ആ​ഷി​ഖി​ന്‍റെ പോ​സ്റ്റ്മോ​ർ​ട്ടം പൂർത്തിയായി; മൃ​ത​ദേ​ഹ​ത്തി​ൽ ആ​ഴ​ത്തി​ലു​ള്ള അ​ഞ്ച്​ മു​റി​വു​ക​ൾ

ഒ​റ്റ​പ്പാ​ലം: സു​ഹൃ​ത്ത്​ കു​ത്തി​ക്കൊ​ല​പ്പെ​ടു​ത്തി കു​ഴി​ച്ചു​മൂ​ടി​യ ല​ക്കി​ടി മം​ഗ​ലം കേ​ല​ത്ത് വീ​ട്ടി​ൽ ആ​ഷി​ഖി​ന്‍റെ (24) മൃ​ത​ദേ​ഹ​ത്തി​ൽ ആ​ഴ​ത്തി​ലു​ള്ള അ​ഞ്ച്​ മു​റി​വു​ക​ളു​ള്ള​താ​യി പോ​സ്റ്റ്മോ​ർ​ട്ടം റി​പ്പോ​ർ​ട്ട്. അ​ഴി​ക്ക​ല​പ്പ​റ​മ്പ് പ്ര​ദേ​ശ​ത്ത് മു​ള​ഞ്ഞൂ​ർ തോ​ടി​നോ​ട് ചേ​ർ​ന്ന സ്വ​കാ​ര്യ വ്യ​ക്തി​യു​ടെ വി​ജ​ന​മാ​യ പ​റ​മ്പി​ൽ​നി​ന്ന് ചൊ​വ്വാ​ഴ്ച​യാ​ണ് പൊ​ലീ​സ് മൃ​ത​ദേ​ഹം ക​ണ്ടെ​ടു​ത്ത​ത്. ബു​ധ​നാ​ഴ്ച ന​ട​ന്ന പോ​സ്റ്റ്മോ​ർ​ട്ട​ത്തി​ലാ​ണ് മ​ര​ണ​കാ​ര​ണം ക​ത്തി​കൊ​ണ്ട്​ കു​ത്തേ​റ്റ​താ​ണെ​ന്ന് ക​ണ്ടെ​ത്തി​യ​ത്. നെ​ഞ്ചി​ലേ​റ്റ ആ​ഴ​ത്തി​ലു​ള്ള മു​റി​വി​ൽ​നി​ന്ന്​ ര​ക്തം വാ​ർ​ന്നാ​ണ്​ മ​ര​ണം സം​ഭ​വി​ച്ച​ത്. ക​ഴു​ത്തി​നും കു​ത്തേ​റ്റി​ട്ടു​ണ്ട്. വി​വി​ധ ഭാ​ഗ​ങ്ങ​ളി​ൽ ച​ത​വു​ക​ളു​ണ്ട്.

മോ​ഷ​ണ​ക്കേ​സി​ൽ പി​ടി​യി​ലാ​യ പാ​ല​പ്പു​റം അ​ഴി​ക്ക​ല​പ്പ​റ​മ്പ് പാ​റ​ക്ക​ൽ മു​ഹ​മ്മ​ദ് ഫി​റോ​സി​നെ (25) ചോ​ദ്യം ചെ​യ്യ​വെ​യാ​ണ് സു​ഹൃ​ത്താ​യ ആ​ഷി​ഖി​നെ ര​ണ്ട് മാ​സം മു​മ്പ് കൊ​ന്ന്​ കു​ഴി​ച്ചു​മൂ​ടി​യ വി​വ​രം ല​ഭി​ച്ച​ത്. 2015ൽ ​പ​ട്ടാ​മ്പി ഓ​ങ്ങ​ല്ലൂ​രി​ലെ വ്യാ​പാ​ര സ്ഥാ​പ​ന​ത്തി​ൽ ന​ട​ന്ന മോ​ഷ​ണ​വു​മാ​യി ബ​ന്ധ​പ്പെ​ട്ടാ​ണ് പ​ട്ടാ​മ്പി പൊ​ലീ​സ് മു​ഹ​മ്മ​ദ് ഫി​റോ​സി​നെ അ​റ​സ്റ്റ് ചെ​യ്ത​ത്. കൂ​ട്ടു​പ്ര​തി​യാ​യ ആ​ഷി​ഖി​നെ​ക്കു​റി​ച്ചു​ള്ള അ​ന്വേ​ഷ​ണ​മാ​ണ് തേ​ഞ്ഞു​മാ​ഞ്ഞു പോ​കു​മാ​യി​രു​ന്ന കൊ​ല​പാ​ത​ക​ത്തി​ന്‍റെ മ​റ​നീ​ക്കി​യ​ത്. നി​ര​വ​ധി ക​ഞ്ചാ​വ് കേ​സു​ക​ളി​ൽ പ്ര​തി​ക​ളാ​യി​രു​ന്നു ഇ​രു​വ​രും. ഫി​റോ​സ് വി​ദേ​ശ​ത്തേ​ക്ക് പോ​കു​ന്ന​തു​മാ​യി ബ​ന്ധ​പ്പെ​ട്ടു​ണ്ടാ​യ ത​ർ​ക്ക​മാ​ണ് കൊ​ല​പാ​ത​ക​ത്തി​ലെ​ത്തി​ച്ച​ത്. കേ​സു​ക​ൾ ഒ​റ്റ​ക്ക് ന​ട​ത്തേ​ണ്ടി വ​രു​മെ​ന്ന ആ​ഷി​ഖി​ൻെ​റ ആ​ശ​ങ്ക​യാ​ണ് ത​ർ​ക്ക​ത്തി​ന് ഇ​ട​യാ​ക്കി​യ​ത്. ആ​ഷി​ഖ് ത​ന്നെ ആ​ക്ര​മി​ക്കാ​ൻ എ​ടു​ത്ത ക​ത്തി പി​ടി​ച്ചു​വാ​ങ്ങി ആ​ഷി​ഖി​നെ കു​ത്തു​ക​യാ​യി​രു​ന്നെ​ന്നാ​ണ് ഫി​റോ​സ് പൊ​ലീ​സി​ന് ന​ൽ​കി​യ മൊ​ഴി.

ക​ത്തി ക​ണ്ടെ​ടു​ക്കാ​ൻ ക​ഴി​ഞ്ഞി​ട്ടി​ല്ല. മൃ​ത​ദേ​ഹം ആ​ഷി​ഖി​ന്‍റേ​തു​ത​ന്നെ​യെ​ന്ന്​ ഉ​റ​പ്പു​വ​രു​ത്താ​ൻ ഡി.​എ​ൻ.​എ പ​രി​ശോ​ധ​ന ന​ട​ത്താ​ൻ ന​ട​പ​ടി ആ​രം​ഭി​ച്ചു. മു​ഹ​മ്മ​ദ് ഫി​റോ​സി​നെ പ​ട്ടാ​മ്പി കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു. ക​സ്റ്റ​ഡി​യി​ൽ വാ​ങ്ങി തെ​ളി​വെ​ടു​പ്പ്​ ന​ട​ത്തും.