നാല് അദാനി കമ്പനികളുടെ റേറ്റിങ് മൂഡീസ് കുറച്ചു

ന്യൂഡൽഹി: ഹിൻഡൻബർഗ് റിസർച്ച് റിപ്പോർട്ടിനെത്തുടർന്ന് വിപണിമൂല്യം വൻതോതിൽ ഇടിഞ്ഞ നാല് അദാനി ഗ്രൂപ് കമ്പനികളുടെ റേറ്റിങ് വെട്ടിക്കുറച്ച് രാജ്യാന്തര റേറ്റിങ് ഏജൻസിയായ മൂഡീസ് ഇൻവെസ്റ്റർ സർവിസ്.

അദാനി ഗ്രീൻ എനർജി ലിമിറ്റഡ്, അദാനി ഗ്രീൻ എനർജി റസ്ട്രിക്റ്റഡ് ഗ്രൂപ്, അദാനി ട്രാൻസ്മിഷൻ സ്റ്റെപ്പ്-വൺ ലിമിറ്റഡ്, അദാനി ഇലക്‌ട്രിസിറ്റി മുംബൈ ലിമിറ്റഡ് എന്നിവയുടെ റേറ്റിങ് ആണ് ‘നെഗറ്റിവ്’ ആക്കി തരംതാഴ്ത്തിയതെന്ന് മൂഡീസ് പ്രസ്താവനയിൽ അറിയിച്ചു.

എന്നാൽ, അദാനി പോർട്‌സ് ആൻഡ് സ്‌പെഷൽ ഇക്കണോമിക് സോൺ ലിമിറ്റഡ്, അദാനി ഇന്റർനാഷനൽ കണ്ടെയ്‌നർ ടെർമിനൽ പ്രൈവറ്റ് ലിമിറ്റഡ് എന്നിവയുടെ റേറ്റിങ്ങിൽ മാറ്റമില്ല.