ഇ.​കെ.​ മൗ​ല​വി​യു​ടെ ആ​ക്ഷേ​പ​വും വ​ള്ള​ത്തോ​ളി​ന്‍റെ പ്ര​സം​ഗ​വും

ചരിത്രം കാവിവത്കരിക്കപ്പെടുന്ന സമകാലിക അവസ്ഥയിൽ ചരി​ത്രം ദേശീയ ​ പ്രസ്ഥാനത്തെയും 1921നെയും ഒക്കെ അദൃശ്യമാക്കിയതെങ്ങനെയെന്ന്​ പരിശോധിക്കുന്ന ലേഖനത്തി​ന്റെ രണ്ടാം ഭാഗം. ​േദശീയ പ്രസ്ഥാനത്തിലെ വ്യക്തികളും പോരാട്ടങ്ങളുമായി ബന്ധപ്പെട്ട ചില ചരിത്രരേഖകള്‍ പുനര്‍വായനക്കായി സമര്‍പ്പിക്കുകയാണ്​ ലേഖകൻ.

സ്വാ​ത​ന്ത്ര്യ​സ​മ​ര​ ച​രി​ത്ര​ത്തി​ല്‍ ദേ​ശീ​യ പ്ര​സ്ഥാ​ന​ങ്ങ​ളു​ടെ ജി​ഹ്വ​യാ​യി മാ​റി​യ ‘മാ​തൃ​ഭൂ​മി​’പ​ത്രം മ​ല​ബാ​റി​ല്‍ ആ​രം​ഭി​ച്ച​ത് 1923 മാർച്ച്​ 18നാ​യി​രു​ന്നു. അ​തി​ല്‍ 1921 വി​ഷ​യ​മാ​ക്കി​യ ഒ​രു ലേ​ഖ​ന​പ​ര​മ്പ​ര പ​ത്ര​ത്തി​ന്‍റെ ആ​ദ്യ മു​ഖ്യാ​ധി​പ​ന്‍ കെ.​ മാ​ധ​വ​ൻ നാ​യ​ര്‍ എ​ഴു​തി പ്ര​സി​ദ്ധ​പ്പെ​ടു​ത്തി തു​ട​ങ്ങി​യ​ത് 1923 ഏപ്രിൽ 28 മു​ത​ലാ​യി​രു​ന്നു.​ സ്വാ​ത​ന്ത്ര്യ​സ​മ​ര​രം​ഗ​ത്ത് നി​സ്സ​ഹ​കര​ണ, ഖി​ലാ​ഫ​ത്ത് പ്ര​വ​ര്‍ത്ത​ന​ങ്ങ​ളി​ല്‍ മു​ന്ന​ണി​പ്പോ​രാ​ളി​യാ​യി​രു​ന്ന അ​ദ്ദേ​ഹം അ​തി​നു​ന​ല്‍കി​യ ശീ​ര്‍ഷ​കം ആ​ദ്യ​ത്തി​ല്‍ ‘മ​ല​യാ​ള​ത്തി​ലെ മാ​പ്പി​ള ല​ഹ​ള’ എ​ന്നും ഇ​ട​ക്കു നി​ന്നു​പോ​യ, ഒ​രു ഇ​ട​വേ​ള​ക്കുശേ​ഷം 1923 ഡിസംബർ 1 മു​ത​ല്‍ തു​ട​ര്‍ന്ന് ‘മ​ല​ബാ​റി​ലെ മാ​പ്പി​ള ല​ഹ​ള’ എ​ന്നു​മാ​യി​രു​ന്നു. 1933​ വ​രെ​യു​ള്ള അ​ദ്ദേ​ഹ​ത്തി​ന്‍റെ ജീ​വി​ത​കാ​ല​ത്ത് അ​ത് പു​സ്ത​ക​രൂ​പ​ത്തി​ല്‍ പ്ര​സി​ദ്ധീ​ക​രി​ച്ചി​ട്ടി​ല്ല. 37​ വ​ര്‍ഷ​ങ്ങ​ള്‍ക്കു​ശേ​ഷം 1970ക​ളി​ല്‍ അ​ദ്ദേ​ഹ​ത്തി​ന്‍റെ സ​ഹ​ധ​ര്‍മി​ണി ആ​ദ്യ​മാ​യി പു​സ്ത​ക​മാ​ക്കി പു​റ​ത്തി​റ​ക്കി. എ​ന്നാ​ല്‍, ​ആ​ദ്യ​കാ​ല പ​ത്ര​ത്തി​ലൂ​ടെ​ത​ന്നെ ഒ​രു പു​ന​ര്‍വാ​യ​ന ന​ട​ത്തു​മ്പോ​ള്‍ ആ ​കാ​ല​ഘ​ട്ട​ത്തി​ലെ പ്ര​തി​ക​ര​ണ​ങ്ങ​ളും അ​ദ്ദേ​ഹ​ത്തി​ന്‍റെ കു​റ്റസ​മ്മ​ത​ങ്ങ​ളും കൂ​ടി വി​ല​യി​രു​ത്താ​നാ​കു​ന്ന​താ​ണ്. ആ​ദ്യ ലേ​ഖ​ന​ത്തി​ലെ ആ​ദ്യ ഖ​ണ്ഡി​ക​യി​ല്‍ത​ന്നെ മാ​ധ​വ​ന്‍ നാ​യ​ര്‍ പ​റ​ഞ്ഞുതു​ട​ങ്ങു​ന്ന​ത് ഇ​ങ്ങ​നെ​യാ​ണ്: “ഇ​ക്ക​ഴി​ഞ്ഞ വ​മ്പി​ച്ച ല​ഹ​ള​യെ​പ്പ​റ്റി ച​രി​ത്രം എ​ഴു​തു​വാ​ന്‍ കാ​ലം ആ​യി​ട്ടി​ല്ല. ല​ഹ​ള​യു​മാ​യി സം​ബ​ന്ധി​ച്ചു​ള്ള പ​ല​രു​ടെ​യും അ​ദൃ​ഷ്ടംത​ന്നെ തീ​ര്‍ച്ച​പ്പെ​ട്ടി​ട്ടി​ല്ല. വ​ലു​താ​യ ഈ ​ക​ലാ​പ​ത്തി​ന്‍റെ ഫ​ല​മാ​യി ജ​ന​സാ​മാ​ന്യ​ത്തെ അ​ല​ട്ടു​ന്ന സ്പ​ർധ​ക​ള്‍ ശ​മി​ച്ചി​ട്ടി​ല്ല. നി​ഷ്പ​ക്ഷ​മ​ല്ലാ​ത്ത അ​ഭി​പ്രാ​യ​ങ്ങ​ളു​ടെ ശ​ക്തി​ക്ക് കു​റ​വ് വ​ന്നി​ട്ടി​ല്ല. എ​ന്നു​മാ​ത്ര​മ​ല്ല, ല​ഹ​ള​ക്കാ​ല​ത്ത് ന​ട​ന്ന സം​ഭ​വ​ങ്ങ​ളു​ടെ സൂ​ക്ഷ്മ​മാ​യ വി​വ​രം ഇ​തു​വ​രെ വെ​ളി​പ്പെ​ട്ടി​ട്ടു​മി​ല്ല.” (1) ഈ ​പ്ര​സ്താ​വ​ന​യി​ല്‍നി​ന്നു​ത​ന്നെ അ​ദ്ദേ​ഹം എ​ഴു​തി​യ​ത് സൂ​ക്ഷ്മ​മാ​യ ഒ​രു ച​രി​ത്രനി​രീ​ക്ഷ​ണ​മ​ല്ലെ​ന്ന് പ​ല ഘ​ട്ട​ങ്ങ​ളി​ലും ന​മു​ക്ക് വി​ല​യി​രു​ത്തേ​ണ്ടി​വ​രും.

ഹി​ച്ച്ഹോ​ക്ക്, ഇ.​കെ. മൗ​ല​വി​

തു​ട​ര്‍ന്ന് അ​ദ്ദേ​ഹം പ​റ​യു​ന്ന​ത്, സ​ര്‍ക്കാ​ര്‍ ആ ​ക​ലാ​പ​ ച​രി​ത്ര​മെ​ഴു​താ​ന്‍ നി​യോ​ഗി​ച്ച ഹി​ച്ച്ഹോ​ക്കി​ല്‍ പ്ര​തീ​ക്ഷ വെ​ച്ചു​വെ​ന്നും എ​ന്നാ​ല്‍, അ​യാ​ള​ത് ചെ​യ്യാ​ത്ത​തി​നാ​ലും ആ ​പ്ര​തീ​ക്ഷ​യും ഉ​പേ​ക്ഷി​ച്ചു​വെ​ന്നു​മാ​ണ്‌. പി​ന്നീ​ട് കോ​ണ്‍ഗ്ര​സ് പ്ര​സി​ഡ​ന്റും മ​ദ്രാ​സ്‌ ഹൈ​കോ​ട​തി​യിലെ മു​ൻ ജഡ്ജിയുമാ​യി​രു​ന്ന തയ്യബ്ജി​യെ പാ​ര്‍ട്ടി ചു​മ​ത​ല​പ്പെ​ടു​ത്തി​യ​തും അ​ത് ന​ട​ക്കാ​തെ​പോ​യ​തും ഒ​ന്ന​ര​ക്കൊ​ല്ല​മാ​യി ഒ​ര​ന്വേ​ഷ​ണം ന​ട​ക്കാ​ത്ത​തി​നാ​ല്‍ ത​ന്‍റെ അ​റി​വി​ലുള്ള കാ​ര്യ​ങ്ങ​ള്‍ ‘മാ​തൃ​ഭൂ​മി​’യി​ല്‍ എ​ഴു​തു​ന്ന​ത്‌ അ​നൗചി​ത്യ​മാ​യി വ​രി​ല്ലെ​ന്നും പ​റ​ഞ്ഞു​വെ​ക്കുന്നു. ത​ന്‍റെ ‘ജ​ന്മി​ക​ളും മാ​പ്പി​ളല​ഹ​ള​യും’ എ​ന്ന ലേ​ഖ​നം തെ​റ്റി​ദ്ധാ​ര​ണ​ക​ള്‍ ഉ​ണ്ടാ​ക്കി​യെ​ന്നു സ​മ്മ​തി​ക്കു​ന്ന​തോ​ടൊ​പ്പം ‘മ​ല​ബാ​ര്‍ ഇ​സ്‍ലാ​മി’​ന്‍റെ പോ​ര്‍ക്കുവി​ളി​യും ചി​ല​രു​ടെ അ​പേ​ക്ഷ​യും പ​രി​ഗ​ണി​ച്ചാ​ണ് എ​ഴു​തു​വാ​ന്‍ തു​നി​യു​ന്ന​തെ​ന്നും പ​റ​യു​ന്നു. (2) ഈ ​നി​രീ​ക്ഷ​ണ​ങ്ങ​ള​ില്‍നി​ന്നും അദ്ദേ​ഹ​ത്തി​ന്‍റെ അ​ഭി​പ്രാ​യ​ങ്ങ​ള്‍ പ​ല​യി​ട​ത്തും നി​ഷ്പ​ക്ഷ​മാ​കാ​ന്‍ സാ​ധ്യ​തയില്ലെ​ന്ന വി​ല​യി​രു​ത്ത​ല്‍ സ്വാ​ഭാ​വി​കം. കൂ​ടാ​തെ, അ​ദ്ദേ​ഹം അ​ത് എ​ഴു​തു​മ്പോ​ള്‍ പു​റ​ത്തുവ​ന്നി​ട്ടി​ല്ലെ​ങ്കി​ലും ‘വാ​ഗ​ണ്‍ ട്രാ​ജ​ഡി​’ക്ക് കാ​ര​ണ​ക്കാ​ര​നാ​യ ഹി​ച്ച്കോ​ക്ക് ത​ന്നെ 1925​ല്‍ ‘Peasant Revolt in Malabar’ (‘മ​ല​ബാ​റി​ലെ ക​ര്‍ഷ​ക ക​ലാ​പം’) എ​ന്ന​പേ​രി​ല്‍ ഔ​ദ്യോ​ഗി​ക ച​രി​ത്രം ര​ചി​ച്ച​ത് മാ​ധ​വ​ന്‍ നാ​യ​ര്‍ വി​ല​യി​രു​ത്തി ത​ന്‍റെ ചി​ല ക​ണ്ടെ​ത്ത​ലു​ക​ള്‍ പി​ന്നീ​ട് തി​രു​ത്തി​യി​ട്ടു​മി​ല്ല. അ​തി​ന് അ​ദ്ദേ​ഹ​ത്തി​ന്‍റെ അ​കാ​ല​ത്തി​ലു​ള്ള മ​ര​ണം കാ​ര​ണ​മാ​യേ​ക്കാം.

ഹി​ച്ച്കോ​ക്ക് ത​ന്‍റെ പു​സ്ത​ക​ത്തി​ല്‍ വി​ശ​ദീ​ക​രി​ച്ച് തു​ട​ങ്ങു​ന്ന​തു​ത​ന്നെ ഇ​ങ്ങ​നെ​യാ​ണ്‌. “ല​ഹ​ള​യു​ണ്ടാ​കാ​ന്‍ ഹി​ന്ദു​ക്ക​ള്‍ വ​ഹി​ച്ച പ​ങ്കും, അ​തി​ല്‍ പ​ങ്കാ​ളി​ക​ളാ​കാ​ത്ത അ​നേ​കം മാ​പ്പി​ള​മാ​രെ​യും ക​ണ​ക്കി​ലെ​ടു​ക്കു​മ്പോ​ള്‍ അ​തി​നെ മാ​പ്പി​ളല​ഹ​ള​യെ​ന്നു പ​റ​യു​ന്ന​ത് ശ​രി​യ​ല്ല.’’ (3) തു​ട​ര്‍ന്ന് ഇ​ങ്ങ​നെ നി​രീ​ക്ഷി​ക്കു​ന്നു: “ഹി​ന്ദു കു​ടും​ബ​ങ്ങ​ളി​ലെ സ്വ​ത്തു​ക്ക​ള്‍ സം​ര​ക്ഷി​ക്കാ​ന്‍ ഒ​രം​ഗ​ത്തെ നി​ല​നി​ര്‍ത്തി​യി​ട്ട് ബാ​ക്കി​യു​ള്ള​വ​ര്‍ സ്ഥ​ലംവി​ടു​ന്ന​ത് സാ​ധാ​ര​ണ​യാ​യി​രു​ന്നു. ആ ​സ്ഥ​ല​ത്തു​ള്ള ക​ലാ​പ​കാ​രി​ക​ളി​ല്‍നി​ന്നും അ​യാ​ള്‍ക്ക്‌ ഉ​പ​ദ്ര​വം ഉ​ണ്ടാ​കു​മെ​ന്ന ആ​ശ​ങ്ക അ​യാ​ള്‍ക്കി​ല്ലാ​യി​രു​ന്നു. മ​റ്റു സ്ഥ​ല​ങ്ങ​ളി​ലെ സം​ഘ​ങ്ങ​ള്‍ വ​രു​മ്പോ​ഴാ​യി​രു​ന്നു പ്ര​ശ്ന​ങ്ങ​ളു​ണ്ടാ​യ​ത്. ക​ലാ​പ​ങ്ങ​ള്‍ക്കി​ട​യി​ല്‍ ഏ​റ​നാ​ട്ടി​ല്‍ കു​റ്റ​കൃ​ത്യ​ങ്ങ​ള്‍ ഇ​ല്ലാ​യി​രു​ന്നു... (ഗ​വ​ൺമെ​ന്റ്) ആ​ഞ്ഞ​ടി​ക്കാ​ന്‍ ശ്ര​മി​ച്ച​താ​ണ് ക​ലാ​പ​ത്തി​ന് കാ​ര​ണം... വാ​ഴ​ക്കാ​ടും കോ​ഴി​ക്കോ​ട് താ​ലൂ​ക്കി​ലും സ്ഥ​ല​ത്തെ ഹി​ന്ദു​ക്ക​ള്‍ പ​ട്ടാ​ള​ത്തി​ന്‍റെ പി​റ​കേ കൂ​ടി. (1921 ഒ​ക്ടോ​ബ​ര്‍ 18ഓ​ടുകൂ​ടി​യാ​ണ് ഈ ​സം​ഭ​വ​ങ്ങ​ള്‍ ആ​രം​ഭി​ച്ച​ത്.) വ​ള​രെ​യ​ധി​കം കൊ​ള്ള​ക​ള്‍ ന​ട​ത്തി... ആ ​സം​ഭ​വം ല​ഹ​ള​ക്കാ​രു​മാ​യി ചേ​രാ​ത്ത മു​സ്‍ലിംക​ളെ വ​ല്ലാ​തെ ബു​ദ്ധി​മു​ട്ടി​ച്ചു. പ്ര​ദേ​ശ​ത്തെ മു​ഴു​വ​ന്‍ ഇ​ള​ക്കി​മ​റി​ക്കാ​ന്‍ അ​ത് കാ​ര​ണ​മാ​യെ​ന്ന് മാ​ത്ര​മ​ല്ല, പ്ര​ശ്ന​ങ്ങ​ള്‍ പ്ര​തീ​ക്ഷി​ച്ച​തി​ല്‍ കൂ​ടു​ത​ല്‍ സ​ങ്കീ​ര്‍ണ​മാ​ക്കു​ക​യും ചെ​യ്തു.” (4)

ച​രി​ത്ര​കാ​ര​ന്‍ കെ.​എ​ന്‍. പ​ണി​ക്ക​ര്‍ ഇ​ങ്ങ​നെ എ​ഴു​തു​ന്നു: ‘‘കോ​ന്നാര ത​ങ്ങ​ന്മാ​രെ മാ​പ്പി​ള​മാ​ര്‍ ബ​ഹു​മാ​നി​ച്ചി​രു​ന്നു. പ​ട്ടാ​ള​ത്തി​ന്‍റെ കൂ​ടെ​യെ​ത്തി​യ ഹി​ന്ദു​ക്ക​ള്‍ മ​ത​ഗ്ര​ന്ഥ​ങ്ങ​ള്‍ കീ​റി ന​ശി​പ്പി​ച്ച​ശേ​ഷം മൂ​ത്ത ത​ങ്ങ​ളു​ടെ നെ​റ്റി​യി​ല്‍ ഭ​സ്മം പൂ​ശി മ​തം​മാ​റ്റ​ത്തി​ന്‍റെ ല​ക്ഷ​ണ​മാ​യി വേ​ദം ഒ​ാതി​പ്പി​ച്ചു. ത​ങ്ങ​ളു​ടെ കു​ടും​ബ​ത്തി​ലെ ചെ​റു​പ്പ​ക്കാ​ര​നാ​യ ഒ​രം​ഗം ഹി​ന്ദു​ക്ക​ളെ മ​തം മാ​റ്റാ​ന്‍ ശ്ര​മി​ച്ചു’’.(5) ഖി​ലാ​ഫ​ത്ത്, നി​സ്സ​ഹ​കര​ണ സ​മ​ര​ങ്ങ​ളെ മ​ത​വും ജാ​തി​യും നോ​ക്കാ​തെ ജ​ന​ം എ​ങ്ങ​നെ സ്വാ​ഗ​തം ചെ​യ്തു​വെന്നും ​അ​തി​നെ ത​ക​ര്‍ക്കാ​ന്‍ സ​ര്‍ക്കാ​ര്‍ ന​ട​ത്തി​യ ശ്ര​മ​ങ്ങ​ളും വ്യ​ക്ത​മാ​യി ജി​ല്ലാ മ​ജി​സ്ട്രേ​റ്റുകൂ​ടി​യാ​യ ക​ലക്ട​ര്‍ തോ​മ​സ്‌ മ​ദ്രാ​സ്‌ സ​ര്‍ക്കാ​റിന് അ​യ​ച്ച ദ്വൈ​വാ​രി​ക റി​പ്പോ​ര്‍ട്ടു​ക​ളി​ല്‍നി​ന്നും മ​ന​സ്സി​ലാ​ക്കാം. (6) ഹി​ന്ദു-മു​സ്‍ലിം ​മൈ​ത്രി അ​തി​ന്‍റെ പാ​ര​മ്യ​ത്തി​ലാ​യി​രു​ന്ന കാ​ല​ത്താ​ണ് തി​രൂ​ര​ങ്ങാ​ടി​യി​ല്‍ ആ​ഗ​സ്റ്റ്‌ 20നു ​ല​ഹ​ള ഉ​ണ്ടാ​യ​തെ​ന്നു ബ്ര​ഹ്മ​ദ​ത്ത​ന്‍ ന​മ്പൂ​തി​രി അ​നു​ഭ​വ​ത്തി​ല്‍നി​ന്നും പ​റ​യു​ന്നു.​ അ​ത് പ​ഞ്ചാ​ബി​ലും ചൗ​രി​ചൗ​രയി​ലും ഉ​ണ്ടാ​യ​തി​നു തു​ല്യ​വും. കോ​ണ്‍ഗ്ര​സ് അ​തി​ല്‍ എ​ടു​ത്ത നി​ല​പാ​ടി​നെ​യും അ​ദ്ദേ​ഹം വി​മ​ര്‍ശി​ക്കു​ന്നു​മു​ണ്ട്.(7​) ഖി​ലാ​ഫ​ത്ത് നി​സ്സ​ഹ​കര​ണ പ്ര​സ്ഥാ​ന​ങ്ങ​ള്‍ക്കു മു​ന്നി​ല്‍ നി​ന്നി​രു​ന്ന കോ​ണ്‍ഗ്ര​സ് നേ​താ​വാ​യ കെ. ​മാ​ധ​വ​ന്‍ നാ​യ​രെ​യാ​യി​രു​ന്നു 1921ലെ ​തി​രൂ​ര​ങ്ങാ​ടി സം​ഭ​വ​ത്തി​ന്‍റെ വെ​ളി​ച്ച​ത്തി​ല്‍ ത​ന്‍റെ പ്ര​സം​ഗ​ത്തി​നും ഇ​ട​പെ​ട​ലു​ക​ള്‍ക്കും ശേ​ഷം ജ​ന​ങ്ങ​ളെ ശാ​ന്ത​രാ​ക്കാ​ന്‍ മു​ഹ​മ്മ​ദ്‌ അ​ബ്ദു​റ​ഹ്മാ​ന്‍ സാ​ഹി​ബ് വി​ളി​ച്ചു​കൊ​ണ്ടുപോ​യ​ത്. എ​ന്നാ​ല്‍, അ​ദ്ദേ​ഹം പ​ട്ടാ​ളം മ​ഞ്ചേ​രി​യി​ല്‍ എ​ത്തി​യ​തി​ന്‍റെ അ​ടു​ത്തദി​വ​സം സെ​പ്റ്റം​ബ​ര്‍ 3ന് ​അ​നു​യാ​യി​ക​ളെ ഉ​പേ​ക്ഷി​ച്ച് കോ​ഴി​ക്കോ​ട്ടേ​ക്ക് മാ​പ്പി​ള​മാ​ര്‍ത​ന്നെ ഒ​രു​ക്കി​യ കാ​ള​വ​ണ്ടി​യി​ല്‍ പോ​കു​ക​യാ​യി​രു​ന്നു. 4ന് ​കോ​ഴി​ക്കോ​ട് എ​ത്തി​യ അ​ദ്ദേ​ഹം അ​ടു​ത്തദി​വ​സം ക​ലക്ട​റെ ക​ണ്ട് ഒ​ത്തു​തീ​ര്‍പ്പ് വ്യ​വ​സ്ഥ​ക​ള്‍ അം​ഗീ​ക​രി​ക്കു​ക​യാ​യി​രു​ന്നു. ആ​റുമാ​സ​ത്തേ​ക്ക് ഏ​റ​നാ​ട്ടി​ല്‍ രാ​ഷ്ട്രീ​യ പ്ര​വ​ര്‍ത്ത​ന​ങ്ങ​ള്‍ ഒ​ന്നും ന​ട​ത്തു​കയി​ല്ലെ​ന്നു മാ​ത്ര​മ​ല്ല, ഹി​ന്ദു​ക്ക​ളെ ഉ​പ​ദ്ര​വി​ക്കു​ന്ന​തും മ​തം മാ​റ്റാ​ന്‍ ശ്ര​മി​ക്കു​ന്ന​തും മാ​പ്പി​ള​മാ​രാ​ണെ​ന്നും പ​ട്ടാ​ള​ത്തെ അ​യ​ച്ച് അ​വ​രെ അ​ടി​ച്ച​മ​ര്‍ത്ത​ണ​മെ​ന്നും എ​ഴു​തി​ക്കൊ​ടു​ത്തു.(8) മ​ല​ബാ​ര്‍ ക​ലാ​പ​ത്തെക്കു​റി​ച്ച് എ​ഴു​തി​യ​വ​രെ​ല്ലാം ഒ​രുപോ​ലെ പ​റ​യു​ന്ന​താ​ണ് ആ ​സം​ഭ​വ​ത്തി​നുശേ​ഷ​മാ​ണ് പ​ല വ​ര്‍ഗീ​യ ല​ഹ​ള​ക​ളും അ​ര​ങ്ങേ​റി​യതെ​ന്ന​ത്.

വള്ളത്തോൾ നാരായണ മേനോൻ

‘മാ​തൃ​ഭൂ​മി’ പ​ത്രം, കെ.​ മാ​ധ​വ​ന്‍ നാ​യ​രു​ടെ ലേ​ഖ​ന​ങ്ങ​ള്‍ പ്ര​സി​ദ്ധീ​ക​രി​ക്കു​മ്പോ​ള്‍ത​ന്നെ അ​തി​നെ​തി​രാ​യ ആ​ക്ഷേ​പ​ങ്ങ​ളും അ​ഭി​പ്രാ​യ​ങ്ങ​ളും അ​തി​ലൂ​ടെ​ത​ന്നെ വ​രു​ക​യും അ​ദ്ദേ​ഹ​ത്തി​ന്‍റെ വി​ശ​ദീ​ക​ര​ണം തു​ട​ര്‍ന്നു കൊ​ടു​ക്കു​ക​യും ചെ​യ്തി​രു​ന്നു. 1925 മേയ്​ ജൂലൈ 12ന് ​ഇ.​കെ. മൗ​ല​വി​യു​ടെ ഒ​രു ആ​ക്ഷേ​പം പൂ​ര്‍ണ​രൂ​പ​ത്തി​ല്‍ പ​ത്രം കൊ​ടു​ത്തി​രു​ന്നു. അ​തി​ല്‍ അ​ദ്ദേ​ഹം ഹി​ന്ദു-മു​സ്‍ലിം മൈ​ത്രി​ക്കുത​ന്നെ ടി ​ലേ​ഖ​ന​ങ്ങ​ള്‍ ഭം​ഗം ​വ​രു​ത്തു​മോ എ​ന്ന ഭ​യ​ത്താ​ല്‍ 1923 മേ​യ്‌ മാ​സ​ത്തി​ല്‍ കെ.​ മാ​ധ​വ​ന്‍ നാ​യ​രെ ഓ​ഫിസി​ല്‍ ചെ​ന്നു​ക​ണ്ട് സം​സാ​രി​ക്കു​ക​യു​ണ്ടാ​യെ​ന്നു പ​റ​യു​ന്നു​ണ്ട്. “ഈ ​ക്ഷോ​ഭം അ​ക്ഷ​ര​ജ്ഞാ​നം സി​ദ്ധി​ച്ചി​ട്ടി​ല്ലാ​ത്ത പാ​മ​ര​ജ​ന​ങ്ങ​ളു​ടെ ഇ​ട​യി​ലാ​യ​തു​കൊ​ണ്ട് നി​ങ്ങ​ളെ​പ്പോ​ലു​ള്ള നേ​താ​ക്ക​ള്‍, അ​ത്ത​ര​ക്കാ​രു​ടെ വാ​ദ​ങ്ങ​ള്‍ അ​നാ​വ​ശ്യ​മാ​യി​രു​ന്നാ​ലും ചി​ല മ​ഹ​ത്താ​യ കാ​ര്യ​സാ​ധ്യ​ത്തി​നാ​യി വ​ക​വെ​ച്ചു​കൊ​ടു​ക്കേ​ണ്ട​താ​ണെ​ന്നും ക്ഷോ​ഭ​ത്തി​നി​ട​വ​രാ​ത്ത നി​ല​യി​ല്‍ നി​ങ്ങ​ളു​ടെ ലേ​ഖ​ന പ​ര​മ്പ​ര​യെ തു​ട​ര്‍ന്നു​പോ​കാ​നു​ള്ള അ​വ​സ​ര​ത്തെ ഉ​ണ്ടാ​ക്കു​വാ​നാ​ണ്‌ ഇ​പ്പോ​ള്‍ ശ്ര​മി​ക്കേ​ണ്ട​തെ​ന്നും” അ​ങ്ങോ​ട്ട്‌ പ​റ​ഞ്ഞ​പ്പോ​ള്‍ അ​ദ്ദേ​ഹ​ത്തി​ന്‍റെ സ​മാ​ധാ​നം ഇ​ങ്ങ​നെ: “മി.​ കെ.​പി.​ കേ​ശ​വ​മേ​നോ​ന്‍ ഇ​വി​ടെ​യി​ല്ല. അ​ദ്ദേ​ഹം വ​ന്ന​യു​ട​നെ ഞ​ങ്ങ​ള്‍ ഗാ​ഢമാ​യി ആ​ലോ​ചി​ച്ചു വേ​ണ്ട​തു​പോ​ലെ ചെ​യ്യു​ന്ന​താ​ണ്‌.” (8)

ഇ.കെ. മൗ​ല​വി​യു​ടെ വാ​ക്കു​ക​ളി​ല്‍, “നി​ഷ്ക​ള​ങ്ക​ത​കൊ​ണ്ടാ​യി​രി​ക്കാം മി. ​മാ​ധ​വ​ന്‍ നാ​യ​ര്‍ ലേ​ഖ​നപ​ര​മ്പ​ര തു​ട​ര്‍ന്നു​കൊ​ണ്ടേ​യി​രു​ന്നു”​വെ​ന്ന് പ​റ​യു​മ്പോ​ഴും അ​ദ്ദേ​ഹം വി​നീ​ത​നാ​യി ചി​ല കു​റ​വു​ക​ളും തെ​റ്റു​ക​ളും ചൂ​ണ്ടി​ക്കാ​ട്ടു​ന്നു​ണ്ട്. അ​തി​ല്‍ പ്ര​ധാ​ന​പ്പെ​ട്ട​ത് ഇ​വ​യൊ​ക്കെ​യാ​യി​രു​ന്നു: സ്കൂ​ളും കോ​ള​ജും ഉ​പേ​ക്ഷി​ച്ച് ഖി​ലാ​ഫ​ത്ത്, കോ​ണ്‍ഗ്ര​സ് പ്ര​വ​ര്‍ത്ത​ന​ങ്ങ​ള്‍ക്കാ​യി കേ​ര​ള​ത്തി​ല്‍ എ​ത്തി​ച്ചേ​ര്‍ന്ന​വ​രു​ടെ പേ​രു​ക​ളി​ല്‍ അ​ന്ന് ബി.എ (ഓ​ണേ​ഴ്സ്) ക്ലാസ്‍ ഉ​പേ​ക്ഷി​ച്ച് വ​ന്ന മു​ഹ​മ്മ​ദ്‌ അ​ബ്ദു​ റ​ഹ് മാ​ന്‍, മെ​സ്സേ​ര്‍സ് എ​ന്‍.​എ. അ​ബ്ദു​ റ​ഹ് മാ​ന്‍, എ.​ മു​ഹ​മ്മ​ദ്‌, എ.​കെ. മു​ഹ​മ്മ​ദ്‌, കു​ഞ്ഞാ​മു തു​ട​ങ്ങി​യ​വ​രെ ഒ​ഴി​വാ​ക്കി​യ​തി​ല്‍ തെ​റ്റി​ദ്ധാ​ര​ണ വ​ന്നി​ട്ടു​ണ്ട്. കൂ​ടാ​തെ കോ​ണ്‍ഗ്ര​സ്, ഖി​ലാ​ഫ​ത്ത് പ്ര​വ​ര്‍ത്ത​ന​ങ്ങ​ളി​ല്‍ ത്യാ​ഗ​ങ്ങ​ള്‍ അ​നു​ഭ​വി​ച്ച മു​ഹ​മ്മ​ദ്‌ അ​ബ്ദു​ റ​ഹ് മാ​നോ​ടൊ​പ്പം ഉ​ണ്ടാ​യി​രു​ന്ന ജ​നാ​ബ് മൊ​യ്തീ​ന്‍ കോ​യ, ഇ. ​മൊ​യ്തു മൗ​ല​വി, ജ​നാ​ബ് ഹ​സ്സ​ന്‍ കോ​യ മു​ല്ല, മു​ഹ​മ്മ​ദ്‌ കു​ട്ടി മു​സ​്ലി​യാ​ര്‍, മു​ഹ​മ്മ​ദ്‌ ഹാ​ജി, എ.​കെ.​ മാ​ഹി​ന്‍ ഹാ​ജി, കെ.​ കാ​തൃ​കു​ട്ടി, എം.​ ഹു​സൈ​ന്‍ കു​ട്ടി എ​ന്നി​വ​രെ​യും എ​ടു​ത്ത് കാ​ണി​ച്ചി​ട്ടി​ല്ല. ക​ല്പ​ക​ഞ്ചേ​രി യോ​ഗം ക​ഴി​ഞ്ഞു മ​റ്റൊ​രു മീ​റ്റിങ് പൊ​ന്നാ​നി​യി​ല്‍വെ​ച്ചു ന​ട​ന്ന​ത് ഖി​ലാ​ഫ​ത്ത് പ്ര​സ്ഥാ​നം ദു​ഷി​ച്ചു​പോ​യ​തി​ന്‍റെ ല​ക്ഷ​ണ​മാ​യി​രു​ന്നു​വെ​ന്നും അ​തി​ല്‍ പ​ങ്കെ​ടു​ത്ത ദൂ​രദേ​ശ​ത്ത് നി​ന്നും ഘോ​ഷ​യാ​ത്ര​യാ​യി​വ​ന്ന വോ​ള​ണ്ടി​യ​ര്‍മാ​രി​ല്‍ പ​ല​രും ആ​യു​ധ​പാ​ണി​ക​ളാ​യി​രു​ന്നു​വെ​ന്നും അ​വ​ര്‍ പൊ​ലീ​സു​കാ​രെ ആ​ക്ര​മി​ച്ചു​വെ​ന്നും പ​റ​യു​ന്ന​ത് തെ​റ്റാ​ണ്. അ​ദ്ദേ​ഹം ഉ​ദ്ദേ​ശി​ക്കു​ന്ന യോ​ഗം ഉ​ല​മാ​സം​ഘ​ത്തി​ന്‍റെ ഒ​രു വി​ശേ​ഷാ​ൽ യോ​ഗ​മാ​ണെ​ങ്കി​ല്‍ അ​തി​ല്‍ 20,000ല്‍പ​രം ആ​ളു​ക​ള്‍ പ​ങ്കെ​ടു​ത്തി​ട്ടും ഒ​രു കു​ഴ​പ്പ​വും ഉ​ണ്ടാ​യി​ല്ലെ​ന്ന് മാ​ത്ര​മ​ല്ല, വ​ള​രെ ഭം​ഗി​യാ​യി ക​ലാ​ശി​ച്ചു. ദൂ​ര​പ്ര​ദേ​ശ​ങ്ങ​ളി​ല്‍നി​ന്നും വ​ള​രെ മാ​പ്പി​ള​മാ​ര്‍ അ​വി​ടെ വ​ന്ന​ത് ശ​രി​ത​ന്നെ. പ​ക്ഷേ, അ​ന്ന് രാ​വി​ലെ 10 മ​ണി​ക്ക് ത​ന്നെ ഘോ​ഷ​യാ​ത്ര​ക്ക്‌ നി​രോ​ധ​ന ക​ല്പ​ന വ​ന്നു​ക​ഴി​ഞ്ഞ​തി​നാ​ല്‍ പ​റ​ഞ്ഞ​മാ​തി​രി ആ​യു​ധ​പാ​ണി​ക​ളാ​യ വ​ള​ന്റിയ​ര്‍മാ​ര്‍ അ​ങ്ങ​നെ ന​ട​ത്തി​യെ​ങ്കി​ല്‍ അ​വി​ടെ അ​റ​സ്റ്റ് ഉ​ണ്ടാ​കേ​ണ്ട​താ​ണ്. അ​ങ്ങ​നെ​യൊ​ന്നും ന​ട​ന്നി​ട്ടി​ല്ല. അ​തു​പോ​ലെ പൊ​ലീ​സുകാ​രെ ആ​ക്ര​മി​ച്ചു​വെ​ന്നു പ​റ​യു​ന്ന​ത് തെ​റ്റാ​ണ്. ആ​ലി​ മു​സ​്ലി​യാ​രും കൂ​ട്ട​രും അ​ങ്ങ​ാടി​പ്പാ​ല​ത്തി​നു അ​ടു​ത്തെ​ത്തി​യ​പ്പോ​ള്‍ പൊ​ലീ​സാ​ണ് അ​വ​രെ ത​ട​ഞ്ഞ​തും ദേ​ഹോ​പ​ദ്ര​വം ഏ​ൽപി​ച്ച​തും. അ​തി​നു പ​ക​ര​ക്രി​യ​ക്കൊ​രു​ങ്ങി​യ​ത് സ​ഹ​ക​ര​ണ ത്യാ​ഗ​സി​ദ്ധാ​ന്ത​ത്തി​നു എ​തി​രാ​ണ്. ഈ ​വ​സ്തു​ത മ​റ്റു ​ഉ​ദ്യോ​ഗ​സ്ഥ​രും ഡെ​പ്യൂ​ട്ടി ​സൂ​പ്ര​ണ്ടാ​യി​രു​ന്ന മി. ​പി.​ ആ​മു​ സാ​ഹി​ബും പൊ​ന്നാ​നി സ​ബ് ഇ​ന്‍സ്പെ​ക്ട​റും അ​ന്വേ​ഷി​ച്ച​റി​യു​ക​യും സ​മ്മ​തി​ക്കു​ക​യും ചെ​യ്ത​താ​ണ്. ആ ​സ​മ​യം മൊ​യ്തു​ മൗ​ല​വി​യും മു​ഹ​മ്മ​ദ്‌​ അ​ബ്ദു​ല്‍ ​റഹു​മാ​നും സ്ഥ​ല​ത്തെ​ത്തി അ​ക്ര​മം പ്ര​വ​ര്‍ത്തി​ച്ച​വ​രെ പി​രി​ച്ചയ​ക്കു​ക​യും ചെ​യ്ത​ത് എ​ത്ര സ്തു​തി​ച്ചാ​ലും അ​ധി​ക​മാ​യി ​പോ​യെ​ന്നു വ​രി​ല്ല. കൂ​ടാ​തെ, മു​ന്‍ ലേ​ഖ​ന​ങ്ങ​ളി​ലും ഇ​തു​പോ​ലെ പ​ല പി​ശ​കു​ക​ളും വ​ന്നു​പോ​യ​തി​ല്‍ വേ​ണ്ടി​വ​ന്നാ​ല്‍ ഒ​രു വി​മ​ര്‍ശ​നം ചെ​യ്യു​വാ​ന്‍ ത​യാ​റാ​ണ്. ഇ.​കെ. മൗ​ല​വി ആ​ക്ഷേ​പം അ​വ​സാ​നി​പ്പി​ക്കു​ന്ന​ത്, ഇ​നി മേ​ലാ​ല്‍ അ​ത്ത​രം ആ​ക്ഷേ​പ​ങ്ങ​ള്‍ക്ക് ഇ​ട​വ​രാ​തി​രി​പ്പാ​ന്‍ ശ്ര​മി​ക്ക​ണ​മെ​ന്ന് മി. ​മാ​ധ​വ​ന്‍ നാ​യ​രോ​ടും എ​ന്തെ​ങ്കി​ലും കാ​ണു​മ്പോ​ള്‍ ക്ഷോ​ഭി​ച്ചു വ​ശാ​കു​ന്ന സ്വ​ഭാ​വം വെ​ടി​യ​ണ​മെ​ന്ന് പൊ​തു​ജ​ന​ങ്ങ​ളോ​ടും അ​പേ​ക്ഷി​ച്ചു​കൊ​ണ്ടാ​യി​രു​ന്നു. (10)

ഇ​തേ പ​ത്ര​ത്തി​ല്‍ത​ന്നെ മാ​ധ​വ​ന്‍ നാ​യ​രു​ടെ സ​മാ​ധാ​നം താ​ഴെ ചേ​ര്‍ക്കു​ക​യും അ​തി​ല്‍ മു​ഹ​മ്മ​ദ് അ​ബ്ദു​ റ​ഹ് മാ​ൻ സാ​ഹി​ബി​ന്‍റെ പേ​ർ വി​ട്ടു​പോ​യ​തി​ല്‍ ഖേ​ദം പ്ര​ക​ടി​പ്പി​ക്കു​ക​യും അ​ദ്ദേ​ഹ​ത്തെ വാ​ഴ്ത്തു​ന്ന​തോ​ടൊ​പ്പം കോ​ണ്‍ഗ്ര​സ് ഖി​ലാ​ഫ​ത്ത് പ്ര​വ​ര്‍ത്ത​ന​ങ്ങ​ള്‍ക്കു മു​ന്നി​ല്‍ നി​ന്ന ത​യ്യി​ല്‍ മു​ഹ​മ്മ​ദ്‌ കു​ട്ടി മു​സ്​ലി​യാ​ര്‍ (കെ.​എം.​ മൗ​ല​വി), ഹ​സ്സ​ന്‍ കോ​യ​ മു​ല്ല മു​ത​ലാ​യ​വ​രെ ഒ​രി​ക്ക​ലും മ​റ​ക്കാ​ൻ പാ​ടി​ല്ലെ​ന്ന് സ​മ്മ​തി​ക്കു​ക​യും ചെ​യ്യു​മ്പോ​ള്‍ മ​റ്റു ആ​രോ​പ​ണ​ങ്ങ​ളി​ല്‍ നി​ശ്ശബ്ദ​നാ​കു​ന്നു.

സ​മ​ര​ങ്ങ​ളെ​ ത​ന്നെ ക​ലു​ഷി​ത​മാ​ക്കി പൊ​ലീ​സ്-പ​ട്ടാ​ള തേ​ര്‍വാ​ഴ്ചക്ക് അ​വ​സ​രം ഒ​രു​ക്കി​യ കെ.​ മാ​ധ​വ​ന്‍ നാ​യ​രു​ടെ മു​ന്‍ധാ​ര​ണ​യോ​ടുകൂ​ടി​യു​ള്ള നി​ര്‍ദേ​ശ​ങ്ങ​ളും ഒ​ത്തു​തീ​ര്‍പ്പ് വ്യ​വ​സ്ഥ​ക​ളും ഹി​ന്ദു​-മു​സ്‍ലിം ഐ​ക്യ​ത്തി​ന് താ​ല്‍ക്കാ​ലി​ക​മാ​യെ​ങ്കി​ലും വി​ള്ള​ല്‍ ഏ​ൽപി​ച്ചു. എ​ന്നാ​ല്‍, ഹി​ന്ദു-മു​സ്‍ലിം മൈ​ത്രി​യു​ടെ ആ​ഴ​വും മ​ല​ബാ​ര്‍ ക​ലാ​പ​ത്തി​ല്‍ താ​നും കു​ടും​ബ​വും അ​ത് നേ​രി​ട്ട് അ​നു​ഭ​വി​ച്ച​താ​യു​ള്ള വി​വ​ര​ണ​വും അ​ട​ങ്ങി​യ മ​ഹാ​ക​വി വ​ള്ള​ത്തോ​ള്‍ നാ​രാ​യ​ണ മേ​നോ​നു​മാ​യി ബ​ന്ധ​പ്പെ​ട്ട 1945ലെ ​‘മ​ല​യാ​ള രാ​ജ്യ​’ത്തി​ല്‍ വ​ന്ന ഒ​രു ച​രി​ത്രരേ​ഖ​കൂ​ടി പു​റ​ത്തു​കൊ​ണ്ടു​വ​രു​ക​യാ​ണ്. അ​തി​ല്‍ ഹി​ന്ദുമ​ത​ത്തെ​യും ഇ​സ്‍ലാം മ​ത​ത്തെ​യും അ​ദ്ദേ​ഹ​ത്തി​ന്‍റെ വീ​ക്ഷ​ണ​കോ​ണി​ലൂ​ടെ മ​തേ​ത​ര സ്വ​ഭാ​വ​ത്തി​ല്‍ വി​ല​യി​രു​ത്തു​ക​യും അ​ന്ന​ത്തെ ഇ​ന്ത്യ​ൻ രാ​ഷ്ട്രീ​യ​ത്തി​ല്‍ ഒ​രുപ​ക്ഷേ, ഗാ​ന്ധി​ജി​യു​ടെ ചി​ന്താ​ഗ​തി​യോ​ട് കൂ​ടു​ത​ല്‍ നീ​തി​പു​ല​ര്‍ത്തി ഒ​രു വി​ഭ​ജ​നം ഒ​ഴി​വാ​ക്കാ​നുള്ള മ​ന​സ്സും അ​തി​ലൂ​ടെ തു​റ​ക്കു​ന്നു.

കൊ​ളോ​ണി​യ​ല്‍ ആ​ശ്രി​ത​ സ​വ​ർണ ​ദേ​ശീ​യ പൊ​തു​ബോ​ധം ഉ​ണ​ര്‍ത്തു​ന്ന ‘കാ​ട്ടെ​ലി​യു​ടെ ക​ത്ത്’, 1915ല്‍ ​എ​ഴു​തി​യ ‘ഒ​രു നാ​യ​ര്‍ സ്ത്രീ​യും മു​ഹ​മ്മ​ദീ​യ​നും’, ‘ഭാ​ര​ത സ്ത്രീ​ക​ള്‍ത​ന്‍ ഭാ​വ​ശു​ദ്ധി’ എ​ന്നീ കാ​വ്യ​ങ്ങ​ള്‍ അ​ദ്ദേ​ഹ​ത്തി​ന്‍റെ മു​സ്‍ലിം വി​രു​ദ്ധ​ത വി​ളി​ച്ചോ​തു​ന്നു എ​ന്ന​ത് നി​രൂ​പ​ക​ര്‍ പ​ല​പ്പോ​ഴും പ​റ​ഞ്ഞാ​ലും മു​ഹ​മ്മ​ദ്‌ ന​ബിയെ പ്ര​കീ​ര്‍ത്തി​ച്ച് എ​ഴു​തി​യ ‘ജാ​ത​കം തി​രു​ത്തി’, ‘അ​ല്ലാ​ഹ്’ എ​ന്നീ കാ​വ്യ​ങ്ങ​ള്‍ അ​തി​നു അ​പ​വാ​ദ​മാ​യി ഇ​ത​ര മ​ത​ങ്ങ​ളെ ആ​ദ​രി​ക്കു​ന്ന, മ​തമൈ​ത്രി​യെ പ്രോ​ത്സാ​ഹി​പ്പി​ക്കു​ന്ന​തി​ന്‍റെ ഉ​ദാ​ഹ​ര​ണ​മാ​യി ചൂ​ണ്ടി​ക്കാ​ട്ടാം. എ​ന്നാ​ല്‍, നി​രൂ​പ​ണ​ങ്ങ​ളി​ല്‍ ഒ​ന്നും പ​രാ​മ​ര്‍ശി​ക്കാ​ത്ത തെ​റ്റി​ദ്ധാ​ര​ണ​ക​ള്‍ അ​ക​റ്റാ​ന്‍ ഉ​ത​കു​ന്ന ഈ ​ച​രി​ത്രരേ​ഖ​യി​ലൂ​ടെ മ​ഹാ​ക​വി​യു​ടെ മ​ന​സ്സു​ തു​റ​ക്കു​ന്ന​ത് ന​മു​ക്ക് അ​വ​ലോ​ക​നം ന​ട​ത്താ​ന്‍ മ​തി​യാ​യ തെ​ളി​വാ​ണ്. വ​ള്ള​ത്തോ​ളി​ന് കൊ​ല്ലം മ​ജ്‌​ലി​സ് ക്ല​ബ് ന​ല്‍കി​യ ഒ​രു മം​ഗ​ളപ​ത്ര​ത്തി​ന് മ​റു​പ​ടി​യാ​യി അ​ദ്ദേ​ഹം ചെ​യ്ത പ്ര​സം​ഗ​ത്തി​ന്‍റെ സം​ക്ഷേ​പം ‘ഹി​ന്ദു-​മു​സ്‍ലിം ബ​ന്ധം’ എ​ന്ന പേ​രി​ല്‍ ‘മ​ല​യാ​ള രാ​ജ്യം’ 1944 ജ​നു​വ​രി 17നു ​പ്ര​സി​ദ്ധീ​ക​രി​ച്ചു.” (11.) അ​തി​ന്‍റെ തു​ട​ക്കം ഇ​ങ്ങ​നെ​യാ​യി​രു​ന്നു

 ‘ഹി​ന്ദു-​മു​സ്‍ലിം ബ​ന്ധം’ എ​ന്ന പേ​രി​ല്‍ ‘മ​ല​യാ​ള രാ​ജ്യം’ 1944 ജ​നു​വ​രി 17ന് ​പ്ര​സി​ദ്ധീ​ക​രി​ച്ച ലേഖനം 

“മാ​ന്യ​സു​ഹൃ​ത്തു​ക്ക​ളേ, നി​ങ്ങ​ൾ​ക്ക് എ​ന്‍റെ വി​നീ​ത​മാ​യ വ​ന്ദ​നം. എ​ന്‍റെ പ്രി​യ​പ്പെ​ട്ട മു​സ​ൽ​മാ​ൻ​ സ​ഹോ​ദ​ര​രെ, നി​ങ്ങ​ളു​ടെ ആ​ഹ്ലാ​ദ​ത്താ​ൽ തു​ടു​ത്തി​രി​ക്കു​ന്ന ഈ ​മം​ഗ​ളപ​ത്രം ഞാ​ൻ ആ​ദ​ര​വോ​ടെ സ്വീ​ക​രി​ക്കു​ന്നു. എ​ന്‍റെ അ​റു​പ​ത്ത​ഞ്ചു വ​യ​സ്സി​നു​ള്ളി​ൽ ഒ​രു മു​സ്‍ലിം സ​മി​തി​യി​ൽനി​ന്നും മം​ഗ​ള​പ​ത്രം എ​നി​ക്ക് ല​ഭി​ച്ചി​ട്ടു​ള്ള​താ​യി ഞാ​ൻ ഓ​ർ​ക്കു​ന്നി​ല്ല. ഞാ​ൻ ജ​നി​ച്ചു വ​ള​ർ​ന്ന​തും മു​സ​ല്‍മാ​ന്മാ​​രു​ടെ ഇ​ട​യി​ലാ​ണ്. ഇ​വി​ടത്തെ മു​സ്‍ലിം സ​ഹോ​ദ​ര​ന്മാ​രി​ൽനി​ന്നും മം​ഗ​ള​പ​ത്രം സ്വീ​ക​രി​ക്കാ​ൻ സം​ഗ​തി​യാ​യ​തി​ൽ എ​നി​ക്ക് അ​ന​ല്പ​മാ​യ ആ​ഹ്ലാ​ദ​വും അ​ഭി​മാ​ന​വും ഉ​ണ്ട്. വ​ട​ക്കു​നി​ന്നും ഒ​രു ചെ​കി​ട​ൻ നാ​യ​രു​വ​ന്നു; അ​യാ​ൾ​ക്ക് ഒ​രു മം​ഗ​ള​പ​ത്രം കൊ​ടു​ക്കാം എ​ന്നാ​യി​രി​ക്കു​ക​യി​ല്ല നി​ങ്ങ​ൾ വി​ചാ​രി​ച്ച​ത്; ഒ​രു സാ​ഹി​ത്യ​കാ​ര​നെ​ന്നു ന​ടി​ക്കു​ന്ന വ​ള്ള​ത്തോ​ളി​ന് മം​ഗ​ള​പ​ത്രം കൊ​ടു​ക്കാ​മെ​ന്നാ​യി​രി​ക്കാ​നേ ത​ര​മു​ള്ളൂ. ഇ​വി​ട​ത്തെ മു​സ്‍ലിം സ​ഹോ​ദ​ര​ന്മാ​ര്‍ക്ക് സാ​ഹി​ത്യാ​ഭി​രു​ചി​യു​ണ്ടെ​ന്നാ​ണ് അ​തി​ന്‍റെ അ​ർ​ഥം. നി​ങ്ങ​ളോ​ട് പ​ല കാ​ര്യ​ങ്ങ​ളെ​പ്പ​റ്റി​യും സം​സാ​രി​ക്കാ​ന്‍ എ​നി​ക്കാ​ഗ്ര​ഹ​മു​ണ്ട്.”

തു​ട​ര്‍ന്ന് ഹി​ന്ദു-​മു​സ്‍ലിം ബ​ന്ധ​ത്തെ​ക്കു​റി​ച്ചും മ​ത​വി​ശ്വാ​സ​ങ്ങ​ളെ​ല്ലാം മ​ത​മൂ​ല്യ​ങ്ങ​ളെ​യാ​ണ് ഉ​യ​ര്‍ത്തി​പ്പി​ടി​ക്കു​ന്ന​തെ​ന്നും ആ ​വി​ശ്വാ​സ​വും മൂ​ല്യ​ങ്ങ​ളും ഉ​ള്ള മു​സ്‍ലിംകൾ ഇ​ന്ത്യ ഭ​രി​ച്ചാ​ലും ഒ​ന്നും ന​ഷ്ട​പ്പെ​ടി​ല്ലെ​ന്നും പ​റ​യു​ന്നു. പ്ര​സ​ക്ത ഭാ​ഗം ഉ​ദ്ധ​രി​ക്കു​ന്നു.

“ഹി​ന്ദു​ക്ക​ളും മു​സ​ൽമാൻമാരും ത​മ്മി​ല്‍ സ്പ​ർധ​യാ​ണെ​ന്നു ഒ​രു സം​സാ​രം ഉ​ണ്ട്. അ​ങ്ങ​നെ ഒ​രു സ്പ​ർധ ഉ​ള്ള​താ​യി അ​നു​ഭ​വ​ത്തി​ല്‍ ക​ണ്ടി​ട്ടി​ല്ല. എ​ന്‍റെ ബോം​ബെ പ്ര​സം​ഗ​ത്തി​ല്‍ ഞാ​നി​ത് സൂ​ചി​പ്പി​ച്ചി​ട്ടു​ണ്ട്.​ എ​ന്‍റെ ത​റ​വാ​ട്ടി​ലെ കു​ടി​യാ​ന്മാ​ര്‍ മി​ക്ക​പേ​രും​മു​സ​ല്‍മാ​ന്മാ​രാ​ണ്. മ​ല​ബാ​റി​ല്‍ മാ​പ്പി​ള​ല​ഹ​ള ഉ​ണ്ടാ​യ ക​ഥ നി​ങ്ങ​ള്‍ കേ​ട്ടി​രി​ക്കു​മ​ല്ലോ. ല​ഹ​ള​ക്കാ​ര്‍ മു​ഴു​വ​ന്‍ മു​സ​ല്‍മാ​ന്മാ​ർ അ​ല്ലാ​യി​രു​ന്നു. ഏ​റ​നാ​ട് പ്ര​ദേ​ശ​ത്തെ മു​സ്‍ലിംക​ള്‍ വി​ദ്യാ​ഭ്യാ​സ​ത്തി​ല്‍ തു​ലോം പി​ന്നാ​ക്കം നി​ല്‍ക്കു​ന്ന​വ​രാ​ണ്. അ​വ​രെ ചി​ല വി​രു​ത​ന്മാ​ര്‍ പ​റ​ഞ്ഞി​ള​ക്കിവി​ട്ട​താ​ണ് ല​ഹ​ള​ക്ക് പ്ര​ധാ​ന ഹേ​തു. മു​സ​ല്‍മാ​ന്‍ വേ​ഷം കെ​ട്ടി ഹി​ന്ദു​ക്ക​ളും അ​വ​രോ​ട് ചേ​ര്‍ന്നു ല​ഹ​ള ന​ട​ത്തി​യെ​ന്ന് കേ​ട്ടി​ട്ടു​ണ്ട്. അ​ന​വ​ധി ആ​ളു​ക​ള്‍ അ​വി​ടം വി​ട്ടു പോ​ന്നു. എ​ന്‍റെ കു​ടും​ബ​ത്തി​ല്‍പെ​ട്ട നാ​ലു വീ​ടു​ക​ള്‍ ഉ​ണ്ട്. ആ ​വീ​ടു​ക​ളി​ല്‍നി​ന്നും ആ​രും പോ​യി​ല്ല. ഒ​ടു​വി​ല്‍ ഉ​ദ്യോ​ഗ​സ്ഥ​ന്മാ​ര്‍ ചി​ല​ര്‍ വ​ന്നു സ്ഥ​ലം വി​ട്ടു​പോ​കാ​ന്‍ ഞ​ങ്ങ​ളെ നി​ര്‍ബ​ന്ധി​ച്ചു. ‘ഞ​ങ്ങ​ള്‍ക്ക് പേ​ടി​യി​ല്ല, മു​സ​ല്‍മാ​ന്മാ​ർ ത​ന്നെ ഞ​ങ്ങ​ളെ ര​ക്ഷി​ക്കാ​ന്‍ ഉ​ണ്ട്’ എ​ന്നാ​ണു അ​മ്മാ​വ​ന്‍ മ​റു​പ​ടി പ​റ​ഞ്ഞ​ത്. ഞ​ങ്ങ​ളു​ടെ വീ​ട്ടി​നു മൂ​ന്നു നാ​ഴി​ക അ​ടു​ത്തു​വ​രെ ല​ഹ​ള​ക്കാ​ര്‍ വ​ന്നു. ഞ​ങ്ങ​ളു​ടെ സ്ഥ​ല​ത്ത് വ​രു​ക​യു​ണ്ടാ​യി​ല്ല. ഞ​ങ്ങ​ളു​ടെ നാ​ലു​ ഭ​വ​ന​ങ്ങ​ള്‍ കാ​ത്തുര​ക്ഷി​ച്ച​ത്‌ മു​ന്നൂ​റി​ല്‍പ​രം മു​സ​ല്‍മാ​ന്മാ​രാ​ണ്. അ​വ​ര്‍ വ​യ്പും ഊ​ണും താ​മ​സ​വും എ​ല്ലാം അ​വി​ടെ ത​ന്നെ​യാ​യി​രു​ന്നു. ഞ​ങ്ങ​ള്‍ അ​ത്ര ഇ​ണ​ങ്ങി​യാ​ണ് മു​സ​ല്‍മാ​ന്മാ​രു​മാ​യി ക​ഴി​ഞ്ഞു​വ​രു​ന്ന​ത്.

ഇ​പ്പോ​ള്‍ ചി​ല പു​തു​ മു​സ്‍ലിമു​ക​ള്‍ പ​റ​ഞ്ഞു തു​ട​ങ്ങി​യി​ട്ടു​ണ്ട്, ഞാ​ന്‍ മു​ഹ​മ്മ​ദീ​യ വി​രോ​ധി​യാ​ണെ​ന്നു. എ​ന്‍റെ ബോം​ബെ പ്ര​സം​ഗ​ത്തി​ല്‍ ഞാ​ന്‍ മി​സ്റ്റ​ര്‍ ജി​ന്ന​യെ ശ​കാ​രി​ച്ചു​വെ​ന്നു. ‘ച​ന്ദ്രി​ക’ എ​ന്ന ത​ല​ശ്ശേ​രി​യി​ലെ മു​സ്‍ലിംപ​ത്ര​ത്തി​ല്‍ ഒ​രു മു​സ​ല്‍മാ​ന്‍ എ​ഴു​തി​യി​രു​ന്നു. പ​ട്ടി​ണി​കൊ​ണ്ടും ന​ട​പ്പു​രോ​ഗംകൊ​ണ്ടും ക​ഷ്ട​പ്പാ​ട​നു​ഭ​വി​ക്കു​ന്ന ബം​ഗാ​ളി​നെ ര​ക്ഷി​ക്കാ​ന്‍ പ​ണ​പ്പി​രി​വ് ന​ട​ത്തി​യ​പ്പോ​ള്‍ ഹി​ന്ദു​ക്ക​ളെ ര​ക്ഷി​ക്കാ​ന്‍ മു​സ്‍ലിംകള്‍ പ​ണം കൊ​ടു​ക്ക​രു​തെ​ന്ന് മി.​ ജി​ന്ന ഉ​പ​ദേ​ശി​ച്ച​താ​യി ഒ​രു പ​ത്ര​ത്തി​ല്‍ ക​ണ്ട്. അ​ത് നേ​രാ​ണെ​ങ്കി​ല്‍ “ഒ​രു ചെ​റു പ​ക്ഷി​യി​ലെ​ങ്കി​ലും ദ​യ ചെ​യ്യു​ന്ന​വ​നെ ഈ​ശ്വ​ര​ന്‍ അ​നു​ഗ്ര​ഹി​ക്കും” എ​ന്ന ന​ബി​വ​ച​നം മ​ത​ഭ​ക്ത​നാ​യ ശ്രീ​മാ​ന്‍ ജി​ന്ന കേ​ട്ടി​ട്ടി​ല്ലേ എ​ന്നു​ ചോ​ദി​ക്കു​ക​യേ ഞാ​ന്‍ ചെ​യ്തി​ട്ടു​ള്ളൂ. ഇ​താ​ണ് ബോം​ബെ പ്ര​സം​ഗ​ത്തി​ല്‍ ഞാ​ന്‍ ജി​ന്ന​യെ ശ​കാ​രി​​െച്ച​ന്നു പ​റ​യു​ന്ന വാ​ച​കം. ഭൂ​ത​ക്ക​ണ്ണാ​ടി വെ​ച്ച് നോ​ക്കി​യാ​ല്‍പോ​ലും അ​തി​ല്‍ ശ​കാ​ര​ത്തി​ന്‍റെ ഒ​രു ക​ണി​ക​യെ​ങ്കി​ലും ഉ​ള്ള​താ​യി കാ​ണു​മോ?

മ​റ്റൊ​രു അ​പ​രാ​ധം ഞാ​ന്‍ ‘നാ​യ​ര്‍ സ്ത്രീ​യും മു​ഹ​മ്മ​ദീ​യ​നും’ എ​ന്നൊ​രു ക​ഥ എ​ഴു​തി​യ​തി​ല്‍ മുസ്‍ലിം വ​ര്‍ഗ​ത്തെ ആ​ക്ഷേ​പി​ച്ചു എ​ന്നാ​ണ്. ഒ​രു നാ​യ​ര്‍ സ്ത്രീ​യെ ഉ​പ​ദ്ര​വി​ക്കാ​ന്‍ ശ്ര​മി​ച്ച ഒ​രു മു​സ​ല്‍മാ​നെ അ​യാ​ളു​ടെ പ​ക്ക​ല്‍ ഉ​ണ്ടാ​യി​രു​ന്ന ക​ത്തികൊ​ണ്ടു​ത​ന്നെ കൊ​ന്നു​വെ​ന്നാ​ണ് ക​ഥാ​സാ​രം. അ​ത് എ​ന്‍റെ ക​ല്പി​ത​മ​ല്ല; അ​വി​ട​ങ്ങ​ളി​ല്‍ അ​ക്കാ​ല​ത്ത് പ​റ​ഞ്ഞു​കേ​ട്ട ഒ​രു സം​ഭ​വ​മാ​ണ്. പ​ത്തി​രു​പ​തു വ​ര്‍ഷ​ങ്ങ​ള്‍ക്ക് അ​പ്പു​റ​മാ​ണ് ഈ ​ക​ഥ എ​ഴു​തി​യ​ത്. ഇ​പ്പോ​ള്‍ പ​റ​യു​ന്നു, മു​ഹ​മ്മ​ദീ​യ​രെ ആ​ക്ഷേ​പി​ക്കാ​ന്‍ ഞാ​ന്‍ ക​രു​തിക്കൂ​ട്ടി എ​ഴു​തി​യ​താ​ണെ​ന്ന്! ഒ​രു സ​മ​യം ഈ ​ആ​ക്ഷേ​പ​ങ്ങ​ള്‍ ഒ​ന്നും എ​നി​ക്ക് മം​ഗ​ളപ​ത്രം ത​ന്ന ഇ​വ​ര്‍ ക​ണ്ടി​ല്ലാ​യി​രി​ക്കാം, ക​ണ്ടെ​ങ്കി​ല്‍ത​ന്നെ, ന​മ്മു​ടെ നാ​ട്ടി​ലെ ഒ​രു ക​വി​യ​ല്ലേ എ​ന്നു​ക​രു​തി സ്നേ​ഹ​പൂ​ർവം ത​ന്ന​താ​യി​രി​ക്കാം.

ഹി​ന്ദു-​മു​സ്‍ലിം സ്പ​ർധ​ക്ക് കാ​ര​ണ​ക്കാ​ര്‍ ഹി​ന്ദു​ക്ക​ളും മു​സ്‍ലിംക​ളുംത​ന്നെ​യാ​ണ്. ഹി​ന്ദു മ​ഹാ​സ​ഭ​ക്കാ​ര്‍ പ​റ​യും മു​സ്‍ലിം ​ഭ​ര​ണം വ​ന്നാ​ല്‍ ഹി​ന്ദു​ക്ക​ള്‍ക്ക് ദോ​ഷമാ​ണെ​ന്ന്. തൊ​ള്ളാ​യി​രം വ​ര്‍ഷ​ങ്ങ​ള്‍ മു​സ​ല്‍മാ​ന്‍മാ​ര്‍ ഇ​ന്ത്യ ഭ​രി​ച്ചി​ല്ലേ? അ​തു​കൊ​ണ്ട് ഹി​ന്ദു​ക്ക​ള്‍ക്ക് എ​ന്തു അ​പ​ക​ട​മാ​ണ് പ​റ്റി​യ​ത്? ഇ​ന്ത്യ​യി​ല്‍നി​ന്നും ബ്രി​ട്ടീ​ഷ്‌ ഭ​ര​ണം ഒ​ഴി​യു​ക​യും ഇ​ന്ത്യ സ്വ​ത​ന്ത്ര​യാ​കു​ക​യും ചെ​യ്‌​താ​ല്‍ സ്വ​ത​ന്ത്ര ഇ​ന്ത്യ​യു​ടെ ഭ​ര​ണ​കൂ​ട​ത്തി​ന്‍റെ അ​ധ്യ​ക്ഷ സ്ഥാ​നം മി.​ ജി​ന്ന​ക്ക് കൊ​ടു​ക്കാ​മെ​ന്നു മ​ഹാ​ത്മ​ജി പ​റ​ഞ്ഞ​ത് ഈ ​അ​ടു​ത്ത​കാ​ല​ത്താ​ണ്. മു​സ്‍ലിംക​ളു​ടെ മൂ​ന്നി​ര​ട്ടി ഹി​ന്ദു​ക്ക​ളാ​ണ് ഇ​വി​ടെ ഉ​ള്ള​ത്. മു​സ്‍ലിം ഭ​ര​ണം​കൊ​ണ്ട് ഒ​രു ന്യൂ​ന​ത​യും വ​രാ​നി​ല്ല. ഒ​രുപ​ക്ഷേ ഹി​ന്ദു​ക്ക​ള്‍ മു​ഴു​വ​ന്‍ ന​ശി​ച്ചു​വെ​ന്നി​രി​ക്ക​ട്ടെ. അ​തുകൊ​ണ്ട് എ​ന്താ​ണ് ലോ​ക​ത്തി​ന് ഹാ​നി​യു​ള്ള​ത്? ശ്രീ ​ജി​ന്ന പ​റ​യു​ന്നു, ഹി​ന്ദു​ഭ​ര​ണം മു​സ്‍ലിംകള്‍ക്ക്‌ നാ​ശ​ക​ര​മാ​കു​മെ​ന്ന്. ഹി​ന്ദു​വും മു​സ്‍ലി​മും ക്രി​സ്ത്യാ​നി​യും ഒ​ന്നു​മ​ല്ല ലോ​കം ​ന​ട​ത്തു​ന്ന​ത്, മ​നു​ഷ്യ​രാ​ണ്. മ​നു​ഷ്യ​ര്‍ ശേ​ഷി​ച്ചാ​ല്‍ മ​തി. പ​ക്ഷേ, ഹി​ന്ദു​നാ​ശ​ത്തോ​ടൊ​പ്പം ഋ​ഗ്വേ​ദം ന​ശി​ക്ക​രു​ത്. അ​ത് ബ്രാ​ഹ്മ​ണ​രു​ടെ വ​ക​യാ​ണെ​ന്ന് പ​റ​യാ​റു​ണ്ടെ​ങ്കി​ലും ബ്രാ​ഹ്മ​ണ​രു​ടേ​ത​ല്ല, മ​നു​ഷ്യ​രു​ടേ​താ​ണ്. അ​തു​പോ​ലെ​ത​ന്നെ ബൈ​ബി​ളും ഖു​ർആ​നും. എ​ല്ലാ​ത്തി​ലും ഉ​ള്ള ത​ത്ത്വ​ങ്ങ​ള്‍ ഒ​ന്നാ​ണ്. ഭി​ന്ന​ ഭാ​ഷ​ക​ളി​ല്‍ പ്ര​തി​പാ​ദി​ച്ചി​രി​ക്കു​ന്നു​വെ​ന്നേ​യു​ള്ളൂ. ഈ​ശ്വ​ര​ന് എ​ല്ലാ ​ഭാ​ഷ​യും അ​റി​യാം; ചെ​വി​യും കേ​ള്‍ക്കാം. ഏ​തു ഭാ​ഷ​യി​ല്‍ വി​ളി​ച്ചാ​ലും ഒ​രേമാ​തി​രി വി​ളി​കേ​ള്‍ക്കും. ഈ ​അ​ക​ന്ന​ക​ന്നു​ള്ള നി​ല്‍ക്ക​ലുകൊ​ണ്ട​ല്ലേ ന​മ്മു​ടെ മാ​തൃ​ഭൂ​മി അ​ന്യാ​ധീ​ന​യാ​യ​ത്? ഋ​ഗ്വേ​ദം പ​ര​ക്കേ വാ​യി​ച്ചി​ട്ടി​ല്ല. അ​തു​പോ​ലെ ഖു​ര്‍ആ​ന്‍ ഹി​ന്ദു​ക്ക​ളും വാ​യി​ച്ചി​രി​ക്ക​യി​ല്ല. ത​ന്മൂ​ലം ഓ​രോ​ന്നി​ലും അ​ട​ങ്ങി​യി​രി​ക്കു​ന്ന ത​ത്ത്വം ഒ​ന്നാ​ണെ​ന്നു​ള്ള പ​ര​മാ​ർഥം അ​റി​യാ​ന്‍ ക​ഴി​യു​ന്നി​ല്ല. ഹി​ന്ദു​ക്ക​ള്‍, ദേ​വി​യെ​യും സു​ബ്ര​ഹ്മണ്യ​നെ​യും ശാ​സ്താ​വി​നെ​യും മ​റ്റും പൂ​ജി​ക്കു​ന്ന​ത് ക​ണ്ട് മ​റ്റു​ള്ള​വ​ര്‍ അ​പ​ഹ​സി​ക്കു​ന്നു. യ​ഥാ​ർഥ ഹി​ന്ദു എ​ന്തി​നെ പൂ​ജി​ച്ചാ​ലും ഒ​രാ​ളെ ത​ന്നെ​യാ​യി​രി​ക്കും. ഭ​ഗ​വ​ദ്ഗീ​ത​യി​ല്‍ പ​റ​യു​ന്നു: “എ​ന്നെ മ​നു​ഷ്യ​ന്‍ ഏ​തു​രൂ​പ​ത്തി​ല്‍ ധ്യാ​നി​ക്കു​ന്നു​വോ ആ ​രൂ​പ​ത്തി​ല്‍ ഞാ​ന്‍ പ്ര​ത്യ​ക്ഷ​പ്പെ​ടും”​ എ​ന്ന്. ഒ​രേ​ സ​ദാ​ചാ​രംത​ന്നെ​യ​ല്ലേ, ബൈ​ബി​ളി​ലും ഖു​ർആ​നി​ലും അ​ട​ങ്ങി​യി​രി​ക്കു​ന്ന​ത്? മു​ഹ​മ്മ​ദ്‌​ന​ബി അ​രു​ളി​യി​ട്ടു​ണ്ട്, “മ​തം ഈ​ശ്വ​രാ​ജ്ഞ​യാ​ണ്; മ​നു​ഷ്യ​രെ ശു​ദ്ധീ​ക​രി​ക്ക​യാ​ണ് മ​ത​ത്തി​ന്‍റെ ഉ​ദ്ദേ​ശ്യം.” ഇ​സ്‍ലാം എ​ന്ന പ​ദ​ത്തി​ന്‍റെ അ​ർഥം ത​ന്നെ ഈ​ശ്വ​രേച്ഛ അ​നു​സ​രി​ച്ച് ന​ട​ക്കു​ക​യെ​ന്ന​ല്ല​യോ?

ഒ​രു മു​സ്‍ലിം മ​റ്റൊ​രാ​ളെ ക​ണ്ടാ​ല്‍ ‘സ​ലാ​മ​ലേ​ക്ക്’ എ​ന്ന് പ​റ​ഞ്ഞാ​ണ് ഉ​പ​ച​രി​ക്കാ​റു​ള്ള​ത്. അ​തി​ന്‍റെ അ​ർഥം ‘നി​ന​ക്ക് ശാ​ന്തി​ഭ​വി​ക്ക​ട്ടെ’ എ​ന്നാ​ണ്. ഹി​ന്ദു​ പ​റ​യും, ‘സ്വ​സ്തി​യ​സ്തു’ ‘ന​ല്ല​തു​വ​ര​ട്ടെ’ എ​ന്ന​ർഥം. ഭാ​ഷ മാ​റു​ന്നു​വെ​ന്നേ​യു​ള്ളൂ. സ​ദാ​ചാ​ര​ങ്ങ​ള്‍ ഭൂ​ലോ​ക​ത്തി​ന്‍റെ ഏ​തു​ഭാ​ഗ​ത്തും ഒ​ന്നാ​ണ്. മു​ഹ​മ്മ​ദീ​യ​രു​ടെ നി​സ്കാ​ര​ത്തി​നു​ള്ള ഒ​രു മ​ന്ത്ര​ത്തി​ല്‍ ‘നാം ​എ​വി​ടെ നോ​ക്കി​യാ​ലും ഈ​ശ്വ​ര​ന്‍റെ മു​ഖ​മാ​ണ് കാ​ണു​ന്ന​ത്’ എ​ന്ന​ർഥ​മു​ള്ള ഒ​രു വാ​ച​ക​മു​ണ്ട്. ശ്വേ​താ​ശ്വ​ത​ദോ​പ​നി​ഷ​ത്തി​ലും ഇ​തേ​ ആ​ശ​യം കാ​ണാം. ഒ​രാ​ള്‍ മ​ക്ക​യി​ല്‍വെ​ച്ച് പ​റ​ഞ്ഞു; മ​റ്റൊ​രാ​ള്‍ ഇ​ന്ത്യ​യി​ല്‍ വെ​ച്ചും - ഇ​തേ വ്യ​ത്യാ​സം ഉ​ള്ളൂ. മ​ഹാ​നാ​യ അ​ക്ബ​ര്‍ ഹി​ന്ദു​ക്ക​ള്‍ ഖു​ര്‍ആ​നും മു​സ്‍ലിം​ക​ള്‍ ഉ​പ​നി​ഷ​ദാ​ദി ഗ്ര​ന്ഥ​ങ്ങ​ളും പ​ഠി​ക്ക​ണ​മെ​ന്ന് വ്യ​വ​സ്ഥ​ചെ​യ്തി​രു​ന്നു. മ​ത​ങ്ങ​ള്‍ ത​മ്മി​ല്‍ ഭി​ന്ന​ത​യി​ല്ലെ​ന്ന് കാ​ണാ​ന്‍ എ​ല്ലാ​വ​രും എ​ല്ലാ മ​ത​ഗ്ര​ന്ഥ​ങ്ങ​ളും വാ​യി​ച്ചാ​ലേ മ​തി​യാ​കൂ. അ​തി​നു പ​ല പ്ര​യാ​സ​ങ്ങ​ളുമു​ണ്ട്. ബൈ​ബി​ള്‍ വാ​യി​ക്കാ​ന്‍ പ​റ​ഞ്ഞാ​ല്‍ ഹി​ന്ദു​വി​നും മ​റ്റും അ​തൊ​രു അ​ന്യ​മ​ത​ഗ്ര​ന്ഥ​മാ​ണെ​ന്ന വി​ചാ​രം ഉ​ണ്ടാ​കും. അ​ത് സ​ഹി​ച്ച് പു​സ്ത​കം ​കൈയിൽ ​എടു​ത്താ​ല്‍ ഒ​രു പേ​ജ് വാ​യി​ക്കും​മു​മ്പേ ഉ​റ​ക്കം​വ​രും. മ​ല​യാ​ള​ഭാ​ഷ എ​ത്ര​മേ​ല്‍ ചീ​ത്ത​യാ​ക്കാ​മോ അ​തു​മേ​ല്‍ ചീ​ത്ത​യാ​ക്കി​യാ​ണ് ബൈ​ബി​ള്‍ ത​ര്‍ജ​മ ചെ​യ്തി​രി​ക്കു​ന്ന​ത്.

ഖു​ർആ​ന്‍റെ ഒ​രു മ​ല​യാ​ള ഗ്ര​ന്ഥം ഉ​ണ്ടാ​കാ​ന്‍ മു​സ്‍ലിം​ക​ള്‍ ഒ​രു ശ്ര​മം ന​ട​ത്തു​ന്ന​ത് അ​ത്യാ​വ​ശ്യം. അ​തി​നു ഒ​രു ല​ക്ഷം രൂ​പ ചെ​ല​വ് ഉ​ണ്ടാ​കാം. ശ്രീ​മാ​ന്‍ ത​ങ്ങ​ള്‍കു​ഞ്ഞു മു​സ​്ലി​യാ​ര്‍ ഒ​രാ​ള്‍ മ​ന​സ്സു​വെ​ച്ചാ​ല്‍ത​ന്നെ ഈ ​ചെ​ല​വ് നി​ഷ്പ്ര​യാ​സം ന​ട​ക്കി​ല്ല​യോ? ആ ​ധ​നാ​ഢ്യ​നാ​യ പ​രോ​പ​കാ​രി​യു​ടെ ശ്ര​ദ്ധ ഈ ​പു​ണ്യ​ക​ര്‍മ​ത്തി​ല്‍ പ​തി​യു​മാ​റു നി​ങ്ങ​ള്‍ പ​രി​ശ്ര​മി​ക്ക​ണ​മെ​ന്ന് ഞാ​ന്‍ അ​പേ​ക്ഷി​ക്കു​ന്നു.” (12)

1921 ന​ട​ക്കു​മ്പോ​ഴും ശേ​ഷ​വും അ​ധി​നി​വേ​ശ ആ​ധി​പ​ത്യ​ത്തി​നോ​ടു​ള്ള അ​മി​ത​മാ​യ വി​ധേ​യ​ത്വ​ത്തി​ല്‍ ല​ഭി​ച്ച ഉ​യ​ര്‍ച്ച​യി​ല്‍ അ​ഭി​ര​മി​ക്കു​ന്ന​വ​ര്‍ ഈ ​യാ​ഥാ​ർഥ്യ​ങ്ങ​ള്‍ മ​ന​സ്സി​ലാ​ക്കി നി​ല​പാ​ടു​ക​ള്‍ തി​രു​ത്ത​ട്ടെ. 1921 ആ​ഗ​സ്റ്റ് 20നു ​തി​രൂ​ര​ങ്ങാ​ടി​യി​ല്‍ പ​ട്ടാ​ളം ഇ​റ​ങ്ങി​യ​ത്‌ മു​ത​ല്‍ അ​ര​ങ്ങേ​റി​യ ന​ര​നാ​യാ​ട്ടു​ക​ള്‍ക്ക് ഇ​ര​യാ​യ ഇ​രു​വി​ഭാ​ഗ​ക്കാ​രു​ടെ​യും പി​ൻത​ല​മു​റ​ക്കാ​രെ നേ​രി​ല്‍ ക​ണ്ട് സം​വ​ദി​ച്ച പി. ​സു​രേ​ന്ദ്ര​​ന്റെ ‘1921 പോ​രാ​ളി​ക​ള്‍ വ​ര​ച്ച ദേ​ശ​ഭൂ​പ​ട​ങ്ങ​ള്‍’ എ​ന്ന പു​സ്ത​ക​ത്തി​ല്‍ ഉ​ള്ള​ത് ചോ​ര​യും ക​ണ്ണു​നീ​രും മ​ണ​ക്കു​ന്ന വ​രി​ക​ളും ചി​ത്ര​ങ്ങ​ളു​മാ​ണെ​ങ്കി​ലും പു​റ​ത്തു​വ​രു​ന്ന ഒ​രു യാ​ഥാ​ർഥ്യം ആ ​പ്ര​ദേ​ശ​ങ്ങ​ളി​ലെ ഹി​ന്ദു​ക്ക​ളും മു​സ്‍ലിംക​ളും ത​മ്മി​ല്‍ ഇ​പ്പോ​ഴു​മു​ള്ള ആ​ഴ​മേ​റി​യ സൗ​ഹൃ​ദ​മാ​ണ്. ഒ​രി​ക്ക​ലും ര​ണ്ടു സ​മു​ദാ​യ​ങ്ങ​ള്‍ ത​മ്മി​ലു​ള്ള സം​ഘ​ര്‍ഷ​മാ​യി​രു​ന്നി​ല്ല ആ ​ക​ലാ​പം എ​ന്ന​തി​ന്‍റെ ഏ​റ്റ​വും വ​ലി​യ ദൃ​ഷ്ടാ​ന്തം അ​ദ്ദേ​ഹം ക​ണ്ട സ്നേ​ഹ​ബ​ന്ധ​മാ​യി​രു​ന്നു​വെ​ന്ന ക​ണ്ടെ​ത്ത​ലു​ക​ള്‍, ഈ ​വ​ര്‍ത്ത​മാ​ന​കാ​ല​ത്തി​ലും കൂ​ടു​ത​ല്‍ പ​ഠ​ന​ങ്ങ​ള്‍ ന​ട​ത്തി മ​ത​മൈ​ത്രി ഊ​ട്ടി​യു​റ​പ്പി​ക്കാ​നു​ത​കു​ന്ന, മു​ക​ളി​ല്‍ ചൂ​ണ്ടി​ക്കാ​ട്ടി​യ​തു​പോ​ലു​ള്ള മ​റ​യ്ക്ക​പ്പെ​ട്ട കൂ​ടു​ത​ല്‍ ച​രി​ത്ര​രേ​ഖ​ക​ള്‍ പു​റ​ത്തു​കൊ​ണ്ടു​വ​രാ​ന്‍ പു​തി​യ ത​ല​മു​റ​ക്ക് പ്ര​ചോ​ദ​ന​മാ​ക​ട്ടെ.

(അവസാനിച്ചു)

ഗ്ര​ന്ഥ​സൂ​ചി​ക:

1. മാ​തൃഭൂ​മി,കോ​ഴി​ക്കോ​ട്: 1923 ഏ​പ്രി​ല്‍ 28​

2. Ibid

3. Hitchcock,‘Peasant Revolt in Malabar’, p3,

4. Hitchcock,‘Peasant Revolt in Malabar’,p 152-178,

5. K.N. Panikkar,Against Lord and State, p.180,181,

6. Tottenham, G. R. F. Exhibit no .3 case 1280/1922 Madras High Court records, cited by M.P.S. Menon , മ​ല​ബാ​ര്‍ ക​ലാ​പം p.168) (1922).

7. ബ്ര​ഹ്​മ​ദ​ത്ത​ന്‍ ന​മ്പൂ​തി​രി, ഖി​ലാ​ഫ​ത്ത് സ്മ​ര​ണ​ക​ള്‍, പേ​ജ് 6 5to 70, 84, 85,

8. Exhibit no.3 case 1280/1922 Madras High Court records, cited by M.P.S. Menon , മ​ല​ബാ​ര്‍ ക​ലാ​പം p.168,

9. മാ​തൃ​ഭൂ​മി, 1924 ജൂ​ൈല 12

10. Ibid,

11. ‘മ​ല​യാ​ള​രാ​ജ്യം’, 1944 ജ​നു​വ​രി 17,

12. പി. ​സു​രേ​ന്ദ്ര​ന്‍ ‘1921 പോ​രാ​ളി​ക​ള്‍ വ​ര​ച്ച ദേ​ശ​ഭൂ​പ​ട​ങ്ങ​ള്‍’