ആത്മാവിൽ നിറയുന്ന ഗംഗേട്ടൻ

കോ​ഴി​ക്കോ​ട് എ​ന്നു പ​റ​യു​മ്പോ​ൾ​ത​ന്നെ എ​ന്‍റെ ഉ​ള്ളി​ൽ നി​റ​യു​ന്ന പേ​ര് പി.​വി.​ജി​യു​ടേ​താ​ണ്. കോ​ഴി​ക്കോ​ട് പി.​വി.​ജി ഉ​ണ്ട് എ​ന്ന​തു​ത​ന്നെ എ​നി​ക്ക് ഒ​രു ധൈ​ര്യ​മാ​യി​രു​ന്നു. 1991ൽ ‘​എ​ന്നും ന​ന്മ​ക​ൾ’ തൊ​ട്ടാ​ണ് ഞ​ങ്ങ​ൾ ഒ​രു​മി​ച്ച് സി​നി​മ ചെ​യ്യാ​ൻ തു​ട​ങ്ങി​യ​ത്. ഗൃ​ഹ​ല​ക്ഷ്മി പ്രൊ​ഡ​ക്ഷ​ൻ​സി​നോ​ടൊ​പ്പം സി​നി​മ ചെ​യ്യാ​ൻ ക​ഴി​യു​ക എ​ന്ന​ത് പു​തു​മു​ഖ സം​വി​ധാ​യ​ക​ൻ എ​ന്ന നി​ല​യി​ൽ വ​ലി​യ അം​ഗീ​കാ​ര​മാ​യി​രു​ന്നു എ​നി​ക്ക്. അ​തി​നു​ശേ​ഷം വീ​ണ്ടും ചി​ല വീ​ട്ടു​കാ​ര്യ​ങ്ങ​ൾ, കൊ​ച്ചു കൊ​ച്ചു സ​ന്തോ​ഷ​ങ്ങ​ൾ, തൂ​വ​ൽ​ക്കൊ​ട്ടാ​രം, അ​ച്ചു​വി​ന്‍റെ അ​മ്മ എ​ന്നി​ങ്ങ​നെ കു​റെ സി​നി​മ​ക​ൾ ചെ​യ്തു. ഇ​തി​നി​ടെ ഞ​ങ്ങ​ൾ ത​മ്മി​ൽ വ​ലി​യൊ​രു സൗ​ഹൃ​ദം രൂ​പ​പ്പെ​ടു​ക​യും ഒ​രു നി​ർ​മാ​താ​വ് എ​ന്ന​തി​ന​പ്പു​റ​ത്തേ​ക്ക് അ​ദ്ദേ​ഹം എ​ന്‍റെ ജീ​വി​ത​ത്തി​ന്‍റെ ഭാ​ഗ​മാ​യി മാ​റു​ക​യും ചെ​യ്തു.

ഞ​ങ്ങ​ളൊ​ന്നി​ച്ച് ഒ​രു​പാ​ട് യാ​ത്ര​ക​ൾ ചെ​യ്തി​ട്ടു​ണ്ട്. ആ​ദ്യ​മാ​യി ഇ​ന്‍റ​ർ​നാ​ഷ​ന​ൽ ഫി​ലിം ഫെ​സ്റ്റി​വ​ൽ കാ​ണു​ന്ന​ത് ഞാ​നും ഗം​ഗേ​ട്ട​നും​കൂ​ടി ഡ​ൽ​ഹി​യി​ൽ പോ​യി​ട്ടാ​ണ്. എ​ന്‍റെ ജീ​വി​ത​ത്തി​ലെ പ്ര​ധാ​ന മു​ഹൂ​ർ​ത്ത​ങ്ങ​ളി​ലെ​ല്ലാം അ​ദ്ദേ​ഹം പ​ങ്കു​ചേ​ർ​ന്നി​ട്ടു​ണ്ട്. നി​ർ​മാ​താ​വ് എ​ന്ന നി​ല​യി​ൽ സം​വി​ധാ​യ​ക​ന് ഏ​റ്റ​വും കൂ​ടു​ത​ൽ സ്വാ​ത​ന്ത്ര്യം ന​ൽ​കു​ന്ന​യാ​ളാ​യി​രു​ന്നു പി.​വി.​ജി. മ​ന​സ്സി​ൽ ആ​ശ​യം തോ​ന്നി​യാ​ൽ അ​ത് സി​നി​മ​യാ​ക്ക​ണ​മെ​ങ്കി​ൽ ന​മ്മോ​ട് പൂ​ർ​ണ​മാ​യി വി​ശ്വാ​സ്യ​ത പു​ല​ർ​ത്തു​ന്ന നി​ർ​മാ​താ​വ് വേ​ണം. ‘അ​ച്ചു​വി​ന്‍റെ അ​മ്മ’ എ​ന്ന സി​നി​മ​യു​ടെ ആ​ശ​യം മ​ന​സ്സി​ൽ വ​ന്ന​പ്പോ​ൾ​ത​ന്നെ ഞാ​ൻ ഗം​ഗേ​ട്ട​നോ​ട് പ​റ​ഞ്ഞു. അ​ധി​കം പ്രാ​യ​വ്യ​ത്യാ​സ​മി​ല്ലാ​ത്ത ഒ​രു അ​മ്മ​യും മ​ക​ളും, മ​ക​ൾ​ക്ക് അ​റി​യാം അ​മ്മ വി​വാ​ഹം ക​ഴി​ച്ചി​ട്ടി​ല്ലെ​ന്ന്. അ​ത്ര​യു​മാ​ണ് ഞാ​ൻ പ​റ​ഞ്ഞ​ത്. അ​ത് കേ​ട്ട​പ്പോ​ൾ​ത​ന്നെ അ​ദ്ദേ​ഹം പ​റ​ഞ്ഞു, ഇ​ത് ന​മു​ക്ക് ചെ​യ്യാ​മെ​ന്ന്. പി​ന്നെ അ​തി​നെ​ക്കു​റി​ച്ച് അ​ന്വേ​ഷി​ച്ചി​ട്ടു​പോ​ലു​മി​ല്ല. പി.​വി. ഗം​ഗാ​ധ​ര​നെ​പ്പോ​ലെ ഒ​രാ​ൾ, ഇ​ത്ര​യും സി​നി​മ​യു​ടെ നി​ർ​മാ​താ​വാ​യ ഒ​രാ​ൾ അ​ങ്ങ​നെ പ​റ​ഞ്ഞ​തോ​ടെ എ​നി​ക്കും വ​ലി​യ ആ​ത്മ​വി​ശ്വാ​സം കൈ​വ​ന്നു. ന​ല്ല സി​നി​മാ​സം​സ്കാ​ര​മു​ള്ള​യാ​ളാ​യി​രു​ന്നു അ​ദ്ദേ​ഹം.

വ്യ​ക്തി എ​ന്ന നി​ല​യി​ൽ എ​ന്നി​ൽ ഏ​റ്റ​വും സ്വാ​ധീ​നം ചെ​ലു​ത്തി​യ ആ​ളാ​യി​രു​ന്നു ഗം​ഗേ​ട്ട​ൻ. എ​ന്‍റെ ചേ​ട്ട​നെ​ന്നോ, ഏ​റ്റ​വും വ​ലി​യ കൂ​ട്ടു​കാ​ര​ൻ എ​ന്നോ എ​നി​ക്ക് ഒ​രു​പാ​ട് കാ​ര്യ​ങ്ങ​ൾ ചെ​യ്തു​ത​ന്ന ഗു​രു​നാ​ഥ​ൻ എ​ന്നോ പ​റ​യാം. സി​നി​മ​യി​ൽ മാ​ത്ര​മ​ല്ല, ജീ​വി​ത​ത്തി​ലാ​യാ​ലും എ​ന്തെ​ങ്കി​ലും പ്ര​തി​സ​ന്ധി​ക​ളി​ൽ​പെ​ടു​മ്പോ​ൾ ഒ​രു ടെ​ലി​ഫോ​ൺ കാ​ൾ മ​തി, പി.​വി. ഗം​ഗാ​ധ​ര​ൻ അ​തി​നു​ള്ള പ​രി​ഹാ​രം നി​ർ​ദേ​ശി​ച്ചി​രി​ക്കും, അ​ല്ലെ​ങ്കി​ൽ എ​ന്‍റെ അ​ടു​ത്ത് എ​ത്തി​യി​രി​ക്കും. എ​ന്‍റെ വീ​ട്ടി​ലെ എ​ല്ലാ വി​ശേ​ഷ​ങ്ങ​ൾ​ക്കും ഗം​ഗേ​ട്ട​ൻ വ​രും. അ​തു​പോ​ലെ അ​ദ്ദേ​ഹ​ത്തി​ന്‍റെ വീ​ട്ടി​ലെ എ​ല്ലാ വി​ശേ​ഷ​ങ്ങ​ൾ​ക്കും ഞാ​നും പോ​കു​മാ​യി​രു​ന്നു. എ​ന്‍റെ എ​ല്ലാ പി​റ​ന്നാ​ളി​നും അ​ദ്ദേ​ഹം കേ​ക്ക് അ​യ​ക്കും. ചി​ല​പ്പോ​ൾ എ​ന്‍റെ ഭാ​ര്യ​ക്കു​പോ​ലും അ​തേ​ക്കു​റി​ച്ച് ഓ​ർ​മ​യു​ണ്ടാ​കി​ല്ല, പ​ക്ഷേ പി​റ​ന്നാ​ളി​ന്‍റെ അ​ന്ന് ഗം​ഗേ​ട്ട​ന്‍റെ കേ​ക്ക് വീ​ട്ടി​ൽ എ​ത്തി​ച്ചി​രി​ക്കും. എ​ന്‍റെ മ​ക​ന്‍റെ ക​ല്യാ​ണ​ത്തി​ന് ഏ​റ്റ​വും മു​ന്നി​ൽ​നി​ന്ന് എ​ല്ലാ കാ​ര്യ​ങ്ങ​ളും ചെ​യ്ത​ത് ഗം​ഗേ​ട്ട​നാ​ണ്.

ഞാ​ൻ ക​ണ്ടി​ട്ടു​ള്ള​തി​ൽ​വെ​ച്ച് ഏ​റ്റ​വും നി​ഷ്ക​ള​ങ്ക​നാ​യ മ​നു​ഷ്യ​നാ​യി​രു​ന്നു ഗം​ഗേ​ട്ട​ൻ. കു​ട്ടി​ക​ളോ​ടൊ​പ്പ​മാ​ണെ​ങ്കി​ൽ കു​ട്ടി​യാ​യും യു​വാ​ക്ക​ളോ​ടൊ​പ്പ​മാ​ണെ​ങ്കി​ൽ യു​വാ​വാ​യും മാ​റാ​ൻ കെ​ൽ​പു​ള്ള​യാ​ളാ​യി​രു​ന്നു. വ​ലു​പ്പ​ച്ചെ​റു​പ്പ​മി​ല്ലാ​ത്ത​യാ​ളാ​ണ്. മോ​ഹ​ൻ​ലാ​ൽ മു​ത​ൽ ഇ​ങ്ങേ​യ​റ്റ​ത്ത് ചാ​യ ത​രു​ന്ന പ​യ്യ​നോ​ട് വ​രെ അ​ദ്ദേ​ഹം സ്നേ​ഹ​ത്തോ​ടെ തോ​ളി​ൽ കൈ​യി​ട്ടു സം​സാ​രി​ക്കും. അ​തൊ​ക്കെ എ​നി​ക്ക് വ​ലി​യ പാ​ഠ​മാ​ണ്. പ​ണം​കൊ​ണ്ടോ പ്ര​താ​പം​കൊ​ണ്ടോ പ്ര​ശ​സ്തി​കൊ​ണ്ടോ ഒ​രു മാ​റ്റ​വും ഉ​ണ്ടാ​കി​ല്ലെ​ന്ന് തെ​ളി​യി​ച്ചി​രു​ന്നു അ​ദ്ദേ​ഹം. എ​ന്നെ സം​ബ​ന്ധി​ച്ചി​ട​ത്തോ​ളം എ​ന്‍റെ മാ​ർ​ഗ​ദ​ർ​ശി​യാ​യി​രു​ന്നു ഗം​ഗേ​ട്ട​ൻ. ആ​ത്മാ​വി​നോ​ട് ചേ​ർ​ന്നു​നി​ന്ന പ​ല​രും ന​ഷ്ട​പ്പെ​ട്ടു​പോ​യി​രി​ക്കു​ന്നു. ഇ​ന്ന​സെ​ന്‍റ്, മാ​മു​ക്കോ​യ, ല​ളി​ത​ച്ചേ​ച്ചി, നെ​ടു​മു​ടി വേ​ണു... എ​ന്നും ത​മ്മി​ൽ സം​സാ​രി​ച്ചി​രു​ന്ന ആ​ളു​ക​ളാ​യി​രു​ന്നു ഞ​ങ്ങ​ൾ. അ​ങ്ങ​നെ ഒ​രാ​ളെ​ക്കൂ​ടി എ​നി​ക്ക് ന​ഷ്ട​പ്പെ​ട്ടി​രി​ക്കു​ന്നു. പ​ക്ഷേ, ഗം​ഗേ​ട്ട​ൻ പോ​യി​ട്ടി​ല്ല എ​ന്നു​ത​ന്നെ വി​ശ്വ​സി​ക്കാ​നാ​ണ് എ​നി​ക്കി​ഷ്ടം. ഗം​ഗേ​ട്ട​ന്‍റെ സാ​ന്നി​ധ്യം ഇ​വി​ടെ​യു​ണ്ട് എ​ന്നു​ത​ന്നെ ഞാ​ൻ വി​ശ്വ​സി​ക്കു​ന്നു.

ത​യാ​റാ​ക്കി​യ​ത്: അ​നു​​ശ്രീ