പിഎച്ച്.ഡി പ്രവേശനത്തിന് നെറ്റ് സ്കോർ മാനദണ്ഡമാക്കുന്നു

ന്യൂഡൽഹി: സർവകലാശാലകളിൽ പിഎച്ച്.ഡി പ്രവേശനത്തിന് നെറ്റ് പരീക്ഷയിലെ മാർക്ക് മാനദണ്ഡമാക്കാൻ യു.ജി.സി തീരുമാനം. ഇതുസംബന്ധിച്ച് യു.ജി.സി ഉത്തരവിറക്കി. 2024-25 അധ്യയനവർഷം മുതൽ മാറ്റം നടപ്പിലാകും.

വിവിധ സർവകലാശാലകൾ തങ്ങളുടെ പിച്ച്.ഡി പ്രവേശനത്തിന് പ്രത്യേകം പരീക്ഷകൾ നടത്തുന്നുണ്ട്. ഇത് കാരണം പിച്ച്.ഡി പ്രവേശനം ആഗ്രഹിക്കുന്ന വിദ്യാർഥികൾ വിവിധ പരീക്ഷകൾ എഴുതേണ്ടിവരികയാണ്. ഈ പരീക്ഷകൾ ഏകീകരിക്കുന്നതിനാണ് ദേശീയ വിദ്യാഭ്യാസ നയത്തിന്‍റെ കൂടി ഭാഗമായി പിഎച്ച്.ഡി പ്രവേശനത്തിന് നെറ്റ് സ്കോർ മാനദണ്ഡമാക്കുന്നതെന്ന് യു.ജി.സി പറയുന്നു.

വ​രു​ന്ന ജൂ​ൺ​മു​ത​ൽ മൂ​ന്നു വി​ഭാ​ഗ​ങ്ങ​ളാ​യാ​ണ് നെ​റ്റ് യോ​ഗ്യ​ത നേ​ടാ​നാ​വു​ക. ഒ​ന്ന് -പി​എ​ച്ച്.​ഡി പ്ര​വേ​ശ​ന​ത്തി​നും ജെ.​ആ​ർ.​എ​ഫി​നും കോ​ള​ജ് അ​ധ്യാ​പ​ക​നാ​കാ​നും യോ​ഗ്യ​ത നേ​ടാം. ര​ണ്ട്- ജെ.​ആ​ർ.​എ​ഫി​ല്ലാ​തെ പി​എ​ച്ച്.​ഡി പ്ര​വേ​ശ​ന​ത്തി​നും കോ​ള​ജ് അ​ധ്യാ​പ​ക​നാ​കാ​നും യോ​ഗ്യ​ത നേ​ടാം. മൂ​ന്ന്-​പി​എ​ച്ച്.​ഡി പ്ര​വേ​ശ​ന​ത്തി​ന് മാ​ത്രം ​യോ​ഗ്യ​ത. നെ​റ്റ് ഫ​ലം പെ​ർ​​സ​ന്റ​യി​ലി​ൽ പ്ര​ഖ്യാ​പി​ക്കും. ജെ.​ആ​ർ.​എ​ഫ് യോ​ഗ്യ​ത നേ​ടി​യ വി​ദ്യാ​ർ​ഥി​ക​ൾ​ക്ക് അ​ഭി​മു​ഖം വ​ഴി​യാ​യി​രി​ക്കും പി​എ​ച്ച്.​ഡി​ക്ക് പ്ര​വേ​ശ​നം ന​ൽ​കു​ക. മു​ക​ളി​ൽ പ​റ​ഞ്ഞ ര​ണ്ടും മൂ​ന്നും വി​ഭാ​ഗ​ത്തി​ൽ പി​എ​ച്ച്.​ഡി പ്ര​വേ​ശ​ന​ത്തി​ന് നെ​റ്റ് പ​രീ​ക്ഷ​യി​ലെ മാ​ർ​ക്കി​ന് 70 ശ​ത​മാ​ന​വും അ​ഭി​മു​ഖ​ത്തി​ന് 30 ശ​ത​മാ​ന​വും വെ​യ്റ്റേ​ജ് ന​ൽ​കും.

എല്ലാ വർഷവും ജൂണിലും ഡിസംബറിലുമായാണ് യു.ജി.സി കോളജ് അധ്യാപക യോഗ്യതാ പരീക്ഷയായ നെറ്റ് നടത്താറ്. നെറ്റ് ഫലം പ്രസിദ്ധീകരിച്ച് ഒരു വർഷത്തേക്കാണ് പിഎച്ച്.ഡി പ്രവേശനം നേടാൻ മാർക്കിന് കാലാവധിയുണ്ടാകുക. 2024 ജൂണിലെ നെറ്റ് പരീക്ഷയുടെ വിജ്ഞാപനം ഉടൻ ഉണ്ടാകുമെന്നും യു.ജി.സി അറിയിച്ചു.