കൊ​ട്ടാ​രം വ​രെ​യെ​ത്തി​യ ചിത്രകല

നി​ന്നെ കൊ​ട്ടാ​ര​ത്തി​ലേ​ക്ക് കൊ​ണ്ടു​പോ​കാ​ന്‍ വാ​ഹ​നം വ​ന്നി​രി​ക്കു​ന്നു, വേ​ഗം വാ​യോ എ​ന്ന് കൂ​ട്ടു​കാ​ര്‍ വി​ളി​ച്ചു പ​റ​യു​മ്പോ​ള്‍ സൈ​ദ് ഷാ​ഫി പ​ണി​ത്തി​ര​ക്കിലായിരുന്നു, ആ​ദ്യം വി​ശ്വ​സി​ക്കാ​നാ​യി​ല്ല. യു.​എ.​ഇ​യി​ലെ എ​മി​റേ​റ്റു​ക​ളി​ലൊ​ന്നാ​യ ഫു​ജൈ​റ​യു​ടെ ശൈ​ഖ് ആ​ണ് വി​ളി​പ്പി​ച്ചി​രി​ക്കു​ന്ന​ത്. ഇ​ട്ടി​രു​ന്ന വ​സ്ത്രം​പോ​ലും മാ​റ്റാ​ന്‍ സ​മ​യം ന​ല്‍കാ​തെ അ​വ​ര്‍ കൂ​ട്ടി​ക്കൊ​ണ്ടു​പോ​യി. നി​റ​ഞ്ഞ സ്‌​നേ​ഹ​ത്തോ​ടെ ത​ന്നെ ചേ​ര്‍ത്തു പി​ടി​ച്ച് കൊ​ട്ടാ​ര മ​ജ്‌​ലി​സി​ലു​ള്ള​വ​ര്‍ക്കു ശൈ​ഖ് പ​രി​ച​യ​പ്പെ​ടു​ത്തി. ഇ​ത് സെ​യ്ദ് ഷാ​ഫി, എ​ന്‍റെ ചി​ത്രം വ​ര​ച്ച​യാ​ള്‍. വി​വി​ധ നി​റ​ങ്ങ​ളി​ല്‍ പേ​ന കൊ​ണ്ട് ഡോ​ട്ട് ചി​ത്ര​ക​ല​യി​ല്‍ ഫു​ജൈ​റ ശൈ​ഖ് ഹ​മ​ദ് ബി​ന്‍ മു​ഹ​മ്മ​ദ് അ​ല്‍ ഷ​ര്‍ഖി​യു​ടെ ചി​ത്ര​മാ​ണ് സെ​യ്ദ് ഷാ​ഫി വ​ര​ച്ച​ത്. ഈ ​ചി​ത്രം പ്ര​ദ​ര്‍ശ​ന​ത്തി​നു വ​ച്ച​പ്പോ​ള്‍ കാ​ണാ​നെ​ത്തി​യ സ്വ​ദേ​ശി പ​ങ്കു​വ​യ്ക്കു​ക​യാ​യി​രു​ന്നു. തു​ട​ര്‍ന്ന് ശൈ​ഖി​ന്‍റെ ഫോ​ട്ടോ​ഗ്രാ​ഫ​ര്‍ ജാ​വേ​ദ് ആ​ണ് സെ​യ്ദ് ഷാ​ഫി​യെ കൊ​ട്ടാ​ര​ത്തി​ലെ​ത്തി​ച്ച​ത്. നി​റ​യെ സ​മ്മാ​ന​ങ്ങ​ളും ന​ല്‍കി​യാ​ണ് അ​ദ്ദേ​ഹം മ​ട​ക്കി​യ​ത്.

നേ​ട്ട​ങ്ങ​ളു​ടെ നീ​ണ്ട നി​ര ത​ന്നെ ജീ​വി​ത​ത്തി​ലെ​ങ്കി​ലും താ​ന്‍ ക​ട​ന്നു​വ​ഴി​ക​ള്‍ അ​ത്ര സു​ഖ​ക​ര​മാ​യി​രു​ന്നി​ല്ലെ​ന്ന് സെ​യ്ദ് ഓ​ര്‍ക്കു​ന്നു. മൂ​ന്നാം ക്ലാ​സി​ല്‍ പ​ഠി​ക്കു​മ്പോ​ള്‍ മു​ത​ല്‍ വ​ര​ച്ചു തു​ട​ങ്ങി​യെ​ങ്കി​ലും മ​ല്‍സ​ര​ങ്ങ​ളി​ലേ​ക്കൊ​ന്നും എ​ത്തി​പ്പെ​ടാ​ന്‍ ക​ഴി​ഞ്ഞി​ല്ല. ഒ​രി​ക്ക​ല്‍ ടീ​ച്ച​റോ​ട് പ​ടം വ​ര​യ്ക്കാ​ന്‍ പേ​ര് ചേ​ര്‍ക്ക​ണ​മെ​ന്നു പ​റ​ഞ്ഞ​പ്പോ​ള്‍, കി​ഴ​ങ്ങ​ന്‍മാ​ര്‍ക്ക് പ​റ​ഞ്ഞ പ​ണി​യ​ല്ല ഇ​തെ​ന്നാ​യി​രു​ന്നു മ​റു​പ​ടി, പ​ഠി​ക്കാ​ന്‍ അ​ൽ​പം പി​റ​കി​ലാ​യി​രു​ന്ന​ത്രെ. പി​ന്നീ​ട് അ​റ​ബി പ​ഠി​പ്പി​ക്കു​ന്ന അ​ബ്ദു​ല്ല മാ​ഷാ​ണ് മ​ല്‍സ​ര​ങ്ങ​ളി​ലേ​ക്ക് കൈ​പ്പി​ടി​ച്ച​ത്. എ​ട്ടാം ക്ലാ​സി​ല്‍ മ​റ്റൊ​രു സ്‌​കൂ​ളി​ലേ​ക്കു മാ​റി​യ​തോ​ടെ, അ​വി​ടു​ത്തെ ഡ്രോ​യി​ങ് ടീ​ച്ച​ര്‍ വ​ര​യു​ടെ ശാ​സ്ത്രീ​യ ബാ​ല​പാ​ഠ​ങ്ങ​ള്‍ പ​ക​ര്‍ന്നു ന​ല്‍കി. സ്‌​കൂ​ള്‍, കോ​ള​ജ് ത​ല​ങ്ങ​ളി​ലും ചെ​റി​യ വ​ര​ക​ളി​ലൂ​ടെ ക​ട​ന്നു​പോ​യി.

ക​ല്യാ​ണ​ങ്ങ​ള്‍ക്കും മ​റ്റും സ്റ്റു​ഡി​യോ ഫോ​ട്ടോ​ഗ്രാ​ഫ​ര്‍മാ​രെ സ​ഹാ​യി​ക്കാ​ന്‍ ലൈ​റ്റ് ബോ​യി ആ​യി ജോ​ലി ചെ​യ്തു​വ​ര​വേ​യാ​ണ്, പ​ര​സ്യ ഡ​യ​റ​ക്ട​റാ​യ റി​ജു ജോ​ഷി​നെ പ​രി​ച​യ​പ്പെ​ടു​ന്ന​ത്. നീ ​ലൈ​റ്റ​ടി​ച്ച് ഇ​വി​ടെ കൂ​ടേ​ണ്ട​വ​ന​ല്ല, എ​ന്‍റെ കൂ​ടെ പോ​രെ​ന്നാ​യി അ​ദ്ദേ​ഹം. അ​ത് സെ​യ്ദ് ഷാ​ഫി​യു​ടെ ത​ല​വ​ര കൂ​ടി മാ​റ്റി മ​റി​ച്ചു. തി​ങ്ക​ള്‍ മു​ത​ല്‍ വെ​ള്ളി​വ​രെ, ക​റു​ത്ത ജൂ​ത​ന്‍ എ​ന്നീ സി​നി​മ​ക​ളു​ടെ ആ​ര്‍ട്ട് ഡ​യ​റ​ക്ട​ര്‍, ഉ​പ്പും മു​ള​കും സീ​രി​യ​ലി​ന്‍റെ ആ​ര്‍ട്ട് വി​ഭാ​ഗ​ത്തി​ല്‍ എ​ന്നി​ങ്ങ​നെ ജോ​ലി​ക​ളാ​യി.

എ​ങ്കി​ലും ഇ​തൊ​ന്നും​കൊ​ണ്ട് ജീ​വി​ത​മാ​വി​ല്ല, എ​ന്ന തി​രി​ച്ച​റി​വി​ലാ​ണ് സെ​യ്ദ് ഷാ​ഫി 2017ല്‍ ​പ്ര​വാ​സം തി​ര​ഞ്ഞെ​ടു​ക്കു​ന്ന​ത്. ഫു​ജൈ​റ​യി​ലെ ബി​ല്‍ഡി​ങ് മെ​റ്റീ​രി​യ​ല്‍ ക​മ്പ​നി​യി​ലാ​ണ് ജോ​ലി. ജോ​ലി​ത്തി​ര​ക്കി​നി​ടെ ക​മ്പ​നി ഉ​ട​മ​ക​ളു​ടെ​യും മാ​നേ​ജ​ര്‍മാ​രു​ടെ​യു​മൊ​ക്കെ ചി​ത്ര​ങ്ങ​ള്‍ വ​ര​ച്ചു കൊ​ടു​ത്ത​തോ​ടെ അ​വ​ര്‍ പൂ​ര്‍ണ പി​ന്തു​ണ​യും ന​ല്‍കി. ക​മ്പ​നി മാ​നേ​ജ​ര്‍ പി.​എ. ഹു​സൈ​നും ത​ന്‍റെ ക​ലാ​വാ​സ​ന​യെ പ​രി​പോ​ഷി​പ്പി​ക്കാ​ന്‍ ഏ​റെ സ​ഹാ​യ​ങ്ങ​ള്‍ ചെ​യ്യു​ന്നു. ഇ​തി​നി​ടെ​യാ​ണ് യു.​എ.​ഇ ദേ​ശീ​യ ദി​ന​ത്തോ​ട് അ​നു​ബ​ന്ധി​ച്ച് 25200 സ്‌​ക്രൂ​ക​ള്‍ ഉ​പ​യോ​ഗി​ച്ച് രാ​ഷ്ട്ര പി​താ​വ് ശൈ​ഖ് സാ​യി​ദി​ന്‍റെ ചി​ത്രം ഒ​രു​ക്കി​യ​ത്. ഈ ​ചി​ത്രം ഇ​ന്ത്യ ബു​ക്ക് ഓ​ഫ് റെ​ക്കോ​ര്‍ഡ്‌​സി​ല്‍ ഇ​ടം നേ​ടു​ക​യും ചെ​യ്തു. നാ​ല​ടി നീ​ള​വും മൂ​ന്ന​ടി വീ​തി​യു​മു​ള്ള ചി​ത്രം 29 ദി​വ​സം കൊ​ണ്ടാ​ണ് പൂ​ര്‍ത്തി​യാ​ക്കി​യ​ത്. ചി​ത്രം യു.​ആ​ര്‍.​എ​ഫ് (യൂ​നി​വേ​ഴ്‌​സ​ല്‍ റെ​ക്കോ​ര്‍ഡ്‌​സ് ഫോ​റം) ഏ​ഷ്യ​ന്‍ റെ​ക്കോ​ര്‍ഡും ക​ര​സ്ഥ​മാ​ക്കി. നാ​ട്ടി​ക​ക്കാ​രു​ടെ പ​രി​പാ​ടി​യി​ല്‍ വ​ച്ച് താ​ന്‍ വ​ര​ച്ച എം.​എ. യൂ​സു​ഫ​ലി​യു​ടെ ചി​ത്ര​വും കൈ​മാ​റി​യി​രു​ന്നു. യൂ​സു​ഫ​ലി​യും സ​മ്മാ​ന​ങ്ങ​ള്‍ ന​ല്‍കി അ​ഭി​ന​ന്ദ​നം അ​റി​യി​ച്ചു. പ്ലൈ​വു​ഡി​ല്‍ ക​റു​ത്ത ക​ള​ര്‍ പേ​ന കൊ​ണ്ട് ഡോ​ട്ട് ചി​ത്ര​ക​ല​യി​ലൂ​ടെ മ​ക്ക​യു​ടെ വ​ലി​യ ചി​ത്രം വ​ര​ച്ച് ലോ​ക റെ​ക്കോ​ര്‍ഡ് സ്വ​ന്ത​മാ​ക്കാ​നു​ള്ള പ്ര​യ​ത്‌​ന​ത്തി​ലാ​ണ് ഇ​പ്പോ​ള്‍. വ​ര മാ​ത്ര​മ​ല്ല, കോ​യി​ന്‍, ക​റ​ന്‍സി ക​ള​ക്ഷ​നി​ലും ക​മ്പ​മു​ണ്ട് ഇ​ദ്ദേ​ഹ​ത്തി​ന്. 2007ല്‍ ​തു​ട​ങ്ങി​യ ക​ള​ക്ഷ​നി​ല്‍ നൂ​റി​ല​ധി​കം രാ​ജ്യ​ങ്ങ​ളു​ടെ നാ​ണ​യ​ങ്ങ​ളാ​ണ് കൈ​വ​ശ​പ്പെ​ടു​ത്തി​യ​ത്.

പ്ലൈ​വു​ഡി​ല്‍ ഷാ​ര്‍ജ ശൈ​ഖ് ഡോ. ​സു​ല്‍ത്താ​ന്‍ മു​ഹ​മ്മ​ദ് ഖാ​സി​മി​യു​ടെ ചി​ത്ര​വും വ​ര​ച്ചു പൂ​ര്‍ത്തി​യാ​ക്കി​യി​ട്ടു​ണ്ട്. അ​ടു​ത്ത ഷാ​ര്‍ജ ബു​ക്ക് ഫെ​യ​റി​ല്‍ നേ​രി​ട്ട് കൈ​മാ​റ​ണം. മ​റ്റൊ​രു വ​ലി​യ ആ​ഗ്ര​ഹം കൂ​ടി​യു​ണ്ട് സെ​യ്ദ് ഷാ​ഫി​ക്ക്, താ​ന്‍ വ​ര​ച്ച ശൈ​ഖ് ഹം​ദാ​ന്‍റെ ചി​ത്ര​മാ​ണ​ത്. അ​ദ്ദേ​ഹ​ത്തെ നേ​രി​ല്‍ക്ക​ണ്ട് കൊ​ടു​ക്ക​ണം. ആ ​സ്വ​പ്‌​ന​വും സ​ഫ​ല​മാ​വു​മെ​ന്നു ത​ന്നെ​യാ​ണ് പ്ര​തീ​ക്ഷ. ‘തൃ​ശൂ​ര്‍ മു​സ്​​ലിം​ക​ള്‍ ച​രി​ത്ര​വും സ​മൂ​ഹ​വും’ എ​ന്ന ഡോ. ​മോ​യി​ന്‍ മ​ല​യ​മ്മ എ​ഴു​തി​യ പു​സ്ത​ക​ത്തി​ല്‍ സെ​യ്ദ് ഷാ​ഫി​യും ഇ​ടം പി​ടി​ച്ചി​ട്ടു​ണ്ട്. വി​വി​ധ എ​ഴു​ത്തു​കാ​രു​ടെ ക​ഥ​ക​ള്‍ക്കും ക​വി​ത​ക​ള്‍ക്കും വേ​ണ്ടി ഇ​പ്പോ​ള്‍ ചി​ത്ര​ങ്ങ​ള്‍ വ​ര​ച്ചു ന​ല്‍കു​ന്നു​ണ്ട്. ഉ​മ്മ ബീ​വി​ക്കു​ഞ്ഞി ന​ന്നാ​യി വ​ര​യ്ക്കു​മാ​യി​രു​ന്നു എ​ന്ന് അ​ടു​ത്തി​ടെ​യാ​ണ് അ​റി​യു​ന്ന​ത്. പ​ഴ​യ പെ​ട്ടി യാ​ദൃ​ശ്ചി​ക​മാ​യി തു​റ​ന്ന​പ്പോ​ള്‍ ഉ​മ്മ വ​ര​ച്ച കു​റേ ചി​ത്ര​ങ്ങ​ള്‍.

അ​ത് നി​ധി പോ​ലെ സൂ​ക്ഷി​ച്ചു​വ​ച്ചി​രി​ക്കു​ക​യാ​ണ് കു​ടും​ബം. ഉ​മ്മ​യു​ടെ ക​ലാ​വാ​സ​ന ത​നി​ക്കും പ​ക​ര്‍ന്നു കി​ട്ടി​യ​താ​ണെ​ന്നു ക​രു​താ​നാ​ണ് സെ​യ്ദ് ഷാ​ഫി​ക്കും ഇ​ഷ്ടം. തൃ​ശൂ​ര്‍ ക​യ്പ​മം​ഗ​ലം കൂ​രി​ക്കു​ഴി കൊ​ടു​വി​ല്‍ വീ​ട്ടി​ല്‍ അ​ബ്ദു​ല്‍ ഗ​ഫൂ​റാ​ണ് പി​താ​വ്. ഭാ​ര്യ ന​ജ്മ​ത്ത്. മ​ക​ന്‍ സെ​യ്ദ് ഹം​ദാ​ന്‍. സ​മീ​ന, സു​ഹാ​ന എ​ന്നി​വ​ർ സ​ഹോ​ദ​രി​മാ​രാ​ണ്.