Begin typing your search above and press return to search.
exit_to_app
exit_to_app
Posted On
date_range 30 May 2017 12:05 AM GMT Updated On
date_range 30 May 2017 12:05 AM GMTഅജയ് ആർ. രാജിന് മുഖ്യമന്ത്രിയുടെ അഭിനന്ദനം
text_fieldsbookmark_border
കോഴിക്കോട്: കാഴ്ചവൈകല്യത്തെ മറികടന്ന് സി.ബി.എസ്.ഇ പന്ത്രണ്ടാം ക്ലാസ് പരീക്ഷയിൽ ഭിന്നശേഷിക്കാരിൽ ഇന്ത്യയിൽ ഒന്നാം സ്ഥാനം നേടിയ അജയ് ആർ. രാജിന് മുഖ്യമന്ത്രി പിണറായി വിജയെൻറ അഭിനന്ദനം. ഫേസ്ബുക്ക് പേജിലൂടെയാണ് പിണറായി അജയ്യുടെ മിടുക്കിനെ പുകഴ്ത്തിയത്. സാധാരണ കുടുംബത്തിൽ ജനിച്ചുവളർന്ന അജയ് ആർ. രാജിെൻറ നേട്ടം മാതൃകാപരമാണെന്ന് മുഖ്യമന്ത്രി അഭിപ്രായപ്പെട്ടു. 500 ൽ 490 മാർക്ക് നേടിയ അജയ് അഖിലേന്ത്യാതലത്തിൽ ഒന്നാം സ്ഥാനം നേടിയ വിദ്യാർഥിനിയെക്കാൾ എട്ടു മാർക്കിന് മാത്രമാണ് പിറകിലായതെന്നതും നമുക്ക് അഭിമാനകരമാണെന്ന് അദ്ദേഹം ചൂണ്ടിക്കാട്ടി. തുടർപഠനത്തിന് എല്ലാവിധ ആശംസകളും നേരുന്നതായും പിണറായി കൂട്ടിച്ചേർത്തു. തിരുവനന്തപുരം മുക്കോല സെൻറ് തോമസ് സ്കൂളിൽ പഠിച്ച അജയ് ആർ. രാജ് കോഴിക്കോട് കുറ്റ്യാടിക്കടുത്ത് കാവിലുംപാറയിലെ നാഗംപാറ നല്ലോങ്കുഴി രാജെൻറയും രാധയുടെയും മകനാണ്. പിതാവ് രാജൻ ഒാേട്ടാഡ്രൈവറാണ്. ബ്രെയിലി ലിപിയുടെ സഹായത്താലായിരുന്നു പഠനം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story