നോട്ട്​പിൻവലിക്കൽ:യുദ്ധകാലാടിസ്​ഥാനത്തിൽ പ്രവർത്തിച്ച്​ സോഫ്​റ്റ്​വെയർ കമ്പനികൾ

മുംബൈ: നവംബർ 8നായിരുന്നു നോട്ടുകൾ പിൻവലിച്ച്​ കൊണ്ടുള്ള തീരുമാനം പ്രധാനമന്ത്രി നരേ​ന്ദ്രമോദി പ്രഖ്യാപിച്ചത്​. അന്ന്​ അർധരാത്രി ഇന്ത്യയിലെ പ്രമുഖ സോഫ്​റ്റ്​വെയർ കമ്പനിയായ ടി.സി.എസ്​ എക്​സിക്യൂട്ടിവ്മാരുടെ യോഗം വിളിച്ചു. പ്രധാനമന്ത്രിയുടെ തീരുമാനം നടപ്പിലാക്കണമെങ്കിൽ ​ബാങ്കുകളുടെ സോഫ്​​റ്റ്​വെയർ സിസ്​റ്റം കൈകാര്യം ചെയ്യുന്ന ടി.സി.എസും ബാങ്കുകളുമായി ചേർന്ന്​ പ്രവർത്തിക്കേണ്ടിയിരുന്നുള ഇതിനായിരുന്നു അർധരാത്രി പത്തോളം വരുന്ന എക്​സിക്യൂട്ടിവ്​മാരുടെ യോഗം ടി.സി.എസ്​ വിളിച്ചത്​.

അഞ്ച്​ പ്രധാന വെല്ലുവിളികളായിരുന്നു ടി.സി.എസിന്​ മുന്നിലുണ്ടായിരുന്നതെന്ന്​ ടി.സി.എസ്​ പ്രസിഡൻറ്​ രവി വിശ്വനാഥൻ പറഞ്ഞു. സർക്കാർ പണം പിൻവലിക്കലിൽ മാറ്റം വരുത്തിയതോടെ അതിനനുസരിച്ച്​ ബാങ്കുകളുടെ സിസ്​റ്റത്തിൽ ക്രമീകരണം നടത്തണമായിരുന്നു ഇതായിരുന്നു ഇൗ തീരുമാനം നടപ്പാക്കുന്നതിനായി ആദ്യം ചെയ്യേണ്ടിയിരുന്നത്​. ഇത്തരത്തിൽ ടി.സി.എസ്​ ബാങ്കുകളുടെ ബാക്​എൻഡ്​ സിസ്​റ്റത്തിൽ ​ മാറ്റം വരുത്തി.

ഇതിനൊടപ്പം തന്നെ പല സഥ്​ലങ്ങളിലും ടി.സി.എസ്​ തോളിലാളികൾ ബാങ്കുകൾക്കൊപ്പം ചേർന്ന്​ പ്രവർത്തിച്ചു. ഇതിനായി എകദേ​ശം 100 പുതിയ തോഴിലാളികളെ ടി.സി.എസ്​ റിക്രൂട്ട്​ ചെയ്​തു. മറ്റ്​ ബാങ്കിങ്​ ജോലികൾ ചെയ്​തിരുന്ന ടി.സി.എസി​െൻറ തോഴി​ലാളികളോട്​ നോട്ട്​ പിൻവലിക്കലുമായി ബന്ധപ്പെട്ട പ്രവർത്തികൾക്കെത്താൻ ടി.സി.എസ്​ നിർദ്ദേശിച്ചു. ബാങ്കിങ്​ സേവനം ലഭ്യമാകാതിരുന്ന പല ഗ്രാമങ്ങളിലും മികച്ച രീതിയിൽ തന്നെ ​പ്രവർത്തിക്കാൻ ക​ഴിഞ്ഞതായി ടി.സി.എസി​െൻറ പ്രസിഡൻറ്​ രവി വിശ്വനാഥൻ പറഞ്ഞു.​ ടി.സി.എസ്​ മാത്രമല്ല ബാങ്കിങ്​ ജീവനക്കാരും ടി.സി.എസി​െൻറ കൂടെ തന്നെ നിന്നതായും അദേഹം കൂട്ടിച്ചേർത്തു.

പ്രത്യേക സാഹചര്യത്തിൽ കോർ ബാങ്കിങിനായി പുതിയൊരു ആപ്പും ടി.സി.എസ്​ പുറത്തിറക്കി. ഇതിലൂടെ ഒാരോ മണിക്കുറിലും തങ്ങളുടെ സംവിധാനത്തിലെ പണത്തി​െൻറ ഇടപാടുകളെ കുറിച്ച്​ ബാങ്കുകൾക്ക്​ കൃത്യമായ വിവരങ്ങൾ ലഭിച്ചു​കൊണ്ടിരുന്നു.

ടി.സി.എസിന്​ പുത്തൻ സാഹചര്യങ്ങളെ കൈകാര്യം ചെയ്യുന്നതിനുള്ള കഴിവുണ്ടായിരുന്നു. ഇനി തങ്ങളുടെ ശ്രദ്ധ ഡിജിറ്റൽ പേയ്​മെൻറുകൾക്കായി കൂടുതൽ കാര്യങ്ങൾ ചെയ്യുന്നതിലായിരിക്കും. ഇപ്പോൾ തന്നെ ഡിജിറ്റൽ സംവിധാനങ്ങൾ രൂപപ്പെടുത്തി എടുക്കുന്നതിനുള്ള ശ്രമങ്ങൾ ബാങ്കുകൾ ആരംഭിച്ചിട്ടുണ്ട്​ ടി.സി.എസും ഇതിനൊടപ്പം ചേർന്ന്​ പ്രവർത്തിക്കുമെന്നും രവി വിശ്വനാഥൻ അറിയിച്ചു.