എത് ബാങ്കിൽ നിക്ഷേപമുള്ളവർക്കും ഇനി എസ്.ബി.െഎയുടെ ക്രെഡിറ്റ് കാർഡ്
text_fieldsമുംബൈ: 25,000 രൂപ സ്ഥിര നിക്ഷേപമുള്ളവർക്ക് എസ്.ബി.െഎ ക്രെഡിറ്റ് കാർഡ് നൽകാനൊരുങ്ങുന്നു. രാജ്യത്തെ എെതങ്കിലും ഒരു ബാങ്കിൽ ഇത്രയും തുക നിക്ഷേപമുണ്ടെങ്കിൽ എസ്.ബി.െഎയുടെ ക്രെഡിറ്റ് കാർഡ് ലഭിക്കും. നിലവിൽ എസ്.ബി.െഎയിൽ സ്ഥിര നിക്ഷേപമുള്ളവർക്ക് മാത്രമാണ് ബാങ്ക് ക്രെഡിറ്റ് കാർഡുകൾ നൽകുന്നത്. എന്നാൽ ഇനി മുതൽ എത് ബാങ്കിൽ സ്ഥിര നിക്ഷേപമുള്ളവർക്കും കാർഡുകൾ നൽകാനാണ് പദ്ധതിയെന്ന് എസ്.ബി.െഎ കാർഡ് വിഭാഗം തലവൻ വിജയ് ജാസുജ പറഞ്ഞു.
രാജ്യത്തെ മികച്ച നൂറ് വിദ്യാലയങ്ങളിലെ വിദ്യാർഥികൾക്ക് വരുമാനം സംബന്ധിച്ച് രേഖകളില്ലാതെ ക്രെഡിറ്റ് കാർഡ് നൽകാനും എസ്.ബി.െഎ പദ്ധതിയിട്ടിട്ടുണ്ട്. വിദ്യാർഥികൾക്കുള്ള പദ്ധതി ഉടനെ തന്നെ ആരംഭിക്കുമെന്നും അദ്ദേഹം കൂട്ടിച്ചേർത്തു. ഇതിനൊടപ്പം 5 ലക്ഷത്തോളം സ്വയ്പ്പിങ് മിഷ്യനുകൾ പുതുതായി സ്ഥാപിക്കുമെന്നും അദ്ദേഹം അറിയിച്ചു.
സ്വകാര്യ ബാങ്കുകൾ കൂടുതൽ സ്വയ്പ്പിങ് മിഷ്യനുകൾ സ്ഥാപിക്കാനുള്ള നീക്കങ്ങൾ നടത്തുന്നതിനിടെയാണ് എസ്.ബി.െഎ കൂടുതൽ മിഷ്യനുകൾ സ്ഥാപിക്കുന്നത്. ക്യൂ ആർ കോഡ് ഉപയോഗിച്ച് ഇടപാടുകൾ നടത്തുന്നതിനായി പുതിയ ആപ്ളിക്കേഷനും എസ്.ബി.െഎ പുറത്തിറക്കുന്നുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.