജാ​ല​ങ്ങ​ളാ​ണ്​ ഇ​വി​ടെ​യു​ള്ള​ത്. ജ​ബ​ൽ അ​ലി റി​സ​ർ​വി​ൽ വം​ശ​നാ​ശ​ഭീ​ഷ​ണി നേ​രി​ടു​ന്ന 45-ല​ധി​കം ഇ​ന​ങ്ങ​ളു​ണ്ട്. ഹ​ജ​ർ മ​ല​നി​ര​ക​ൾ​ക്കി​ട​യി​ൽ 21.56 ച​തു​ര​ശ്ര കി​ലോ​മീ​റ്റ​ർ വി​സ്തൃ​തി​യി​ലാ​ണ് ഹ​ത്ത മൗ​ണ്ട​ൻ റി​സ​ർ​വ്. 128 ഇ​നം പ​ക്ഷി​ക​ൾ, 27 സ​സ്ത​നി​ക​ൾ, 20 ഉ​ര​ഗ​ങ്ങ​ൾ, 133 സ​സ്യ​ങ്ങ​ൾ, 9 മ​ത്സ്യ​ങ്ങ​ൾ, 2 ഉ​ഭ​യ​ജീ​വി​ക​ൾ എ​ന്നി​വ​യു​ൾ​പ്പെ​ടെ 345 ഓ​ളം ഇ​നം ജീ​വ​ജാ​ല​ങ്ങ​ൾ ഇ​വി​ടെ​യും സം​ര​ക്ഷി​ക്ക​പ്പെ​ടു​ന്നു. വം​ശ​നാ​ശ​ഭീ​ഷ​ണി നേ​രി​ടു​ന്ന പ​ത്തോ​ളം ജീ​വി​വ​ർ​ഗ്ഗ​ങ്ങ​ൾ റി​സ​ർ​വി​ൽ വ​സി​ക്കു​ന്നു​ണ്ട്.