നിറ്റിയിൽ ഇൻഡസ്​ട്രിയൽ മാനേജ്​മെൻറ്​ പി.ജി ഡിപ്ലോമ

മുംബൈയിലെ നാഷനൽ ഇൻസ്​റ്റിറ്റ്യൂട്ട്​ ഓഫ്​ ഇൻഡസ്​ട്രിയൽ എൻജിനീയറിങ്​ (നിറ്റി) നടത്തുന്ന ഇൻഡസ്​ട്രിയൽ മാനേജ്​മെൻറ്​ (പി.ജി.ഡി.ഐ.എം), സസ്​െറ്റയ്​​നബിലിറ്റി മാനേജ്​മെൻറ്​ (പി.ജി.ഡി.എസ്​.എം) പോസ്​റ്റ്​ ഗ്രാജ്വേറ്റ്​ ഡിപ്ലോമ പ്രോഗ്രാമുകളിലേക്ക്​ ഫസ്​റ്റ്​ ക്ലാസ്​ എൻജിനീയറിങ്​ ബിരുദക്കാർക്ക്​​ അപേക്ഷിക്കാം.

പ്രവേശന വിജ്ഞാപനവും ഇൻഫർമേഷൻ ബ്രോഷറും www.nitie.ac.inൽ​. അപേക്ഷഫീസ്​ 1000 രൂപ. എസ്​.സി/എസ്​.ടി/പി.ഡബ്ല്യു.ഡി വിഭാഗങ്ങൾക്ക്​ 500 രൂപ മതി. അപേക്ഷ ഓൺലൈനായി നവംബർ 27 വരെ.ഏതെങ്കിലും ബ്രാഞ്ചിൽ 60 ശതമാനം മാർക്കിൽ കുറയാത്ത ബി.ഇ/ബി.ടെക്​ ബിരുദവും പ്രാബല്യത്തിലുള്ള ഐ.ഐ.എം കാറ്റ്​/ഗേറ്റ്​/ജിമാറ്റ്​/ജി.ആർ.ഇ സ്​കോറും നേടിയവർക്ക്​ അപേക്ഷിക്കാം​. എസ്​.സി/എസ്​.ടി/പി.ഡബ്ല്യു.ഡി വിഭാഗക്കാർക്ക്​ 55 ശതമാനം മാർക്ക്​ മതി. ഫൈനൽ യോഗ്യത പരീക്ഷ എഴുതുന്നവരെയും പരിഗണിക്കും.രണ്ടു വർഷത്തെ ഫുൾടൈം റെസിഡൻഷ്യൽ കോഴ്​സുകളാണിത്​.മെറിറ്റടിസ്​ഥാനത്തിൽ അപേക്ഷകരുടെ ചുരുക്കപ്പട്ടിക തയാറാക്കി ഇൻറർവ്യൂ വഴിയാണ്​ തിരഞ്ഞെടുപ്പ്​.

പി.ജി.ഡി.ഐ.എം പ്രോഗ്രാമിൽ കോർ കോഴ്​സുകളിൽ ബിസിനസ്​ ടു ബിസിനസ്​ മാർക്കറ്റിങ്​, ബിസിനസ്​ അനലിറ്റിക്​സ്​, ബിസിനസ്​ റിസർച്​ മെത്തേഡ്​സ്​, ഫിനാൻഷ്യൽ മാനേജ്​മെൻറ്​, ഹ്യൂമൻ റിസോഴ്​സ്​ മാനേജ്​മെൻറ്​, മെറ്റീരിയൽസ്​ മാനേജ്​മെൻറ്​, സപ്ലൈ ചെയിൻ മാനേജ്​മെൻറ്​, സ്​ട്രാറ്റജിക്​ മാനേജ്​മെൻറ്​ എന്നിവ പഠിക്കാം.പി.ജി.ഡി.സി.എം പ്രോഗ്രാമിൽ ഇക്കണോമിക്​സ്​, ഇൻഫർമേഷൻ ടെക്​നോളജി, ഹ്യൂമൻ റിസോഴ്​സ്​ ആൻഡ്​ ഓർഗനൈസേഷൻ ബിഹേവിയർ, മാർക്കറ്റിങ്​, ഓപറേഷൻസ്​ മാനേജ്​മെൻറ്​, സേഫ്​റ്റി ആൻഡ്​ ഹെൽത്ത്​ മാനേജ്​മെൻറ്​, സസ്​റ്റെയ്​നബിലിറ്റി വിഷയങ്ങൾക്കു പുറമെ ഡേറ്റ മൈനിങ്​ ഉപയോഗിച്ചുള്ള ബിസിനസ്​ അനലിറ്റിക്​സ്​, ഇ-കോമേഴ്​സ്​, എൻറർപ്രൈസ്​ റിസോഴ്​സ്​ പ്ലാനിങ്​, ലോജിസ്​റ്റിക്​സ്​ മാനേജ്​മെൻറ്​, മാർക്കറ്റിങ്​ റിസർച്​, ബിസിനസ്​ സ്​​ട്രാറ്റജി മുതലായ വിഷയങ്ങളും പഠിപ്പിക്കും. കോഴ്​സുകൾ 2022 ജൂണിൽ തുടങ്ങും.