സ്വർണവിലയിൽ ഇന്നും വർധനവ്

കോഴിക്കോട്: സ്വർണവിലയിൽ തുടർച്ചയായ നാലാം ദിവസവും വർധനവ്. പവന് 240 രൂപയാണ് ഇന്ന് വർധിച്ചത്. ഗ്രാമിന് 30 രൂപ വർധനവ്. ഇതോടെ, പവൻ വില 42,920ഉം ഗ്രാമിന് 5365 രൂപയുമായി.

നിലവിൽ ഈ മാസത്തെ ഏറ്റവുമുയർന്ന വിലയിലാണ് സ്വർണം. ഒക്ടോബർ അഞ്ചിലെ വിലയായ 41,920 രൂപയായിരുന്നു ഈ മാസത്തെ ഏറ്റവും താഴ്ന്ന വില. അഞ്ച് ദിവസം കൊണ്ട് പവന് ആയിരം രൂപയുടെ വർധനവാണുണ്ടായത്. ഇന്നലെ 160 രൂപയുടെ വർധനവുണ്ടായിരുന്നു. ശനിയാഴ്ച ഒറ്റദിവസം 520 രൂപയാണ് വർധിച്ചത്.