കഥ: നാല് കഥകൾ

റോ​ട്ടി തി​ന്നു​ന്ന​വ​ര്‍

കാ​റ്റി​ൽ, മേ​ൽ​ക്കൂ​ര​യി​ലെ ത​ക​ര​ഷീ​റ്റു​ക​ൾ ക​ര​ഞ്ഞു.​ മ​ൺ​ചു​മ​രി​ലെ കു​മ്മാ​യം അ​ട​ർ​ന്നു​വീണു.​ അ​ടു​പ്പി​ലെ തീ​നാ​ള​ങ്ങ​ൾ​ക്കു​മു​ക​ളി​ലെ ക​ല്ലി​ൽ റോ​ട്ടി വെ​ന്തു​കൊ​ണ്ടി​രു​ന്നു, അ​വ​ള​ത് തി​രി​ച്ചും​ മ​റി​ച്ചു​മി​ട്ടു.​ ചു​ട്ട​ റോ​ട്ടി​യെ​ടു​ത്ത് അ​യാ​ൾ, നി​ല​ത്തു​വ​ട്ട​മ​ണ​ഞ്ഞി​രി​ക്കു​ന്ന​ പെ​ണ്‍കുട്ടി​ക​ളു​ടെ​യും യു​വാ​വി​ന്‍റെ​യും വൃ​ദ്ധ​യു​ടെ​യും ന​ടു​വി​ൽ​വെ​ച്ച പാ​ത്ര​ത്തി​ലേക്കി​ട്ടു.​ അ​വര​പ്പോ​ൾ, ടി.​വി​യി​ലെ സി​നി​മാ​ഗാ​നം കാ​ണു​ക​യാ​ണ്. മാ​റാ​ല​ കെ​ട്ടി​യ ബ​ൾ​ബ്, അ​ടു​പ്പി​ൽ​ നിന്നു​യ​രു​ന്ന പു​ക തി​ങ്ങി​യ ആ ​മു​റി​ക്കു​ള്ളി​ൽ മ​ങ്ങി​യ​പ്ര​കാ​ശം പ​ര​ത്തി​ക്കൊ​ണ്ടി​രു​ന്നു.

ഇ​ന്ന​ല​ത്തെ മാ​ട്ടി​റ​ച്ചി​ക്ക​റി അ​വ​ൾ ചൂ​ടാ​ക്കു​മ്പോ​ൾ ടി.​വി​യി​ൽ വാ​ർ​ത്ത തു​ട​ങ്ങു​ക​യാ​ണ്. അ​യാ​ൾ അ​വ​ർ​ക്കാ​യി ഉ​ള്ളി അ​രി​യു​ന്നു. എ​വി​ടെ​നി​ന്നോ വ​ന്ന ഈ​യ​ൽ ബ​ൾ​ബി​നെ വ​ട്ടം​ചു​റ്റി പ​റ​ന്നു.​ പാ​ർ​ല​മെ​ന്റി​ന​ക​ത്തെ ആ​ക്ര​മ​ണ​ത്തെ​ക്കു​റി​ച്ചു കേ​ട്ട​തോ​ടെ വൃ​ദ്ധ റോട്ടി​ ച​വ​ക്കു​ന്ന​തു നി​ർ​ത്തി.​ അ​ച്ചാ​ർ തൊ​ട്ടു​ന​ക്കി​യ യു​വാ​വി​ന്‍റെ വി​ര​ൽ വാ​യി​ൽ അ​ന​ക്കമ​റ്റു​നി​ന്നു. ഉ​ള്ളി​അ​രി​യാ​നും എ​രി​യു​ന്ന ​ക​ണ്ണു​ക​ൾ തു​ട​ക്കാ​നു​മാ​വാ​തെ അ​യാ​ൾ ടി.​വിയി​ലേ​ക്കു മി​ഴി​ച്ചു​നോ​ക്കി.​ മാ​ട്ടി​റ​ച്ചി​ക്ക​റി അ​ടു​പ്പി​ന​ടി​യി​ലേ​ക്കൊ​ളി​പ്പി​ച്ച​ അ​വ​ൾ, മു​ൻ​വാതി​ൽ വേ​ഗ​മ​ട​ച്ചു.​ ഈ​യ​ൽ ചി​റ​ക​ട​ർ​ന്നു​വീ​ണ് റോ​ട്ടി​യി​ൽ​ കി​ട​ന്നു പി​ട​യു​ന്ന​തു പെ​ണ്‍കു​ട്ടിക​ൾ നോ​ക്കി.

അ​ക്ര​മി​ക​ളു​ടെ ഫോ​ട്ടോ​യും പേ​രും വാ​ർ​ത്ത​ക്കൊ​പ്പം തെ​ളി​ഞ്ഞ​പ്പോ​ൾ വൃ​ദ്ധ വീ​ണ്ടും റോ​ട്ടി ച​വ​ക്കാ​ൻ തു​ട​ങ്ങി.​ അ​യാ​ൾ ഉ​ള്ളി അ​രി​ഞ്ഞു. യു​വാ​വ് വാ​യി​ലെ വി​ര​ലെ​ടു​ത്ത് അ​ച്ചാ​ർ പാ​ത്ര​ത്തി​ലേ​ക്കൊ​ഴി​ച്ചു.​മാ​ട്ടി​റ​ച്ചി​ക്ക​റി പു​റ​ത്തെ​ടു​ത്ത് അ​വ​ൾ അ​വ​ർ​ക്കു മു​ന്നി​ലേ​ക്കു​വെ​ച്ചു. പു​ക​ക്കു​ള്ളി​ലി​രു​ന്ന്, റോ​ട്ടി​ക​ൾ കൈ​ക​ളി​ലെ​ടു​ത്ത് അ​വ​ർ ക​ഴി​ക്കാ​ൻ തു​ട​ങ്ങി.

അ​പ്പ​വും വീഞ്ഞും

രാ​ജാ​വ് ഒ​രു​ക്കി​യ വി​രു​ന്നി​ൽ, വീ​ഞ്ഞി​ൽ ര​ക്തം​ ചു​വ​ച്ചു.​ പു​രോ​ഹി​ത​ർ അ​തേ​ക്കു​റി​ച്ചു ചോ​ദി​ച്ചി​ല്ല.​ അ​പ്പ​ങ്ങ​ളി​ൽ മാം​സ​ക്ക​ഷണങ്ങ​ൾ ക​ടി​ച്ചു. ഇ​റ​ച്ചി​ക്ക​റി​യി​ൽ​നി​ന്ന് കു​രി​ശു​മാ ല ​വി​ര​ലി​ൽ​പി​ണ​ഞ്ഞ പു​രോ​ഹി​ത​ൻ രാ​ജാ​വി​നെ നോ​ക്കി. ‘‘അ​ങ്ങ്, കി​ഴ​ക്ക​ൻ​ ദേ​ശ​ത്തെ ന്തൊ ​ക​ലാ​പം ന​ട​ക്കു​ന്നു​ണ്ട​ത്രേ. തി​ര​ക്കി​നി​ട​യി​ൽ എ​നി​ക്ക​തൊ​ന്നും ശ്ര​ദ്ധി​ക്കാ​നാ​യി​ല്ല. ചി​ല ക്രൈ​സ്ത​വ​ർ മ​രി​ച്ചത്രേ. അ​വി​ടെ​നി​ന്നു​കൊ​ണ്ടു​വ​ന്ന മാ​നി​റ​ച്ചി​യി​ൽ അ​റി​യാതെ​പെ​ട്ട​താ​വും കു​രി​ശു​മാ​ല...’’ രാ​ജാ​വ് ചി​രി​ച്ചു. പു​രോ​ഹി​ത​രും ചി​രി​ച്ചു.​ അ​വ​ർ അ​പ്പവും ​വീ​ഞ്ഞും ക​ഴി​ച്ചു.

വൈ​ബ്

മ​രി​ച്ചു​കി​ട​ക്കു​ന്ന​ത് സ്റ്റോ​റി ഇ​ടാ​നാ​യി ശ​വ​പ്പെ​ട്ടി​യി​ൽ​നി​ന്ന് കൈ​നീ​ട്ടി ഫോ​ണെ​ടു​ത്തപ്പോ​ൾ ജീ​വ​ൻ എ​ന്നി​ലേ​ക്കു തി​രി​ച്ചു​വ​ന്നു. സ്റ്റോ​റി​യെ​ക്കു​റി​ച്ചു മ​റ​ന്ന് ഫോ​ണി​ൽ​ മു​ഴുകി​യ​പ്പോ​ൾ, അ​ട​ക്കം​ക​ഴി​ഞ്ഞ് അ​വ​ര​വ​രു​ടെ ഫോ​ണി​ലേ​ക്ക് മ​ട​ങ്ങാ​നൊ​രു​ങ്ങി​യവ​രെ​യ​ത് അ​രി​ശം​കൊ​ള്ളി​ച്ചു.​ ഒ​ടു​വി​ൽ, അ​വ​രെ​ല്ലാം ചേ​ർ​ന്നെ​ന്‍റെ കൊ​ങ്ങ​യ​്ക്ക് പി​ടി​ച്ച് കൈ​കാലു​ക​ൾ മ​ട​ക്കി​ക്കൂ​ട്ടി, മൂ​ടി​യ​ട​ച്ചു.​ ശ​വ​പ്പെ​ട്ടി​യേ​റ്റി ഫോ​ൺ നോ​ക്കി ന​ട​ക്കു​ന്നു, പെട്ടി​ക്കു​ള്ളി​ൽ, ഫോ​ൺ​ നോ​ക്കി ഞാ​ൻ കി​ട​ക്കു​ന്നു, എ​ന്താ​ല്ലേ..​. എ​ന്തോ​ര് വൈ​ബാല്ലേ..!

​അ​പാ​യ​മ​ണി

ഹോം​ ഗ്രൗ​ണ്ടി​ലെ മ​ത്സ​ര​ത്തി​ല്‍ അ​യാ​ൾ രാ​ജ്യ​ത്തി​നു​വേ​ണ്ടി എ​തി​രാ​ളി​ക​ളു​ടെ അ​ഞ്ച് ക​ന​പ്പെ​ട്ട വി​ക്ക​റ്റു​ക​ൾ പി​ഴു​തെ​ടു​ത്ത് അ​വ​രെ ചെ​റി​യ​ റ​ൺ​സി​ലേ​ക്കു പി​ടി​ച്ചു​കെ​ട്ടി. ഫീല്‍ഡി​ങ് ക​ഴി​ഞ്ഞു മ​ട​ങ്ങു​മ്പോ​ൾ ഗാ​ല​റി​യി​ല്‍നി​ന്ന് അ​യാ​ള്‍ക്കാ​യി കൈയടി​ക​ളു​യ​ർന്നു.​ ബാ​റ്റിങ് തു​ട​ങ്ങി​യ​പ്പോ​ൾ സ്വ​ന്തം​ രാ​ജ്യം ത​ക​രു​ന്ന​ത​യാ​ൾ നെ​ഞ്ചി​ടി​പ്പോ​ടെ ക​ണ്ടു.​ ഒ​ടുവി​ല​ത്തെ ബാ​റ്റ്സ്മാ​ൻ അ​യാ​ളാ​യി​രു​ന്നു. ആ​റു​ പ​ന്തി​ൽ​നി​ന്ന് പ​ത്തു​ റ​ൺ​സാ​യി​രു​ന്നു ല ​ക്ഷ്യം.​ ആ​ദ്യ​ ബോ​ളി​നെ ബൗ​ണ്ട​റി​യി​ലേ​ക്കു അ​ടി​ച്ചു​വി​ടാ​ൻ ബാ​റ്റ് ആ​ഞ്ഞു​വീ​ശി​യ​യു​ട​ൻ മി​ഡി​ൽ​സ്റ്റ​ംപ് മ​റി​ഞ്ഞു​വീ​ണു, അ​തോ​ടെ കാ​ണി​ക​ൾ അ​യാ​ളെ രാ​ജ്യ​ദ്രോ​ഹി​യു​മാ​ക്കി.

.