ഗേറ്റ്-2018 ജോലിയിലേക്ക് ഒരു ജാലകം
text_fieldsഗ്രാജ്വേറ്റ് ആപ്റ്റിറ്റ്യൂഡ് ടെസ്റ്റ് ഇൻ എൻജിനീയറിങ് അഥവാ ഗേറ്റ്-2018 കടന്നാൽ നേട്ടം രണ്ടാണ്.
ഒന്നാമത്തെ നേട്ടം മികച്ച ഗേറ്റ് സ്കോർ നേടുന്നവർക്ക് സ്കോളർഷിപ്പോടെ എൻജിനീയറിങ്/ടെക്നോളജി/ആർക്കിടെക്ചർ മുതലായ വിഷയങ്ങളിൽ മാസ്റ്റേഴ്സ് ഡിഗ്രി അല്ലെങ്കിൽ ഡയറക്ട് പിഎച്ച്.ഡി പഠനം പൂർത്തിയാക്കാം.
രണ്ടാമത്തേത് കേന്ദ്ര പൊതുമേഖല സ്ഥാപനങ്ങളിലും മറ്റും എക്സിക്യൂട്ടിവ് മാനേജീരിയൽ തസ്തികകളിൽ ജോലി നേടാമെന്നതാണ്.
കേന്ദ്ര മാനവശേഷി വികസന മന്ത്രാലയത്തിെൻറ മാർഗരേഖ അനുസരിച്ച് എൻജിനീയറിങ്/ടെക്നോളജി/ആർക്കിടെക്ചറർ മുതലായ വിഷയങ്ങളിൽ മാസ്റ്റേഴ്സ് ഡിഗ്രി, ഡയറക്ട് പിഎച്ച്്.ഡി പ്രോഗ്രാമുകളിൽ ധനസഹായത്തിനായുള്ള തെരഞ്ഞെടുപ്പിന് 70 ശതമാനം വെയിറ്റേജ് ‘ഗേറ്റ്’ സ്കോറിനും 30 ശതമാനം വെയ്റ്റേജ് ഇൻറർവ്യൂ, അക്കാദമിക് മെറിറ്റ് തുടങ്ങിയവക്കുമാണ്.
ഗേറ്റ് സ്കോർ മാനദണ്ഡമാക്കി എൻജിനീയർ/മാനേജ്മെൻറ് ട്രെയ്നികളെ റിക്രൂട്ട് ചെയ്യുന്ന 50ലേറെ െപാതുമേഖല സ്ഥാപനങ്ങൾ ഇന്ത്യയിലുണ്ട്. ഇതിൽ ധാരാളം പ്രമുഖ കേന്ദ്ര പൊതുമേഖല സ്ഥാപനങ്ങളും ഉൾപ്പെടും. ചില സ്ഥാപനങ്ങൾ പ്രാഥമിക സെലക്ഷനായുള്ള സ്ക്രീനിങ്ങിനായി ഗേറ്റ് സ്േകാർ ഉപയോഗിക്കുന്നു.
തുടർന്ന് ഇത്തരം സ്ഥാപനങ്ങൾ ഗ്രൂപ് ചർച്ച, വ്യക്തിഗത അഭിമുഖം എന്നിവ നടത്തിയാണ് അന്തിമ തെരഞ്ഞെടുപ്പ് നടത്തുക.
അതേസമയം, ഭാരത് സഞ്ചാർ നിഗം ലിമിറ്റഡ് (ബി.എസ്.എൻ.എൽ) പോലുള്ള ചില സ്ഥാപനങ്ങൾ ഗേറ്റ് സ്കോർ പരിഗണിച്ച് നേരിട്ട് നിയമനത്തിന് തയാറാവുന്നു.
അതത് സ്ഥാപനങ്ങൾക്ക് വ്യത്യസ്ത ബ്രാഞ്ചുകളിലെ അക്കാദമിക് മികവുള്ള എൻജിനീയറിങ് ബിരുദധാരികളെയാണ് ആവശ്യം.
ഗേറ്റ് സ്കോറിലെ തിളക്കമാണ് മുഖ്യ റിക്രൂട്ട്മെൻറ് മാനദണ്ഡവും. റിക്രൂട്ട്മെൻറ് വിജ്ഞാപനത്തിൽ യോഗ്യത മാനദണ്ഡങ്ങൾ വ്യക്തമാക്കിയിരിക്കും.
ഇലക്ട്രിക്കൽ, മെക്കാനിക്കൽ, ഇലക്ട്രോണിക്സ്, സിവിൽ, മെറ്റലർജിക്കൽ, ഇൻസ്ട്രുമെേൻറഷൻ, കെമിക്കൽ, മൈനിങ്, കമ്പ്യൂട്ടർ സയൻസ് ആൻഡ് എൻജിനീയറിങ്, െഎ.ടി, ടെലികമ്യൂണിക്കേഷൻ ടെക്സ്റ്റൈൽ ടെക്നോളജി മുതലായ ബ്രാഞ്ചുകാർക്കാണ് കൂടുതലും അവസരങ്ങൾ ലഭിക്കാറുള്ളത്.
ഗേറ്റ് ലോകോത്തര നിലവാരമുള്ള പരീക്ഷകളിലൊന്നാണ്. എൻജിനീയറിങ് അഭിരുചിയും നൈപുണ്യവുമളക്കുന്നതിന് ഏറെ അനുയോജ്യമെന്നതിനാലാണ് െഎ.െഎ.ടികൾ നടത്തുന്ന ഇൗ ടെസ്റ്റിലെ സ്കോർ പൊതുമേഖല സ്ഥാപനങ്ങളും മറ്റും റിക്രൂട്ട്മെൻറ് മാനദണ്ഡമാക്കിയിട്ടുള്ളത്.
ഉപരിപഠനത്തിന് ഗേറ്റ് സ്കോറിെൻറ പ്രാബല്യം മൂന്നു വർഷമാണ്. റിക്രൂട്ട്മെൻറിന് അതതു വർഷത്തെ ഗേറ്റ് സ്കോറാണ് പരിഗണിക്കപ്പെടുക.
അക്കാദമിക് മികവും 2018ലെ മികച്ച ഗേറ്റ് സ്കോറുമുള്ളവരെ ലക്ഷ്യമിട്ട് ചില പ്രമുഖ പൊതുമേഖല സ്ഥാപനങ്ങൾ റിക്രൂട്ട്്മെൻറ് വിജ്ഞാപനവുമായി രംഗപ്രവേശം ചെയ്തിട്ടുണ്ട്.
ഇന്ത്യൻ ഒായിൽ കോർപറേഷൻ ലിമിറ്റഡ് (IOCL), ഭാരത് പെേട്രാളിയം കോർപറേഷൻ ലിമിറ്റഡ് (BPCL), സ്റ്റീൽ അതോറിറ്റി ഒാഫ് ഇന്ത്യ ലിമിറ്റഡ് (SAIL), നാഷനൽ തെർമൽ പവർ കോർപറേഷൻ (NTPC), വിശാഖപട്ടണം സ്റ്റീൽ പ്ലാൻറ് മുതലായ വമ്പൻ സ്ഥാപനങ്ങൾ ഇതിൽപെടും.
െഎ.ഒ.സി.എൽ ഗ്രാേജ്വറ്റ് എൻജിനീയർമാരെ ഒാഫിസർ/എൻജിനീയേഴ്സ് ആയിട്ടാണ് റിക്രൂട്ട് ചെയ്യുക.
സിവിൽ, ഇലക്ട്രിക്കൽ, മെക്കാനിക്കൽ, കെമിക്കൽ ഇലക്ട്രോണിക്സ് ആൻഡ് കമ്യൂണിക്കേഷൻ, മെറ്റലർജി, കമ്പ്യൂട്ടർ സയൻസ് എൻജിനീയറിങ്, ഇൻസ്ട്രുമെേൻറഷൻ ബ്രാഞ്ചുകാർക്കാണ് അവസരം (www.iocl.com)
ബി.പി.എസി.എല്ലിന് മാനേജ്മെൻറ് ട്രെയ്നികളെയാണ് ആവശ്യം. 60 ശതമാനം മാർക്കിൽ കുറയുന്ന മെക്കാനിക്കൽ എൻജിനീയറിങ് ബിരുദക്കാർക്കാണ് അവസരം.
(www.bharat petroleum.com). എച്ച്.പി.സി.എൽ റിക്രൂട്ട്മെൻറ് വിവരങ്ങൾ www.hpclcarrers.com എന്ന വെബ്സൈറ്റിൽ ലഭ്യമാണ്. എൻ.ടി.പി.സിയിൽ ഇലക്ട്രിക്കൽ, മെക്കാനിക്കൽ, ഇലക്ട്രോണിക്സ് ഇൻസ്ക്രുമെേൻറഷൻ, മൈനിങ് ഗ്രാജ്വേറ്റ് എൻജിനീയർമാരെയാണ് വേണ്ടത്. (www.ntpccarres.net. സെയിലിൽ ടെക്നിക്കൽ മാനേജ്മെൻറ് ട്രെയ്നികളായാണ് റിക്രൂട്ട്മെൻറ്. മെക്കാനിക്കൽ മെറ്റലർജിക്കൽ, ഇലക്ട്രിക്കൽ, കെമിക്കൽ, മൈനിങ്, ഇൻസ്ട്രുമെേൻറഷൻ എൻജിനീയറിങ് ബിരുദക്കാർക്കാണ് അവസരം. (www.sail.com)
ഗേറ്റ് 2018ൽ പെങ്കടുക്കുന്നതിന് ഒാൺലൈനായി 2017 ഒക്ടോബർ അഞ്ചു വരെ http://appsgate.iitr.ac.in/ എന്ന വെബ്സൈറ്റിലൂടെ അപേക്ഷിക്കാം. അപേക്ഷിച്ചതിനു ശേഷം ഗേറ്റ് രജിസ്ട്രേഷൻ നമ്പറോടുകൂടി അതത് സ്ഥാപനങ്ങളുടെ വെബ്സൈറ്റിൽ നിർദേശാനുസരണം റിക്രൂട്ട്മെൻറിനായി രജിസ്റ്റർ ചെയ്യുകയും വേണം. ഇതിനുള്ള നിർദേശങ്ങൾ വെബ്സൈറ്റിൽ ലഭ്യമാകും.
ഒ.എൻ.ജി.സി, ഗെയിൽ, ഭെൽ, എച്ച്.എ.എൽ, ബി.എസ്.എൻ.എൽ, പവർഗ്രിഡ് തുടങ്ങിയ സ്ഥാപനങ്ങളും ഗേറ്റ് സ്കോർ അടിസ്ഥാനത്തിൽ റിക്രൂട്ട്മെൻറ് നടത്താറുണ്ട്. വിജ്ഞാപനങ്ങൾ താമസിയാതെ പ്രതീക്ഷിക്കാം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.