ഇൻഫോസിസിലെ റിക്രൂട്ട്​മെൻറിൽ വൻ  കുറവ്​

ബംഗളൂരു: ഇന്ത്യയിലെ സോഫ്റ്റ്​വെയർ കമ്പനികളിലൊന്നായ ഇൻഫോസിസിെൻറ റിക്രൂട്ട്​മെൻറിൽ വൻ കുറവ്​​​​. ഇ​ൻഫോസിസിൽ ഭരണ പ്രതിസന്ധി സംബന്ധിച്ച വാർത്തകൾ പുറത്ത്​ വന്നതിന്​ പിന്നാലെയാണ്​ ഇൗ റിപ്പോർട്ടുകളും പുറത്ത്​ വരുന്നത്​. ഇൗ സാമ്പത്തിക വർഷം 6000 പേരെ മാത്രമാണ്​ ഇൻഫോസിസ്​ നിയമിച്ചിരിക്കുന്നത്​. 33 വർഷത്തിനിടെ ഇതാദ്യമായണ്​ ഇൻഫോസിസിെൻറ നിയമനത്തിൽ ഇത്രയും കുറവ്​ രേഖപ്പെടുത്തുന്നത്​. ഇൻഫോസിസ്​ ചെയർമാൻ എൻ.നാരായണ മൂർത്തിയെ ഉദ്ധരിച്ച്​ തെലങ്കാന സർക്കാരാണ്​ ഇൗ വാർത്ത പുറത്ത്​ വിട്ടത്.

പ്രതിവർഷം 20,000 മുതൽ 25,000 വരെ നിയമനം നടത്തിയ  കമ്പനിയാണ്​ ഇൻഫോസിസ്​. ഇൻഫോസിസ്​ ചെയർമാൻ വിശാൽ സിക്ക കമ്പനിയുടെ മൂന്നാം പാദ ഫലം പുറത്ത്​ വിടുന്ന സമയത്ത്​ 5700 പേരെയാണ്​ ഇൻഫോസിസ്​ നിയമിച്ചതെന്ന്​ വ്യക്​തമാക്കിയിരുന്നു. കഴിഞ്ഞ വർഷം ഇത്​ 17,000 ആണെന്നും അദ്ദേഹം പറഞ്ഞിരുന്നു. ഇതിനെ പിന്നാലെയാണ്​പുതിയ കണക്കുകൾ  പുറത്ത്​ വന്നിരിക്കുന്നത്​.

ഇൻഫോസിസി​െൻറ ഭരണനിർവഹണവുമായി ബന്ധപ്പെട്ട്​  നിലവിലെ സി.ഇ.ഒ വിശാൽ സിക്കയും സ്ഥാപകൻ നാരയണ മൂർത്തിയും തമ്മിൽ രൂക്ഷമായ അഭിപ്രായ ഭിന്നതകൾ ഉടലെടുത്തിരുന്നു. ഇത്​ ഇൻഫോസിസിനെ കടുത്ത പ്രതിസന്ധിയിലേക്ക്​ തള്ളിവിടുകയും ചെയ്തിരുന്നു.