ജി.എസ്​.ടിക്കു മു​േമ്പ വിറ്റഴിക്കൽ മേള

ഇടവത്തിൽ ഒാണാഘോഷം വന്നതുപോലെയാണ്​ഇപ്പോൾ വ്യാപാര രംഗത്തെ കഥ. സാധാരണ ഒാണത്തിന്​ മുന്നോടിയായി നടത്തുന്ന വിൽപന മേള പല പ്രമുഖ സ്​ഥാപനങ്ങളും ഇപ്പോഴേ നടത്തുകയാണ്​. കേരളത്തിൽ മാത്രമല്ല, ദേശീയ തലത്തിൽതന്നെ, ദീപാവലിക്ക്​ മുമ്പുള്ള വിറ്റഴിക്കൽ മേളയെ ഒാർമിപ്പിക്കുന്ന തരത്തിലാണ്​ പല സ്​ഥാപനങ്ങളും ഒാഫറുകൾ പ്രഖ്യാപിച്ചിരിക്കുന്നത്​. 

ഇലക്​ട്രോണിക്​സ്​ ഉൽപന്നങ്ങൾക്ക്​ മുതൽ വാഹനങ്ങൾക്കുവരെ ഒാഫറുകളുണ്ട്​. മറ്റൊന്നുമല്ല കാരണം, ജൂലൈ ഒന്നുമുതൽ പുതിയ ചരക്ക്​ സേവന നികുതി (ജി.എസ്​.ടി) വരുന്നു. അതിന്​ മു​േമ്പ നിലവിലുള്ള സ്​റ്റോക്ക്​ വിറ്റഴിക്കാനുള്ള തിരക്കിലാണ്​ വിപണി. 

ജി.എസ്​.ടി വരുന്നതോടെ പല ഇനങ്ങൾക്കും വിലയിൽ വ്യത്യാസം വരും; ചിലതിന്​ കൂടും, ചിലതിന്​ കുറയും. ജി.എസ്​.ടി പ്രാബല്യത്തിലാകുന്നതോടെ നിലവിൽ 14 ശതമാനംവരെ നികുതിയുള്ള പല വസ്​തുക്കളും അഞ്ചുശതമാനം സ്ലാബിലേക്ക്​ മാറും. മറ്റു ചിലത്​ 28 ശതമാനം സ്ലാബിലേക്ക്​ ഉയരുകയുംചെയ്യും. രണ്ടായാലും നിലവിൽ സ്​റ്റോക്കുള്ള വസ്​തുക്കളുടെ വിൽപനയെ അത്​ ബാധിക്കും. മാത്രമല്ല, ഫയലിങ്​​ ഉൾപ്പെടെ നടപടികളിലും മാറ്റം വരും. ഇൗ സാഹചര്യത്തിൽ അഖിലേന്ത്യാതലത്തിൽതന്നെ വ്യാപാരികൾ വിറ്റഴിക്കൽ മത്സരത്തിലാണ്​. 

ഒാഫറുകൾ നൽകിയും സമ്മാനങ്ങൾ നൽകിയുമെല്ലാമാണ്​ വിറ്റഴിക്കൽ. അഖിലേന്ത്യ തലത്തിൽ വ്യാപാര ശാഖകളുള്ള റീ​െട്ടയിൽ ഭീമന്മാരാണ്​ വിറ്റഴിക്കൽ മേളയുമായി ആദ്യം രംഗത്തെത്തിയത്​. ഫ്രിഡ്​ജ്​, ടി.വി, എയർ കണ്ടീഷണർ, വാഷിങ്​​ മെഷിൻ തുടങ്ങിയവക്കെല്ലാം വൻ ഒാഫറുകളാണ്​ നൽകിയിരിക്കുന്നത്​. 
ഒരു വർഷം മുമ്പുമുതൽ കഴിഞ്ഞ മേയ്​ ആദ്യംവരെ വാങ്ങി സ്​റ്റോക്കുചെയ്​ത വസ്​തുക്കളെ ജി.എസ്​.ടി എങ്ങനെ ബാധിക്കുമെന്ന ആശങ്കയിലാണ്​ വ്യാപാര ലോകം. 

മുൻകൂർ പണവും​ ചെക്കുമൊക്കെ നൽകി ചരക്ക്​ സ്​റ്റോക്ക്​ ചെയ്​തവരാണ്​ചില്ലറ വ്യാപാരികളിൽ ഏറെയും. ഇവർ 14 ശതമാനം നികുതിയും മറ്റും നൽകിയാണ്​ ഇവ​യിൽ പലതും ശേഖരിച്ചത്​. ഇവ അഞ്ച്​ ശതമാനം സ്ലാബിലേക്ക്​ മാറുന്നതോടെ നല്ലൊരളവിൽ നഷ്​ടം സഹിക്കേണ്ടിവരും. ജി.എസ്​.ടി സംബന്ധിച്ച്​ വ്യാപക പരസ്യം നൽകുന്നതിനാൽ ഏതൊക്കെ വസ്​തുക്കൾ ഏത്​ നികുതി സ്ലാബിൽ ഉൾപ്പെടുന്നുവെന്ന്​ മിക്ക ഉപഭോക്​താക്കൾക്കും കൃത്യമായ ധാരണയുണ്ടാകും. അതുകൊണ്ടുതന്നെ വില ഉയർത്തി വിൽക്കാനുമാവില്ല. ഇൗ സാഹചര്യത്തിൽ ആശയക്കുഴപ്പം ഒഴിവാക്കാൻ വിറ്റഴിക്കൽ മേളതന്നെയാണ്​ ഭേദമെന്ന ചിന്തയിലാണ്​ വ്യാപാര ലോകം. 

ഇതി​​​​െൻറ ഭാഗമായി വിലക്കുറവ്​, സമ്മാനങ്ങൾ, വാറൻറി വർധിപ്പിച്ച്​ നൽകൽ തുടങ്ങിയ വാഗ്​ദാനങ്ങൾ നൽകി പരമാവധി ഉപഭോക്​താക്കളെ ആകർഷിക്കുകയാണ്​. കേരളത്തിൽ സാധാരണ ഗതിയിൽ ഒാണത്തിന്​ മുന്നോടിയായും ഉത്തരേന്ത്യയിൽ ദീപാവലിയോടനുബന്ധിച്ചുമുള്ള വിലക്കിഴിവുകളാണ്​ ജി.എസ്​.ടി വരുന്നതിന്​ മുന്നോടിയായി ജൂണിൽതന്നെ പ്രകടമാകുന്നത്​. ജൂ​ൈലെ ഒന്നിനു ശേഷം, പുതിയ നികുതി ഘടനയുടെ ഭാഗമായി ഇലക്​ട്രോണിക്​സ്​ ഉൽപന്നങ്ങൾക്ക്​ ഏഴുശതമാനംവരെ വില വർധനയുണ്ടാകുമെന്നാണ്​ സൂചന.