വിവോ V30 ലൈറ്റ് 5G സ്മാർട്ട്‌ഫോണുമായി സൗദിയിൽ

റിയാദ്​: പ്രൗഢമായ ചടങ്ങിൽ വിവോ അവരുടെ ഏറ്റവും പുതിയ സ്മാർട്ട് ഫോണായ V30 Lite 5G സൗദി അ​റേബ്യയിലെ വിപണിയിൽ അവതരിപ്പിച്ചു. മൃദുവും മിനുസമാർന്നതുമായ ഡിസൈനും നൂതന സാങ്കേതികവിദ്യയും സംയോജിപ്പിച്ച്, ലോകമെമ്പാടുമുള്ള ഉപയോക്താക്കൾക്ക് വിപ്ലകരമായ അനുഭവം സമ്മാനിക്കും വിധമാണ്​ ഇതി​െൻറ നിർമാണമെന്ന്​​ കമ്പനി അവകാശപ്പെട്ടു.

ഇക്കോ ഫൈബർ ലെതർ, മെറ്റാലിക് ഹൈ-ഗ്ലോസ് ഫ്രെയിം എന്നിവയിൽ നിർമിച്ച ഫോൺ കാഴ്ചക്ക് മനോഹരമാണ്​. ലെതർ പർപ്പിൾ, ക്രിസ്​റ്റൽ ബ്ലാക്ക് എന്നീ രണ്ട് നിറങ്ങളിൽ ഫോണുകൾ ലഭ്യമാണ്. അൾട്രാ-സ്ലിം വൺ-പീസ് 3D ഫ്ലാറ്റ് രൂപകൽപനയിലാണ്​ ഫോണി​െൻറ നിർമാണം.

V30 Lite 5Gയുടെ മറ്റൊരു സവിശേഷത​ ഇത്​ നൽകുന്ന സമ്പന്നമായ ദൃശ്യാനുഭവമാണ്​. 6.67-ഇഞ്ച് 120 ഹെർട്‌സ് അൾട്രാ വിഷൻ അമോലെഡ് ഡോച്ച് ഡിസ്‌പ്ലേ ഉജ്വല നിറങ്ങളിലും സ്‌ഫടികതുല്യമായ വ്യക്തതയിലും ആഴത്തിലുള്ള വിശദാംശങ്ങളിലും വ്യതിരിക്തമായ കാഴ്ചാനുഭവം പകർന്നുനൽകുന്നു. 300 ശതമാനം വോളിയം ഓഡിയോ ബൂസ്​റ്ററും ഡ്യുവൽ സ്​റ്റീരിയോ സ്പീക്കറുകളും ഉള്ളതിനാൽ സമ്പന്നവും ആഴത്തിലുള്ളതുമായ ശബ്‌ദ നിലവാരം നൽകുന്നു. ചുരുക്കത്തിൽ പോക്കറ്റ് വലുപ്പമുള്ള ഒരു സിനിമാതിയേറ്ററായി ഫോൺ മാറുന്നു. സിനിമകളും മറ്റ്​ വിഡിയോകളും അതി​െൻറ യഥാർഥ ദൃശ്യ മിഴിവിലും ശബ്​ദ ഗംഭീരതയിലും ആസ്വദിക്കാനാവുന്നു.

V30 Lite 5G-യുടെ ഒരു പ്രധാന സവിശേഷത ദീർഘായുസുള്ള 5000 ആംപിയർ പവർ-സേവിങ്​ ബാറ്ററിയാണ്, ഒപ്പം വേഗത്തിൽ ചാർജ്​ ചെയ്യാൻ കഴിയുന്ന 80W ഫ്ലാഷ് ചാർജ്​ സവിശേഷതയുമുണ്ട്. ബാറ്ററി തീർന്നുപോകുമെന്ന ആശങ്ക ഇല്ലാതാക്കുന്നതാണ്​ ഇത്​. സ്മാർട്ട് ചാർജിങ്​ എൻജിൻ 2.0, ഓവർനൈറ്റ് ചാർജിങ. പ്രൊട്ടക്ഷൻ എന്നിവ ഫോണി​െൻറ ബാറ്ററിയെ സുരക്ഷിതമാക്കുന്നു. ഇത് ബാറ്ററിയുടെ ആരോഗ്യവും കാര്യക്ഷമതയും കൂടുതൽ മെച്ചപ്പെടുത്തുന്നു.

V30 Lite 5G-യുടെ ഏറ്റവും ശ്രദ്ധേയമായ വശം മികച്ച കാമറ സംവിധാനവും അതി​െൻറ ഫോട്ടോഗ്രാഫി കഴിവുകളുമാണ്. 50 മെഗാപിക്​സൽ മെയിൻ കാമറ, എട്ട്​ മെഗാപിക്​സൽ പോർട്രെയിറ്റ് കാമറ, എട്ട്​ മെഗാപിക്​സൽ അൾട്രാ വൈഡ് ആംഗിൾ കാമറ എന്നിവ ഉൾപ്പെടുന്ന ശക്തമായ കാമറ സംവിധാനത്തിലൂടെ, ഉപയോക്താക്കൾക്ക് കുറഞ്ഞ പ്രയത്നത്തിൽ അതിശയകരമായ ഫോട്ടോകൾ എടുക്കാനാവും. 120 ഡിഗ്രിയോളം വിശാലതയിൽ അൾട്രാ വൈഡ് ആംഗിൾ ഫീച്ചർ ഉപയോഗിച്ച്​ പനോരമിക് ഷോട്ടുകൾ എടുക്കാൻ കഴിയും. കൂടാതെ, പോർട്രെയിറ്റ് ലൈറ്റ് ഇഫക്‌റ്റ്, മൾട്ടി-സ്​റ്റൈൽ പോർട്രെയ്‌റ്റ് എന്നിവ പോലുള്ള സവിശേഷതകൾ ഉപയോക്താക്കൾക്ക് ഫോ​​ട്ടോഗ്രാഫിയിലെ അവരുടെ സർഗാത്മകതക്ക്​ അനുസൃതമായി​ പ്രഫഷനൽ നിലവാരമുള്ള പോർട്രെയ്‌റ്റുകൾ പകർത്താനും സഹായിക്കുന്നു.

സ്റ്റൈലിഷ് ഡിസൈനും ശക്തമായ പ്രകടനവും കൂടാതെ, ദൃഢതയും പ്രതിരോധശേഷിയും V30 Lite 5G ഫോണി​െൻറ മറ്റ്​ എടുത്തുപറയാവുന്ന സവിശേഷതകളാണ്​. പേറ്റൻറ്​ നേടിയ ആൻറി-സ്​റ്റെയിൻ കോട്ടിങ്​ സാങ്കേതികവിദ്യയും പൊടി, ജലം എന്നിവയിൽനിന്ന്​ പ്രതിരോധം തീർക്കുന്ന IP54 സംവിധാനവും ഫോണി​ന്​ കറ, പോറൽ, കാലാവസ്ഥ പ്രശ്​നങ്ങൾ എന്നിവയിൽനിന്ന്​ സംരക്ഷണവും ദീർഘായുസും ഗുണനിലവാരവും ഉറപ്പാക്കുന്നു.

Vivo30 ഉപയോക്താക്കൾക്ക് ലഭിക്കുന്ന മറ്റൊരു സൗകര്യമാണ്​ 256 ജിബി സ്​റ്റോറേജ്​ കപ്പാസിറ്റി. അവർ പകർത്തുന്ന ഫോട്ടോകളും മറ്റ് ഡാറ്റയും ഫോൺ സ്​റ്റോറേജ്​ നിറയ്​ക്കാതെ സൂക്ഷിക്കാൻ കഴിയും. 60,000 ഫോട്ടോകളാണ്​ സംഭരിക്കാൻ കഴിയുന്നത്​. മാത്രമല്ല ഒരു ടിബി വരെ സ്റ്റോറേജ് സൗകര്യം വികസിപ്പിക്കാനുള്ള ഓപ്ഷനും ഉണ്ട്​. 8-കോർ സിപിയു ആർക്കിടെക്ചറും സ്‌നാപ്ഡ്രാഗൺ 4 ജെൻ 2 ചിപ്പും കൊണ്ട് സജ്ജീകരിച്ചിരിക്കുന്ന ഫോണിന്​ പ്രവർത്തിക്കാൻ വളരെ കുറഞ്ഞ വൈദ്യുതി മതി. ഏറ്റവും നൂതനമായ സാ​ങ്കേതിക വിദ്യയായ 4nm സ്വീകരിക്കുന്ന ആദ്യത്തെ ഫോൺ എന്ന വിപ്ലവത്തിനും Vivo30 തുടക്കമിട്ടിരിക്കുകയാണ്​. ഈ പുതുമയ്‌ക്കൊപ്പം, മെമ്മറി ബൂസ്​റ്ററുമായി സംയോജിപ്പിച്ച ഫൺ ടച്ച് OS 14 ഓപറേറ്റിങ്​ സിസ്​റ്റം, ഉപയോക്താക്കൾക്ക് ഒരു ബുദ്ധിമുട്ടും തടസ്സവുമില്ലാതെ ഫോൺ പ്രവർത്തിപ്പിക്കാൻ സൗകര്യമൊരുക്കുന്നതാണ്​. ഉയർന്ന ഗുണമേന്മയുള്ള V30 Lite 5G സൗദിയിൽ കീശക്ക്​ അനുയോജ്യമായ വിലയിൽ ലഭിക്കുമെന്നതാണ്​ മറ്റൊരു പ്രത്യേകത. 1,199 റിയാലാണ്​ വില.