സി​ങ് വി​യു​ടെ ദുഃ​ഖം; അ​ഖി​ലേ​ഷി​ന്റെയും

സ​മാ​ജ്‍വാ​ദി പാ​ർ​ട്ടി നേ​താ​വ് അ​ഖി​ലേ​ഷ് യാ​ദ​വി​ന് ആ​ശ്വാ​സ​ത്തി​ന് വ​ക​യു​ണ്ട്. ചീ​ഫ് വി​പ്പ​ട​ക്കം കൂ​ട്ട​ത്തി​ലു​ള്ള എ​ട്ടു​പേ​രാ​ണ് ബി.​ജെ.​പി​ക്ക് വോ​ട്ടു കു​ത്തി സ്വ​ന്തം സ്ഥാ​നാ​ർ​ഥി​യെ തോ​ൽ​പി​ച്ച​ത്. എ​ന്നാ​ൽ, അ​ഖി​ലേ​ഷ് വി​ളി​ച്ച അ​ത്താ​ഴ​വി​രു​ന്നി​ൽ പ​ങ്കെ​ടു​ക്കാ​നു​ള്ള ഉ​ളു​പ്പി​ല്ലാ​യ്മ അ​വ​ർ​ക്ക് ഉ​ണ്ടാ​യി​ല്ല!

വീ​ണ്ടും രാ​ജ്യ​സ​ഭ പൂ​കാ​ൻ ഹി​മാ​ച​ൽ​പ്ര​ദേ​ശ് വ​രെ പോ​യി നാ​ണം​കെ​ട്ട രാ​ത്രി​യി​ൽ കോ​ൺ​ഗ്ര​സ് വ​ക്താ​വു കൂ​ടി​യാ​യ മു​തി​ർ​ന്ന അ​ഭി​ഭാ​ഷ​ക​ൻ അ​ഭി​ഷേ​ക് സി​ങ് വി ​മ​ന​സ്സ് തു​റ​ന്നു. ത​ലേ​ന്നു രാ​ത്രി ഒ​രു​മി​ച്ചി​രു​ന്ന് അ​ത്താ​ഴ​വും വോ​ട്ടെ​ടു​പ്പു ദി​വ​സം പ്ര​ഭാ​ത​ഭ​ക്ഷ​ണ​വും ക​ഴി​ച്ച ഒ​മ്പ​തു​പേ​രാ​ണ് നേ​രെ പോ​യി ബി.​ജെ.​പി​ക്ക് വോ​ട്ടു കു​ത്തി​യ​ത്. ത​നി​നി​റം കാ​ണി​ച്ചു​ത​ന്ന അ​വ​ർ​ക്കെ​ല്ലാം ന​ന്ദി. മ​നു​ഷ്യ​സ്വ​ഭാ​വം നി​ർ​ണ​യി​ക്കാ​ൻ ന​മു​ക്ക് ക​ഴി​യി​ല്ലെ​ന്ന് അ​വ​ർ പ​ഠി​പ്പി​ച്ചു -അ​ദ്ദേ​ഹം പ​റ​ഞ്ഞു.

അ​തു​വെ​ച്ചു നോ​ക്കി​യാ​ൽ, സ​മാ​ജ്‍വാ​ദി പാ​ർ​ട്ടി നേ​താ​വ് അ​ഖി​ലേ​ഷ് യാ​ദ​വി​ന് ആ​ശ്വാ​സ​ത്തി​ന് വ​ക​യു​ണ്ട്. ചീ​ഫ് വി​പ്പ​ട​ക്കം കൂ​ട്ട​ത്തി​ലു​ള്ള എ​ട്ടു​പേ​രാ​ണ് ബി.​ജെ.​പി​ക്ക് വോ​ട്ടു കു​ത്തി സ്വ​ന്തം സ്ഥാ​നാ​ർ​ഥി​യെ തോ​ൽ​പി​ച്ച​ത്.

എ​ന്നാ​ൽ, അ​ഖി​ലേ​ഷ് വി​ളി​ച്ച അ​ത്താ​ഴ​വി​രു​ന്നി​ൽ പ​ങ്കെ​ടു​ക്കാ​നു​ള്ള ഉ​ളു​പ്പി​ല്ലാ​യ്മ അ​വ​ർ​ക്ക് ഉ​ണ്ടാ​യി​ല്ല! യ​ഥാ​ർ​ഥ സു​ഹൃ​ത്തു​ക്ക​ൾ ആ​രൊ​ക്കെ​യാ​ണെ​ന്ന് അ​റി​യാ​ൻ സാ​ധി​ച്ചു​വെ​ന്ന് അ​ഖി​ലേ​ഷ് സ​മാ​ശ്വ​സി​ക്കു​ന്നു. അ​ത​റി​യാ​നു​ള്ള പ​രീ​ക്ഷ​ണം​കൂ​ടി​യാ​ണ് താ​ൻ ന​ട​ത്തി​യ​തെ​ന്ന് വി​വ​രി​ക്കു​ന്നു. പ​ണ​വും ഭ​യ​വും വി​ത​ച്ച് കൂ​റു​മാ​റ്റു​ന്ന ബി.​ജെ.​പി​ക്കു മു​ന്നി​ൽ എ​ന്തു​ചെ​യ്യാ​ൻ എ​ന്ന നി​സ്സ​ഹാ​യ​ത​കൂ​ടി പ്ര​ക​ടി​പ്പി​ക്കു​ന്നു​ണ്ട്, അ​ഖി​ലേ​ഷ്.

വ​ര​ണാ​ധി​കാ​രി​യെ​യും വ​ശ​ത്താ​ക്കു​ന്ന ബി.​ജെ.​പി രീ​തി ച​ണ്ഡി​ഗ​ഢ് മേ​യ​ർ തെ​ര​ഞ്ഞെ​ടു​പ്പു സം​ഭ​വ​ത്തി​ൽ തു​ട​ങ്ങു​ന്ന​തോ അ​വ​സാ​നി​ക്കു​ന്ന​തോ അ​ല്ല. ച​ണ്ഡി​ഗ​ഢ് സം​ഭ​വ​ത്തി​ലെ സു​പ്രീം​കോ​ട​തി ശാ​സ​ന​ത്തി​ന്‍റെ ചൂ​ടാ​റും​മു​മ്പ് ഹി​മാ​ച​ൽ​പ്ര​ദേ​ശി​ൽ ന​ട​ന്ന​ത് എ​ന്താ​ണെ​ന്ന് അ​ഭി​ഷേ​ക് സി​ങ് വി ​ത​ന്നെ വി​ശ​ദീ​ക​രി​ച്ചി​ട്ടു​ണ്ട്.

ഒ​മ്പ​ത് എം.​എ​ൽ.​എ​മാ​ർ കു​തി​കാ​ൽ വെ​ട്ടി​യ രാ​ജ്യ​സ​ഭ തെ​ര​ഞ്ഞെ​ടു​പ്പി​ൽ വോ​ട്ട് എ​ണ്ണി​യ​പ്പോ​ൾ 34-34 എ​ന്ന നി​ല​വ​ന്നു. ഒ​റ്റ വോ​ട്ടും അ​സാ​ധു​വാ​ക്കാ​തെ​യാ​ണ് കൂ​റു​മാ​റി​യ​വ​ർ നി​ശ്ച​യ​ദാ​ർ​ഢ്യം പ്ര​ക​ട​മാ​ക്കി​യ​ത്. സ​മ​നി​ല വ​ന്നാ​ൽ ന​റു​ക്കെ​ടു​പ്പ് വേ​ണം. ര​ണ്ടു സ്ഥാ​നാ​ർ​ഥി​ക​ളു​ടെ​യും പേ​രെ​ഴു​തി​യി​ട്ട പെ​ട്ടി​യി​ൽ​നി​ന്ന് എ​ടു​ത്ത ന​റു​ക്ക് സി​ങ് വി​യു​ടേ​താ​യി​രു​ന്നു.

പ​ക്ഷേ, എ​ടു​ക്കാ​തെ പെ​ട്ടി​യി​ൽ കി​ട​ക്കു​ന്ന ന​റു​ക്കി​ലെ പേ​രു​കാ​ര​നാ​ണ് ജ​യി​ച്ച​യാ​ൾ എ​ന്ന് വ​ര​ണാ​ധി​കാ​രി പ്ര​ഖ്യാ​പി​ച്ചു. തെ​ര​ഞ്ഞെ​ടു​പ്പു ക​മീ​ഷ​ൻ ച​ട്ടം അ​ങ്ങ​നെ​യാ​ണ​ത്രേ.

സി​ങ് വി​യോ, മു​ഖ്യ​മ​ന്ത്രി സു​ഖ് വീ​ന്ദ​റോ വ​ലി​യ ത​ർ​ക്ക​ത്തി​നൊ​ന്നും പോ​കാ​തെ തോ​ൽ​വി സ​മ്മ​തി​ച്ചു. സ്വ​ന്തം പാ​ർ​ട്ടി​ക്കാ​രു​ടെ കു​തി​കാ​ൽ വെ​ട്ടേ​റ്റ പു​ള​ച്ചി​ലി​ലാ​യി​രു​ന്നു അ​വ​ർ. ഒ​റ്റ രാ​ജ്യ​സ​ഭ സീ​റ്റി​ലേ​ക്ക് ന​ട​ന്ന വോ​ട്ടെ​ടു​പ്പി​ൽ ഭ​ര​ണ​ക​ക്ഷി സ്ഥാ​നാ​ർ​ഥി​യെ തോ​ൽ​പി​ച്ച​തി​നു പു​റ​മെ, നി​യ​മ​സ​ഭ തെ​ര​ഞ്ഞെ​ടു​പ്പി​ൽ വ്യ​ക്ത​മാ​യ ഭൂ​രി​പ​ക്ഷ​ത്തോ​ടെ ല​ഭി​ച്ച അ​ധി​കാ​രം കാ​ലു​മാ​റ്റ​ത്തി​ലൂ​ടെ ന​ഷ്ട​പ്പെ​ടു​ന്ന സ്ഥി​തി​യാ​ണ് ഹി​മാ​ച​ലി​ൽ കോ​ൺ​ഗ്ര​സ് നേ​രി​ടു​ന്ന​ത്.

യ​ഥാ​ർ​ഥ​ത്തി​ൽ അ​തി​നും അ​പ്പു​റ​ത്താ​ണ് രാ​ജ്യ​ത്തെ രാ​ഷ്ട്രീ​യ സാ​ഹ​ച​ര്യ​ങ്ങ​ൾ. ലോ​ക്സ​ഭ തെ​ര​ഞ്ഞെ​ടു​പ്പ് അ​ടു​ത്തു വ​രു​ന്ന​തി​നി​ട​യി​ൽ ഒ​പ്പം നി​ൽ​ക്കു​ന്ന​വ​രെ അ​വി​ശ്വ​സി​ക്കേ​ണ്ട ഗ​തി​കേ​ടി​ലേ​ക്കാ​ണ് കോ​ൺ​ഗ്ര​സി​നെ മാ​ത്ര​മ​ല്ല, പ്ര​തി​പ​ക്ഷ പാ​ർ​ട്ടി​ക​ളെ​യ​പ്പാ​ടെ ബി.​ജെ.​പി എ​ടു​ത്തെ​റി​ഞ്ഞി​രി​ക്കു​ന്ന​ത്.

അ​സ​മി​ൽ കോ​ൺ​ഗ്ര​സി​ന്‍റെ സം​സ്ഥാ​ന വ​ർ​ക്കി​ങ് പ്ര​സി​ഡ​ന്‍റാ​ണ് കാ​വി പു​ത​ച്ച​ത്. മ​ഹാ​രാ​ഷ്ട്ര​യി​ൽ കോ​ൺ​ഗ്ര​സി​ന്‍റെ മു​ൻ മു​ഖ്യ​മ​ന്ത്രി അ​ശോ​ക് ച​വാ​നാ​ണ് ബി.​ജെ.​പി​യി​ൽ എ​ത്തി​യ​ത്. മ​ധ്യ​പ്ര​ദേ​ശി​ൽ​നി​ന്ന് ര​ണ്ടും ക​ൽ​പി​ച്ചി​റ​ങ്ങി​യ മു​ൻ മു​ഖ്യ​മ​ന്ത്രി ക​മ​ൽ​നാ​ഥ് ഡ​ൽ​ഹി യാ​ത്ര​യി​ൽ ഒ​ന്നും ന​ട​ക്കാ​തെ​യാ​ണ് കോ​ൺ​ഗ്ര​സ് പാ​ള​യ​ത്തി​ലേ​ക്ക് മ​ട​ങ്ങി​യ​ത്. ഇ​ൻ​ഡ്യ സ​ഖ്യ​ത്തി​ന്‍റെ പ്ര​ധാ​ന​മ​ന്ത്രി സ്ഥാ​നാ​ർ​ഥി ച​മ​ഞ്ഞു​ന​ട​ന്നി​രു​ന്ന ക​ൺ​വീ​ന​ർ നി​തീ​ഷ് കു​മാ​റാ​ണ് ബി​ഹാ​റി​ൽ മു​ന്ന​ണി മാ​റി വീ​ണ്ടും വി​രു​ത​നോ​ന്താ​യ​ത്.

മ​ഹാ​രാ​ഷ്ട്ര​യി​ൽ ക​ടു​ത്ത വെ​ല്ലു​വി​ളി ഉ​യ​ർ​ത്തി​യ പ്ര​തി​പ​ക്ഷ സ​ഖ്യ​ത്തി​ലെ മൂ​ന്നു പ്ര​മു​ഖ പാ​ർ​ട്ടി​ക​ളെ ബി.​ജെ.​പി ആ​റു ക​ഷ​ണ​മാ​ക്കി. വ​ഴ​ങ്ങി​ല്ലെ​ന്നു വ​ന്ന ജെ.​എം.​എം നേ​താ​വ് ഹേ​മ​ന്ത് സോ​റ​ൻ ജ​യി​ലി​ൽ. ഡ​ൽ​ഹി മു​ഖ്യ​മ​ന്ത്രി അ​ര​വി​ന്ദ് കെ​ജ്രി​വാ​ളി​ന് എ​ട്ടാ​മ​തും നോ​ട്ടീ​സ​യ​ച്ച് ഇ.​ഡി ഒ​രു​ങ്ങു​ന്നു.

ഇ​തി​നൊ​പ്പ​മാ​ണ്, പു​തി​യ ഇ​നം മൈ​ക്രോ മാ​നേ​ജ്മെ​ന്‍റ് രീ​തി. ജാ​തി, ഉ​പ​ജാ​തി വി​ഭാ​ഗ​ങ്ങ​ളെ പ്രാ​ദേ​ശി​ക​മാ​യി ബി.​ജെ.​പി​യി​ലേ​ക്ക് ത​ന്ത്ര​പ​ര​മാ​യി അ​ടു​പ്പി​ക്കു​ന്ന മൈ​ക്രോ മാ​നേ​ജ്മെ​ന്‍റി​ൽ അ​ഗ്ര​ഗ​ണ്യ​ന​ത്രേ ആ​ഭ്യ​ന്ത​ര മ​ന്ത്രി അ​മി​ത് ഷാ. ​അ​തെ​ന്താ​യാ​ലും, അ​യോ​ധ്യ​യി​ലെ പ്രാ​ണ​പ്ര​തി​ഷ്ഠ​യു​ടെ അ​ക​മ്പ​ടി​യോ​ടെ വി​വി​ധ ഹൈ​ന്ദ​വ വി​ഭാ​ഗ​ങ്ങ​ളു​ടെ വി​കാ​ര​ത്തെ അ​ങ്ങേ​യ​റ്റം സ്വാ​ധീ​നി​ക്കാ​നും പ്ര​തി​പ​ക്ഷ പാ​ർ​ട്ടി​ക​ൾ​ക്കു​ള്ളി​ൽ വി​ള്ള​ൽ സൃ​ഷ്ടി​ക്കാ​നും ബി.​ജെ.​പി ആ​സൂ​ത്രി​ത​മാ​യി ശ്ര​മി​ക്കു​ന്നു​ണ്ട്.

പ്രാ​ണ​പ്ര​തി​ഷ്ഠാ വി​കാ​ര​ത്ത​ള്ള​ലി​ലൂ​ടെ ക​ട​ന്നു​പോ​കു​ന്ന യു.​പി​യി​ൽ, യാ​ദ​വ​കു​ല സം​ര​ക്ഷ​ക​ർ കൂ​ടി​യാ​യ സ​മാ​ജ്‍വാ​ദി പാ​ർ​ട്ടി​യു​ടെ എ​ട്ട് എം.​എ​ൽ.​എ​മാ​ർ രാ​ജ്യ​സ​ഭ വോ​ട്ടെ​ടു​പ്പി​ൽ കൂ​റു​മാ​റി​യ​തി​നെ ഒ​റ്റ​ത്ത​വ​ണ​ത്തെ അ​പ​ഭ്രം​ശ​മാ​യി കാ​ണാ​ൻ ക​ഴി​യി​ല്ല ത​ന്നെ.

പി​ന്നാ​ക്ക വി​ഭാ​ഗ ര​ക്ഷ​ക​രാ​യ മാ​യാ​വ​തി​യു​ടെ ബി.​എ​സ്.​പി മെ​ലി​ഞ്ഞൊ​ട്ടി​യി​രി​ക്കു​ന്നു. കാ​വി​യും ക​ള​ഭ​വും ചാ​ർ​ത്തി​യ ബു​ൾ​ഡോ​സ​ർ വാ​ഴ്ച​ക്കി​ട​യി​ൽ അ​ണി​ക​ളെ ഹി​ന്ദു​ത്വം ആ​വേ​ശി​ക്കു​ക​യും, നേ​താ​ക്ക​ളെ നി​ല​നി​ൽ​പ് ഭീ​ഷ​ണി വേ​ട്ട​യാ​ടു​ക​യും​ചെ​യ്യു​ന്നു. കോ​ൺ​ഗ്ര​സി​ലെ ഉ​ൾ​പ്പോ​രി​നൊ​പ്പം, ഹി​മാ​ച​ൽ പ്ര​ദേ​ശി​ലെ സം​ഭ​വ​വി​കാ​സ​ങ്ങ​ളി​ലും ഹി​ന്ദു​ത്വാ​വേ​ശം തെ​ളി​ഞ്ഞു കാ​ണാം.

പ്രാ​ണ​പ്ര​തി​ഷ്ഠ​ക്ക് ക്ഷ​ണം ല​ഭി​ച്ച​വ​രും, ഹൈ​ക​മാ​ൻ​ഡ് നി​ല​പാ​ടു നോ​ക്കാ​തെ ച​ട​ങ്ങി​ന് പോ​യ​വ​രു​മാ​ണ് അ​വി​ട​ത്തെ കോ​ൺ​ഗ്ര​സ് നേ​താ​ക്ക​ൾ. കോ​ൺ​ഗ്ര​സ് സ്ഥാ​നാ​ർ​ഥി​ക്കൊ​പ്പം ക​ഴി​ച്ച അ​ത്താ​ഴ​വും ബ്രേ​ക്ഫാ​സ്റ്റും ദ​ഹി​ക്കും മു​മ്പേ ബി.​ജെ.​പി സ്ഥാ​നാ​ർ​ഥി​ക്ക് വോ​ട്ടു ചെ​യ്യാ​ൻ ഉ​ളു​പ്പി​ല്ലാ​ത്ത മാ​ന​സി​കാ​വ​സ്ഥ ഹി​മാ​ച​ലി​ൽ മാ​ത്ര​മ​ല്ല, പ​ല പ്ര​തി​പ​ക്ഷ പാ​ർ​ട്ടി​ക​ളി​ലും ബി.​ജെ.​പി കു​ത്തി​വെ​ക്കു​ന്നു​വെ​ന്നാ​ണ് കാ​ണേ​ണ്ട​ത്.

അ​താ​ണ് പു​തി​യ ഇ​നം മൈ​ക്രോ മാ​നേ​ജ്മെ​ന്‍റ്. വോ​ട്ടു​യ​ന്ത്ര​ത്തി​ലാ​ണോ, വോ​ട്ടു സ്വാ​ധീ​നി​ക്കേ​ണ്ട നേ​താ​ക്ക​ളി​ലാ​ണോ തി​രി​മ​റി ന​ട​ക്കു​ന്ന​ത്?

അ​പ​ര​വ​ത്ക​ര​ണ​ത്തി​ലൂ​ടെ രാ​ഷ്ട്രീ​യ മേ​ധാ​വി​ത്വം സ്ഥാ​പി​ച്ച ഹി​ന്ദു​ത്വാ​ശ​യ​ത്തി​ന്‍റെ പി​ൻ​പ​റ്റു​കാ​രാ​യി മാ​റി​ക്കൊ​ണ്ട് ഭ​ര​ണാ​ധി​കാ​രി​ക​ളു​ടെ പ്രീ​തി​യാ​ർ​ജി​ക്കാ​നും സു​ഖ​സൗ​ക​ര്യ​ങ്ങ​ൾ​ക്ക് പി​ന്നാ​ലെ പോ​കാ​നും ത​ത്ര​പ്പെ​ടു​ന്ന പി.​സി. ജോ​ർ​ജു​മാ​രു​ടെ​യും സ​മു​ദാ​യ പ്ര​മാ​ണി​മാ​രു​ടെ​യും എ​ണ്ണം പെ​രു​കു​ന്നു. മ​ത​നി​ര​പേ​ക്ഷ-​ജ​നാ​ധി​പ​ത്യ-​ഭ​ര​ണ​ഘ​ട​നാ സ​ങ്ക​ൽ​പ​ങ്ങ​ളൊ​ന്നു​മ​ല്ല അ​വ​ർ​ക്ക് പ്ര​ധാ​നം.

ലോ​ക്സ​ഭ തെ​ര​ഞ്ഞെ​ടു​പ്പി​ലൂ​ടെ ബി.​ജെ.​പി​യാ​ണ് വീ​ണ്ടും അ​ധി​കാ​ര​ത്തി​ൽ വ​രു​ക​യെ​ന്നും, രാ​ജ്യ​ത്തി​ന്‍റെ നി​യ​ന്ത്ര​ണം ഹി​ന്ദു​ത്വാ​ശ​യ ഗം​ഭീ​ര​ന്മാ​ർ കൈ​യ​ട​ക്കി​ക്ക​ഴി​ഞ്ഞെ​ന്നും അ​വ​ർ തീ​ർ​ച്ച​പ്പെ​ടു​ത്തി​ക്ക​ഴി​ഞ്ഞു. അ​തി​ന​നു​സൃ​ത​മാ​യി സ്വ​ന്തം ‘കൃ​ഷി’​ക്ക് വെ​ള്ള​വും വ​ള​വും സം​ഘ​ടി​പ്പി​ക്കാ​നു​ള്ള വെ​മ്പ​ലി​ൽ കു​തി​കാ​ൽ വെ​ട്ട​ണ​മെ​ങ്കി​ൽ, മ​ടി​ക്കി​ല്ല.

10 വ​ർ​ഷം​കൊ​ണ്ട് ജ​നാ​ധി​പ​ത്യ ഇ​ന്ത്യ​യു​ടെ രാ​ഷ്ട്രീ​യ-​സാ​മൂ​ഹി​ക പ​രി​സ​ര​മാ​കെ മാ​റ്റി​മ​റി​ച്ച ബി.​ജെ.​പി​യെ നേ​രി​ടാ​ൻ ലോ​ക്സ​ഭ തെ​ര​ഞ്ഞെ​ടു​പ്പി​ലേ​ക്ക് പ്ര​തി​പ​ക്ഷം നീ​ങ്ങു​ന്ന​ത് ഈ ​പ​ശ്ചാ​ത്ത​ല​ത്തോ​ടെ​യാ​ണ്. ഇ​ൻ​ഡ്യ എ​ന്നെ​ഴു​തി​യാ​ൽ പ്ര​തി​പ​ക്ഷ ഐ​ക്യ​മാ​കു​ന്നി​ല്ല. കോ​ൺ​ഗ്ര​സ് എ​ന്നെ​ഴു​തി​യ പാ​ർ​ട്ടി​ക്കു​ള്ളി​ൽ പ്ര​വ​ർ​ത്ത​ക​ർ​ക്കെ​ല്ലാം ഒ​രു മ​ന​സ്സ​ല്ല.

ലോ​ക്സ​ഭ തെ​ര​ഞ്ഞെ​ടു​പ്പി​ൽ ബി.​ജെ.​പി​ക്ക് നേ​രെ വാ​ളോ​ങ്ങു​ന്ന​തി​നു മു​മ്പ് സ്വ​ന്തം പാ​ർ​ട്ടി കു​ത്ത​ഴി​ഞ്ഞു പോ​കാ​തെ നോ​ക്കേ​ണ്ട സ്ഥി​തി. വ​ർ​ഗീ​യ വി​ഭാ​ഗീ​യ​ത പെ​രു​മ​ര​മാ​യ​തി​നി​ട​യി​ൽ പ്ര​തി​പ​ക്ഷ പാ​ർ​ട്ടി​ക​ൾ, പ്ര​ധാ​ന​മാ​യും കോ​ൺ​ഗ്ര​സ്, ഈ ​അ​വ​സ്ഥ നേ​രി​ടാ​ൻ പ്ര​ധാ​ന കാ​ര​ണം എ​ന്താ​ണ്? ബി.​ജെ.​പി​യു​ടെ രാ​ഷ്ട്രീ​യ പ്ര​മേ​യ​ത്തെ അ​ട്ടി​മ​റി​ക്കാ​ൻ പോ​ന്ന മു​ദ്രാ​വാ​ക്യ​വും നേ​തൃ​സ​മ്പ​ത്തും ക​ർ​മ​പ​ദ്ധ​തി​യും ഇ​നി​യും അ​വ​ർ ക​ണ്ടെ​ടു​ത്തി​ട്ടി​ല്ല എ​ന്ന​താ​ണ് ഈ ​പ​തി​നൊ​ന്നാം മ​ണി​ക്കൂ​ർ നേ​രി​ടു​ന്ന ദു​ര​ന്തം. അ​തി​നേ​ക്കാ​ൾ, മോ​ദി​പ്ര​ഭാ​ർ​ജി​ത ഹി​ന്ദു​ത്വ കാ​ര്യ​പ​രി​പാ​ടി​ക്ക് ഈ ​പാ​ർ​ട്ടി​ക​ളി​ലെ ഒ​രു വി​ഭാ​ഗം അ​ടി​പ്പെ​ടു​ന്നു എ​ന്ന​താ​ണ്.